1
00:00:05,000 --> 00:00:11,100
Aj Jesús u yäli täcä caꞌda: ―Untu winic u cänänti chaꞌtu u yajloꞌ.

2
00:00:11,100 --> 00:00:25,700
U chꞌochꞌoca de unejob u yälbi u pap caꞌda: “Cä pap, äcꞌbenon ni cä parte noꞌonba de upete cuaꞌ chichca a cänäntan”. De yaꞌi ni winic u pucbijob u chaꞌtumajob cuaꞌtac u cänäntan.

3
00:00:25,700 --> 00:00:42,340
Chapꞌe uxpꞌe qꞌuin jiꞌpat ni u chꞌochꞌoca yajloꞌba u laj woyi u taqꞌuini de upete cuaꞌ chichca äcꞌbinti y pasi bixi bajca an umpꞌe cab natba. Yaꞌ jini u laj säti u taqꞌuin tꞌoc cuaꞌ chichca mach utz u chenba.

4
00:00:42,340 --> 00:00:50,640
Jinqꞌuin u laj sätiba tutzꞌi umpꞌe noj wiꞌna de jitzꞌo yaꞌi jimba cab jini, y u täqꞌui u naꞌtan jitzꞌo.

5
00:00:50,640 --> 00:01:01,920
De yaꞌi bixi u chꞌoc chen uba tꞌoc untu ajcäbna jimba cab jini ucꞌa u yäcꞌben patan. Ni winic u täsqui tama u cab tuba u cänäntäben u chitam.

6
00:01:01,920 --> 00:01:10,200
Uneba täꞌ u yoli u cꞌuxeꞌ jini cuaꞌ u cꞌuxeꞌ ni chitam ucꞌa naꞌac, ucꞌa niuntu mach u yäcꞌbe cuaꞌ u cꞌuxeꞌ une.

7
00:01:10,200 --> 00:01:22,620
De yaꞌi u chꞌi u cꞌajalin u yäleꞌ caꞌda: “¡Jäytu ti ajpatan yaꞌan tu yotot cä pap u cänäntan qꞌuen cuaꞌ u cꞌuxeꞌ, y noꞌonba yaꞌanonda tä chämo tꞌoc jitzꞌo!

8
00:01:22,620 --> 00:01:32,700
Cä chꞌoye bada cä bixe bajca an cä pap y cä xe cälben caꞌda: Cä pap, acä säti tꞌoc Dios tä cielo y tꞌoc ane.

9
00:01:32,700 --> 00:01:38,680
Mach u niꞌ chꞌä a wäleꞌ cacheꞌ a wajloꞌon; chenon caꞌ a wälä untu a wajpatan”.

10
00:01:38,680 --> 00:01:52,820
De yaꞌi chꞌoyi y bixi caꞌan u pap. ’Jinqꞌuin yaꞌto u te natba u pap u chäni y u chꞌämbi yajin. Pasi u pap tꞌoc noj ancäre u mecꞌben u lucꞌub y u tzꞌutzꞌän.

11
00:01:52,820 --> 00:02:01,900
U yajloꞌ u yälbi caꞌda: “Cä pap, acä säti tꞌoc Dios tä cielo y tꞌoc ane. Mach u niꞌ chꞌä a wäleꞌ cacheꞌ a wajloꞌon”.

12
00:02:01,900 --> 00:02:14,360
Pero u pap u yälbi u yajpatanob caꞌda: “Seb täsenla ni buqui más pitziba y xojbenla tuyacꞌo. Äcꞌbenla umpꞌe mopcꞌäb tu niꞌcꞌäb y zapato tu yoc.

13
00:02:14,360 --> 00:02:22,160
Täsenla ni chꞌoc najom beqꞌuet pocꞌomba y tzämsenla tuba cä cꞌuxeꞌla, y cä chꞌaꞌalesan cäjinla tꞌoc.

14
00:02:22,160 --> 00:02:35,980
Ucꞌa ni cajloꞌda cäli cacheꞌ chämi, y bada caꞌ a wälä cuxpi tä chaꞌnum; sätä ajni y bada apämi”. De yaꞌi u täqꞌuijob u chꞌaꞌalesan ujinob.

15
00:02:35,980 --> 00:02:46,040
’U yajloꞌ u nojaba ajni tä patan, y tu xe tä cꞌote nätzꞌä bajca an yotot u yubi ni cꞌay y acꞌot.

16
00:02:46,040 --> 00:02:50,280
De yaꞌi u joqꞌui untu ajpatan u cꞌatben cuaꞌ jini muꞌ u yute.

17
00:02:50,280 --> 00:03:02,940
Une u yälbi caꞌda: “A witzꞌin ajuli, y a pap u tzämsi ni chꞌoc najom beqꞌuet mäx pocꞌomba ucꞌa juli tä chaꞌnum tꞌoc u yutzi y machꞌan cuaꞌ u cäleꞌ”.

18
00:03:02,940 --> 00:03:11,360
De yaꞌi cäräxꞌi y mach u yoli ochic. Jin ucꞌa pasi u pap päti u chꞌoc chen uba tꞌoc ucꞌa ochic.

19
00:03:11,360 --> 00:03:28,880
Une u pꞌali u yälben u pap caꞌda: “Ubixto cä pap, jäypꞌexti año cä te cä täclenet; mach bay cäli si mach cä tzꞌombenet a tꞌan. Niunum mach bay aꞌbon untu chꞌoc ajchibu tuba cä cꞌuxeꞌ tꞌoc cä lotob.

20
00:03:28,880 --> 00:03:38,760
Ni a wajloꞌ jini u laj sätbet u taqꞌuini a cab tꞌoc u lot ixictacba, y bada tu jule a tzämsäbi untu chꞌoc najom beqꞌuet pocꞌomba”.

21
00:03:38,760 --> 00:03:47,740
De yaꞌi u pap u yälbi caꞌda: “Cä chꞌoc, aneba paqꞌuin ayanet chich tꞌoc noꞌon; upete cuaꞌtac cä cänäntanba es taꞌa chich.

22
00:03:47,740 --> 00:04:00,560
Cꞌänä utic umpꞌe qꞌuin chꞌuje y chꞌaꞌalac cäjinla, ucꞌa ni a witzꞌinda, cäli cacheꞌ chämi, y bada caꞌ a wälä cuxpi tä chaꞌnum; sätä ajni y bada apämi”.