1
00:00:05,000 --> 00:00:14,940
Yaa ruijmuaꞌa yee, ajtahuaꞌa pu aun aꞌutyavaacaꞌa aɨjna ɨ Juan. Ajta aɨme ɨ tɨ huaꞌuviꞌitɨjmaꞌa, huaꞌapua mu jamuan áꞌujhuaꞌanyaꞌa.

2
00:00:14,940 --> 00:00:25,700
Tɨꞌɨj raaseij tɨ aun aꞌatamaꞌacaa aɨjna ɨ Jesús, ayaa pu tyuꞌutaxajtacaꞌa tɨcɨn: ―Xaaseij muan, ɨ canyaꞌa Dioj tɨ raatamuaɨꞌɨvajta.

3
00:00:25,700 --> 00:00:32,540
Matɨꞌɨj meyan tiraanamuajriꞌi aɨme ɨ maj huaꞌapua, matɨꞌɨj mi Jesús huataven.

4
00:00:32,540 --> 00:00:56,820
Ajta aɨn Jesús, tɨꞌɨj pɨ aꞌureꞌeve, aj puꞌi huaꞌuseij maj raavájrajmeꞌe. Aj puꞌi ayan tihuaꞌutaihuaꞌuriꞌi tɨcɨn: ―¿Aꞌini setiꞌijxeꞌeveꞌe muan? Aj mu meyan tyuꞌutanyúu tɨcɨn: ―Rabí, ¿aꞌuni peꞌeche muaa? Aijna i nyuucari tɨcɨn Rabí, ayaa pu huataujmuaꞌa tɨcɨn Tevi tɨ Tihuaꞌamuaꞌate.

5
00:00:56,820 --> 00:01:18,460
Aj pu i Jesús ayan tihuaꞌutaꞌixaa tɨcɨn: ―Sataꞌaj ya vaꞌajuꞌun sataꞌaj yaꞌuseij. Matɨꞌɨj mi aꞌucɨj jamuan. Majta u yaꞌuseij aꞌutɨ eꞌechajcaꞌa. Majta mu jamuan aun aꞌutyajturaa aꞌachu puaꞌan oora tiꞌituraacaꞌa aɨjna xɨcajraꞌa jetze. Yaa pu tyauumaꞌaca tyaꞌacáaráꞌa tacuarixpua.

6
00:01:18,460 --> 00:01:34,500
Ajta, saɨj tɨ huaꞌajetze ajtyamaꞌacantacaa ɨ maj huaꞌapua ɨ maj Jesús jamuan aꞌucɨ́j, ayaa pu antyahuaacaꞌa tɨcɨn Andrés. Aɨ pu juutzajraꞌan pɨrɨcɨ aɨjna ɨ Simón, tɨ ajta iꞌi Pedro.

7
00:01:34,500 --> 00:01:53,780
Aj puꞌi aɨn Andrés anacai raꞌantinajchacaꞌa aɨjna ɨ rujaꞌa, ɨ Simón. Aj puꞌi ayan tiraataꞌixaa tɨcɨn: ―Tuꞌuri ráatyau tyaɨjna ɨ Mesías. (Mesías, ayaa pu huataujmuaꞌa aɨjna ɨ nyuucari tɨcɨn Cɨriistuꞌu tɨ Dioj Raꞌantihuau.)

8
00:01:53,780 --> 00:02:16,620
Tɨꞌɨqui yaꞌaraaviꞌitɨ aɨjna ɨ Simón ɨ Jesús jemi. Ajta aɨn Jesús, tyamuaꞌa pu tiraꞌaraaseij. Ayaa pu tiraataꞌixaa tɨcɨn: ―Muaa paj aɨn pueen ɨ yaujraꞌan ɨ Jonás. Ayaa paj antyahuaa puaꞌame tɨcɨn Cefas. (Cefas, ayaa pu huataujmuaꞌa tɨcɨn Pedro, tɨ ajta tetej pueen.)

9
00:02:16,620 --> 00:02:36,900
Yaa ruijmuaꞌa yee, Jesús pu aun áꞌuyeꞌimɨjcaa. Ayaa pu tiraaxaꞌapɨꞌɨntare tɨ aun áꞌumeꞌen aujna ajtyapua, Galileeya aꞌahuaꞌa. Tɨꞌɨj i aɨn raꞌantinajchacaꞌa aɨjna ɨ Felipe. Ayaa pu tiraataꞌixaa tɨcɨn: ―Pataꞌaj nya jamuan áꞌuchaꞌacanyeꞌen.

10
00:02:36,900 --> 00:02:49,940
Aɨjna ɨ Felipe, au pu eꞌemaꞌacantacaa, aujna chajtaꞌa tɨ ayan tyajaꞌarajtyahuaa tɨcɨn Betsaída. Au mu majta eꞌemaꞌacan aɨjna ɨ Andrés, ajta aɨjna ɨ Pedro.

11
00:02:49,940 --> 00:03:25,860
Aj puꞌi aɨn Felipe aɨn huátyau ɨ Natanael. Ayaa pu tiraataꞌixaa tɨcɨn: ―Tuꞌuri ráatyau tyaɨjna tɨ cɨmeꞌen Moisés tyaacan ayan raꞌuyuꞌuxacaꞌa aɨjna jetze ɨ yuꞌuxari, ɨ nyuucari ɨ maj cɨn tiꞌijta. Ai pu hui ajta aɨn pueen ɨ maj majta cɨmeꞌen raꞌuyuꞌuxacaꞌa aɨme ɨ mej Dioj jetze maꞌacan tiꞌixaxaꞌataꞌa. Ai pu aɨn pueen aɨjna ɨ Jesús, Nazaret tɨ eꞌemaꞌacan. Aɨ pu yaujraꞌan pueen ɨ José.

12
00:03:25,860 --> 00:03:46,460
Ajta aɨjna ɨ Natanael, ayaa pu tiraataihuaꞌuriꞌi tɨcɨn: ―¿Ni qui Nazaret eꞌemaꞌacan? ¿Ni ayan tiꞌirɨꞌɨri tɨ aun Nazaret tiꞌitɨ aꞌiraanyen tɨ tiꞌireꞌen? Aj puꞌi ayan tiraataꞌixaa aɨjna ɨ Felipe tɨcɨn: ―Cheꞌere, pataꞌaj yaꞌuseij.

13
00:03:46,460 --> 00:04:05,980
Tɨꞌɨj Jesús raaseij tɨ eꞌeveꞌemaꞌacaa aɨjna ɨ Natanael, ayaa pu tyuꞌutaxajtacaꞌa cɨmeꞌen aɨjna tɨcɨn: ―Xaaseij, puꞌuri eꞌeveꞌeme seij tɨ tzɨteꞌe Israel jetze ajtyamaꞌacan. Capu tiꞌihueꞌitzi aɨjna jemi. Capu aꞌanaj tiꞌihueꞌitaca.

14
00:04:05,980 --> 00:04:28,340
Aj puꞌi aɨn Natanael ayan tiraataihuaꞌuriꞌi tɨcɨn: ―¿Aꞌuni pe nyajaꞌumuáꞌa? ¿Aꞌini pej pi een cɨn nyamuaꞌate? Jesús pu ayan tyuꞌutanyúu tɨcɨn: ―Nyaa nu nyaun muajaꞌuseij patɨꞌɨj paun eꞌiracatii jeten aɨjna ɨ huarej, tɨꞌɨj cai xɨ muaatajeeva aɨjna ɨ Felipe.

15
00:04:28,340 --> 00:04:46,540
Aj puꞌi ayan tiraataꞌixaa aɨjna ɨ Natanael tɨcɨn: ―Rabí, muaa paj paɨn pueen pej iꞌi yaujraꞌan ɨ Dioj. Muaa paj aɨn pueen ɨ pej titaataijteꞌesin ityejmi i tyej Israel jetze ajtyamaꞌacan.

16
00:04:46,540 --> 00:05:10,980
Aj puꞌi Jesús ayan tiraataꞌixaa tɨcɨn: ―Muaa paj peyan tyaꞌatzaahuateꞌe paɨjna cɨmeꞌe nyej neyan timuaataꞌixaa yee nyaj nyaun muajaꞌuseij patɨꞌɨj paun eꞌiracatii ɨ huarej jete. Ayaa nu tiꞌimueꞌixaateꞌe pej pauj peyan tiꞌiseiran tiꞌitɨ cɨmeꞌe tɨ eitzeꞌe ruxeꞌeveꞌe cai aɨjna.

17
00:05:10,980 --> 00:05:39,880
Ajta ayan tiraataꞌixaa tɨcɨn: ―Ayaa nu tiꞌimueꞌixaateꞌe tzaahuatiꞌiraꞌa cɨmeꞌe pej peyan raseijran tɨ ayan antacúuniꞌihua aꞌame u tajapua. Majta aɨme ɨ mej maun tiꞌivaɨreꞌe Dioj tɨ eꞌeseijreꞌe, aɨ mu yavaꞌacaninyeicaꞌa muaꞌajuꞌun inyeetzi jemi, i nyaj nyajta tyaataꞌa jetze aꞌiraanye. Majta mu aun aꞌujninyeicaꞌa muaꞌajuꞌun maujna u tajapua.