1
00:00:05,000 --> 00:00:36,140
Ajna tɨ aun aꞌutyavaacaꞌa huaꞌa jamuan, ajta auj tiꞌicuaꞌacaraꞌa huaꞌa jamuan. Ayaa pu tihuaꞌutaꞌijmɨjriꞌi maj nuꞌu cai huirácɨꞌɨcaꞌan maujna u Jerusalén. Ayaa pu tihuaꞌutaꞌixaa maj raachuꞌeveꞌen tɨ miꞌi aráurasten ɨ tɨ cɨn ari anacaican tyaꞌataujratziiriꞌi ɨ huaꞌayaꞌupua ɨ tɨ tajapua eꞌeseijreꞌe. Ayan tɨcɨn: ―Ai pu aɨn pueen ɨ nyej neri amueꞌixaa.

2
00:00:36,140 --> 00:00:53,640
Aɨjna ɨ Juan, aɨ pu hui huaꞌamuaɨꞌɨhuacaraꞌa jaj cɨmeꞌe. Ma ajtaꞌi ruijmuaꞌa, aaruijmuaꞌa, aɨ pu yavaꞌacányejsin ɨ xaijnyuꞌucaraꞌaraꞌan ɨ Dioj. Aɨ pu hui huatyaturaasin mueetzi jemi. ―Ayaa pu tihuaꞌutaꞌixaa aɨjna ɨ Jesús.

3
00:00:53,640 --> 00:01:21,180
Matɨꞌɨj mi tyujsaɨj. Matɨꞌɨj mi meyan tiraataihuaꞌuriꞌi tɨcɨn: ―Tavastaraꞌa, ¿ni qui ari tyajaꞌureꞌenye aɨjna xɨcajraꞌa jetze paj taataꞌasin tyej títyatatéꞌen iiyan Israel? Aɨ pu aɨn pueen ɨ tɨ anacaican cɨn ari tyaꞌataujratziiriꞌi ɨ tyaj rajyaꞌupua tɨ tajapua eꞌeseijreꞌe.

4
00:01:21,180 --> 00:01:37,400
Aj pu i ayan tihuaꞌutaꞌixaa tɨcɨn: ―Capu aꞌamua jetze ruxeꞌeveꞌe saj raamuaꞌaree aꞌanaj tɨ ayan tiraaxaꞌapɨꞌɨntarej ɨ tyaj rajyaꞌupua. Capu ajta aꞌamua jetze ruxeꞌeveꞌe aꞌanaj tɨ tyajaꞌureꞌenyejsin.

5
00:01:37,400 --> 00:02:09,760
Ma sajta muan, tɨꞌɨj ya vaꞌacáanyen aɨjna ɨ xaijnyuꞌucaraꞌaraꞌan ɨ Dioj, aɨ pu hui amuaataꞌasin ɨ tɨ cɨn amuꞌucaꞌanístiꞌiraj aꞌame. Aj xu sij nye jetze maꞌacan tihuaꞌutáꞌixaateꞌesin aɨmej ɨ maj yan huachaatɨme iiyan Jerusalén, sajta aɨmej ɨ maj maun huachaatɨme u Samaariya. Aj xu sijta aɨme ɨ maj aꞌɨmɨ antachaatɨme seij chuejraꞌa japua, tɨj naꞌa vaꞌatɨ yen seijreꞌe iiyan ɨ chaanaca.

6
00:02:09,760 --> 00:02:20,460
Cɨmeꞌen puꞌu ayan tihuaꞌutaꞌixaa, aj puꞌi áꞌuviꞌitɨchiꞌihuacaꞌa u tajapua, mej seiiraca ɨ tyaɨte. Aj pu i aitɨri raatyaꞌavaatacaꞌa.

7
00:02:20,460 --> 00:02:32,740
Maucheꞌe mu uteꞌe áꞌunyejnyeꞌericaa matɨꞌɨj mi iyeꞌitzi cɨn huaꞌapua huataseijre ɨ tyetyaca aɨme jemi. Naa mu cueinaviꞌin tyaꞌucavɨ́ɨtɨmaꞌa.

8
00:02:32,740 --> 00:02:56,560
Ayaa mu tihuaꞌutaꞌixaa tɨcɨn: ―Mɨ saj Galileeya eꞌeche, ¿aꞌini een cɨn uteꞌe sáꞌunyejnyeꞌe? Aɨjna ɨ Jesús, ɨ tɨ áꞌuviꞌitɨchiꞌihuacaꞌa u tajapua, aɨ pu hui mijmu ayan yavaꞌacányejsin ayajna satɨj sanaꞌa seri tiraaseij aꞌij tɨ yeꞌi tyajaꞌuviꞌitɨchiꞌihuacaꞌa. ―Ayaa mu tihuaꞌutaꞌixaa.