1
00:00:05,000 --> 00:00:22,280
Aun pu saɨj aꞌutyavaacaꞌa tɨ aɨme jetze ajtyamaꞌacantacaꞌa ɨ fariseos. Ayaa pu antyahuaacaꞌa tɨcɨn Nicodemo. Aɨ pu saɨj aɨn pueenyaꞌa ɨ huaꞌavaujsi ɨ mej Israel jetze ajtyamaꞌacan.

2
00:00:22,280 --> 00:00:54,640
Aɨ pu tɨcaꞌɨmɨ a eꞌireꞌenye ɨ Jesús jemi. Ayaa pu tiraataꞌixaa tɨcɨn: ―Rabí, tyan tu ramuaꞌaree paj paun aꞌuveꞌeme ɨ Dioj jemi aɨjna cɨmeꞌe aꞌij pej titaataꞌixaateꞌen. Ayaa pu tiꞌijmuaꞌaree tɨ cai aꞌij tiꞌirɨꞌɨri tɨ aꞌatɨ ayan rɨjca patɨj muaa, aɨjna cɨmeꞌe ɨ tyaj cɨn avaꞌatajɨꞌɨsiviꞌiraxɨꞌɨn tɨ puaꞌa cai Dioj ayan jemin seijraꞌa.

3
00:00:54,640 --> 00:01:11,460
Ajta Jesús ayan tyuꞌutanyúu tɨcɨn: ―Ee xaa nyaꞌu, ayaa nu tiꞌimueꞌixaateꞌe tzaahuatiꞌiraꞌa cɨmeꞌe, tɨ puaꞌa aꞌatɨ cai ajtahuaꞌa huanuꞌeihua, capu rɨꞌɨri tɨ aɨn aun aꞌutyarute aujna Dioj tɨ eꞌeseijreꞌe.

4
00:01:11,460 --> 00:01:36,760
Aj puꞌi Nicodemo ayan tiraataihuaꞌuriꞌi tɨcɨn: ―¿Aꞌini tiꞌirɨꞌɨri tɨ aꞌatɨ ayan ajtahuaꞌa huanuꞌeihua tɨ puaꞌa aɨn ari vastaꞌa pueenyeꞌen? Capu xaa nyaꞌu aꞌij tiꞌirɨꞌɨri tɨ ajtahuaꞌa atyahuiꞌixɨn ɨ ucaaraꞌan jetze ɨ runaana tɨ ij ajtahuaꞌa huanuꞌeihua. ―Ayaa pu tiraataꞌixaa aɨjna ɨ Nicodemo.

5
00:01:36,760 --> 00:02:08,340
Tɨꞌɨqui Jesús ayan tiraataꞌixaa tɨcɨn: ―Ayaa nu tiꞌimueꞌixaateꞌe tzaahuatiꞌiraꞌa cɨmeꞌe, tɨ puaꞌa cai ayan huaujjajcuareꞌen aɨjna cɨmeꞌe tɨ ayan huaujmuaɨꞌɨhua jaj cɨmeꞌe, ajta tɨ puaꞌa cai ayan ajtahuaꞌa huanuꞌeihua aɨjna cɨmeꞌe tɨ aɨn xaijnyuꞌucaraꞌaraꞌan ɨ Dioj ayan huatyaturan ɨ jemin, capu aꞌij tiꞌirɨꞌɨri tɨ aɨn aꞌatɨ aun aꞌutyarute aujna Dioj tɨ eꞌeseijreꞌe.

6
00:02:08,340 --> 00:02:22,480
Saɨque pu een aɨjna tɨ aɨjna jetze eꞌiraninyei tɨ ayan ratyáhueꞌiraꞌa. Ayaa pu cheꞌeta naꞌa saɨque een aɨjna tɨ aɨjna jetze eꞌiraujnejte ɨ xaijnyuꞌucaraꞌaraꞌan ɨ Dioj.

7
00:02:22,480 --> 00:02:29,280
’Capej aꞌij tyáꞌamuajca nyej neyan tiꞌimueꞌixaateꞌe yee ruxeꞌeveꞌe paj pajtahuaꞌa huanuꞌeihua.

8
00:02:29,280 --> 00:02:58,680
Casiꞌi, ayaa pu rɨcɨ ɨ aaca. Nain japua pu huaꞌaacaj. Pajta ranamua tɨ́ ujhuaꞌana. Ma ajta, capu aꞌij muaꞌamitejteꞌe aꞌu tɨ pujmeꞌen aꞌuveꞌeyeꞌi naꞌari aꞌu tɨ pujmeꞌen huarúꞌipi. Ayaa pu cheꞌeta naꞌa tihuaꞌaruure matɨj manaꞌa puaꞌamua ɨ mej meyan eꞌiraujnejte maɨjna jetze ɨ xaijnyuꞌucaraꞌaraꞌan ɨ Dioj. ―Ayaa pu tiraataꞌixaa aɨjna ɨ Jesús.

9
00:02:58,680 --> 00:03:05,600
Ajta aɨn Nicodemo ayan tiraataihuaꞌuriꞌi tɨcɨn: ―¿Aꞌini tiꞌirɨꞌɨri tɨ ayan tyajaꞌureꞌenyen?

10
00:03:05,600 --> 00:03:20,080
Tɨꞌɨqui Jesús ayan tiraataꞌixaa tɨcɨn: ―Mɨ pej tihuaꞌamuaꞌate aɨme ɨ mej Israel tyaacan jetze ajtyamaꞌacan, ¿ni tzaa ayan tiꞌayajna paj cai yauꞌeite aꞌij nyej tiꞌimueꞌixaateꞌe?

11
00:03:20,080 --> 00:03:41,080
Ayaa nu tiꞌimueꞌixaateꞌe tzaahuatiꞌiraꞌa cɨmeꞌe, ayaa tu tyaɨjna cɨn tiꞌixaxaꞌa ɨ tej teyan ramuaꞌaree, tyajta tyaɨjna cɨn tyuꞌutaxajta ɨ tyaj tyajɨꞌɨsin cɨn tyuꞌuseij. ’Ma sajta muan, caxuuxɨ raꞌancuraꞌa aꞌij tyej tyajaꞌamueꞌixaateꞌe.

12
00:03:41,080 --> 00:04:05,440
Ayaa nu nyaɨjna cɨn timuaataꞌixaa aꞌij tɨ tiꞌirɨnyaca iiyan chaanaca japua. Ma pajta muaa, capaj cɨmeꞌen tyaꞌatzaahuateꞌe. ¿Aꞌini tiꞌirɨꞌɨri pej peyan tyaꞌantzaahuateꞌen tɨ puaꞌa neyan nyaɨjna cɨn timuaataꞌixaateꞌen aꞌij tɨ tiꞌirɨnyaca u tajapua Dioj tɨ eꞌeseijreꞌe? Capu xaa nyaꞌu aꞌij tiꞌirɨꞌɨri.

13
00:04:05,440 --> 00:04:18,340
’Capu aꞌatɨ aꞌanaj ayan u aꞌujnyéj u tajapua silu aɨ puꞌu ɨ tɨ yavaꞌacaanye iiyan chaanaca japua. Nyaa nu nyaɨn pueen i nyaj nyajta tyaataꞌa jetze airaanye.

14
00:04:18,340 --> 00:04:44,320
Ajta, tɨj aɨn Moisés ajmiꞌi raꞌajpi aɨjna ɨ cuꞌucuꞌu aujna aꞌahuaꞌa tɨ cai eꞌe tiꞌitɨɨtacaꞌa, ayaa pu cheꞌeta naꞌa ruxeꞌeveꞌe tɨ Dioj ayan naꞌajjan inyeetzi i nyaj nyajta tyaataꞌa jetze airaanye, tɨ ij ayan tihuaꞌucɨꞌɨti aꞌachu maj puaꞌamua naꞌantzaahuateꞌesin mej mi meyan ruuri huatyaturan tɨj naꞌa rusen cɨmeꞌe.

15
00:04:44,320 --> 00:05:16,840
’Ayaa pu Dioj ayan huaꞌutaxeꞌeve aɨme ɨ mej yan huachaatɨme iiyan chaanaca japua tɨ i ayan nyajaꞌutaityacaꞌa inyeetzi, nyej nyaa nyanaꞌa caj tiꞌiyaujraꞌan, nyej ni neyan huamɨꞌɨni huaꞌa jetze maꞌacan mej mi cai antipuáꞌare silu tɨ ayan tihuaꞌucɨꞌɨti mej mi meyan ruuri huatyaturan tɨj naꞌa rusen cɨmeꞌe, aꞌachu maj puaꞌamua meyan naꞌaraꞌastijreꞌesin inyeetzi.

16
00:05:16,840 --> 00:05:43,600
Ayaa pu xaa nyaꞌu tiꞌayajna. Capu Dioj ayan nyajaꞌutaityacaꞌa nyaj yavaꞌacáanyen iiyan chaanaca japua nyej ni neyan huaꞌuxɨjteꞌen nyaɨme ɨ mej yan huachaatɨme nyaɨjna cɨmeꞌe nyej ni pueijtzi huaꞌutaꞌan silu ayaa pu nyajaꞌutaityacaꞌa nyej ni huaꞌajapua huanyuuni nyaɨjna cɨmeꞌe nyaj naijmiꞌica tyuꞌutauuniꞌi.

17
00:05:43,600 --> 00:06:13,080
’Ayaa pu tiꞌijcɨꞌɨti aꞌatɨ tɨ naꞌa tɨ ayan naꞌastijreꞌe inyeetzi, nyej ni cai raꞌuxɨ́jteꞌen, nyajta cai pueijtzi raataꞌan. Ma ajta aɨn, aꞌatɨ tɨ naꞌa tɨ cai naꞌastijreꞌe inyeetzi, Dioj pu ari raꞌuxɨ́jte tɨ ij ayan pueijtzi raataꞌan aɨjna cɨmeꞌe tɨ aɨn cai naꞌastijreꞌe inyeetzi nyej nyaa nyanaꞌa caj tiꞌiyaujraꞌan ɨ Dioj.

18
00:06:13,080 --> 00:06:43,640
Ayaa pu ari huaꞌa cɨmeꞌen raꞌuxɨjte ɨ Dioj nyej nyeri huaꞌa jemi huataseijre aɨme jemi ɨ mej yan huachaatɨme chaanaca japua nyej ni neyan tíhuaꞌutyátatzaviꞌin. Ma majta maɨn ɨ tyaɨte, ayaa mu eitzeꞌe raataxeꞌeve maj maun aꞌutyaturan aꞌu tɨ aꞌutɨcaꞌa maj cai raataxeꞌeve maj maun aꞌutyaturan aꞌu tɨ áꞌunyeeriꞌi. Ayaa mu een cɨn raataxeꞌeve aꞌini aꞌij mu puaꞌa titetyújchaɨcaꞌa.

19
00:06:43,640 --> 00:07:09,840
Ayej xaa nyaꞌu tiꞌayajna, aꞌatɨ tɨ naꞌa tɨ ayan aꞌij puaꞌa tiꞌityujchaɨ, capu aꞌatzu raꞌaraanajchi tɨ ayan huarɨni tɨ aꞌij puaꞌa een cɨmeꞌe aꞌu tɨ áꞌunyeeriꞌi. Capu xaa nyaꞌu ayan áꞌujcaꞌanye tɨ ayan aꞌij puaꞌa huarɨni aꞌu tɨ áꞌunyeeriꞌi aɨjna cɨmeꞌe tɨ ratzɨɨnyeꞌe tɨ ij ayan huatamiteereꞌen aꞌij tɨ een aɨjna tɨ cɨn ayan rɨcɨ.

20
00:07:09,840 --> 00:07:30,040
Ma ajta aꞌatɨ tɨ naꞌa tɨ hui tzaahuatiꞌiraꞌa cɨn rɨꞌɨ tiꞌityujchaɨ, aɨ pu xaa ayan áꞌujcaꞌanye tɨ ayan rɨjca aꞌu tɨ áꞌunyeeriꞌi tɨ ij ayan huatamiteereꞌen tyamuaꞌa naa tɨ ayan rɨcɨ aɨjna cɨmeꞌe tɨ raꞌastijreꞌe ɨ Dioj. ―Ayaa pu tyuꞌutaxajtacaꞌa ɨ Jesús.