1
00:00:05,000 --> 00:00:18,240
Cɨmeꞌen puꞌu ayan tiraataxajtacaꞌa, aj mu mi seica meyan autyajhuii mej tiꞌihuáurihuaꞌu. Meyan tɨcɨn: ―¿Ni cai aɨn pueen ɨ maj meyan cɨmeꞌen tiꞌityeseꞌe maj raajeꞌica?

2
00:00:18,240 --> 00:00:30,120
Yaa pu hui eijreꞌe huatyavaa tihueꞌixaateꞌe. Ma majta, camu aꞌij tiꞌijee. ¿Ni qui meri meyan raamuáꞌa tɨcɨn: “Ai pu aɨn pueen ɨ Cɨriistuꞌu”?

3
00:00:30,120 --> 00:00:48,680
Me tyajta ityan, tyan tu hui ramuaꞌaree aꞌu tɨ eꞌemaꞌacan tyaɨjta ɨ aꞌatɨ. Ma ajta aɨn ɨ Cɨriistuꞌu, tɨꞌɨj aɨn ya uvéꞌenyen, capu aꞌatɨ ramuaꞌareeran aꞌu tɨ eꞌemaꞌacan aɨjna. ―Ayaa mu tíꞌixajtacaa.

4
00:00:48,680 --> 00:01:22,640
Ajta aɨn Jesús, aucheꞌe pu tihuaꞌamuaꞌatyajcaa u teyujtaꞌa. Aj puꞌi ayan caꞌanin cɨn tyuꞌutaxajtacaꞌa tɨcɨn: ―Ee xaa nyaꞌu, ayaa pu hui tiꞌayajna saj nyamuaꞌate, sajta seyan ramuaꞌaree aꞌu nyaj eꞌemaꞌacan. Canu nyasaɨj nyanaꞌa ya vaꞌacaanye silu tɨ ya nyajaꞌutaityacaꞌa, aɨ pu nain cɨn ayan tiꞌijrɨꞌɨre. Capu tiꞌihueꞌitzi ɨ jemin. Ma sajta muan, caxu ramuaꞌate aꞌini caxu raꞌastijreꞌe.

5
00:01:22,640 --> 00:01:31,960
Me nyajta inyaa, nyaa nu xaa ramuaꞌate aꞌini au nu eꞌemaꞌacan ɨ jemin. Aɨ pu hui ajta yan nyajaꞌutaityacaꞌa.

6
00:01:31,960 --> 00:01:47,320
Cɨmeꞌen puꞌu ayan tyuꞌutaxajtacaꞌa, aj mu mi meyan tyuꞌutatése maj raatyeeviꞌi. Ma ajta, capu aꞌatɨ ayan raatyeeviꞌi aꞌini capuu xɨ ajna tyajaꞌureꞌenye ajna tɨ jetzen huaxaꞌapɨꞌɨntariꞌihuacaꞌa tɨ ayan huamɨꞌɨni.

7
00:01:47,320 --> 00:02:06,720
Majta aɨme ɨ mej jemin eꞌetyujsaɨ, muiꞌitɨ mu meyan ráꞌantzaahua. Ayaa mu tyuꞌutaxajtacaꞌa tɨcɨn: ―Tɨꞌɨj ya uvéꞌenyen aɨjna ɨ Cɨriistuꞌu Dioj tɨ raꞌantihuau, ¿ni qui eitzeꞌe ayan aɨjna cɨn rɨni tɨ huapɨꞌɨ ruxeꞌeveꞌe cai amɨjna mɨ aꞌatɨ?

8
00:02:06,720 --> 00:02:26,320
Majta aɨme ɨ fariseos, ayaa mu tyuꞌunamuajriꞌi aɨme ɨ tyaɨte mej meyan xahuaaniꞌi mu cɨn tyuꞌurixaateꞌe. Matɨꞌɨj mi aɨme ɨ mej tiꞌijta u teyujtaꞌa, majta aɨme ɨ fariseos, aɨ mu seica huataityacaꞌa aɨme ɨ maj maun tíꞌichaꞌɨ mej mi raatyeeviꞌin.

9
00:02:26,320 --> 00:02:39,000
Aj puꞌi Jesús ayan tihuaꞌutaꞌixaa tɨcɨn: ―Canu cheꞌe aꞌateeren muejmi jemi aꞌini puꞌuri vejliꞌi nyej ni nyaun aꞌujnyén nyaɨjna jemi tɨ yan nyajaꞌutaityacaꞌa.

10
00:02:39,000 --> 00:02:50,440
Muan xu nyahuauni, aru caxu meꞌe nyejeꞌetyauni. Ajta, capu rɨꞌɨrista aꞌame saj saun aꞌujnyén aꞌu nyaj aꞌij eenyaꞌa naꞌame.

11
00:02:50,440 --> 00:03:16,240
Majta aɨme ɨ mej maun tiꞌijta teyujtaꞌa, ayaa mu tyuꞌurihuaꞌuracaꞌa tɨcɨn: ―¿Aꞌuqui hui aꞌuméj aꞌu tɨ cai rɨꞌɨri tyej teyan yáꞌutyauni? ¿Ni qui aun seij chuejraꞌa japua aꞌuméj huaꞌa jemi ɨ tyaɨte ɨ maj aꞌucɨ́jxɨ huaꞌa tzajtaꞌa aɨme ɨ maj Grecia eꞌemaꞌacan? ¿Ni qui hui ajta ayan tihuaꞌamuaꞌaten aɨme ɨ mej Grecia eꞌemaꞌacan?

12
00:03:16,240 --> 00:03:33,900
¿Aꞌiqui huataujmuaꞌa aɨjna ɨ nyuucari tɨ cɨn tyaj nuꞌu rahuauni, tyajta nuꞌu cai ratyauni, tɨ ajta nuꞌu cai rɨꞌɨri tyaj aun aꞌujuꞌun aꞌu tɨ aꞌij eenyaꞌa aꞌame? ―Ayaa mu tyuꞌurihuaꞌuracaꞌa.

13
00:03:33,900 --> 00:04:04,840
Tɨꞌɨj ari teꞌentipuáꞌarijmaꞌaca ɨ mej tiꞌiyeste, ajna xɨcajraꞌan tɨ eitzeꞌe ruxeꞌevaꞌacaa ɨ maj maɨjna jetze tiꞌiyestyahuaꞌa, aj puꞌi Jesús ayan huatyeechaxɨ huaꞌa tzajtaꞌa. Aj puꞌi ayan caꞌanin cɨn tyuꞌutaxajtacaꞌa tɨcɨn: ―Tɨ puaꞌa hui aꞌatɨ ayan ruxaamɨstyaꞌa aɨjna cɨmeꞌe tɨ cai uraréꞌenyaꞌa cɨn huatyajturaa ɨ Dioj jemi, cheꞌe aɨn ayan veꞌereꞌenyen inyeetzi jemi nyej ni nyeyan caꞌanijraꞌa tiraataꞌan.

14
00:04:04,840 --> 00:04:33,200
Ayaa pu cheꞌeta naꞌa raruuren aɨjna ɨ aꞌatɨ tɨ ayan naꞌaraꞌastijreꞌesin inyeetzi aꞌij tɨ teꞌeyuꞌusiꞌi ɨ yuꞌuxari jetze tɨcɨn: “Aɨj pu jetzen eꞌiraninyei ɨ tzajtaꞌan tyamuaꞌa naa aɨjna ɨ jaj tɨ jetzen araujcaꞌanyen aɨjna ɨ tɨ cɨn ruuri aꞌame. Ayej seiiraꞌa aꞌame tɨj jetzen aꞌirámɨꞌɨye ɨ jaj.” ―Ayaa pu tihuaꞌutaꞌixaa.

15
00:04:33,200 --> 00:05:00,600
Aɨjna ɨ nyuucari tɨcɨn “jaj”, ayaa pu huataujmuaꞌa tɨcɨn: ɨ xaijnyuꞌucaraꞌaraꞌan ɨ Dioj, ɨ tɨ Dioj raatyajtuaaniicheꞌe huaꞌa tzajtaꞌa aɨme ɨ mej ráꞌantzaahua. Ayaa pu aɨjna cɨn tyuꞌutaxajtacaꞌa aɨjna ɨ Jesús aꞌini capu xɨ aꞌahuaꞌacaꞌa aɨjna ɨ xaijnyuꞌucaraꞌaraꞌan ɨ Dioj, aɨjna cɨmeꞌe tɨ aɨn Jesús cai xɨ aꞌujnyéj u uteꞌe tɨ ij Dioj ayan an yaꞌacájrati ɨ ɨpuari japua.

16
00:05:00,600 --> 00:05:20,320
Cɨmeꞌen muꞌu meyan raanamuajriꞌi tɨ ayan tyuꞌutaxajtacaꞌa, aj mu mi meyan tyuꞌutaxajtacaꞌa seica ɨ tyaɨte tɨcɨn: ―Ayej hui xaa nyaꞌu tiꞌayajna tɨ aɨn pueen tɨ ayan tiꞌixaxaꞌa ɨ Dioj jetze maꞌacan, ɨ tyaj teyan rachuꞌeveꞌe.

17
00:05:20,320 --> 00:05:35,680
Majta seica mu meyan tyuꞌutaxajtacaꞌa tɨcɨn: ―Ai pu hui ain iꞌi pɨrɨcɨ tɨ iꞌi Cɨriistuꞌu. Majta seica meyan tyuꞌurihuaꞌuracaa tɨcɨn: ―¿Aꞌini hui tiꞌirɨꞌɨri tɨ aɨn Cɨriistuꞌu ayan aun eꞌemaꞌacanta u Galileeya?

18
00:05:35,680 --> 00:05:53,960
¿Ni cai ayan teꞌeyuꞌusiꞌi ɨ yuꞌuxari jetze tɨ nuꞌu aɨn Cɨriistuꞌu ayan eꞌiraujnyejteꞌesin aɨjna jetze ɨ tyaɨtestyamuaꞌameꞌen ɨ David tyaacan? Ajta nuꞌu tɨ aun eꞌemaꞌacanta aꞌame aujna u Belén, aꞌu tɨ aɨn David tyaacan eꞌechajcaꞌa. ―Ayaa mu tyuꞌutaxajtacaꞌa.

19
00:05:53,960 --> 00:06:03,800
Aɨj mu cɨn eꞌitaꞌa aꞌutacɨj ɨ tyaɨte maɨjna cɨmeꞌe ɨ Jesús. Seica mu saɨque tíꞌixajtacaa. Majta seica saɨque.

20
00:06:03,800 --> 00:06:11,680
Seica mu meyan raxeꞌevaꞌacaa mej meyan raatyeeviꞌi. Ma ajta, capu aꞌatɨ ahuaujcaꞌanye tɨ rajvíꞌi.

21
00:06:11,680 --> 00:06:28,600
Matɨꞌɨj mi aɨme ɨ mej tíꞌichaꞌɨ u teyujtaꞌa, au mu aꞌuréꞌenye huaꞌa jemi ɨ maj maun tiꞌijta u teyujtaꞌa, majta ɨ fariseos jemi. Matɨꞌɨj meyan tihuaꞌutaihuaꞌuriꞌi tɨcɨn: ―¿Aꞌini een cɨn sacai yaꞌaraaviꞌitɨ?

22
00:06:28,600 --> 00:06:38,400
Majta aɨme ɨ mej tiꞌichaꞌɨve, ayaa mu tihuaꞌutaꞌixaa tɨcɨn: ―Capu hui aꞌatɨ ayan tiꞌixaxaꞌa tɨj amɨn tiꞌixaxaꞌa.

23
00:06:38,400 --> 00:06:45,860
Ayaa mu tyuꞌutanyúu aɨme ɨ fariseos tɨcɨn: ―¿Ni ajta ari ayan amuaacuanamua muejmi?

24
00:06:45,860 --> 00:06:54,000
¿Ni cai seij tɨ tiꞌitaijteꞌe ari ráꞌantzaahua aɨjna, naꞌari seij tɨ tyejmi jetze ajtyamaꞌacan i tyej fariseos pueen?

25
00:06:54,000 --> 00:07:09,840
Majta ɨ tyaɨte ɨ maj maun eꞌetyújsaɨraꞌacaa, camu aꞌatzu yauꞌeite aꞌij tɨ teꞌeyuꞌusiꞌi aɨjna jetze ɨ nyuucari Moisés tyaacan tɨ raatyajtuaa. Dioj pu ari huaꞌuxɨjte amɨme. ―Ayaa mu tyuꞌutaxajtacaꞌa aɨme ɨ fariseos.

26
00:07:09,840 --> 00:07:21,440
Ajta aɨn Nicodemo, aɨjna tɨ ari ɨ Jesús jemi aꞌatányajcaꞌa, tɨj ajta seij pueenyaꞌa tɨ huaꞌa jetze ajtyamaꞌacan, ayaa pu tihuaꞌutaꞌixaa tɨcɨn:

27
00:07:21,440 --> 00:07:43,920
―Capu ayan tiraavijteꞌe tej teyan raꞌuxɨ́jteꞌen tɨꞌij pueijtzi raacɨꞌɨti. Ayaa pu tyaꞌaxa ɨ yuꞌuxari jetze ɨ tyaj cɨn tiꞌijta tɨ ayan nuꞌu ruxeꞌeveꞌe tyej nuꞌu tiráihuaꞌu anacaiican cɨn tyaɨjna ɨ aꞌatɨ tyej ti raamuaꞌaree aꞌij tɨ tiꞌitɨj cɨn rɨcɨ. ¿Ni cai ayan tiꞌayajna?

28
00:07:43,920 --> 00:08:04,020
Matɨꞌɨj mi meyan tiraataꞌixaa tɨcɨn: ―¿Ni hui muaa pa pajta paun eꞌemaꞌacan u Galileeya? Auhuauchi ɨ yuꞌuxari jetze pej pi peyan raamuaꞌaree tɨ cai aꞌatɨ aun eꞌemaꞌacan u Galileeya tɨ Dioj jetze maꞌacan tiꞌixaxaꞌa.

29
00:08:04,020 --> 00:08:10,460
Ayaa mu tyuꞌutaxajtacaꞌa. Matɨꞌɨj mi aꞌucɨ́jxɨ aꞌu tɨ seij eꞌeche.