1
00:00:05,000 --> 00:00:21,200
Meenti aɨn ɨ Saulo, ayan auj tihuáꞌanyeechacaa tɨ huaꞌucuiꞌini aɨme ɨ maj raꞌatzaahuatyaꞌacaa aɨjna ɨ tavastaraꞌa. Aɨj pu cɨn aɨjna u aꞌutéeseij aɨjna tɨ tihueꞌijtyaꞌacaa u teyujtaꞌa.

2
00:00:21,200 --> 00:00:52,900
Aj puiꞌi raatahuaviiriꞌi tɨ aɨn raatapijteꞌen ɨ yuꞌuxari ɨ tɨ cɨn u aꞌutyarute u teyujtaꞌa ajta aꞌahuaꞌa tɨ ayan tyajaꞌarajtyahuaa tɨcɨn Damasco. Tɨ puaꞌa nuꞌu aun huajaꞌutyauuni ɨ tyaɨte ɨ maj nuꞌu raꞌatzaahuatyaꞌacaa ɨ nyuucari ɨ maj cɨn rɨꞌɨ tityaajuꞌucaa ɨ Dioj jemi, aj pu nuꞌu i hueꞌiráviꞌitɨj huaꞌanajɨꞌɨcaꞌaxɨꞌɨn, tɨꞌij nuꞌu i huaꞌaviꞌitɨn u Jerusalén.

3
00:00:52,900 --> 00:01:07,180
Tɨꞌɨj ari aun vejliꞌi aumaꞌacaa ajna Damasco, iyeꞌitzi cɨn pu eihua huatátzarajraa. Uteꞌe pu vaꞌacaanye ajna aꞌu tɨ aꞌutyavaacaꞌa aɨjna ɨ Saulo.

4
00:01:07,180 --> 00:01:19,960
Tɨꞌɨqui aɨn arajve a chuaataꞌa. Tiꞌitɨ pu huanamuajriꞌi tɨ ayan tiraataꞌixaa tɨcɨn: ―Saulo, Saulo. ¿Aꞌini een cɨn peyan aꞌij puaꞌa nyaruure?

5
00:01:19,960 --> 00:01:35,340
Aj puiꞌi ayan tiraataihuaꞌuriꞌi aɨjna ɨ Saulo tɨcɨn: ―¿Aꞌataani paj pueen, nyavastaraꞌa? Aj puiꞌi ayan tyuꞌutánamuajre tɨcɨn: ―Nyaa nu nyaɨn pueen i nyej iꞌi Jesús, i paj aꞌij puaꞌa nyaruure.

6
00:01:35,340 --> 00:01:45,760
Aj puiꞌi tavastaraꞌa ayan tyuꞌutanyúu tɨcɨn: ―Ajchesi, aricu u chajtaꞌa. Aa mu muajaꞌutaꞌixaateꞌesin aꞌij pej yeꞌi huarɨni.

7
00:01:45,760 --> 00:01:57,300
Majta maɨn ɨ maj jamuan áꞌujhuaꞌanyaꞌa, au mu aꞌutyáuucaꞌa, camu cheꞌe aveꞌenyuucaꞌa. Tiꞌitɨ mu xaa huanamuajriꞌi, aru camu aꞌatɨj aꞌa aꞌuseij.

8
00:01:57,300 --> 00:02:10,320
Aj puiꞌi ajche aɨjna ɨ Saulo. Tɨꞌɨj maunyeeracaꞌa, capu cheꞌe atányeericaa. Matɨꞌɨj mi raꞌanavíꞌiraꞌa ɨ muajcaꞌaraꞌaraꞌan jetze, meyaꞌuviꞌitɨ u Damasco.

9
00:02:10,320 --> 00:02:24,180
Ayaa pu aꞌatee aꞌachu cumu hueica xɨcaj tɨ arácuuniꞌi, ajta tɨ cai tiꞌitɨ huacuaa; ayaa pu cheꞌeta naꞌa aꞌatee hueica xɨcaj tɨ cai yaꞌacaraꞌa.

10
00:02:24,180 --> 00:02:48,040
Saɨj pu aꞌutyavaacaꞌa aujna Damasco, aꞌatɨ tɨ ajta tyaꞌatzaahuatyaꞌacaa. Ayaa pu antyahuaacaꞌa tɨcɨn Ananías. Aj puiꞌi tavastaraꞌa huataseijre jemin aɨjna ɨ Ananías. Ayaa pu tiraatajee tɨcɨn: ―Ananías. Aj puiꞌi ayan tyuꞌutanyúu tɨcɨn: ―Yeꞌe nyaj huatejvee, nyavastaraꞌa.

11
00:02:48,040 --> 00:03:14,220
Aj puiꞌi ayan tiraataꞌixaa aɨjna ɨ tavastaraꞌa tɨcɨn: ―Aricu, aɨjna caayeraꞌa jetze tɨ ayan tyajaꞌarajtyahuaa tɨcɨn tɨ huataujreꞌiye. Pataꞌaj hui paun tyuꞌutaihuaꞌun ɨ Judás tɨ eꞌeche tɨ puaꞌa aun aꞌutácatii aɨjna ɨ aꞌatɨ tɨ ayan antyahuaa tɨcɨn Saulo. Tarso pu hui eꞌemaꞌacan aɨjna ɨ aꞌatɨ. Aɨ pu rahuauhuau ɨ Dioj jemi.

12
00:03:14,220 --> 00:03:35,100
Aꞌatɨ pu nuꞌu huataseijre aɨjna jemi ɨ Saulo. Tevi pu huataseijre tɨ ayan antyahuaa tɨcɨn Ananías. Ajta ayan tyuꞌuséijre tɨ aɨn Ananías nuꞌu raꞌavaꞌamuarej an múutzeꞌen tɨ ij ajtahuaꞌa atanyeere. ―Ayaa pu tiraataꞌixaa ɨ tavastaraꞌa.

13
00:03:35,100 --> 00:03:56,520
Aj puiꞌi ayan tiraataꞌixaa aɨjna ɨ Ananías: ―Casiꞌi, nyavastaraꞌa. Muiꞌitɨ mu meri naataꞌixaa aꞌij tɨ tiꞌitɨ ruure aɨjna ɨ aꞌatɨ. Eecan pu nuꞌu aꞌij puaꞌa huaꞌaruure aɨmej ɨ maj muaꞌatzaahuateꞌe aun maj aꞌuchaatɨme aujna Jerusalén.

14
00:03:56,520 --> 00:04:14,640
Ajta ijii, aɨmej ɨ mej tieꞌijta u teyujtaꞌa, aɨ mu nuꞌu raataꞌa tɨ aɨn ya tanyen, tɨꞌij hueꞌiraviꞌitɨn huaꞌanajɨꞌɨcaꞌaxɨꞌɨn aɨmej ɨ maj muanaꞌamiche mueetzi.

15
00:04:14,640 --> 00:04:38,560
Ajtahuaꞌa pu ayan tiraataij ɨ tavastaraꞌa tɨcɨn: ―Aricu. Nyaa nu hui raꞌavaꞌahuau nyaɨjna ɨ aꞌatɨ tɨꞌij aɨn nyeetzi jetze maꞌacan tihuaꞌutaꞌixaateꞌen aɨmej ɨ mej seij chuejraꞌa japua eꞌeche, ajta ɨ huaꞌarey. Aɨ pu hui ajta nyeetzi jetze maꞌacan tihuaꞌutáꞌixaateꞌesin ɨ maj maun aꞌuchaatɨme aujna u Israel.

16
00:04:38,560 --> 00:04:51,860
Ayej xaa nyaꞌu, nyaa nu raataseijrateꞌesin nyaɨjna ɨ Saulo ɨ tɨ ayan tyuꞌujxeꞌeveꞌe tɨ eihua rajpueiitzi aꞌaraꞌani nyeetzi jetze maꞌacan. ―Ayaa pu tiraataꞌixaa ɨ tavastaraꞌa.

17
00:04:51,860 --> 00:05:32,680
Aj puiꞌi áꞌuraa aɨjna ɨ Ananías. Au pu aꞌaráꞌa Judás tɨ eꞌeche. Aj puiꞌi aun aꞌutyajrupi u chiꞌita. Ajta eꞌeyan raꞌavaꞌamuarej an múutzeꞌen aɨjna ɨ Saulo. Aj puiꞌi ayan tiraatataujte tɨcɨn: ―Neꞌihuaaraꞌa, Saulo. Aɨ pu hui ayan tinaataij ɨ tavastaraꞌa, aɨjna ɨ Jesús tɨ mueetzi jemi aꞌutaseijre patɨꞌɨj ya vaꞌatamáꞌacaa. Ayaa pu tinaataij pej pi pajtahuaꞌa atanyeere, ajta paj paɨjna jetze araꞌacaꞌanyen ɨ xaijnyuꞌucaraꞌaraꞌan ɨ Dioj. ―Ayaa pu tiraataꞌixaa aɨjna ɨ Ananías.

18
00:05:32,680 --> 00:05:49,000
Cɨmeꞌen puꞌu ayan tiraataꞌixaa, aitácuurixɨ ɨ jɨꞌɨsaaraꞌan jetze ɨ tiꞌitɨ naviiraꞌan tɨ huatyaahua. Aj puꞌi ajtahuaꞌa atanyeeracaꞌa. Tɨꞌɨqui aɨn ajche aɨjna ɨ Saulo. Tɨꞌɨqui huamuaɨꞌɨvijhuacaꞌa.

19
00:05:49,000 --> 00:06:02,280
Aj puiꞌi xaa tyuꞌucuaa. Ajta ruꞌuhuatácaꞌanistiꞌiriꞌi. Au pu huatyajturaa huaꞌa jamuan ɨ maj tyaꞌatzaahuateꞌe huaꞌapua, hueica xɨcaj, aujna u Damasco.