1
00:00:05,000 --> 00:00:21,620
Tɨꞌɨj i Jesús aun áꞌumej ajna aꞌahuaꞌa, aun tɨ aꞌutacáꞌa u Judea. Majta mu jamuan aꞌucɨj aɨme ɨ maj jamuan áꞌujhuaꞌanyaꞌa. Au pu huaꞌa jamuan aꞌutyavaacaꞌa aꞌachu puaꞌan xɨcaj. Majta mu huaꞌumuaɨꞌɨhuacaꞌa ɨ tyaɨte.

2
00:00:21,620 --> 00:00:46,800
Ajnaꞌɨmɨ, aɨ pu Juan ajta huaꞌamuaɨꞌɨhuacaꞌa ajna aꞌahuaꞌa chajtaꞌa tɨ ayan tyajaꞌarajtyahuaa tɨcɨn Enón. Au pu vejliꞌi aꞌutacáꞌa u chajtaꞌa tɨ ayan tyajaꞌarajtyahuaa Salim. Ayej tiꞌiruurajcaꞌa aꞌini eihua pu jájmuaacaꞌa aujna. Majta mu eihua tyaɨte eꞌiréꞌeninyeicaꞌa ɨ jemin tɨ ij huaꞌumuaɨꞌɨhua.

3
00:00:46,800 --> 00:00:53,000
Ayaa pu tiꞌiruurajcaꞌa aꞌini camuu xɨ raꞌityanajcaꞌa maɨjna ɨ Juan.

4
00:00:53,000 --> 00:01:09,960
Matɨꞌɨj mi autyajhuii aɨme ɨ maj Juan jamuan áꞌujhuaꞌanyaꞌa mej tyújtyaꞌaxɨn aɨme jamuan ɨ seica ɨ maj Israel jetze ajtyamaꞌacan maɨjna cɨmeꞌe ɨ huaꞌayeꞌira, ɨ tɨ nuꞌu ayan ruxeꞌeveꞌe maj nuꞌu eꞌetyɨꞌɨhuaxɨn.

5
00:01:09,960 --> 00:01:40,080
Matɨꞌɨj mi eꞌireꞌenye ɨ Juan jemi. Aj mu mi meyan tiraataꞌixaa tɨcɨn: ―Rabí, casiꞌi aꞌij tɨ rɨcɨ aɨjna tɨ aun aꞌutyavaacaꞌa mueetzi jemi patɨꞌɨj paun u jetze pujmeꞌen u Jordán. Ai pu hui aɨn pueen ɨ paj cɨmeꞌen tyuꞌutaxajtacaꞌa. Ajta ijii, aɨ pu huaꞌamuaɨꞌɨhua ɨ tyaɨte. Majta naimiꞌi mu eꞌireꞌeninyei ɨ jemin.

6
00:01:40,080 --> 00:01:51,760
Ajta aɨn Juan ayaa pu tyuꞌutanyúu tɨcɨn: ―Tɨj naꞌa tɨ aꞌatɨ ayan raꞌancuraꞌasin, ayaa pu tiꞌijcɨꞌɨti aɨjna cɨmeꞌe tɨ Dioj ayan raataꞌasin.

7
00:01:51,760 --> 00:02:07,800
Muan xu hui sajta seri náanamuajriꞌi nyej neyan tyajamuaataꞌixaa yee nyaj cai nyaɨn pueen ɨ Cɨriistuꞌu tɨ Dioj raꞌantihuau, silu Dioj pu ayan nyajaꞌutaityacaꞌa nyej ni anacai huataseijreꞌen muejmi jemi.

8
00:02:07,800 --> 00:02:48,880
Ayaa pu tiꞌirɨnyaca tɨꞌɨj aꞌatɨ huatyenyaɨche. Aɨjna ɨ jɨitaꞌa, aɨ pu huatyaturaasin aɨjna jemi tɨ raꞌancureꞌeviꞌitɨ. Ajta aɨn amiincuraꞌan ɨ aꞌatɨ, aɨ pu a vejliꞌi aꞌutyavaaca tɨ ij ayan raꞌanviꞌitɨn aɨjna ɨ jɨitaꞌa aɨjna jemi ɨ tyaataꞌa. Aɨ pu ajta ayan rutyamuaꞌaveꞌe aɨjna cɨmeꞌe tɨ ayan ranamua aꞌij tɨ aɨn aꞌatɨ tyuꞌutaxajta aɨjna cɨmeꞌe tɨ ari raꞌancureꞌeviꞌitɨ aɨjna ɨ jɨitaꞌa. Ayaa nu hui cheꞌeta nyanaꞌa nyetyamuaꞌaveꞌe inyaa aꞌini puꞌuri antipuaꞌari ɨ nyaj cɨn antinmuaꞌaree.

9
00:02:48,880 --> 00:03:03,100
Ayaa pu ruxeꞌeveꞌe tɨ aɨn eitzeꞌe vaꞌacan cɨn tyeꞌentyarute. Ajta inyeetzi jemi, ayaa pu ajta ruxeꞌeveꞌe nyej eitzeꞌe cɨleenyaꞌa cɨn tyuꞌutyavaɨreꞌen. ―Ayaa pu tyuꞌutaxajtacaꞌa aɨjna ɨ Juan―.

10
00:03:03,100 --> 00:03:25,680
’Aɨjna tɨ hui u eꞌicaanye u uteꞌe, aɨ pu nain cɨn antyujmuaꞌaree. Nyajta inyaa, i nyej iiyan chaanaca japua maꞌacan, iiya nu hui maꞌacan, nyajta neyan tiꞌixaxaꞌa aꞌij tɨ tiꞌitɨj rɨɨ aꞌayeꞌi iiyan chaanaca japua. Ajta aɨn tɨ uteꞌe eꞌicaanye, aɨ pu nain cɨn antyujmuaꞌaree.

11
00:03:25,680 --> 00:03:39,720
Aɨ pu ayan aɨjna cɨn tiꞌixaxaꞌa aꞌij tɨ aɨn tyuꞌuseij, ajta aꞌij tɨ aɨn tyuꞌunamuajriꞌi ɨ Dioj jemi. Ma ajta, capu aꞌatɨ raꞌatzaahuateꞌe aꞌij tɨ tiꞌixaj.

12
00:03:39,720 --> 00:03:50,240
Ajta aɨn tɨ ayan raꞌantzaahuateꞌe, aɨ pu ayan raataꞌitiira tɨ ayan tiꞌayajna tɨ Dioj ayan tzaahuatiꞌiraꞌa cɨn tiꞌixaxaꞌa.

13
00:03:50,240 --> 00:04:07,780
Aɨjna tɨ Dioj yaꞌutaityacaꞌa, ayaa pu hui cheꞌeta naꞌa aɨjna cɨn tiꞌixaj aꞌij tɨ tyuꞌutaxajtacaꞌa ɨ Dioj. Ayaa pu aɨjna cɨn rɨcɨ aꞌini Dioj pu ayan raataꞌa tɨ aɨn xaijnyuꞌucaraꞌaraꞌan ɨ Dioj nain cɨn huatyaturan ɨ jemin.

14
00:04:07,780 --> 00:04:17,020
Ajta, aɨn yaꞌupuaaraꞌan raxeꞌeveꞌe ɨ ruyauj, ajta ayan raataꞌa tɨ aɨn yaujraꞌan nain cɨn antyujmuaꞌaréera aꞌaraꞌani.

15
00:04:17,020 --> 00:04:38,820
Aɨjna tɨ raꞌastijreꞌe aɨjna ɨ yaujraꞌan, aɨ pu ruuri huatyaturaasin ɨ Dioj jemi tɨj naꞌa rusen cɨmeꞌe. Ajta aɨn tɨ cai ayan tiraꞌaráꞌastijreꞌe, capu ayan racɨꞌɨti tɨ ruuri huatyaturan ɨ Dioj jemi silu Dioj pu pueijtzi raataꞌasin, jicu.