1
00:00:05,000 --> 00:00:09,580
Iskutak maak kaa wiyeyihtaakanuuhch Italy che isichimeyaahch,

2
00:00:09,580 --> 00:00:20,200
peyakw shimaakanishuuchimaau Julius e ishinihkaasut chii itashumaakanuu chechii naanaakachihaat aniyuu Paul ekw maak aniyuu kutak aweyuu kaa maakunaakanuyich.

3
00:00:20,200 --> 00:00:28,960
Uu maak Julius mitaahtumitanuu chii tashiyuuh shimaakanisha e niikaanishkuwaat Rome e ishi masinaasuyich.

4
00:00:28,960 --> 00:00:34,620
Ekw kaa puusiyaahch chiimaan anite Adramyttium e uhchipayihch.

5
00:00:34,620 --> 00:00:43,120
Shaash chii ayeskuuhtaakanuu anite Asia aschiihch chechii ispayihch ekute maak kaa ishi chihtaashiyaahch.

6
00:00:43,120 --> 00:00:57,300
Aristarchus maak e ishinihkaasut naapeu anite Macedonia aschiihch aniyuu ihtaawiniyuu Thessalonica kaa ishinihkaateyich e chii uhchiit eukw uu kaye kaa wiich puusiimikuyaahch.

7
00:00:57,300 --> 00:01:01,940
An maak wiyaapahch Sidonihch nichii mishakaanaan.

8
00:01:01,940 --> 00:01:07,360
Chii miyutuutaweu maak aniyuu Paul an shimaakanishuuchimaau Julius.

9
00:01:07,360 --> 00:01:11,380
Chii pachishtineu chechii nituwaapamaayich uwiichewaakaniyuu,

10
00:01:11,380 --> 00:01:16,040
kaye chechii miyaakanuyich taan e ishi nituweyihtamiyich chekwaayuu.

11
00:01:16,040 --> 00:01:20,560
Anit maak Sidonihch ekut miin kaa uhchi puusiyaahch.

12
00:01:20,560 --> 00:01:31,320
Ekw maak an e chii nakaayaasiyaahch ekw anite e tipinawaach an ministikw Cyprus kaa ishinihkaatech ekute kaa itaashtimitisuyaahch.

13
00:01:31,320 --> 00:01:41,100
Ekw anite kaa ishi aashuuhamaahch an chihchikamii chishtauch aniyuuh aschii Cilicia ekw maak Pamphylia kaa ishinihkaatekwaauh,

14
00:01:41,100 --> 00:01:49,060
ekw an Myra kaa ishinihkaatech ihtaawin anite Lycia aschiihch kaa ihtakuhch ekut kaa mishakaayaahch.

15
00:01:49,060 --> 00:01:59,300
Utah maak uyuu ihtaawiniyuu ekut kaa miskahk an shimaakanishuuchimaau chiimaaniyuu anite Alexandria e uhchiimakaniyich,

16
00:01:59,300 --> 00:02:01,840
anite Italy e ispayiyich,

17
00:02:01,840 --> 00:02:04,860
ekut maak an kaa puusihiikuyaahch.

18
00:02:04,860 --> 00:02:09,980
Mihchetu chiishikaau maak pehkaach mikw nichii pimaashtimitisunaan,

19
00:02:09,980 --> 00:02:16,160
nichii aayimihunaan e wii mishakaayaahch anite an Cnidus kaa ishinihkaatech ihtaawin,

20
00:02:16,160 --> 00:02:18,940
ekute nihaau kaa uhtihch.

21
00:02:18,940 --> 00:02:21,880
Ekw maak an anite e uhtihch,

22
00:02:21,880 --> 00:02:24,860
aahchiiuh kaa itaashtimitisuyaahch.

23
00:02:24,860 --> 00:02:31,780
Anite e tipinawaach an ministikw Crete kaa ishinihkaatech ekute kaa itaashiyaahch,

24
00:02:31,780 --> 00:02:38,560
kaa ati yaaihimaahch an kaa machishtaweyaapiskaach Salmone kaa ishinihkaatech.

25
00:02:38,560 --> 00:02:43,620
Yaapach nichii aayimihunaan aat mikw e yaayewehamaahch.

26
00:02:43,620 --> 00:02:51,400
Wanaaus yaapach nichii mishakaanaan anite an e miywaach e akuhtataakanuuhkwaau chiimaan kaa ishinihkaatech,

27
00:02:51,400 --> 00:02:57,060
namui waahyuu anit an utenaau Lasea kaa ishinihkaatech.

28
00:02:57,060 --> 00:03:02,420
Mihchetu chiishikaau nichii ihtaanaan anit kaa ishpish chii machichiishikaach.

29
00:03:02,420 --> 00:03:07,720
Chek kaa utihchipayihch anit e kushtaatikuhch chechii puusinaanuuhch,

30
00:03:07,720 --> 00:03:09,680
shaash e takwaatihch.

31
00:03:09,680 --> 00:03:14,320
Ekw Paul kaa yaakwaamimaat aniyuu anit chiimaanihch kaa ihtaayich.

32
00:03:14,320 --> 00:03:15,660
Chii itweu,

33
00:03:15,660 --> 00:03:20,700
“Niwaapahten taan che ishi kushtaatikuhch miin chechii puusiihkw.

34
00:03:20,700 --> 00:03:25,240
Chika chii wanihtaanaanuu chekwaayuuh kaye uu chiimaan.

35
00:03:25,240 --> 00:03:28,940
Mechim kaye chika chii wanaatisiinaanuu.”

36
00:03:28,940 --> 00:03:40,460
Ekw mikw an shimaakanishuuchimaau uste aniyuu chiimaan uchimaau ekw maak aniyuu kaa tipiyeusiyich aniyuu chiimaaniyuu chii nituhtaweu taan e itweyich,

37
00:03:40,460 --> 00:03:44,360
ekw namui uhchi yaapatihtuweu taan kaa itweyich Paul.

38
00:03:44,360 --> 00:03:49,240
Kaye maak anit aniyuu e akuhtaniyich chiimaaniyuu kaa ihtaatwaau,

39
00:03:49,240 --> 00:03:54,740
namui naashch uhchi miywaayuu e pipuniyich wii chechii akuhtaniyich chiimaaniyuu.

40
00:03:54,740 --> 00:03:59,560
Ekw maak eyuu chekaat misiwe anichii naapeuch chiwii puusuuch,

41
00:03:59,560 --> 00:04:04,220
anite e wii isichimetwaau Phoenix kaa ishinihkaateyich ihtaawiniyuu.

42
00:04:04,220 --> 00:04:10,200
Anite ministikw Crete kaa ishinihkaatech ekut kaa ihtakuhch uu ihtaawin.

43
00:04:10,200 --> 00:04:14,940
Chii miywaau anit e chiskashtaakanuuhkwaau chiimaanh e pipuhch.

44
00:04:14,940 --> 00:04:22,520
Uu maak ihtaawin iituu anite ishi shaawinuutaahch ekw maak chiiwetinihch chii ishi nuukun.

45
00:04:22,520 --> 00:04:31,660
Chii iteyihtamuch maak chechii utihtahahkwaau aniyuu ihtaawiniyuu Phoenix kaa ishinihkaateyich anit chechii pipunihtaatwaau.

46
00:04:31,660 --> 00:04:35,540
Kaa mistayuutihch chihchikamiihch

47
00:04:35,540 --> 00:04:38,760
Iskutak maak chehchiiwesich,

48
00:04:38,760 --> 00:04:40,960
anite shaawinihch e uhchiiwech,

49
00:04:40,960 --> 00:04:45,420
ekw kaa iteyihtahkwaau anichii naapeuch miin chechii chihtaashitwaau.

50
00:04:45,420 --> 00:04:54,960
Ekw kaa uchipitahkwaau aniyuu punasinaapaachikaniyaapiyuu ekw kaa ati yaaihahkwaau aniyuu ministikuyuu Crete kaa ishinihkaateyich.

51
00:04:54,960 --> 00:04:57,480
Chek maak chii mista iipaachiiweu.

52
00:04:57,480 --> 00:05:05,360
Nihaau maak nichii taauhukunaan uu e mistayuutihch ekw namui uhchi miyupayuu chechii nayimihiikanuuhch.

53
00:05:05,360 --> 00:05:10,500
Ekw nitawaach kaa puunihtaayaahch e wii nayimihamaahch,

54
00:05:10,500 --> 00:05:13,180
mikw kaa naamuunaasiyaahch.

55
00:05:13,180 --> 00:05:21,120
Iskutak maak shaawinihch an ministikw Cauda kaa ishinihkaatech e ati ihtaayaahch ekut kaa tipinawaach.

56
00:05:21,120 --> 00:05:30,720
Ekw mikw kaa aayimihiikuyaahch e wii puustaayaahch an ut yaai anite an kaa mishaach chiimaan kaa chii akwaapihkaatech.

57
00:05:30,720 --> 00:05:44,200
Iskutak maak kaa puustaatwaau aniyuu utiyuu anite chiimaanihch ekw anichii naapeuch misiwe anite kaa maahchikwaapihkaatahkwaau shiipaa aniyuu chiimaaniyuu ekaa chechii piikwaahaniyich.

58
00:05:44,200 --> 00:05:58,040
Iskutak maak miin e ati wiihamaahch chii kushpaneyihtamuch chechii taahchistiniyich aniyuu uchiimaanuwaau yaayeu anite aniyuu aschiiyuu Libya kaa ishinihkaateyich kaa pechi piisipaahkwaayich.

59
00:05:58,040 --> 00:06:03,960
Ekw kaa aasipitahkwaau aniyuu upimaashuwinawaau mikw chechii ati naamuunaasitwaau.

60
00:06:03,960 --> 00:06:12,600
Miin maak wiyaapaniyich ekw kaa aamutewepinihkwaau aniyuuh chekwaayuuh kaa puustaatwaau kaa ishpish wesaa chii mistayuutiniyich.

61
00:06:12,600 --> 00:06:20,540
Miin maak wiyaapaniyich ekw nitawaach misiwe chekwaayuuh e itaapataniyikwaau anit chiimaanihch kaa paahpakashtuwepinahkwaau.

62
00:06:20,540 --> 00:06:26,660
Chek mihchetu chiishikaau namui nuuhchi waapamaanaan piisim kaye achahkushach,

63
00:06:26,660 --> 00:06:30,380
pisikw e machichiishikaach kaye e mistayuutihch.

64
00:06:30,380 --> 00:06:36,840
Chek misiwe e tashiyaahch mitun tekash shaash nichii iteyihtenaan che wanaachihuyaahch.

65
00:06:36,840 --> 00:06:41,820
Chek chineush namui uhchi miichisuuch anichii naapeuch.

66
00:06:41,820 --> 00:06:44,020
Ekw Paul kaa ayimihaat.

67
00:06:44,020 --> 00:06:45,460
Chii itweu maak,

68
00:06:45,460 --> 00:06:47,000
naapeutikw,

69
00:06:47,000 --> 00:06:50,960
“Ekush maak chii nituhtuuyekw kaa yaakwaamitakuch,

70
00:06:50,960 --> 00:06:54,620
ekush anite Crete chii ihtaawaauhkupane,

71
00:06:54,620 --> 00:07:02,640
ekw maak namui chipaa uhchi ishpish wanihtinh chekwaayuuh kaye namui chipaa uhchi piikwaahan uu chichiimaanuu.

72
00:07:02,640 --> 00:07:08,060
Anuhchiish maak yaapach chiwii siihchimitinaawaau chechii suuhchiteheyekw,

73
00:07:08,060 --> 00:07:12,440
wesh mitun nichischeyihten ekaa waachipeyakw che wanaatisiihkw.

74
00:07:12,440 --> 00:07:15,980
Mikw uu chiimaan chika wanaatan.

75
00:07:15,980 --> 00:07:21,300
Wesh an Chishemanituu kaa tipeyimit an kaa nuuchiishtuuk,

76
00:07:21,300 --> 00:07:25,860
utenchilam nichii pechi nituwaapamikuyuu tepiskaayich.

77
00:07:25,860 --> 00:07:28,060
Ekw kaa iishit an enchil,

78
00:07:28,060 --> 00:07:28,880
‘Paul,

79
00:07:28,880 --> 00:07:30,580
ekaawii kushtaach,

80
00:07:30,580 --> 00:07:38,080
wesh chika uhchishkuukaapuushtawaau Caesar anite Romehch kaa ihtaat chechii wiyaaskunisk.

81
00:07:38,080 --> 00:07:42,960
Ihtakuniyuu kaye taan e ishi miyutuutamaask Chishemanituu,

82
00:07:42,960 --> 00:07:47,020
misiwe chika pimaatisiyuuch anichii kaa wiicheutwaau.’ ”

83
00:07:47,020 --> 00:07:50,880
Ekw maak Paul kaa ati itaat aniyuu naapeu,

84
00:07:50,880 --> 00:07:52,580
“Suuhchitehekw maak,

85
00:07:52,580 --> 00:08:00,540
wesh mitun nitaapweyimaau Chishemanituu taapwe misiwe che ispayiyich taan kaa itikuuch che ispayiyich.

86
00:08:00,540 --> 00:08:06,420
Ekw mikw yaayeu anite ministikuhch chika ishi akwaayaahukunaanuu.”

87
00:08:06,420 --> 00:08:10,260
Iskutak maak niishu tuushteu kaa ishpish yuutihch,

88
00:08:10,260 --> 00:08:12,240
an maak tepiskaach,

89
00:08:12,240 --> 00:08:21,020
eshkw mikw nipapaamaastimikunaan an e mistayuutihch anite an chihchikamii Adria kaa ishinihkaatech.

90
00:08:21,020 --> 00:08:31,760
Wiyesh maak yaapihtaatipiskaayich anichii naapeuch anit chiimaanihch kaa aapatisitwaau chii muushihtaauch e peshuwaapahtamuwachiht aschiiyuu.

91
00:08:31,760 --> 00:08:36,140
Ekw kaa nituu chischeyihtahkwaau taan e ispihtaatimiyich anit.

92
00:08:36,140 --> 00:08:40,480
Apisiyuu chii aapachihtaauch aniyuu e ishi nituu chischeyihtahkwaau.

93
00:08:40,480 --> 00:08:46,660
E kusikuniyich chekwaayuu chii maahkupitamuch anite e waniskwaapekaniyich aniyuu apisiyuu,

94
00:08:46,660 --> 00:08:49,000
ekw kaa pakashtawehahkwaau.

95
00:08:49,000 --> 00:08:55,800
Chekwaayuu uu peyakwaau mitaahtumitanuu miin niishtunuu misit kaa ispihtaatimiyich.

96
00:08:55,800 --> 00:08:57,380
Weipishchiish maak,

97
00:08:57,380 --> 00:08:59,400
ekw miin kaa nituu chischeyihtahkwaau.

98
00:08:59,400 --> 00:09:04,120
Peyakushtemitanuu misit ekw chii ishpish chiishkaayiwaayuu.

99
00:09:04,120 --> 00:09:10,540
Aniyuu maak e kushpaneyihtahkwaau chechii pistaapischihtiniyich aniyuu chiimaaniyuu,

100
00:09:10,540 --> 00:09:14,800
neu aniyuuh punasinaapaachikanh chii pakashtawehamuch,

101
00:09:14,800 --> 00:09:18,280
chechii mamechimaahuteyich aniyuu chiimaaniyuu.

102
00:09:18,280 --> 00:09:22,680
Ekw kaa ayimihaatwaau wiipach chechii waapaniyich.

103
00:09:22,680 --> 00:09:30,640
Pasch maak anichii naapeuch anit chiimaanihch kaa aapatisitwaau chiimuut chiwii kapaauch aniyuu chiimaaniyuu.

104
00:09:30,640 --> 00:09:37,200
Ekw kaa paskaapihchesahkwaau aniyuu kaa apishaashiyich utiyuu anit chiimaanihch kaa ihtakuniyich.

105
00:09:37,200 --> 00:09:45,240
Muyaam maak mikw e wii pakashtawehahkwaau punasinaapaachikaniyuu anite niishtamuhtakuhch aniyuu chiimaaniyuu,

106
00:09:45,240 --> 00:09:46,740
ekun kaa ihtitwaau.

107
00:09:46,740 --> 00:09:52,120
Ekw Paul kaa itaat aniyuu shimaakanishuuchimaau ekw maak aniyuu shimaakanisha,

108
00:09:52,120 --> 00:09:57,840
“Namui waachi peyakw chika uhchi pimaatisiinaawaau nakatamekwe uu chiimaan.”

109
00:09:57,840 --> 00:10:05,700
Ekw maak anichii shimaakanishach nitawaach kaa paschisahkwaau aniyuuh apisa kaa uhchi maakupateyich aniyuu utiyuu,

110
00:10:05,700 --> 00:10:07,980
ekw kaa pachishtinahkwaau.

111
00:10:07,980 --> 00:10:11,020
Shaash maak chekaat chii waapaniyuu.

112
00:10:11,020 --> 00:10:15,340
Ekw Paul kaa siihchimaat misiwe e tashiyich chechii miichisuyich,

113
00:10:15,340 --> 00:10:16,580
e itaat,

114
00:10:16,580 --> 00:10:24,700
“Shaash neushaap chiishikaau kaa ishpish ashuwaapahtamekw taan che iinikwe kaye kaa ishpish ekaa uhchi miichisuyekw.

115
00:10:24,700 --> 00:10:28,620
Chinituweyimitinaawaau maak ekw chechii miichisuyekw.

116
00:10:28,620 --> 00:10:33,600
Chinituweyihtaakusinaawaau chechii miichisuyekw chechii pimaatisiyekw.

117
00:10:33,600 --> 00:10:38,540
Taapaa waachipeyakw e tashiyekw chekwaan chika uhchi ispayinaawaau,

118
00:10:38,540 --> 00:10:42,700
namui waawaach peyakw ustikwaaniyaapii chika uhchi wanihtaau awen.”

119
00:10:42,700 --> 00:10:45,400
Iskutak maak kaa itwet uyuu Paul,

120
00:10:45,400 --> 00:10:47,800
ekw kaa utinaat palet,

121
00:10:47,800 --> 00:10:52,380
kaa nanaaskumaat Chishemanituu uhchishkuu misiwe aniyuu naapeuh e ihtaayich,

122
00:10:52,380 --> 00:10:54,460
kaa pahkwenaat aniyuu palet,

123
00:10:54,460 --> 00:10:55,980
ekw kaa muwaat.

124
00:10:55,980 --> 00:11:04,420
Ekw misiwe kaa ati suuhchistehetwaau anichii naapeuch kaye maak misiwe kaye wiyawaau chii ati miichisuuch.

125
00:11:04,420 --> 00:11:12,560
Maamuu maak niishwaa mitaahtumitanuu miin niishwaashumitanuu nikutwaashch nichii tashinaan anit chiimaanihch.

126
00:11:12,560 --> 00:11:15,980
Iskutak maak misiwe awen kaa tepimiichisut,

127
00:11:15,980 --> 00:11:19,620
ekw kaa pakashtawepinaakanuutwaau pahkweshikanich,

128
00:11:19,620 --> 00:11:22,980
etituu chechii yaahkahch an chiimaan.

129
00:11:22,980 --> 00:11:26,720
Kaa piikwaahahch nituutinaan

130
00:11:26,720 --> 00:11:29,380
Iskutak maak wiyaapahch,

131
00:11:29,380 --> 00:11:35,740
anichii kaa aapatisitwaau anit chiimaanihch namui uhchi nisituunamuch taanit e ihtaayaahch.

132
00:11:35,740 --> 00:11:40,540
Ekw kaa waapahtahkwaau anit e pechi waasihaayich e yekaaushiyich,

133
00:11:40,540 --> 00:11:44,200
ekw kaa iteyihtahkwaau anit chechii ishi naatakahahkwaau.

134
00:11:44,200 --> 00:11:55,780
Ekw kiipaa kaa paschisahkwaau aniyuu punasinaapaachikaniyuu kaye kaa aapihkunahkwaau aniyuu kaa maahkupitahkwaau anit e uhchi miinuhiikanuyich aniyuu chiimaaniyuu.

135
00:11:55,780 --> 00:12:03,040
Ekw kaa uhpaaskuhahkwaau pimaashuwiniyuu anite niishtamuhtakuhch yaayeu chechii itaahukutwaau.

136
00:12:03,040 --> 00:12:12,380
Ekw mikw an chiimaan anite niishtamuhtakuhch kaa sischikuhtihch e miitaakwe paakwaach ekw kaa chikamuhtihch anit,

137
00:12:12,380 --> 00:12:18,060
ekw kaa ati piikwaahahch anite utaahch wesaa e chii maamisichishtitwaau kiskanach.

138
00:12:18,060 --> 00:12:25,480
Ekw anichii shimaakanishach misiwe kaa wii nipahaatwaau aniyuu naapeu kaa kanuweyimaatwaau kaa maakunaakanuyich,

139
00:12:25,480 --> 00:12:29,520
ekaa kiipaa nituweyimaatwaau chechii ushimuyich,

140
00:12:29,520 --> 00:12:33,160
wesh chipaa chii pakashtawekwaashkuhtiyuh anite nipiihch,

141
00:12:33,160 --> 00:12:36,220
ekw maak anite chechii ishi naatakahamiyich.

142
00:12:36,220 --> 00:12:45,040
An maak shimaakanishuuchimaau chii wii pimaachiheu Paul ekw kaa chistahamuwaat aniyuu shimaakanisha kaa wii nipahaayich aniyuu naapeu.

143
00:12:45,040 --> 00:12:52,920
Ekw kaa itashuwet aniyuu kaa nihtaauhamiyich niishtam chechii pakashtawekwaashkuhtiyich chechii naatakahamiyich.

144
00:12:52,920 --> 00:13:04,060
Kaye anichii kutakach ekun chipaa ihtuuch kaye wiyawaau e mamechimiitwaau napakaahtikw maak kutachiyuu chekwaayuu anit uhchi chiimaanihch e chii piikwaahaniyich.

145
00:13:04,060 --> 00:13:13,400
Ekw maak misiwe kaa tashiyaahch kaa miyupayaahch chechii kapaayaahch aschii chechii taahchishkamaahch.

146
00:13:13,400 --> 00:13:16,320
Iskutak misiwe kaa kapaayaahch,

147
00:13:16,320 --> 00:13:21,520
ekw kaa uhchi chischeyihtamaahch Malta kaa ishinihkaatech ministikw e ihtaayaahch.

148
00:13:21,520 --> 00:13:24,220
Anichii maak iinuuch anit kaa ihtaatwaau,

149
00:13:24,220 --> 00:13:26,780
naashch nichii miyutuutaakunaanich.

150
00:13:26,780 --> 00:13:28,760
Chii chihtauhtaaniyuu mwehch,

151
00:13:28,760 --> 00:13:30,660
ekw kaa wii tahkaayaahch,

152
00:13:30,660 --> 00:13:32,860
kaa kutausiyamihtwaau anit.

153
00:13:32,860 --> 00:13:37,100
Paul maak chii maamuushtinam mistikuh kaa machishtawehahk.

154
00:13:37,100 --> 00:13:43,220
Kaa uhchi muuschiyich chinepukw anit aniyuu mistikuh e itashteyikwaauh,

155
00:13:43,220 --> 00:13:47,100
aniyuu kiipaa e muushihtaayich e chishiteyich,

156
00:13:47,100 --> 00:13:50,440
ekw kaa chikamuyich Paul utihchiihch,

157
00:13:50,440 --> 00:13:54,120
namui maak uhchi pachishtamikuu aniyuu chinepukw.

158
00:13:54,120 --> 00:14:02,720
Ekw anichii iinuuch iskutak wiyaapamaatwaau aniyuu chinepukw e chikamuyich anit Paul utihchiyich kaa ititutwaau,

159
00:14:02,720 --> 00:14:05,400
“Chii nipahiiweche aahchin uu naapeu,

160
00:14:05,400 --> 00:14:09,580
ekw maak aat e chii ushimut anite chihchikamiihch uhchi,

161
00:14:09,580 --> 00:14:13,280
yaapach utihtahukuu chechii waweshihaakanuut.

162
00:14:13,280 --> 00:14:17,060
Eukw aniyuu wehchi maakumikut aniyuu chinepukw.”

163
00:14:17,060 --> 00:14:26,480
Ekw Paul mikw chiyaam kaa machishtawepinaat aniyuu chinepukw anit ishkutehch ekaa mitun wiyesh uhchi ihtuutaakut.

164
00:14:26,480 --> 00:14:33,540
Ekw anichii iinuuch chii naanaakachiheuch chechii paachipayiyich aniyuu Paul maak chechii nipiyich.

165
00:14:33,540 --> 00:14:36,760
Namui maak mitun uhchi wiyesh ihtiyuuh.

166
00:14:36,760 --> 00:14:42,020
Iskutak maak wiyaapamaatwaau ekaa mitun wiyesh ihtiyich ekw kaa itwetwaau,

167
00:14:42,020 --> 00:14:45,760
“Cheshtinaash Chishemanituuwiiche uu naapeu.”

168
00:14:45,760 --> 00:14:51,680
Namui waahyuu anit aniyuu kaa ihtaatwaau chii ihtakun nihtaauchihchikan aschii.

169
00:14:51,680 --> 00:14:56,860
Publius chii ishinihkaasuu an kaa uchimaaut anit aniyuu ministikuyuu.

170
00:14:56,860 --> 00:15:01,020
Eukw maak uu kaa tipiyeusiit aniyuu nihtaauchihchikan aschiiyuu.

171
00:15:01,020 --> 00:15:04,280
Naashch nichii miyutuutaakunaan uu naapeu.

172
00:15:04,280 --> 00:15:08,780
Nishtu chiishikaau nichii ishpish ihtaawaanaan anite e ihtaat.

173
00:15:08,780 --> 00:15:12,320
Uu maak Publius uhtaawii chii aahkusiyuu,

174
00:15:12,320 --> 00:15:17,240
e chishiteunikusiyich kaye e suuhkwaayich e miisiyich.

175
00:15:17,240 --> 00:15:22,060
Ekw Paul kaa piihchewat anite unipeukamikuwiihch,

176
00:15:22,060 --> 00:15:24,540
kaa saaminaat e ayimiheshtamuwaat,

177
00:15:24,540 --> 00:15:26,180
kaa miinuwaachihaat.

178
00:15:26,180 --> 00:15:28,680
Iskutak maak uyuu kaa ispayiyich,

179
00:15:28,680 --> 00:15:34,660
ekw misiwe anichii kaa aahkusitwaau anit ministikuhch kaa ihtaatwaau chii takushinuuch kaye wiyawaau,

180
00:15:34,660 --> 00:15:37,780
kaye maak wiyawaau chii miinuwaatisiyuuch.

181
00:15:37,780 --> 00:15:40,940
Mihchetu chekwaayuuh nichii miikunaanich.

182
00:15:40,940 --> 00:15:43,880
Iskutak maak miin e puusiwachiht,

183
00:15:43,880 --> 00:15:48,140
chii puusihtaauch nanaahkuu chekwaayuu che ishi nituweyihtamuchiht.