1
00:00:05,000 --> 00:00:18,180
Majta aɨme ɨ mej Israel jetze ajtyamaꞌacan, ayaa mu een cɨn aꞌij puaꞌa raruurajcaꞌa maɨjna ɨ Jesús maɨjna cɨmeꞌe tɨ aɨn ayan rɨjcaa ajna xɨcajraꞌa mej jetzen rusaꞌupihuaꞌa.

2
00:00:18,180 --> 00:00:32,240
Jesús pu ayan tihuaꞌutaꞌixaa tɨcɨn: ―Tɨj naꞌa tɨ yu aucaꞌitɨ aꞌame, aɨ pu auj tiꞌimuareꞌe ɨ niyaꞌupua. Ayaa nu cheꞌeta nyanaꞌa inyaa tiꞌimuareꞌe. ―Ayaa pu tihuaꞌutaꞌixaa.

3
00:00:32,240 --> 00:00:57,460
Ayaa mu een cɨn eitzeꞌe meyan tiꞌityesaꞌacaa mej mi raajeꞌica maɨjna cɨmeꞌe tɨ nuꞌu ayan Jesús raataxaahuatacaꞌa tɨ ayan huarɨni aꞌij mej tiꞌijrɨꞌɨre ajna xɨcajraꞌan jetze maj rusaꞌupihuaꞌa. Aɨ pu ajta nuꞌu ayan ratamuaꞌamuaꞌatyaꞌa ɨ Dioj tɨ nuꞌu yaꞌupuaaraꞌan pueen. Aɨj pu nuꞌu cɨn ayan tyúꞌujseijratacaꞌa tɨ ayan cheꞌeta naꞌa een tɨj ɨ Dioj.

4
00:00:57,460 --> 00:01:20,280
Ayaa pu tyuꞌutanyúu aɨjna ɨ Jesús tɨcɨn: ―Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe, capu rɨꞌɨri nyej neyan tiꞌitɨj huáruuren nyasaɨj, i nyaj nyajta tyaataꞌa jetze airaanye. Ayaa nu cheꞌeta nyanaꞌa tiꞌiruure aꞌij nyaj tiꞌisiseꞌi tɨ ayan tiꞌiruure ɨ niyaꞌupua.

5
00:01:20,280 --> 00:01:44,260
Ayaa pu ɨ niyaꞌupua nyexeꞌeveꞌe inyeetzi i nyaj yaujraꞌan pueen. Aɨ pu ajta tiꞌinyeseijrateꞌe nain aꞌij tɨ aɨn tiꞌiruure. ’Ee xaa nyaꞌu, ayaa pu tinaataseijrateꞌesin tiꞌitɨ tɨ eitzeꞌe huapɨꞌɨ ruxeꞌeveꞌe cai aꞌij nyej nyeri tyuꞌuruu sej si tyamuaꞌa naa tiraꞌutaseij.

6
00:01:44,260 --> 00:02:07,080
Ayaa pu hui niyaꞌupua huáꞌajjajpuaxɨꞌɨsin ɨ tyaɨte huaꞌa tzajtaꞌa ɨ mej meri huacuii. Aɨ pu ajta huaꞌataꞌasin mej mi majtahuaꞌa ruuri muaꞌaraꞌani. Ayaa nu cheꞌeta nyanaꞌa huaꞌutaꞌasin aꞌachu puaꞌamua aɨme tɨ ayan naꞌaraanajchi nyaj neyan huaꞌutaꞌan mej mi majtahuaꞌa ruuri muaꞌaraꞌani.

7
00:02:07,080 --> 00:02:19,700
Ajta yeehui aɨn niyaꞌupua, capu aꞌatɨ áꞌaxɨjteꞌe silu puꞌuri ayan nain cɨn tinyeijca inyeetzi, i nyaj yaujraꞌan pueen nyej ni naijmiꞌica aꞌuxɨ́jteꞌen.

8
00:02:19,700 --> 00:02:43,820
Ayaa pu een cɨn huarɨj ɨ niyaꞌupua mej mi meyan cheꞌeta manaꞌa rɨꞌɨ tinaataꞌan inyeetzi matɨj majta rɨꞌɨ tirataꞌaca maɨjna ɨ niyaꞌupua. Ajta, aɨn tɨ cai rɨꞌɨ tinaataꞌaca inyeetzi, i nyaj yaujraꞌan pueen, aɨ pu ajta cai rɨꞌɨ tiraataꞌaca ɨ niyaꞌupua tɨ iiyan nyajaꞌutaityacaꞌa.

9
00:02:43,820 --> 00:03:22,340
’Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe, aꞌatɨ tɨ naꞌa tɨ ayan ranamuaj aꞌij nyej tiꞌixaj, ajta tɨ ayan raꞌaraꞌastijreꞌen aɨjna tɨ yan nyajaꞌutaityacaꞌa, aɨjna ɨ aꞌatɨ, ayaa pu ruurican cɨn huatyaturaasin tɨj naꞌa rusen cɨmeꞌe. Capu aꞌanaj pueijtzi racɨꞌɨti aꞌini aɨ pu ari huiirajraa aꞌu tɨ ayan tiyaꞌacɨꞌɨtincheꞌe tɨ huamɨꞌɨni. Aɨ pu ajta ari aun aꞌutyajrupi aꞌu tɨ ayan yaꞌacɨꞌɨti tɨ ruuri aꞌaraꞌani.

10
00:03:22,340 --> 00:03:53,720
’Ayaa nu tzaahuatiꞌiraꞌa cɨn tyajaꞌamueꞌixaateꞌe. Ayaa pu tyajaꞌureꞌenyejsin, ee xaa nyaꞌu. Ayaa pu ari tyajaꞌureꞌenye ajna xɨcajraꞌan tɨ jetzen ayan tihuaꞌacɨꞌɨti aɨme ɨ mej meri huacuii mej mi meyan raanamua aꞌij nyej tiꞌixa inyaa, i nyaj yaujraꞌan pueen ɨ Dioj. Majta aɨme ɨ mej meyan raꞌancuraꞌasin aꞌij mej tiꞌijnamuajran, aɨ mu rusen cɨmeꞌe ruuri muaꞌajuꞌun.

11
00:03:53,720 --> 00:04:07,460
Aꞌini rujetze pu ayan rusen cɨn ruuri ɨ Dioj, aɨ pu ayan naataꞌa inyeetzi i nyaj yaujraꞌan pueen nyej ni neyan cheꞌeta nyanaꞌa nyejetze rusen cɨn ruuri.

12
00:04:07,460 --> 00:04:20,060
Aɨ pu hui ajta naataꞌa nyej ni nyaɨjna cɨn antinmuaꞌaréera naꞌaraꞌani nyej ni huaꞌuxɨjteꞌen ɨ tyaɨte aꞌini nyaa nu nyajta tyaataꞌa jetze airaanye.

13
00:04:20,060 --> 00:04:33,820
’Caxu saɨjna cɨn rɨꞌɨ tiyáꞌuseijra, aꞌini aj pu tyajaꞌureꞌenyejsin matɨj manaꞌa puaꞌamua ɨ mej meri huacuii, ayaa mu ranamuajran nyatɨꞌɨj huaꞌutajeeve.

14
00:04:33,820 --> 00:04:55,020
Au mu eꞌitajúꞌun aꞌu mej aꞌavaꞌanamiꞌihuajmee. Majta aɨme, ɨ mej rɨꞌɨ titetyujchaɨcaꞌa, aɨ mu eꞌitajúꞌun mej mi ruuri muaꞌaraꞌani. Ma majta aɨme ɨ mej aꞌij puaꞌa titetyújchaɨcaꞌa, aɨ mu eꞌitajúꞌun nyej ni neyan huaꞌuxɨjteꞌen tɨ ij ayan pueijtzi tihuaꞌucɨꞌɨti.

15
00:04:55,020 --> 00:05:22,260
’Capu rɨꞌɨri nyej neyan tiꞌitɨ huáruuren nyasaɨj nyanaꞌa, silu ayaa nu cheꞌeta nyanaꞌa huaꞌaxɨjteꞌe aꞌij nyej tiꞌijnamua ɨ niyaꞌupua jemi. Ajta, ayaa pu tiraavijteꞌe aꞌij nyej tihuaꞌaxɨjteꞌe aꞌini canu neyan rahuauca nyej neyan rɨcɨ aꞌij tɨ tinaꞌaraanajchi silu ayaa nu rɨcɨ nyej ni neyan rɨꞌɨ tiraataꞌan aɨjna tɨ yan nyajaꞌutaityacaꞌa.

16
00:05:22,260 --> 00:05:34,680
Tɨ puaꞌa nyasaɨj nyanaꞌa neyan tyuꞌutanxaj, canu neyan tzaahuatiꞌiraꞌa cɨn nyeyan tyuꞌutanxajta.

17
00:05:34,680 --> 00:05:49,140
’Ma ajta, saɨj pu ayan tinaatyáxajta inyeetzi, nyajta inyaa, ayaa nu ramuaꞌaree tɨj naꞌa aꞌij tɨ tíꞌinyaxaj inyeetzi, ayaa pu tzaahuatiꞌiraꞌa cɨn tíꞌinyaxaj aɨjna.

18
00:05:49,140 --> 00:05:58,740
’Muan xu seica huataityacaꞌa ɨ Juan jemi. Aɨ pu ajta tzaahuatiꞌiraꞌa cɨn tyajamuaataꞌixaa inyeetzi cɨmeꞌe.

19
00:05:58,740 --> 00:06:13,480
Capu hui ayan ruxeꞌeveꞌe tɨ aꞌatɨ ayan tíꞌinyaxajta inyeetzi. ’Me nyajta, ayaa nu tyajaꞌamueꞌixaateꞌe nyaɨjna cɨmeꞌe ɨ Juan tɨ ij Dioj ayan tyajamuatáuuniꞌi.

20
00:06:13,480 --> 00:06:35,940
Ayaa pu aꞌatzu tyuꞌutyavaɨ aɨjna ɨ Juan tɨj tatzari tɨ aꞌataa, tɨ ajta nain japua huatátzaveꞌejyeꞌi. Sajta muan, ayaa xu aꞌatzu huatauraꞌa sej seyan huataujtyamuaꞌaveꞌen saɨjna cɨmeꞌe saj raꞌancuraꞌa aꞌij tɨ aɨn tyuꞌutaxajtacaꞌa.

21
00:06:35,940 --> 00:07:00,860
’Tiꞌitɨ pu eitzeꞌe ruxeꞌeveꞌe cai aꞌij tɨ tyuꞌutaxajtacaꞌa aɨjna ɨ Juan. Aɨjna tɨ Dioj ayan cɨn tinyeijca nyej ni neyan nyaɨjna cɨn tyaꞌaraꞌasten ɨ nyaj nyeri neyan nyaɨjna rɨcɨ, aɨ pu ajta tiꞌivaɨreꞌe sej si seyan raamuaꞌaree tɨ ayan nyajaꞌutaityacaꞌa aɨjna ɨ niyaꞌupua.

22
00:07:00,860 --> 00:07:19,620
Ajta aɨn ɨ niyaꞌupua tɨ ayan nyajaꞌutaityacaꞌa, aɨ pu ajta naatyaxájtacaꞌa inyeetzi cɨmeꞌe. Muan xu cai aꞌanaj raanamuajriꞌi tɨ tyuꞌuxajtacaꞌa. Caxu sajta aꞌanaj aꞌamuajɨꞌɨsi cɨn raaseij aꞌij tɨ een.

23
00:07:19,620 --> 00:07:30,700
Caxu sajta raꞌancuraꞌasin aꞌij tɨ aɨn tyuꞌutaxajtacaꞌa aꞌini caxu naꞌaraꞌastijreꞌesin inyeetzi, Dioj tɨ nyajaꞌutaityacaꞌa.

24
00:07:30,700 --> 00:07:54,620
’Muan xu aujcaꞌanyaacan cɨn tyuꞌujmuaꞌate saɨjna jetze ɨ yuꞌuxari aꞌini ayaa pu tyajamuaꞌamitejteꞌe sej saɨjna jetze yauꞌeitaa xaꞌajuꞌun aꞌij sej yeꞌi huarɨni sej si rusen cɨn ruuri xaꞌaraꞌani. Ai pu hui aɨn pueen ɨ yuꞌuxari tɨ jetzen teꞌeyuꞌusiꞌi aꞌij mej tyuꞌutaxajtacaꞌa inyeetzi cɨmeꞌen.

25
00:07:54,620 --> 00:08:04,580
’Ma sajta muan, caxu áꞌujcaꞌanye sej seyan naꞌaraꞌastijreꞌen inyeetzi nyej ni amuaataꞌan sej si rusen cɨn ruuri xaꞌaraꞌani.

26
00:08:04,580 --> 00:08:09,780
’Capu nye jetze ruxeꞌeveꞌe tɨ puaꞌa tevi ayan rɨꞌɨ tinaataꞌan.

27
00:08:09,780 --> 00:08:19,240
Ma sajta muan saɨque xu tiꞌimuaꞌatze. Nyaa nu neyan ramuaꞌaree saj cai hui raxeꞌeveꞌe ɨ Dioj ɨ aꞌamua tzajtaꞌa.

28
00:08:19,240 --> 00:08:37,040
Ayaa nu een cɨn avaꞌacaanye niyaꞌupua jetze maꞌacan. Ma sajta muan, caxu naꞌancureꞌeviꞌitɨ. Aru tɨ puaꞌa aꞌatɨ runyuucajtzeꞌen cɨn mu aꞌuveꞌemeꞌen, muan xu xaa raꞌancureꞌeviꞌitɨ saɨjna.

29
00:08:37,040 --> 00:08:54,140
’¿Aꞌini tiꞌirɨꞌɨri saj tzaahuatiꞌiraꞌa cɨn tyaꞌantzaahuateꞌen tɨ puaꞌa seyan rɨꞌɨ tyuꞌutauraꞌan rujɨɨmuaꞌa sanaꞌa, sajta cai tiꞌityesaꞌa saj raahuauni tɨ Dioj rɨꞌɨ tyajamuaataꞌan? Capu xaa nyaꞌu aꞌij tiꞌirɨꞌɨri.

30
00:08:54,140 --> 00:09:10,340
Caxu seyan muan tiꞌimuaꞌatza nyaj tyajaꞌamuaxajtziꞌiran ɨ niyaꞌupua jemi. Ai pu aɨn pueen ɨ tɨ tyajaꞌamuaxajtziꞌiran aɨjna ɨ Moisés tyaacan, ɨ sej seyan rachuꞌeveꞌe tɨ aɨn aꞌamuajapua nyuuni.

31
00:09:10,340 --> 00:09:23,820
’Tɨ puaꞌa seyan tyaꞌatzaahuatyaꞌa saɨjna jemi ɨ Moisés, ayaa xu sajta naꞌantzaahuateꞌencheꞌe inyeetzi saɨjna cɨmeꞌe tɨ aɨn ayan nyeetzi cɨmeꞌen raꞌutéyuꞌuxacaꞌa.

32
00:09:23,820 --> 00:09:42,960
¿Aꞌini sej si cai raꞌatzaahuateꞌe aꞌij tɨ aɨn tiraꞌutyeyuꞌuxacaꞌa?, ¿aꞌini tiꞌirɨꞌɨri sej seyan ráꞌantzaahuateꞌen aꞌij nyej inyaa tyajamuaataꞌixaateꞌesin? Capu xaa nyaꞌu aꞌij tiꞌirɨꞌɨri. ―Ayaa pu tihuaꞌutaꞌixaa aɨjna ɨ Jesús.