1
00:00:05,000 --> 00:00:22,020
Aꞌatzu aꞌateeviꞌi, tɨꞌɨqui Jesús aun u jetze pujmeꞌen antaraa ɨ jaj japua tɨ ayan tyajaꞌarajtyahuaa tɨcɨn Galileeya. Ayaa pu ajta tyajaꞌarajtyahuaa tɨcɨn Tiberias.

2
00:00:22,020 --> 00:00:31,540
Eihua mu tyaɨte aꞌucɨj jamuan aꞌini muꞌuri raaseij maɨjna tɨ huapɨꞌɨ ruxeꞌeveꞌe tɨ ayan tihuaꞌuhuaa aɨme ɨ mej tíꞌicucuiꞌicaa.

3
00:00:31,540 --> 00:00:40,100
Aj puꞌi Jesús anna aꞌujnyéj jɨri japua. An pu aꞌutayeijxɨ, majta aɨme ɨ maj jamuan áꞌujhuaꞌanyaꞌa.

4
00:00:40,100 --> 00:00:50,440
Puꞌuri vejliꞌitaca ajna xɨcajraꞌan mej jetzen tiꞌiyestyahuaꞌa maɨjna cɨmeꞌe tɨ Dioj hueꞌirajtuaa aɨme ɨ mej Israel jetze ajtyamaꞌacantacaꞌa.

5
00:00:50,440 --> 00:01:06,980
Tɨꞌɨqui Jesús ayan huanyéerajraa. Tɨꞌɨj i huaꞌuseij maj aꞌavaꞌajuꞌuncaa ɨ tyaɨte. Aj puꞌi Jesús aɨn Felipe ayan tyuꞌutaihuaꞌuriꞌi tɨcɨn: ―¿Aꞌuni tyeyaꞌananan ɨ pan ɨ maj racuaꞌani aɨme ɨ tyaɨte?

6
00:01:06,980 --> 00:01:16,980
Puꞌuri ramuaꞌareeracaꞌa ɨ Jesús aꞌij tɨ rɨni. Ma ajta, ayaa pu een cɨn raataihuaꞌuriꞌi ɨ Felipe tɨ ij ayan raaseij aꞌij tɨ rɨni.

7
00:01:16,980 --> 00:01:33,620
Felipe pu ayan tyuꞌutanyúu tɨcɨn: ―Tɨ puaꞌa teyan tiꞌituavaꞌa aꞌachu maj ramueꞌitɨjca arahueica maxcɨraꞌi cɨmeꞌe, capu aɨ naꞌa cɨꞌɨpe tyej ti pan huananan tej ti naijmiꞌica tyuꞌumín.

8
00:01:33,620 --> 00:01:54,980
Aj puꞌi seij tɨ jamuan áꞌuchaꞌacanyaꞌa, aɨjna ɨ Andrés tɨ juutzajraꞌan pueen ɨ Simón, aɨ pu ayan tyuꞌutaxajtacaꞌa tɨcɨn: ―Yaa pu paꞌarɨꞌɨ huatyejvee. Anxɨvica pu hui pan tichaꞌɨ, ajta huaꞌapuaca ɨ hueꞌité. Ma ajta, capu aꞌatzu cɨꞌɨpe mej mi naimiꞌi tyuꞌucuaꞌani.

9
00:01:54,980 --> 00:02:18,860
Jesús pu ayan tihuaꞌutaꞌixaa tɨcɨn: ―Sataꞌaj huaꞌutaijteꞌen ɨ tyaɨte maj aꞌujráꞌasixɨꞌɨn. Ayaa pu een cɨn ayan raataxajtacaꞌa aꞌini eihua pu huaꞌɨxaataꞌacaa aujna. Majta aɨme ɨ tyetyaca, au mu aꞌuráasajraa. Ayaa mu araꞌasijmaꞌa aꞌachu cumu anxɨj viꞌiraꞌa meyee majta meyee.

10
00:02:18,860 --> 00:02:34,740
Aj puꞌi Jesús raꞌancuraɨꞌɨpɨꞌɨ ɨ pan. Ajta rɨꞌɨ tiraatataujtziꞌire ɨ Dioj jemi. Ajta huaꞌuraɨꞌɨpɨꞌɨ aɨme ɨ mej aꞌucaitɨmaꞌacaa aꞌachu tɨ seij raxeꞌevaꞌacaa. Ayaa pu cheꞌeta naꞌa huaꞌuraɨꞌɨpɨꞌɨ ɨ hueꞌite.

11
00:02:34,740 --> 00:02:48,380
Matɨꞌɨj ruxaahua tyuꞌucuaa, ayaa pu tihuaꞌutaꞌixaa aɨme ɨ maj jamuan áꞌujhuaꞌanyaꞌa tɨcɨn: ―Sataꞌaj raaraɨꞌɨpɨꞌɨn ɨ tɨ avaꞌaturaa. Cheꞌe cai tiꞌitɨ aꞌuvaɨꞌɨtzɨꞌɨn.

12
00:02:48,380 --> 00:02:57,460
Matɨꞌɨj mi raaraɨꞌɨpɨ. Ayaa mu tyaꞌavaꞌɨstyaꞌaxɨ ɨ sicɨri jetze aɨjna ɨ pan tɨ avaꞌaturaa mej tyuꞌucuaa.

13
00:02:57,460 --> 00:03:18,260
Majta aɨme ɨ tyaɨte, matɨꞌɨj meyan raaseij maɨjna ɨ Jesús tɨ ayan huarɨj, ayaa mu tyuꞌutaxajtacaꞌa tɨcɨn: ―Ayej xaa nyaꞌu tiꞌayajna, amɨ pu hui aɨn pueen aɨjna tɨ Dioj jetze maꞌacan tiꞌixaxaꞌa, tɨ ayan ya nuꞌu uveꞌenyejsin iiyan chaanaca japua.

14
00:03:18,260 --> 00:03:39,400
Ajta aɨn Jesús, ayaa pu rúꞌumuaꞌareeracaa ɨ rutzajtaꞌa mej meyan raaxaꞌapɨꞌɨntare maj eꞌireꞌenyejsin mej mi caꞌanyejri cɨn tiraijcateꞌen tɨ aɨn teꞌentyarute ɨ rey cɨmeꞌe. Aɨj pu cɨn, ayan ajtáraa. Au pu jɨri japua aꞌujnyéj rusaɨj.