1
00:00:05,000 --> 00:00:30,260
Majta aɨme ɨ tyaɨte ɨ maj aun u jetze pujmeꞌen eꞌetyujsaɨ ɨ Jesús jemi, aɨ mu aun aꞌutyajturaa. Yaa ruijmuaꞌa yee, ayaa pu tihuaꞌamityejtyaꞌacaa tɨ saɨj naꞌa aꞌacávaꞌacaa ɨ baarcu, ajta tɨ aɨn Jesús cai aɨjna jetze atyajraa huaꞌa jamuan ɨ maj jamuan áꞌujhuaꞌanyaꞌa, silu rujɨɨmuaꞌa muꞌu antacɨj.

2
00:00:30,260 --> 00:00:46,160
Matɨꞌɨj mi seica maun újhuiixɨ ɨ baarcu ajna vejliꞌi aꞌu maj tyajaꞌucuaa ɨ tyaɨte tɨꞌɨj Jesús rɨꞌɨ tiraataꞌa ɨ Dioj. Au pu eꞌemaꞌacan ɨ baarcu, chajtaꞌa tɨ ayan tyajaꞌarajtyahuaa tɨcɨn Tiberias.

3
00:00:46,160 --> 00:01:16,900
Matɨꞌɨj mi aɨme tyaɨte meyan raamuaꞌareeriꞌi tɨ nuꞌu cai ajta aun aꞌucatii u Tiberias aɨjna ɨ Jesús, majta aɨme ɨ maj jamuan áꞌujhuaꞌanyaꞌa. Matɨꞌɨj mi maɨjna jetze u huatyaacɨjxɨ aɨjna jetze ɨ baarcu tɨ tiꞌimuiꞌi. Seica mu atyaacɨjxɨ seij jetze, majtahuaꞌa ɨ seica, seij jetze mu mijta atyaacɨ, mej mi maun aꞌatanyén u Capernaum, mej mi maun raahuauni maɨjna ɨ Jesús.

4
00:01:16,900 --> 00:01:28,380
Matɨꞌɨj ráatyau maujna u jetze pujmeꞌen aꞌalaguun jetze, aj mu mi meyan tiraataihuaꞌuriꞌi tɨcɨn: ―Rabí, ¿aꞌanajni ya paraꞌa peyujna?

5
00:01:28,380 --> 00:01:54,480
Jesús pu ayan tihuaꞌutaꞌixaa tɨcɨn: ―Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe. Caxu saɨjna cɨn nyahuauhuau saɨjna cɨn saj tyuꞌuseij aꞌij nyej huarɨj ɨ saj cɨn avaꞌujjɨꞌɨsiviꞌiraxɨꞌɨn silu ayaa xu een cɨn nyahuauhuau saɨjna cɨmeꞌe saj raacuaa saɨjna ɨ pan, sajta saj tyamuaꞌa naa tityáajuꞌuxai.

6
00:01:54,480 --> 00:02:24,020
Caxu seyan sanaꞌa tyuꞌumuareꞌen sej si saɨjna huamuéꞌitɨn ɨ cueꞌira tɨ aꞌuvaɨjtzi silu sataꞌaj seyan tyuꞌumuareꞌen sej si saɨjna huamuéꞌitɨn ɨ saj cɨn huataujvaɨreꞌen tɨj naꞌa rusen cɨmeꞌe. Nyajta inyaa, i nyaj nyajta tyaataꞌa jetze eꞌirannyejte, nyaa nu nyaɨjna amuaataꞌasin aꞌini aɨn Dioj tɨ niyaꞌupua pueen, aɨ pu aɨjna cɨn tinyeijca.

7
00:02:24,020 --> 00:02:36,860
Matɨꞌɨj mi meyan tiraataihuaꞌuriꞌi tɨcɨn: ―¿Tiꞌitajni hui ruxeꞌeveꞌe tej teyan tyaɨjna cɨn huarɨni aꞌij tɨ tiꞌijxeꞌeveꞌe ɨ Dioj?

8
00:02:36,860 --> 00:02:47,700
Jesús pu ayan tyuꞌutanyúu tɨcɨn: ―Ayaa pu tiꞌijxeꞌeveꞌe ɨ Dioj saj seyan naꞌantzaahuateꞌen inyeetzi tɨ Dioj nyajaꞌutaityacaꞌa.

9
00:02:47,700 --> 00:03:02,420
Matɨꞌɨj mi meyan tiraataihuaꞌuriꞌi tɨcɨn: ―¿Tiꞌitajni cɨn peyan rɨcɨ tɨ huapɨꞌɨ ruxeꞌeveꞌe tyej ti teyan raaseij, tyej ti tyaɨjna cɨn muaꞌantzaahuateꞌen? ¿Aꞌini pej pi peyan rɨcɨ?

10
00:03:02,420 --> 00:03:17,220
Tavaujsimuaꞌacɨꞌɨ mu meyan raacuaa maɨjna tɨ jee maná pueen maujna aꞌu tɨ cai eꞌetiꞌitɨjcaa. Ayaa pu teꞌeyuꞌusiꞌi tɨcɨn: “Aɨ pu nuꞌu huaꞌutaꞌa maj maɨjna huacuaꞌani ɨ cueꞌira tɨ nuꞌu uteꞌe eꞌemaꞌacan.”

11
00:03:17,220 --> 00:03:49,220
Jesús pu ayan tihuaꞌutaꞌixaa tɨcɨn: ―Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe tɨ cai aɨn pueen ɨ Moisés tyaacan tɨ ayan huaꞌutaꞌa aɨme aꞌamuayaꞌupuacɨꞌɨstyamuaꞌa maj raacuaꞌani ɨ cueꞌira tɨ uteꞌe eꞌemaꞌacan. Capu xaa nyaꞌu, silu niyaꞌupua pu ayan amuaataꞌasin sej si huataujvaɨreꞌen saɨjna cɨmeꞌe ɨ cueꞌira tɨ tzaahuatiꞌiraꞌa cɨn uteꞌe eꞌemaꞌacan.

12
00:03:49,220 --> 00:04:11,140
Aꞌini nyaa nu aɨn pueen ɨ cueꞌira tɨ Dioj jemi eꞌemaꞌacan, nyeetzi pu jemi ajta eꞌemaꞌacan. Nyaa nu uteꞌe eꞌicaanye nyej ni huaꞌutaꞌan maj ruuri muaꞌaraꞌani tɨj naꞌa rusen cɨmeꞌe matɨj manaꞌa puaꞌamua yan huachaatɨme iiyan chaanaca japua.

13
00:04:11,140 --> 00:04:22,660
Matɨꞌɨj mi meyan tiraataꞌixaa tɨcɨn: ―Tavastaraꞌa, pataꞌaj peyan taataꞌan paɨjna ɨ cueꞌira tɨj naꞌa tɨ yu aucaꞌitɨ aꞌame.

14
00:04:22,660 --> 00:04:52,640
Aj puꞌi Jesús ayan tihuaꞌutaꞌixaa tɨcɨn: ―Nyaa nu aɨn pueen ɨ tɨ jetzen eꞌemaꞌacan ɨ cueꞌira ɨ maj cɨn huataujvaɨreꞌen mej mi ruuri muaꞌaraꞌani tɨj naꞌa rusen cɨmeꞌe. Aꞌatɨ tɨ naꞌa tɨ nyeetzi jemi veꞌereꞌenyen, capu aꞌanaj iꞌicuata aꞌame. Ajta, aꞌatɨ tɨ naꞌa tɨ ayan naꞌaraꞌastijreꞌen inyeetzi, capu ajta aꞌanaj huataꞌimɨ, silu Dioj pu rusen cɨn raataꞌasin.

15
00:04:52,640 --> 00:05:03,420
’Nyajta inyaa, ayaa nu neri tyajamuaataꞌixaa saj seri nyeseij inyeetzi. Ma sajta muan, caxu tyaꞌatzaahuateꞌe.

16
00:05:03,420 --> 00:05:17,160
Matɨj manaꞌa puaꞌamua ɨ tɨ Dioj naatatuireꞌesin, aɨme mu veꞌereꞌenyejsin inyeetzi jemi. Ajta tɨ puaꞌa aꞌatɨ ayan nyeetzi jemi veꞌereꞌenyen, canu aꞌanaj raaraꞌiti.

17
00:05:17,160 --> 00:05:32,260
’Canu nyaɨjna cɨn mu aꞌuveꞌeme nyej ni neyan huarɨni aꞌij nyaj nyasaɨj nyanaꞌa tiꞌijxeꞌeveꞌe silu nyej ni neyan huarɨni aꞌij tɨ tiꞌijxeꞌeveꞌe aɨjna tɨ yan nyajaꞌutaityacaꞌa.

18
00:05:32,260 --> 00:05:49,840
Ajta, ayaa pu tiꞌijxeꞌeveꞌe aɨjna tɨ yan nyajaꞌutaityacaꞌa tɨ cai seij aꞌuveti aɨme ɨ mej veꞌereꞌenye inyeetzi jemi silu nyej ni naijmiꞌica japua huanyuuni ajna xɨcajraꞌan tɨ jetzen nain cɨn teꞌentipuaꞌari.

19
00:05:49,840 --> 00:06:18,420
’Ee xaa nyaꞌu, ayaa pu tiꞌijxeꞌeveꞌe ɨ niyaꞌupua tɨ ayan tiraacɨꞌɨti tɨ ruurican cɨn huatyaturan tɨj naꞌa rusen cɨmeꞌe aꞌatɨ tɨ naꞌa tɨ ayan tiraꞌamitejteꞌe aꞌatɨ nyaj pɨrɨcɨ, ajta ayan naꞌastijraꞌa inyeetzi. Nyajta inyaa, ayaa nu raꞌajjájsin huáꞌa tzajtaꞌa ɨ mej meri huacuii ajna xɨcajraꞌan tɨ jetzen nain cɨn teꞌentipuaꞌari.

20
00:06:18,420 --> 00:06:32,240
Majta aɨme ɨ maj Israel jetze ajtyamaꞌacan, matɨꞌɨj mi autyajhuii maj runyuusteꞌe rujɨɨmuaꞌa maɨjna cɨmeꞌe tɨ Jesús ayan tyuꞌutaxajtacaꞌa tɨ nuꞌu aɨn pueen ɨ cueꞌira tɨ uteꞌe eꞌicaanye.

21
00:06:32,240 --> 00:06:55,380
Ayaa mu tyuꞌutaxajtacaꞌa tɨcɨn: ―¿Ni cai aɨn pueen ɨ Jesús tɨ ajta yaujraꞌan pueen aɨjna ɨ José? ¿Ni qui tyacai huaꞌamuajte ɨ taatajraꞌan, ajta ɨ naanajraꞌan? Aꞌini tijta nyaꞌu. Aɨj pu cɨn, ¿aꞌini tiꞌirɨꞌɨri tɨ aɨn ayan tiꞌixajta tɨ nuꞌu uteꞌe eꞌicaanye?

22
00:06:55,380 --> 00:07:00,680
Aj puꞌi Jesús ayan tyuꞌutanyúu tɨcɨn: ―Caxu hui seyan cheꞌe runyuustyaꞌa.

23
00:07:00,680 --> 00:07:20,060
Capu rɨꞌɨri tɨ aꞌatɨ ayan veꞌereꞌenyen inyeetzi jemi tɨ puaꞌa cai Dioj anacai caꞌanijraꞌa raataꞌan tɨ ij ayan huarɨni. Nyajta nu neyan raꞌajjájsin huaꞌa tzajtaꞌa ɨ mej meri huacuii ajna xɨcajraꞌa tɨ jetzen nain cɨn teꞌentipuaꞌari.

24
00:07:20,060 --> 00:07:45,340
’Ayaa mu tiraꞌuyuꞌuxacaꞌa aɨme ɨ mej tiꞌixaxaꞌataꞌa ɨ Dioj jetze maꞌacan tɨcɨn: “Dioj pu nuꞌu ayan tihuaꞌamuaꞌaten naijmiꞌica.” Aꞌatɨ tɨ naꞌa tɨ ayan ranamua ɨ rutzajtaꞌa aꞌij tɨ tiꞌixa ɨ niyaꞌupua, ajta tɨ ayan raaruuren aꞌij tɨ aɨn tiꞌijxeꞌeveꞌe, aɨ pu ayan veꞌereꞌenyejsin inyeetzi jemi.

25
00:07:45,340 --> 00:07:59,780
’Capu ayan huataujmuaꞌa tɨ aꞌatɨ ari raaseij aɨjna ɨ niyaꞌupua silu inyaa, i nyaj nyaun aꞌuveꞌeme aꞌu tɨ aɨn eꞌeseijreꞌe, nyaa nu neri raaseij ɨ niyaꞌupua.

26
00:07:59,780 --> 00:08:14,940
Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe tɨ aꞌatɨ tɨ naꞌa tɨ ayan tyaꞌantzaahuateꞌen aꞌij nyej tiꞌixa, aɨ pu ruurican cɨn huatyaturaasin tɨj naꞌa rusen cɨmeꞌe.

27
00:08:14,940 --> 00:08:23,060
Nyaa nu nyaɨn pueen ɨ cueꞌira tɨ jetzen eꞌiraninyei ɨ maj cɨn ruuri muaꞌaraꞌani tɨj naꞌa rusen cɨmeꞌe.

28
00:08:23,060 --> 00:08:33,980
’Aꞌamuahuaacɨxaꞌastyamuaꞌacɨꞌɨ meyan raacuaa maɨjna ɨ maná aujna aꞌahuaꞌa aꞌu tɨ cai eꞌetiꞌitɨjcaa. Majta eꞌeyan mu huacuii.

29
00:08:33,980 --> 00:08:44,880
Ma ajta, ya pu seijreꞌe aɨjna ɨ cueꞌira tɨ uteꞌe eꞌicaanye. Tɨ puaꞌa aꞌatɨ ayan raacuaꞌani aɨjna, capu aꞌanaj mɨꞌɨni.

30
00:08:44,880 --> 00:09:27,380
Nyaa nu nyaɨn pueen aɨjna ɨ cueꞌira tɨ uteꞌe eꞌicaanye, tɨ jetzen aꞌiráninyei ɨ maj cɨn ruuri muaꞌaraꞌani. Tɨ puaꞌa aꞌatɨ ayan raacuaꞌani aɨjna ɨ cueꞌira, aɨ pu ruurican cɨn huatyaturaasin tɨj naꞌa rusen cɨmeꞌe. Ajta, aɨjna ɨ cueꞌira, ai pu aɨn pueen ɨ nyaj ratyáhueꞌiraꞌa, ɨ nyaj nyajta ratámuaɨꞌɨvajta huaꞌa jetze maꞌacan matɨj manaꞌa maj yan huachaatɨme iiyan chaanaca japua mej mi ruuri muaꞌaraꞌani tɨj naꞌa rusen cɨmeꞌe. ―Ayaa pu tihuaꞌutaꞌixaa aɨjna ɨ Jesús.

31
00:09:27,380 --> 00:09:41,820
Majta aɨme ɨ mej Israel jetze ajtyamaꞌacan, caꞌanin mu cɨn autyajhuii mej tihuaurixaateꞌen. Meyan tɨcɨn: ―¿Aꞌini tiꞌirɨꞌɨri tɨ aɨn aꞌatɨ ayan nuꞌu ruhueꞌiraꞌa taamin?

32
00:09:41,820 --> 00:10:02,180
Aj pu i Jesús, ayan tihuaꞌutaꞌixaa tɨcɨn: ―Ayaa nu tyajamuaataꞌixaateꞌesin. Tɨ puaꞌa sacai raacuaꞌani i nyahueꞌiraꞌa, i nyaj nyajta tyaataꞌa jetze eꞌirannyejte, ajta tɨ puaꞌa sacai raayeꞌen i nyaxuureꞌe, caxu rusen cɨn ruuri xaꞌajuꞌun.

33
00:10:02,180 --> 00:10:19,980
Aꞌatɨ tɨ naꞌa tɨ ayan raacuaꞌani i nyahueꞌiraꞌa, ajta ayan raayeꞌen i nyaxuureꞌe, aɨ pu ayan ruurican cɨn huatyaturaasin tɨj naꞌa rusen cɨmeꞌe. Nyajta nu neyan raꞌajjájsin ajna xɨcajraꞌan tɨ jetzen nain cɨn teꞌentipuaꞌari.

34
00:10:19,980 --> 00:10:44,620
’Ayej tiꞌayajna xaa nyaꞌu. Aɨ pu nyahueꞌiraꞌa, aɨn pueen ɨ tɨ cueꞌira jetzen eꞌiraninyei ɨ maj tzaahuatiꞌiraꞌa cɨn ruuri muaꞌaraꞌani ɨ Dioj jemi. Ajta aijna, ai pu xaa nyaꞌu aɨn pueen ɨ jaj ɨ maj tzaahuatiꞌiraꞌa cɨn iraayeꞌen mej mi cai cheꞌe ruxaamɨstyaꞌa ɨ Dioj jemi.

35
00:10:44,620 --> 00:11:01,040
Aꞌatɨ tɨ naꞌa tɨ ayan raacuaꞌani i nyahueꞌiraꞌa, ajta tɨ ayan raayeꞌen i nyaxuureꞌe, aɨ pu huatyaturaasin inyeetzi jemi. Nyajta nu neyan cheꞌeta nyanaꞌa huatyaturaasin ɨ jemin.

36
00:11:01,040 --> 00:11:25,580
’Aɨ pu ayanna nyajaꞌutaityacaꞌa ɨ niyaꞌupua tɨ iꞌiruuri. Nyajta nu nyaɨjna jetze arancaꞌanye nyej ni ruuri naꞌaraꞌani ɨ niyaꞌupua jemi. Ajta aɨn ɨ aꞌatɨ tɨ ayan tiꞌicuaꞌaca inyeetzi jemi, aɨ pu ayen cheꞌeta naꞌa nyeetzi jetze araujcaꞌanye tɨ ij aɨn ruuri aꞌaraꞌani ɨ Dioj jemi.

37
00:11:25,580 --> 00:11:47,720
Ai pu aɨn pueen ɨ cueꞌira tɨ uteꞌe eꞌicaanye. Tahuaacɨxaꞌastyamuaꞌacɨꞌɨ mu meyan raacuaa maɨjna ɨ maná. Majta huacuii. Ma ajta, aɨn tɨ ayan racuaꞌaca aɨjna ɨ cueꞌira tɨ nyeetzi jetze eꞌiraninyei, aɨ pu ruurican cɨn huatyaturaasin tɨj naꞌa rusen cɨmeꞌe.

38
00:11:47,720 --> 00:11:56,420
Ayaa pu tihuaꞌutaꞌixaa aɨjna ɨ Jesús tɨꞌɨj aun tihuáꞌamuaꞌatyajcaa aꞌu maj eꞌetyujsaꞌɨrihuaꞌa aujna u Capernaúm.

39
00:11:56,420 --> 00:12:12,060
Matɨꞌɨj maɨjna huanamuajriꞌi, ayaa mu muiꞌitɨ tyuꞌutaxajtacaꞌa aɨme ɨ mej jamuan áꞌujhuaꞌanyaꞌa tɨcɨn: ―Aꞌij pu puaꞌa taataꞌa tɨ ayan tiꞌixa. Eecan pu hui muareꞌeri tyej teyan yauꞌeitaa taꞌaraꞌani.

40
00:12:12,060 --> 00:12:25,420
Ajta aɨn Jesús, ayaa pu rúꞌumuaꞌareeracaa mej meyan runyuustyaꞌacaa. Aj puꞌi ayan tihuaꞌutaihuaꞌuriꞌi tɨcɨn: ―¿Ni aꞌij puaꞌa amuaataꞌa nyej neyan tyajamuaataꞌixaa?

41
00:12:25,420 --> 00:12:36,620
Ari tɨ puaꞌa seyan naaseij inyeetzi, i nyaj tyaataꞌa jetze eꞌirannyejte, nyej ni aun aꞌujnyén utyaꞌɨmɨ aꞌu nyaj anacai áꞌucatii.

42
00:12:36,620 --> 00:13:13,460
Aɨjna jetze ɨ xaijnyuꞌucaraꞌaraꞌan ɨ Dioj, aɨ pu jetzen eꞌiraninyei ɨ saj cɨn ruuri xaꞌaraꞌani. Ma ajta, capu aɨjna cɨn tiꞌivaɨreꞌe aɨjna tɨ jetzen eꞌiraninyei ɨ saj ratyáhueꞌiraꞌa. Capu aꞌatzu xaa nyaꞌu. Ma ajta, aɨjna ɨ nyuucari ɨ nyej neyan tyajaꞌamueꞌixaateꞌe, aɨjna ɨ xaijnyuꞌucaraꞌaraꞌan ɨ Dioj, aɨ pu caꞌanijraꞌa naataꞌa nyej neyan tyuꞌutaxaj. Ajta, aɨj pu jetze eꞌiraninyei ɨ saj cɨn ruuri xaꞌaraꞌani.

43
00:13:13,460 --> 00:13:32,620
Ma sajta muan, muiꞌitɨ xu cai tyaꞌatzaahuateꞌe. Ayaa pu tihuaꞌutaꞌixaa aꞌini tɨj naꞌa jajcua ɨmɨ tɨ yu eꞌireꞌenye, aɨ pu rúꞌumuaꞌareeracaa aꞌatɨ tɨ pɨrɨcɨ tɨ cai raꞌatzaahuatyaꞌacaa, ajta aꞌatɨ tɨ pueen tɨ Jesús cɨmeꞌen tyuꞌutatuiireꞌesin.

44
00:13:32,620 --> 00:13:51,340
Ajta, ayaa pu tihuaꞌutaꞌixaa tɨcɨn: ―Ayaa nu een cɨn tyajamuaataꞌixaa tɨ cai rɨꞌɨri tɨ aꞌatɨ ayan huataujtuiireꞌen inyeetzi jemi tɨ puaꞌa cai Dioj anacai caꞌanijraꞌa raataꞌan tɨ ayan huarɨni. ―Ayaa pu tihuaꞌutaꞌixaa.

45
00:13:51,340 --> 00:13:57,660
Ajnaꞌɨmɨ muiꞌitɨ mu meyan tityaacáujxaahuatacaꞌa mej mi cai cheꞌe jamuan áꞌujhuaꞌanyeꞌen.

46
00:13:57,660 --> 00:14:10,060
Aj puꞌi Jesús ayan tihuaꞌutaihuaꞌuriꞌi aɨme ɨ maj tamuaamuataꞌa japuan huaꞌapua araꞌase tɨcɨn: ―Ari muaan, ¿ni sajta seri ajtácɨɨnicu inyeetzi jemi?

47
00:14:10,060 --> 00:14:27,820
Ajta aɨn ɨ Simón, tɨ ajta iꞌi Pedro, ayaa pu tiraataꞌixaa tɨcɨn: ―Nyavastaraꞌa, ¿aꞌatajni maa jemin tyáꞌujuꞌun? Mueetzi puꞌu jemi seijreꞌe ɨ nyuucari ɨ tyaj cɨn ruuri taꞌaraꞌani, tɨj naꞌa rusen cɨmeꞌe.

48
00:14:27,820 --> 00:14:41,020
Ayaa tu hui raꞌatzaahuateꞌe, tyajta teyan ramuaꞌaree paj paɨn pueen i paj Dioj jemi eꞌicaanye, tɨ Dioj ajta muajaꞌutyatuaasin ɨ ruꞌɨrɨɨtaꞌa.

49
00:14:41,020 --> 00:15:01,740
Aj puꞌi Jesús ayan tyuꞌutanyúu tɨcɨn: ―¿Ni qui nyacai neyan amuaꞌantihuau muejmi mɨ saj tamuaamuataꞌa japuan huaꞌapua araꞌase? Aꞌini nijta nyaꞌu. Ma ajta, seij tɨ muejmi jetze ajtyamaꞌacan, tiyaaruꞌu pu jetzen seijreꞌe. ―Ayaa pu tihuaꞌutaꞌixaa.

50
00:15:01,740 --> 00:15:25,920
Aɨjna tɨ nuꞌu tiyaaruꞌu jetzen seijreꞌe, aɨ pu ayan huatamuaꞌa ɨ Judás. Aɨ pu yaujraꞌan puéenyaꞌa aɨjna ɨ Simón tɨ ayan teꞌentimuꞌutaca tɨcɨn Iscariote. Ajta aɨn Judás, huaꞌa jetze pu ajtyamaꞌacantacaꞌa ɨ maj tamuaamuataꞌa japuan huaꞌapua araꞌase. Aɨ pu aɨn pueen tɨ ayan tyuꞌutatuiireꞌesin aɨjna cɨmeꞌen ɨ Jesús.