1
00:00:05,000 --> 00:00:22,600
Jajcua ɨmɨ pu seijraꞌacaa aɨjna ɨ tɨ jee tɨcɨn ɨ nyuucari. Ajta, aɨjna ɨ nyuucari, aɨ pu seijraꞌacaa ɨ Dioj jemi. Ajta aɨ pu Dioj puéenyaꞌa aɨjna ɨ nyuucari.

2
00:00:22,600 --> 00:00:29,280
Aɨ pu jajcua ɨmɨ seijraꞌacaa ɨ Dioj jemi tɨꞌɨj cai xɨ maꞌahuaꞌacaa ɨ chaanaca.

3
00:00:29,280 --> 00:00:52,640
Nain tɨj naꞌa tɨ tiꞌiseijreꞌe, aɨjna nyuucari jetze pu ayan tyuꞌutaseijre. Aɨ pu ɨ Dioj, ajta aɨjna ɨ nyuucari, aɨ mu naijmiꞌi tyuꞌutaahuacaꞌa tɨj puaꞌamua yen tiꞌiseijreꞌe. Ajta, capu tiꞌitɨ ayan tiꞌiseijraꞌa aꞌameꞌencheꞌe tɨ puaꞌa cai aɨn nyuucari ayan tyuꞌutaxajtancheꞌe.

4
00:00:52,640 --> 00:01:13,320
Tɨj naꞌa jajcua ɨmɨ tɨ yu eꞌireꞌenye, aɨj pu jetze eꞌiráninyeicaꞌa aɨjna tɨ iꞌiruuri rusen cɨmeꞌe. Ajta aɨj pu cɨn ayan huanyeeriꞌicɨcaa huaꞌa tzajtaꞌa ɨ tyaɨte aɨjna cɨmeꞌe tɨ cɨn iꞌiruuri mej mi meyan raamuaꞌaree aꞌij tɨ een ɨ Dioj jemi.

5
00:01:13,320 --> 00:01:35,380
Ajta aɨjna tej teyan tyajta ratamuaꞌamua tɨcɨn tatzari, aɨ pu huanyeeriꞌicɨ aꞌaraa aɨme tzajtaꞌa ɨ tyaɨte ɨ maj áꞌujhuaꞌanyaꞌa tɨcaꞌamisteꞌe. Majta aɨme ɨ mej meyan tɨcaꞌamisteꞌe áꞌujhuaꞌanyaꞌa, camu raayɨꞌɨtɨhuaꞌa maj raꞌujeꞌica ɨ tatzari tɨ huaꞌatzajtaꞌa huanyeeriꞌicɨcaa.

6
00:01:35,380 --> 00:01:42,560
Seij pu ayan u aꞌuveꞌeme tɨ Dioj ayan yaꞌutaityacaꞌa. Ayaa pu antyahuaacaꞌa tɨcɨn Juan.

7
00:01:42,560 --> 00:01:58,960
Ayaa pu een cɨn u aꞌuveꞌeme tɨ ij ayan aɨjna cɨn tyaꞌanxájta aꞌij tɨ ari tiꞌijmuaꞌareeracaꞌa aɨjna cɨmeꞌen tɨ iꞌi tatzari, mej mi naimiꞌi meyan tyaꞌantzaahuateꞌen aꞌij tɨ aɨn ayan tihueꞌixaateꞌe.

8
00:01:58,960 --> 00:02:10,520
Ajta aɨjna ɨ Juan, capu aɨn puéenyaꞌa ɨ tatzari silu ayaa puꞌu een cɨn aꞌuveꞌeme tɨ ij aɨjna cɨn tihuaꞌutaꞌixaateꞌen aɨjna jetze maꞌacan aɨjna ɨ tatzari.

9
00:02:10,520 --> 00:02:25,900
Ajta aɨn tɨ tzaahuatiꞌiraꞌa cɨn tatzari pueen, tɨ ajta huatatátza huanyeeriꞌi aꞌayeꞌi huaꞌa tzajtaꞌa ɨ tyaɨte, aꞌachu maj puaꞌamua yen seijreꞌe, aɨ pu mu aꞌuvéꞌemaꞌacaa iiyan chaanaca japua.

10
00:02:25,900 --> 00:02:43,080
Aɨ pu ayan huatyajturaa iiyan chaanaca japua. Ajta, aɨ pu nain tyuꞌutaahuacaꞌa tɨj naꞌa tɨ yan chaanaca japuan tiꞌiseijreꞌe. Ma majta maɨn, ɨ mej yan huachaatɨmaꞌacaa iiyan chaanaca japua, camu raamuáꞌa.

11
00:02:43,080 --> 00:02:51,520
Aɨ pu mu aꞌuvéꞌemaꞌacaa, ajta aɨme jemi ɨ rutyaɨtestyamuaꞌa huatyajturaa. Majta aɨme, camu raꞌancureꞌeviꞌitɨ.

12
00:02:51,520 --> 00:03:08,000
Ma majta, seica mu xaa raꞌancureꞌeviꞌitɨ aɨme ɨ tyaɨtestyamuaꞌameꞌen. Ajta aɨn, ayej tihuaꞌutaꞌa aɨmej ɨ maj raꞌastijre mej mi yaujmuaꞌameꞌen pueenyaꞌa muaꞌaraꞌani ɨ Dioj aꞌachu maj puaꞌamuaca.

13
00:03:08,000 --> 00:03:23,680
Majta aɨme, camu meyan tyetyaca jetze aꞌiráninyeicaꞌa maɨjna cɨmeꞌe tɨ tyaataꞌa ayan tiꞌijxeꞌevaꞌacaa. Camu aꞌatzu xaa nyaꞌu, silu ayaa muꞌu maɨjna jetze ajtyamaꞌacan ɨ Dioj.

14
00:03:23,680 --> 00:03:55,800
Ajta aɨn ɨ nyuucari aɨ pu ayan huataujtevistacaꞌa. Aɨ pu ajta ityejmi jemi huatyajturaa. Tyan tu tyajta teyan raaseij tyaɨjna ɨ tɨ cɨn rɨꞌɨ tiraataꞌa ɨ Dioj. Tyan tu raaseij ɨ tɨ cɨn Dioj rɨꞌɨ tyuꞌutaꞌa aɨjna cɨmeꞌe tɨ aɨ naꞌa caj tiꞌiyaujraꞌan ɨ Dioj. Aɨ pu eꞌemaꞌacan ɨ ruyaꞌupua jemi. Nain pu cɨn rɨꞌɨ titájchaɨcaꞌa ruxéꞌeviꞌiraꞌa cɨmeꞌe. Ajta, nain pu ayan tzaahuatiꞌiraꞌa cɨn tyuꞌutaxajtacaꞌa.

15
00:03:55,800 --> 00:04:22,000
Ajta aɨn ɨ Juan, ayaa pu aɨjna cɨn tyuꞌutaxajtacaꞌa, ayan tiꞌixaata tɨcɨn: ―Ai pu aɨn pueen ɨ nyaj cɨmeꞌen nyeri tyajamueꞌixaa yee aɨjna tɨ yeꞌeveꞌeme nyaj cujtaꞌan, eitzeꞌe pu vaꞌacan cɨn tiꞌityejvee nyacai inyaa, aꞌini aɨ pu anacai seijraꞌacaa nyacai inyaa. ―Ayaa pu tyuꞌutaxajtacaꞌa.

16
00:04:22,000 --> 00:04:35,940
Naijmiꞌi ityan tuꞌuri teyan tyaɨjna cɨn raꞌancuraꞌa tyaɨjna cɨmeꞌe ɨ tɨ nain cɨn rɨꞌɨ naa titataꞌaca. Ruxeꞌeveꞌeviꞌiraꞌa pu cɨn rɨꞌɨ titataꞌaca tɨj naꞌa tɨ yu aucaꞌitɨ aꞌame.

17
00:04:35,940 --> 00:05:00,120
Aꞌini ayaa puꞌu, aɨjna ɨ nyuucari ɨ maj cɨn tiꞌijta, Dioj pu ayan raatyajtuaa ɨ Moisés jemi. Dioj pu ajta ayan tiréijca aɨjna ɨ Jesús, tɨ ajta Cɨriistuꞌu pueen, tɨ ij aɨn ruxéꞌeviꞌiraꞌa cɨn rɨꞌɨ titaataꞌan, tɨ ij ajta tzaahuatiꞌiraꞌa cɨn titaataseijrateꞌen aꞌij tɨ tiꞌijxeꞌeveꞌe ɨ Dioj.

18
00:05:00,120 --> 00:05:25,780
Capu aꞌatɨ aꞌanaj raaseij ɨ Dioj, silu aɨ puꞌu tɨ aɨ naꞌa caj tiꞌiyaujraꞌan. Ruxeꞌeveꞌeviꞌiraꞌa pu cɨn rɨꞌɨ titataꞌaca tɨj naꞌa tɨ yu aucaꞌitɨ aꞌame. Capu aꞌatɨ aꞌanaj raaseij ɨ Dioj, silu aɨ puꞌu tɨ saɨj naꞌa yaujraꞌan pueen, tɨ ajta Dioj jemi seijreꞌe, aɨ pu ayan taatamuáꞌate aꞌij tɨ een.