1
00:00:05,000 --> 00:00:15,600
Tɨꞌɨj tyauumaꞌaca aꞌachu cumu huaꞌapua xɨcaj, aj puꞌi aɨn Jesús huirajraa aujna. Aj puꞌi aun áꞌumej ajtyapua u Galileeya.

2
00:00:15,600 --> 00:00:30,020
Jesús pu ayan huatauxajtacaꞌa rusaɨj maj nuꞌu cai rɨꞌɨ tirajchaɨ aɨme ɨ mej aun eꞌeche aꞌu tɨ ajta eꞌeche saɨj tɨ Dioj jetze maꞌacan tiꞌixaxaꞌa. Aɨj pu cɨn, huirajraa aujna u Judea.

3
00:00:30,020 --> 00:01:00,740
Ma ajta aɨme ɨ maj Galileeya eꞌemaꞌacan, tyamuaꞌa mu naa tiraꞌancureꞌeviꞌitɨ tɨꞌɨj aɨn huaꞌa jemi aꞌaráꞌa. Ayaa muꞌu meri nain tyuꞌuséijracaꞌa aꞌij tɨ huarɨj aɨjna ɨ Jesús tɨꞌɨj aun aꞌutyavaacaꞌa aujna Jerusalén matɨꞌɨj tíꞌiyestyajcaa ajna xɨcajraꞌan tɨ jetzen Dioj tihuaꞌutauuniꞌiriꞌi. Majta aɨme ɨ maj Galileeya eꞌemaꞌacan, aɨ mu majta aꞌutyáuucaꞌa maujna.

4
00:01:00,740 --> 00:01:29,060
Ajta aɨn Jesús, aɨ pu ajtahuaꞌa huaꞌumuaaracaꞌa aɨme jemi ɨ mej maun eꞌechajcaꞌa maujna Caná, aꞌu tɨ ɨ jaj huataujviinutacaꞌa. Aɨ pu saɨque ayan raaruu, nyaꞌu. Ajta pu seij aun aꞌutyavaacaꞌa tɨ tiꞌitɨj cɨn tiꞌityavaacaꞌa aɨjna jemi ɨ rey. Ajta aɨn, seij pu tiyaujcaꞌa tɨ aun aꞌucatii aujna Capernaum. Tiꞌicuiꞌicaa aɨjna ɨ yaujraꞌan.

5
00:01:29,060 --> 00:01:52,260
Tɨꞌɨj aɨn aꞌatɨ ayan raamuaꞌareeriꞌi tɨ Jesús aun aꞌarajraa aujna Judea, ajta ari aun aꞌaráꞌa u Galileeya, tɨꞌɨqui aɨjna ɨ aꞌatɨ u áꞌumej ɨ jemin. Eihua pu rájhuaviiriꞌi tɨ aɨn Jesús aun áꞌumeꞌen aɨjna jemi tɨ tiꞌicuꞌi tɨ ij raarujteꞌen aꞌini puꞌuri nuꞌu tɨmuaꞌa mɨꞌɨni.

6
00:01:52,260 --> 00:02:07,260
Ayaa pu Jesús tiraataꞌixaa, tɨcɨn: ―Caxu aꞌanaj tyaꞌantzaahuateꞌesin tɨ puaꞌa nyacai neyan tiꞌitɨ tyajamuaataseijrateꞌen ɨ saj cɨn avaꞌajɨꞌɨsiviꞌiraxɨꞌɨn naꞌari tiꞌitɨ ɨ saj cɨn raamuaꞌaree tɨ Dioj ayan naataꞌa nyej neyan huarɨni.

7
00:02:07,260 --> 00:02:20,900
Ajta aɨn tɨ tiꞌitɨj cɨn tiꞌityavaacaꞌa ɨ rey jemi, ayaa pu tiraataꞌixaa tɨcɨn: ―Nyavastaraꞌa, pataꞌaj peyan u áꞌumeꞌen nyeetzi jamuan, naꞌari cai, aɨ pu hui mɨꞌɨni ɨ niyauj.

8
00:02:20,900 --> 00:02:35,420
Ajta Jesús ayan tyuꞌutanyúu tɨcɨn: ―Aricu aꞌu pej eꞌeche. Puꞌuri rujni ɨ aꞌayauj. Ajta aɨn aꞌatɨ, aɨ pu ráꞌantzaahua aꞌij tɨ tiraataꞌixaa aɨjna ɨ Jesús. Tɨꞌɨqui áꞌuraa.

9
00:02:35,420 --> 00:02:46,140
Tɨꞌɨj ari avejliꞌi aumaꞌaca aɨjna ɨ aꞌatɨ, aɨ mu raꞌantinajchacaꞌa ɨ maj ravaɨreꞌe. Ayaa mu tiraataꞌixaa tɨ nuꞌu ari huaruj aɨjna ɨ yaujraꞌan.

10
00:02:46,140 --> 00:03:03,400
Aj puꞌi ayan tihuaꞌutaihuaꞌuriꞌi aꞌatzaj tɨ puaꞌa ayan huatyapuaꞌaracaꞌa aɨjna tɨ cɨn pɨstacaꞌa aɨjna ɨ yaujraꞌan. Ayaa mu tiraataꞌixaa tɨcɨn: ―Aꞌatzaj pu hui huatyapuaꞌaracaꞌa ɨ tajcai aꞌatzaj tyaꞌacáaráꞌa ɨ tacuarixpua.

11
00:03:03,400 --> 00:03:26,500
Cɨmeꞌen muꞌu meyan tiraataꞌixaa, aj puꞌi raamuaꞌareeriꞌi aɨjna ɨ yaꞌupuaaraꞌan tɨ ayan puaꞌa pɨtiꞌirɨjcaa aꞌatzaj tɨ puaꞌa Jesús ayan tiraataꞌixaa tɨ nuꞌu aɨn yaujraꞌan ari rujni. Aɨj pu cɨn, huataujtuiitze ɨ tavastaraꞌa jemi. Majta aɨme ɨ tyaɨtestyamuaꞌameꞌen, aɨ mu majta meyan huarɨj.

12
00:03:26,500 --> 00:03:38,520
Ai pu aɨn pueen ɨ tɨ huaꞌapua tɨ ayan huapɨꞌɨ ruxeꞌeveꞌe tɨ ayan tyuꞌuruu aɨjna ɨ Jesús aujna aꞌahuaꞌa u Galileeya tɨꞌɨj aun huirájraa u Judea.