1
00:00:05,000 --> 00:00:12,900
Gɛ bɛ dɔ̀ be sere gɛtɛ ti gyu ɔkʋlɩ-dɩrɛ waanɩ tɩ san egyu-dɩrɛ wakʋn,

2
00:00:12,900 --> 00:00:15,420
Itali gɛtʋnkwaa gaanɩ.

3
00:00:15,420 --> 00:00:27,580
Bɛ ka Pawulo ma ɛbɛ gɛtɛ be gye bɛ tan fɔ bɛkɩ bɛ bɛ̀ sa bɩtà bʋʋndɩrɛ gɛtɛ bee kpèlè Yuliyo fɔ gʋlɔ.

4
00:00:27,580 --> 00:00:36,020
Yuliyo nyawɔ è di egyu-dɩrɛ bɩtà bʋʋ bɛtalɛ bɔɔ bɛndɩrɛ fɔ baanɩ ɛkɩ.

5
00:00:36,020 --> 00:00:47,040
Gɛ tɩ ma gyu ɔkʋlɩ-dɩrɛ wʋkɩ gɛtɛ wu ye Adiramito ditele wʋʋ fɔrɔ Asiya gɩlan fɔ waanɩ.

6
00:00:47,040 --> 00:00:49,920
Gɛ ti dubwa tɩ da.

7
00:00:49,920 --> 00:00:59,460
Fɔ Makedoniya-te Arisitako gɛtɛ e ye Tesalonika fɔ ɛ̀ fɩya ma ɛtɩ.

8
00:00:59,460 --> 00:01:01,840
Gɛtɛ kere gɩ kpa fɔ,

9
00:01:01,840 --> 00:01:06,040
tɩ ma gyu Sidon ditele.

10
00:01:06,040 --> 00:01:10,080
Dʋkɔ gɛ Yuliyo e we Pawulo gutunkoro,

11
00:01:10,080 --> 00:01:14,680
gɛ ɛ tɛ wɔ osele ɛ̀ɛ̀ san wɔwɔlɔn ɛbɛ baakʋn,

12
00:01:14,680 --> 00:01:17,160
fɔ bàà nya wo koro.

13
00:01:17,160 --> 00:01:20,640
Gɛtɛ ti dubwa ti ye dʋkɔ fɔ,

14
00:01:20,640 --> 00:01:24,480
gifiye gɩ tɔ gɩɩ gbɛrɛ gi tuma tɩ,

15
00:01:24,480 --> 00:01:35,600
okoro tɩ ma dama Kiporo gɛtʋnkwaabi gɛtɛ butu bu silin gɩ fɔ gɩɩ gɩlan debiyan,

16
00:01:35,600 --> 00:01:39,600
yema gifiye gɩn taa gbɛrɛ dʋkɔ.

17
00:01:39,600 --> 00:01:47,800
Tɩ san ma ɛpʋ tɩ bɛ̀ dama Kilikiya ma Pamfiliya gɩlan,

18
00:01:47,800 --> 00:01:54,740
gɛ tɩ ma ye Mira ditele gɛtɛ dɩ̀ sa Likiya gɛtʋnkwaa gaanɩ fɔ.

19
00:01:54,740 --> 00:02:04,160
Dʋkɔ gɛ bɩtà bʋʋndɩrɛ fɔ e we ɔkʋlɩ-dɩrɛ wʋkɩ gɛtɛ wu ye Alesanda ditele,

20
00:02:04,160 --> 00:02:07,600
gɛ wʋʋ fɔrɔ Itali.

21
00:02:07,600 --> 00:02:11,560
Gɛ e tiri tɩ ɛ ma sa waanɩ.

22
00:02:11,560 --> 00:02:18,320
Ti di awi kpekpesi osele waanɩ ma tɩɩ-ɩsan dɩyɛɛ-dɩyɛɛ fɔ.

23
00:02:18,320 --> 00:02:21,800
Okoro ma dɩfana gepepe,

24
00:02:21,800 --> 00:02:24,880
pɛgɛ tɩ bɛ̀ gbɛma Kinido ditele.

25
00:02:24,880 --> 00:02:27,940
Gifiye fɔ gɩn tɛ tɩ osele,

26
00:02:27,940 --> 00:02:36,000
okoro tɩ ma dama Kireta gɛtʋnkwaabi gɛtɛ butu bu silin gɩ fɔ,

27
00:02:36,000 --> 00:02:41,680
gɛ tɩ dama Salimone odon wʋʋ gɩlan,

28
00:02:41,680 --> 00:02:44,660
yema gifiye gɩn taa gbɛrɛ dʋkɔ.

29
00:02:44,660 --> 00:02:49,200
Ma gɛtɛ tɩ san ma ɛpʋ wuu-ikere-ikere gba fɔ,

30
00:02:49,200 --> 00:02:50,880
tɩ fana,

31
00:02:50,880 --> 00:02:55,640
pɛgɛ tɩ bɛ̀ nɩma ɔkankɩ gɛtɛ bee kpèlè alɛ,

32
00:02:55,640 --> 00:02:58,560
Ɩkʋlɩ-yii-geyelakʋn-kpara,

33
00:02:58,560 --> 00:03:02,580
gɛtɛ wʋ̀ gbɛma Laseya ditele fɔ.

34
00:03:02,580 --> 00:03:05,560
Tɩ mɩna ɔya gepepe,

35
00:03:05,560 --> 00:03:11,440
gɛ nkele gɩsaa gi ye gì de tɩ ma butu buu koro wʋʋ-ɩsan,

36
00:03:11,440 --> 00:03:15,920
yema onyun wʋʋ gɛban gaawi fɔ i were bɛ̀ da.

37
00:03:15,920 --> 00:03:20,040
Gɛ awi ɩtɔkɔ yɩɩ gama fɔ gifiye gɩɩ gɛgbɛrɛ okoro fɔ,

38
00:03:20,040 --> 00:03:25,600
wʋʋn kɔlɔ ma ɛpʋ wo koro gɩɩ-ɩsan.

39
00:03:25,600 --> 00:03:30,040
Okoro Pawulo ɛ tabʋrʋ ɛ tɛ bɛnɩ fɔ alan,

40
00:03:30,040 --> 00:03:30,840
“Beteni,

41
00:03:30,840 --> 00:03:34,680
na we gɛtɛ gengyi tɩn nyɩnla fɔ,

42
00:03:34,680 --> 00:03:40,640
tiisele fɔ wʋʋ-ɩsan waà ka dɩyɩyɛ ma gyerebi-dɩrɛ wʋ ba.

43
00:03:40,640 --> 00:03:44,600
Nka anyan ma ɔkʋlɩ-dɩrɛ fɔ wʋʋ gɛmɩna wuuko,

44
00:03:44,600 --> 00:03:47,400
ɛtɩ gbagba tɩɩ nkpa mɔ wʋ̀ fɩya.”

45
00:03:47,400 --> 00:03:57,240
Mɔ bɩtà bʋʋndɩrɛ fɔ e to ɔkʋlɩ-dɩrɛ wʋʋndɩrɛ ma wuufonte fɔ baade ɛ sa ɛ da Pawulo wade gɛtɛ ɛ dɔ̀ fɔ.

46
00:03:57,240 --> 00:04:05,720
Ɩkʋlɩ yii geyelakʋn dʋkɔ wʋʋn kɔlɔ ma geyela okena-fila waanɩ.

47
00:04:05,720 --> 00:04:13,040
Gɛlɛ wuu koro bɛnɩ fɔ kpekpesi bɛ dɔ̀ gɛtɛ tàà ye dʋkɔ tɩ san.

48
00:04:13,040 --> 00:04:23,640
Bɔɔ bʋnʋn bʋ̀ gyaga gɛtɛ nkɩfɔ taà bè ye Fenike ditele gɛtɛ dì di Kireta wɔ-ɩkʋlɩ yii geyelakʋn gɛtɛ wù ten ofila wʋʋ gɛnʋ̀nkʋn fɔ,

49
00:04:23,640 --> 00:04:28,760
fɔ tàà di okena-fila fɔ dʋkɔ.

50
00:04:28,760 --> 00:04:35,120
Gɛtɛ gifiye bɛrɛɛ gɩkɩ gɩɩ gbɛrɛ gi ye gɩlan gatɩn fɔ,

51
00:04:35,120 --> 00:04:37,760
ɔkʋlɩ-dɩrɛ wuu bete fɔ bɛ̀ nyɩ̀ alɛ,

52
00:04:37,760 --> 00:04:40,680
boo gelenbi fɔ gɩ lɛ.

53
00:04:40,680 --> 00:04:49,880
Gɛ be tiira gɩwɔrɔnyan gɛtɛ gii gye ɔkʋlɩ-dɩrɛ wù yela ɔkʋn-kɩlɩn fɔ be dubwa.

54
00:04:49,880 --> 00:04:56,100
Gɛ tɩ tɔ tɩ san ma Kireta wɔpʋ fɔ wuu-ikere-ikere.

55
00:04:56,100 --> 00:05:00,800
Wun di awi gɛ gifiye-dɩrɛ gɩkɩ gɛtɛ bee kpèlè alɛ,

56
00:05:00,800 --> 00:05:08,520
Ofila-wʋʋ-gɛtakʋn wuu gifiye fɔ gɩ gbɛrɛ gi ye gɛtʋnkwaabi fɔ gii koro.

57
00:05:08,520 --> 00:05:11,560
Gifiye fɔ gi tuma ɔkʋlɩ-dɩrɛ fɔ,

58
00:05:11,560 --> 00:05:15,840
gɛ wʋn mɩnɩ taa talɩ wàà san bʋnʋn.

59
00:05:15,840 --> 00:05:21,440
Okoro tɩ yɛ gɛ gifiye fɔ gii tiira tɩ gɩɩ fɔrɔ.

60
00:05:21,440 --> 00:05:30,720
Dʋkɔ gɛ tɩ ma dama Kawuda gɛtʋnkwaabi gɛtɛ butu bu silin gɩ fɔ gɩɩ gɩlan gɛtɛ gifiye gɩn taa gbɛrɛ fɔ.

61
00:05:30,720 --> 00:05:33,340
Tɩ mɛ tɩ fana,

62
00:05:33,340 --> 00:05:38,040
pɛgɛ taalɔ ɩ kya ɔkʋlɩbi gɛtɛ tì de fɔ.

63
00:05:38,040 --> 00:05:43,460
Be tiira wʋ bɛ taga ɔkʋlɩ-dɩrɛ fɔ waanɩ.

64
00:05:43,460 --> 00:05:49,260
Gɛ bɛ ka ɔŋʋn bɛ ban ɔkʋlɩ-dɩrɛ fɔ,

65
00:05:49,260 --> 00:05:52,080
gɛtɛ gifiye gɩ kara gbena wʋ.

66
00:05:52,080 --> 00:05:59,880
Gɩsaa gì de bɛ gɛtɛ bɛn nyɩnla fɔ waà bè tiira bɛ wʋ ma sa Libiya wɔ-ɩŋɛrɛ yaanɩ.

67
00:05:59,880 --> 00:06:04,320
Okoro bɛ kaman ɔkʋlɩ-dɩrɛ waayan fɔ,

68
00:06:04,320 --> 00:06:07,720
gɛ wʋ yɛ ɔkʋlɩ-dɩrɛ fɔ wʋʋ fɔrɔ dɩyɛɛ-dɩyɛɛ.

69
00:06:07,720 --> 00:06:12,000
Gifiye-dɩrɛ fɔ gin kere gɛgbɛrɛ gɩ ya,

70
00:06:12,000 --> 00:06:14,280
okoro gɛtɛ kere gɩ kpa fɔ,

71
00:06:14,280 --> 00:06:19,560
be ye bee tiri atola fɔ akɩ be fun bɛ sa butu baanɩ.

72
00:06:19,560 --> 00:06:23,200
Gɛ duwi-siyeefɛ daanɩ fɔ,

73
00:06:23,200 --> 00:06:28,760
gɩnyan-kamasɛ gɛtɛ baalɔ ɩ kya fɔ be fun bɛ sa butu fɔ baanɩ.

74
00:06:28,760 --> 00:06:34,880
Gɛtɛ wu di awi gɛ tɩn taa we ofila abɛɛ aŋorobi,

75
00:06:34,880 --> 00:06:37,280
gɛ gifiye fɔ gɩ bɔ gɩɩ gbɛrɛ gɛ fɔ,

76
00:06:37,280 --> 00:06:42,800
tɩɩ bʋnʋn bʋn mɩnɩ gyaga gɩnyankɩ gii koro gɛtɛ taà wura nkpa.

77
00:06:42,800 --> 00:06:48,520
Awi kpekpesi ɩ bɛ̀ da gɛtɛ bɛnɩ fɔ bɛn taa di anyan-dilɛ.

78
00:06:48,520 --> 00:06:52,040
Dʋkɔ gɛ Pawulo ɛ tɔ e yela ɛbɛ powu bɔɔ bʋnʋn,

79
00:06:52,040 --> 00:06:53,400
gɛ ɛ dɔ̀ alan,

80
00:06:53,400 --> 00:06:55,200
“Bɛndɩrɛ,

81
00:06:55,200 --> 00:07:03,240
gengyi ɩ̀ daà nʋn maade gɛtɛ na dɔ̀ alɛ ɩ kara yɛ taà dubwa ɔkʋlɩ-dɩrɛ fɔ ti ye Kireta fɔ,

82
00:07:03,240 --> 00:07:07,700
nafɔ anlɛ tɩn daà bè tuma dɩfana ma gyerebi nyawʋ.

83
00:07:07,700 --> 00:07:11,120
Mɔ nkenkele nyawʋ n tɛ dɔ̀ n sa yɩ,

84
00:07:11,120 --> 00:07:13,640
fɔ yii duwe dàà nʋ̀n yɩ,

85
00:07:13,640 --> 00:07:15,840
yema taanɩ ɛkɩ ɛn nan ku,

86
00:07:15,840 --> 00:07:18,940
ɔkʋlɩ-dɩrɛ fɔ wuuko nan mɩna.

87
00:07:18,940 --> 00:07:21,040
Yema walan odente fɔ,

88
00:07:21,040 --> 00:07:24,800
Wurubwarɛ gɛtɛ ɛwɔ n ba mɩ,

89
00:07:24,800 --> 00:07:27,560
gɛ ɛwɔ gɛ n tɛ sʋma fɔ,

90
00:07:27,560 --> 00:07:30,420
ɛ sa wɔsalɛ e ye gatala e bè yela maakʋn,

91
00:07:30,420 --> 00:07:32,520
gɛ ɛ dɔ̀ mɩ alan,

92
00:07:32,520 --> 00:07:34,560
‘Pawulo,

93
00:07:34,560 --> 00:07:37,960
kara yɛ gɩsaa gàà ton wɔ̀!

94
00:07:37,960 --> 00:07:42,640
Wù di gɛtɛ àà san a ma dɔ̀ aa gɔdɔ fɔ egyu-dɩrɛ Kesaro bʋnʋn.

95
00:07:42,640 --> 00:07:49,020
Aa koro Wurubwarɛ ɛɛ dɩyɛ bɛnɩ gɛtɛ bɛ̀ sa ɔkʋlɩ-dɩrɛ fɔ waanɩ fɔ powu.’

96
00:07:49,020 --> 00:07:50,840
Gɛlɛ wuu koro mɩɩn bɛnɩ,

97
00:07:50,840 --> 00:07:52,880
i wura oturu,

98
00:07:52,880 --> 00:07:59,700
yema n te to Wurubwarɛ n di gɛtɛ ɛɛ̀ yɛ wàà ba waanɩ anlɛ gɛtɛ ɛ dɔ̀ mɩ fɔ.

99
00:07:59,700 --> 00:08:01,120
Mɔ fɔ,

100
00:08:01,120 --> 00:08:08,420
wù di gɛtɛ tàà ma yela gɛtʋnkwaabi gɩkɩ gɛtɛ butu bu silin gɩ bu tuma fɔ gii koro pɛ.”

101
00:08:08,420 --> 00:08:12,080
Duwi fwo-naafɛ diidente fɔ,

102
00:08:12,080 --> 00:08:17,320
gifiye fɔ gɩ̀ sangba gii tiira tɩ Adiriya wɔpʋ wuu koro.

103
00:08:17,320 --> 00:08:20,840
Gɛtɛ wʋ mɛ odente wuu getite fɔ,

104
00:08:20,840 --> 00:08:27,060
ɔkʋlɩ-dɩrɛ fɔ wuu bete fɔ be we bɛ nyɩnla gɛtɛ tɩɩ gbɛma gɛtʋnkwaa gɩkɩ.

105
00:08:27,060 --> 00:08:34,560
Gɛ bɛ ka ɔŋʋn gɛtɛ bɛɛ ka bɛ kɛrɛ butu baalun fɔ bɛ fɩna butu fɔ baanɩ.

106
00:08:34,560 --> 00:08:41,160
Gɛ be we gɛtɛ dʋkɔbɛ waalun fɔ wʋ̀ ba bɩsɩrɩ akpilin kooron (120).

107
00:08:41,160 --> 00:08:43,840
Gɛtɛ bɛ san bʋnʋn bɛrɛɛ,

108
00:08:43,840 --> 00:08:46,000
gɛ be biri bɛ kɛrɛ fɔ,

109
00:08:46,000 --> 00:08:49,740
wʋ̀ ba bɩsɩrɩ akpilin anaa ma fwo (90).

110
00:08:49,740 --> 00:08:57,320
Gɩsaa gì de bɛ gɛtɛ nkɩfɔ taà ma wɔ dɩtaa tangbalan dɩkɩ dii koro.

111
00:08:57,320 --> 00:09:09,640
Okoro be bè tiira awɔrɔnyan anaa gɛtɛ ii gye ɔkʋlɩ-dɩrɛ fɔ wù yela ɔkʋn-kɩlɩn fɔ bɛ fɩna butu fɔ baanɩ,

112
00:09:09,640 --> 00:09:14,360
gɛ bee tiri onyun gɛtɛ kere gàà kpa.

113
00:09:14,360 --> 00:09:21,040
Ɔkʋlɩ-dɩrɛ wuu bete fɔ be bugiti osele gɛtɛ nafɔ bàà serenti be kere tɩ bɛ ya.

114
00:09:21,040 --> 00:09:29,200
Be tiri ɔkʋlɩbi gɛtɛ wʋ̀ kyaga ɔkʋlɩ-dɩrɛ fɔ wuu koro fɔ bɛ gyaga butu fɔ buu koro.

115
00:09:29,200 --> 00:09:38,740
Gɛ bɛ mɛ anlɛ gɛtɛ bee len bàà ka awɔrɔnyan-fon bɛ ma kyaga ɔkʋlɩ-dɩrɛ fɔ wʋʋ bʋnʋn.

116
00:09:38,740 --> 00:09:46,840
Ɛwʋ gɛ Pawulo ɛ dɔ̀ bɩtà bʋʋndɩrɛ ma bɩtà bʋʋ bɛtalɛ fɔ alan,

117
00:09:46,840 --> 00:09:50,640
“Gengyi ɔkʋlɩ-dɩrɛ wuu bete fɔ bɛn bɛ̀ sara ɔkʋlɩ-dɩrɛ fɔ waanɩ fɔ,

118
00:09:50,640 --> 00:09:52,180
ɩn nan wura nkpa.”

119
00:09:52,180 --> 00:09:58,320
Okoro bɩtà bʋʋ bɛtalɛ fɔ bɛ ma kebi ɔkʋlɩbi fɔ wʋʋ-ɩŋʋn,

120
00:09:58,320 --> 00:10:01,360
gɛ gifiye gɩ ka wʋ gɩ da.

121
00:10:01,360 --> 00:10:04,180
Gɛtɛ kere gɩɩ ŋmaŋɩ fɔ,

122
00:10:04,180 --> 00:10:08,360
Pawulo ɛ sa bɛnɩ fɔ powu aniya gɛtɛ bàà di anyan-dilɛ,

123
00:10:08,360 --> 00:10:11,760
gɛ ɛ dɔ̀ bɛ alan,

124
00:10:11,760 --> 00:10:16,680
“Ǹdò n di awi fwo-anaa gɛtɛ ì si ma awe yii gekpila,

125
00:10:16,680 --> 00:10:20,840
gɛ ɩ ban yiinyun gɛtɛ ɩn ka gɩnyankɩ ɩ kya yiinyun.

126
00:10:20,840 --> 00:10:22,280
Gɛlɛ wuu koro fɔ,

127
00:10:22,280 --> 00:10:24,600
n tɛ fɔ yɩ gɛtɛ yàà di anyan-dilɛ,

128
00:10:24,600 --> 00:10:26,700
fɔ yàà wura ɔkɛma ma nkpa,

129
00:10:26,700 --> 00:10:30,820
yema yaanɩ ɛkɩ wo diyungu gba dɩn nan lulu.”

130
00:10:30,820 --> 00:10:34,360
Gɛtɛ ɛ tabʋrʋ gɛlɛ e were fɔ,

131
00:10:34,360 --> 00:10:35,960
ɛ ka boroboro,

132
00:10:35,960 --> 00:10:39,040
gɛ ɛ tɛ Wurubwarɛ karan ɛbɛ powu bɔɔ bʋnʋn,

133
00:10:39,040 --> 00:10:40,920
gɛ e sila waanɩ,

134
00:10:40,920 --> 00:10:43,240
gɛ e gyu wuu gedi.

135
00:10:43,240 --> 00:10:46,160
Gɛ ɛbɛ powu boo-ituru ɩ nʋ̀n bɛ,

136
00:10:46,160 --> 00:10:49,640
gɛ ɛbɛ mɔ bɛ ka anyan-dilɛ be di.

137
00:10:49,640 --> 00:10:53,400
Ɛtɩ powu gɛtɛ tɩ̀ sa ɔkʋlɩ-dɩrɛ fɔ waanɩ fɔ,

138
00:10:53,400 --> 00:10:59,380
tɩ̀ ba bɛnɩ gɛkpɩn ma akpilin asiyee ma fwo-kooron (276).

139
00:10:59,380 --> 00:11:01,960
Gɛtɛ ɛbɛ powu be di bɛ kʋtɩ fɔ,

140
00:11:01,960 --> 00:11:07,960
be tiri anyan-dilɛ gɛtɛ i kuruma fɔ bɛ fɩna ɛpʋ fɔ anɩ,

141
00:11:07,960 --> 00:11:12,180
fɔ wàà wura wʋ tɩyɛra wʋʋdʋrʋ fɔ.

142
00:11:12,180 --> 00:11:13,480
Gɛtɛ kere gɩ kpa fɔ,

143
00:11:13,480 --> 00:11:22,520
be we gɛtɛ ɛpʋ fɔ wɔkankɩ wu tu wu gyu gɛtʋnkwaa gɩkɩ gaanɩ gɛtɛ ɩŋɛrɛ ɩ̀ sa dʋkɔbɛ.

144
00:11:22,520 --> 00:11:24,840
Mɔ bɛn nyɩnla gɛtʋnkwaa-kɩlɩn fɔ.

145
00:11:24,840 --> 00:11:30,440
Okoro bɛ mɛ baamɩnlɛ gɛtɛ gengyi nafɔ bɛ̀ talɩ fɔ,

146
00:11:30,440 --> 00:11:35,380
baà fi ɔkʋlɩ-dɩrɛ fɔ wàà ka bɛ wʋ san dʋkɔbɛ.

147
00:11:35,380 --> 00:11:47,320
Gɛ be kebi ɩŋʋn gɛtɛ ɩ̀ kyaga ma awɔrɔnyan gɛtɛ ii gye ɔkʋlɩ-dɩrɛ ì yela ɔkʋn-kɩlɩn fɔ bɛ fɩna butu fɔ baanɩ.

148
00:11:47,320 --> 00:11:55,160
Gɛ be furu ɔŋʋn gɛtɛ bɛ ka bɛ kyaga omini gɛtɛ wuu fi-fi ɔkʋlɩ-dɩrɛ fɔ.

149
00:11:55,160 --> 00:11:59,200
Gɛ bɛ bʋma ɔkʋlɩ-dɩrɛ wʋʋ dɩyan fɔ gatala,

150
00:11:59,200 --> 00:12:01,040
gɛ gifiye gɩɩ gbɛrɛ,

151
00:12:01,040 --> 00:12:05,960
gɛ gii tiira ɔkʋlɩ-dɩrɛ fɔ wʋʋ fɔrɔ gɛtʋnkwaa gii koro.

152
00:12:05,960 --> 00:12:10,000
Mɔ ɔkʋlɩ-dɩrɛ fɔ wʋ ma gyu ma ɩŋɛrɛ,

153
00:12:10,000 --> 00:12:12,120
gɛ wu ten wu yela.

154
00:12:12,120 --> 00:12:20,080
Wʋʋ gatɩn wʋ nyɩ wu gyu ɩŋɛrɛ fɔ yaanɩ gɛtɛ wʋn mɩnɩ taa kpenti gba.

155
00:12:20,080 --> 00:12:29,660
Gifiye-dɩrɛ gɛtɛ gɩ̀ sangba gɩɩ gbɛrɛ fɔ gɩ yɛ ɛpʋ butu fɔ bu gbena ɔkʋlɩ-dɩrɛ fɔ wʋʋpɩ.

156
00:12:29,660 --> 00:12:38,920
Ɛwʋ gɛ bɩtà bʋʋ bɛtalɛ fɔ bɛ mɛ baamɩnlɛ gɛtɛ baà wolo bɛnɩ gɛtɛ bɛ̀ tan dikwo fɔ powu,

157
00:12:38,920 --> 00:12:44,740
fɔ baanɩ ɛkɩ ɛn nan wura ɛ nʋ̀n getu e serenti.

158
00:12:44,740 --> 00:12:50,360
Mɔ bɩtà bʋʋndɩrɛ fɔ ee len gɛtɛ èè to Pawulo nkpa,

159
00:12:50,360 --> 00:12:54,600
okoro ɛn tɛ bɛ osele bàà mɛ boo gelenbi fɔ.

160
00:12:54,600 --> 00:12:57,520
Gɛ ɛ tɛ osele alɛ,

161
00:12:57,520 --> 00:13:03,840
beteni gɛtɛ baà talɩ bɛ nʋ̀n getu fɔ be gyegeye be firigi be gyu,

162
00:13:03,840 --> 00:13:07,580
fɔ bàà nʋ̀n bɛ san gɛtʋnkwaa fɔ gii koro.

163
00:13:07,580 --> 00:13:16,160
Gɛ ɛ yɛ bɛnɩ-kurumakyɛɛ fɔ bɛkɩ bɛ sara iyon panpasan yii koro,

164
00:13:16,160 --> 00:13:22,880
gɛ bɛkɩ mɔ bɛ sara ɔkʋlɩ-gbenalɛ fɔ wuu-iyon-kpilin yii koro.

165
00:13:22,880 --> 00:13:32,840
Anlɛ gɛ tɩ mɛ gɛ ti wura nkpa tɩ ma ye gɛtʋnkwaa fɔ gii koro.

166
00:13:32,840 --> 00:13:46,000
Ti ye ɛpʋ fɔ anɩ tɩ ma gyu gɛtʋnkwaa gii koro pɛgɛ tɩ nyɩnla alɛ gɛlɛ wʋʋ gɛtʋnkwaabi gɛtɛ butu bu silin gɩ fɔ gii diyere n di Malita.

167
00:13:46,000 --> 00:13:50,420
Dʋkɔbɛ wʋʋ bɛnɩ fɔ be ton tɩ gɛtɛ wʋn ma dɩkʋsʋ.

168
00:13:50,420 --> 00:13:53,020
Gɛtɛ ɛsʋn ɛɛ nʋ̀n,

169
00:13:53,020 --> 00:13:55,660
gɛ olili wʋ̀ sa okoro fɔ,

170
00:13:55,660 --> 00:13:59,300
be len bʋtan bɛ sa ɔtan bɛ tɛ tɩ.

171
00:13:59,300 --> 00:14:05,440
Gɛtɛ Pawulo mɔ ɛ tasɩ bʋtan è de ɛ̀ bɛ̀ sa ɔtan fɔ waanɩ fɔ,

172
00:14:05,440 --> 00:14:09,460
ɔtan fɔ wuuwula wuu koro,

173
00:14:09,460 --> 00:14:12,500
ɛwa e ye bʋtan fɔ baanɩ,

174
00:14:12,500 --> 00:14:15,900
gɛ ɛ bɛ̀ kyaga wɔ gʋlɔ.

175
00:14:15,900 --> 00:14:22,900
Gɛtɛ gɛtʋnkwaa fɔ gɩɩ bɛnɩ be we ɛwa fɔ ɛ̀ kyɔlɔga Pawulo gʋlɔ fɔ,

176
00:14:22,900 --> 00:14:26,500
bɛ dɔ̀ bɛ tɛ bɛwɔlɔn alan,

177
00:14:26,500 --> 00:14:30,060
“Ete nyawɔ ɛɛ̀ mɛ gɛ bɛnɩ boowololɛ ɛkɩ,

178
00:14:30,060 --> 00:14:35,060
yema alɛ ma gɛtɛ wu tiri wɔ wu ye ɛpʋ anɩ gba fɔ,

179
00:14:35,060 --> 00:14:38,480
ade-kpen ɩ̀ sangba ɩ̀ tɛrɛma wɔ.”

180
00:14:38,480 --> 00:14:44,180
Ɛwʋ gɛ Pawulo ɛ ŋmanyan ɛwa fɔ ɛ fɩna ɔtan fɔ waanɩ,

181
00:14:44,180 --> 00:14:47,060
mɔ gɩnyankɩ gɩn mɛ Pawulo.

182
00:14:47,060 --> 00:14:49,500
Bɛnɩ fɔ bɛ̀ nyɩ̀ alɛ,

183
00:14:49,500 --> 00:14:51,620
eè funa,

184
00:14:51,620 --> 00:14:54,380
abɛɛ eè belen ɛ nʋ̀n disere-kɩlɩn èè ku.

185
00:14:54,380 --> 00:14:56,700
Mɔ gɛtɛ be so gɛlɛɛ,

186
00:14:56,700 --> 00:15:00,020
gɛ ben we gɩnyankɩ gàà mɛ wɔ fɔ,

187
00:15:00,020 --> 00:15:01,500
be foma baamɩnlɛ,

188
00:15:01,500 --> 00:15:04,500
gɛ be ye bɛɛ dɔ̀ alɛ,

189
00:15:04,500 --> 00:15:07,340
ete fɔ è di gɛ ekpen.

190
00:15:07,340 --> 00:15:13,800
Ɛnɩ gbaa ɛkɩ ɛ̀ sa dʋkɔ gɛtɛ bee kpèlè wɔ Pubilo.

191
00:15:13,800 --> 00:15:16,840
Ɛwɔ n tɛ nya dʋkɔ wuu koro,

192
00:15:16,840 --> 00:15:22,220
gɛ wɔ gɛtʋnkwaa gɩ̀ gbɛma ɔkʋn gɛtɛ tì yela fɔ.

193
00:15:22,220 --> 00:15:25,220
E ton tɩ gepepe,

194
00:15:25,220 --> 00:15:28,620
gɛ ti di gisela awi asiyee wakʋn.

195
00:15:28,620 --> 00:15:35,300
Wʋ bɛ̀ ba gɛtɛ Pubilo wote ɛ̀ dɔ ee yeba ɔdʋnlɛ,

196
00:15:35,300 --> 00:15:37,800
gɛ ɛɛ kyalɩ.

197
00:15:37,800 --> 00:15:42,260
Gɛ Pawulo ɛ san wakʋn ɛ ma tiri onyun,

198
00:15:42,260 --> 00:15:45,700
gɛ ɛ ka walɔ ɛ gyaga wo koro,

199
00:15:45,700 --> 00:15:48,160
gɛ ɛ kya wɔ geyeba.

200
00:15:48,160 --> 00:15:50,780
Gɛtɛ wʋ mɛ gɛlɛ fɔ,

201
00:15:50,780 --> 00:15:56,800
beyebalɛ-kurumakyɛɛ gɛtɛ bɛ̀ sa gɛtʋnkwaabi fɔ gii koro fɔ mɔ bɛ ba,

202
00:15:56,800 --> 00:15:59,940
gɛ Pawulo ɛ kya baayebabi fɔ powu.

203
00:15:59,940 --> 00:16:02,420
Bɛnɩ fɔ bɛ ka gebù-dɩrɛ bɛ tɛ tɩ,

204
00:16:02,420 --> 00:16:05,380
gɛ bɛ tɛ tɩ anyan kpekpesi,

205
00:16:05,380 --> 00:16:11,580
okoro ɔkʋna gɛtɛ tii ye dʋkɔ tàà san fɔ,

206
00:16:11,580 --> 00:16:17,140
bɛ tɛ tɩ anyan-kamasɛ gɛtɛ wù di gɛtɛ tàà wura.