1
00:00:05,000 --> 00:00:25,120
Aj puꞌi Jesús ayan tihuaꞌutaꞌixaa aɨme ɨ mej Israel jetze ajtyamaꞌacan ɨ maj majta ráꞌantzaahua tɨcɨn: ―Tɨ puaꞌa hui seyan tyaꞌutaviicueꞌi sej si seyan tiraꞌaraꞌastijreꞌen aꞌij nyej tyajaꞌamueꞌixaateꞌe, aj xu xaa seyan áꞌujhuaꞌanyaꞌa xaꞌajuꞌun inyeetzi jamuan.

2
00:00:25,120 --> 00:00:34,800
Muan xu sajta yeehui ramuaꞌareeran saɨjna tɨ nain cɨn ayan tiꞌayajna. Aɨj xu cɨn ruxaahua áꞌujhuaꞌanyaꞌa xaꞌajuꞌun.

3
00:00:34,800 --> 00:00:56,520
Matɨꞌɨj mi meyan tiraataꞌixaa tɨcɨn: ―Tyan tu yeehui Abraham tyaacan jetze eꞌiraanyej. Catu yeehui aꞌanaj seica jemi caꞌanyejri cɨn tyuꞌutyavaɨ. Aɨj pu yeehui cɨn, ¿aꞌini auj tiꞌirɨꞌɨri pej peyan tiꞌitaꞌixaateꞌe tyaj nuꞌu taxaahua áꞌujhuaꞌanyaꞌa taꞌaraꞌani?

4
00:00:56,520 --> 00:01:13,320
Jesús pu ayan tihuaꞌutaꞌixaa tɨcɨn: ―Ayaa nu yeehui tyajaꞌamueꞌixaateꞌe tzaahuatiꞌiraꞌa cɨmeꞌe tɨ aꞌatɨ tɨ naꞌa tɨ ayan autyaꞌɨtzaꞌaraꞌan ɨ Dioj jemi, aɨ pu caꞌanyejri cɨn tiꞌimuareꞌe aɨjna jemi tɨ aꞌij puaꞌa een.

5
00:01:13,320 --> 00:01:34,360
Ajta aɨn tɨ caꞌanyejri cɨn tyajaꞌamuareꞌe aꞌu mej eꞌeche ɨ tyaɨtestyamuaꞌameꞌen aɨjna tɨ tiꞌiraijteꞌe, aɨ pu cai aun rusen cɨn huatyaturaasin aujna. Majta aɨn tɨ yaujraꞌan pueen, au pu yeehui huatyaturaasin para rusen cɨmeꞌe.

6
00:01:34,360 --> 00:01:51,640
’Aɨj pu cɨn, tɨ puaꞌa neyan huarɨni inyaa, i nyaj nyajta yaujraꞌan pueen, nyej ni amueꞌirajtuaani sej si ruxaahua áꞌujhuaꞌanyeꞌen, ayaa xu xaa nyaꞌu ruxaahua aꞌuhuaꞌanyaꞌa xaꞌajuꞌun, tzɨteꞌe.

7
00:01:51,640 --> 00:02:09,840
Nyaa nu hui neyan ramuaꞌaree saj saɨjna jetze eꞌiraanyej saɨjna ɨ Abraham tyaacan. Ma sajta muan, xuꞌuri seyan áꞌujcaꞌanye sej seyan naajeꞌica saɨjna cɨmeꞌe saj cai cheꞌe ranamuajracu aꞌij nyej tyajaꞌamueꞌixaateꞌe.

8
00:02:09,840 --> 00:02:26,200
Ayaa nu nyaɨjna cɨn tyajaꞌamueꞌixaateꞌe aꞌij nyaj yeehui neri nyaun tyajáꞌuseij ɨ niyaꞌupua jemi. Sajta muan, ayaa xu cheꞌeta sanaꞌa tiꞌijrɨꞌɨre aꞌij saj sajta tiraanamuajriꞌi ɨ ruyaꞌupua.

9
00:02:26,200 --> 00:02:49,720
Matɨꞌɨj mi meyan tyuꞌutanyúu tɨcɨn: ―Tyan tu yeehui rajyaꞌupuacaꞌa tyaɨjna ɨ Abraham tyaacan. Aj puꞌi Jesús ayan tihuaꞌutaꞌixaa tɨcɨn: ―Tɨ puaꞌa yeehui seyan yaujmuaꞌameꞌen pueenyeꞌen aɨjna ɨ Abraham tyaacan, ayaa xu cheꞌeta sanaꞌa rɨꞌɨ titetyújchaɨ xaꞌajuꞌun aꞌij tɨ aɨn ajta rɨꞌɨ tiꞌityújchaɨcaꞌa.

10
00:02:49,720 --> 00:03:12,720
Ayaa pu i eenyaꞌa, xuꞌuri seyan tiraaxaꞌapɨꞌɨntarej saj naajeꞌica. Capu yeehui ayan tiꞌijrɨꞌɨrajcaa aɨjna ɨ Abraham tyaacan. Nyajta inyaa, nyaa nu nyaɨn pueen saɨj tɨ ayan tyajamuaataꞌixaa aɨjna tɨ ayan tiꞌayajna, ɨ nyaj nyajta neyan raanamuajriꞌi nyaɨjna jemi ɨ Dioj.

11
00:03:12,720 --> 00:03:34,080
Ayaa xu seyan aꞌij puaꞌa titetyújchaɨ aꞌij tɨ ajta rɨcɨ ɨ aꞌamuayaꞌupua. Matɨꞌɨj mi meyan tyuꞌutanyúu tɨcɨn: ―Catu yeehui huanuꞌeihuacaꞌa huaꞌa jetze ɨ mej rusaɨjtajmaꞌacaa patɨj muaa. Saɨj puꞌu yeehui aɨn pueen ɨ tyaj rajyaꞌupua. Aɨ pu yeehui aɨn pueen ɨ Dioj.

12
00:03:34,080 --> 00:03:52,900
Aj puꞌi Jesús ayan tihuaꞌutaꞌixaa tɨcɨn: ―Tɨ puaꞌa yeehui aɨn Dioj aꞌamuayaꞌupua pueenyeꞌen, muan xu nyexeꞌevaꞌa xaꞌajuꞌun aꞌini au nu aꞌuveꞌeme ɨ jemin. Canu yeehui nyasaɨj nyanaꞌa neyan aꞌuveꞌeme silu aɨ pu yan nyajaꞌutaꞌityacaꞌa.

13
00:03:52,900 --> 00:04:04,680
¿Aꞌini een cɨn sacai nyajauꞌeite aꞌij nyej tyajaꞌamueꞌixaateꞌe? Caxu xaa nyaꞌu yauꞌeite aꞌini sacai ahuaujcaꞌanye saj raꞌancuraꞌan aꞌij nyej tiꞌixa.

14
00:04:04,680 --> 00:04:51,460
Muan xu yeehui saɨjna jetze ajtyamaꞌacan ɨ tiyaaruꞌu. Ai pu aɨn pueen ɨ aꞌamuayaꞌupua. Sajta muan, ayaa xuꞌu sanaꞌa saɨjna cɨn seyan raꞌastijreꞌe aꞌij tɨ tiꞌijxeꞌeveꞌe ɨ aꞌamuayaꞌupua. Tɨj naꞌa tɨ huataseijre ɨ tyaataꞌa tɨ yu eꞌireꞌenye, aɨ pu yeehui tiꞌityacuiꞌica. Capu aꞌanaj tzaahuatiꞌiraꞌa cɨn tyuꞌutaxajtacaꞌa. Aɨ pu yeehui nain cɨn tiꞌihueꞌitaca. Tɨj naꞌa tɨ ayan tiꞌihueꞌi, aɨ pu jetzen eꞌiraninyei ɨ tzajtaꞌan aɨjna tɨ hueꞌitzi pueen. Ayej xaa nyaꞌu, ai pu aɨn pueen tɨ tiꞌihueꞌitaca. Ajta tɨj naꞌa tɨ hueꞌitzi pueen, aɨj pu jetzen eꞌiraninyei.

15
00:04:51,460 --> 00:04:59,120
’Me nyajta inyaa, ayaa nu tzaahuatiꞌiraꞌa cɨn tiꞌixaxaꞌa. Aɨj xu cɨn, caxu yeehui naꞌatzaahuateꞌe.

16
00:04:59,120 --> 00:05:24,640
¿Ni saɨj muejmi jetze tɨ ajtyamaꞌacan ayan tiꞌitɨj cɨn naꞌaxɨjteꞌe aɨjna cɨmeꞌe nyej tiꞌitɨj cɨn autyajturaa ɨ Dioj jemi? Aꞌini capu rɨꞌɨri sej seyan huarɨni, ayaa pu huataujmuaꞌa nyej neyan tzaahuatiꞌiraꞌa cɨn tyajaꞌamueꞌixaateꞌe. Tɨ puaꞌa ayan, ¿aꞌini yeehui een cɨmeꞌe sacai naꞌatzaahuateꞌe?

17
00:05:24,640 --> 00:05:40,840
Ayaa nu tyajaꞌamueꞌixaateꞌe. Aɨjna tɨ Dioj jetze ajtyamaꞌacan ayan raꞌastijreꞌe aꞌij tɨ tiꞌixaj ɨ Dioj. Sajta muan, ayaa xu een cɨn cai seyan raꞌastijreꞌe saɨjna cɨmeꞌe sacai Dioj jetze ajtyamaꞌacan.

18
00:05:40,840 --> 00:05:58,120
Majta aɨme ɨ mej tiꞌijta teyujtaꞌa, ayaa mu tiraataꞌixaa tɨcɨn: ―¿Ni yeehui cai ayan tiꞌayajna aꞌij tyej tiꞌixaj pej peyan Samaariya eꞌemaꞌacan, ajta tiyaaruꞌu pu mueetzi tzajtaꞌa seijreꞌe?

19
00:05:58,120 --> 00:06:13,080
Jesús pu ayan tihuaꞌutaꞌixaa tɨcɨn: ―Capu tiyaaruꞌu nyeetzi tzajtaꞌa seijreꞌe silu nyaa nu rɨꞌɨ tirataꞌaca ɨ niyaꞌupua. Sajta muan, ayaa xu majcaꞌi núutache inyeetzi.

20
00:06:13,080 --> 00:06:29,840
Me nyajta inyaa, canu yeehui nyasaɨj nyanaꞌa neyan rahuauhuau tɨ aꞌatɨ rɨꞌɨ tinaataꞌan, silu seij puꞌu xaa ayan rahuauhuau. Ai pu yeehui aɨn pueen tɨ tzaahuatiꞌiraꞌa cɨn ayan tiraaxaꞌapɨꞌɨntareꞌen.

21
00:06:29,840 --> 00:06:42,120
Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe. Tɨ puaꞌa aꞌatɨ ayan raꞌastijreꞌen aꞌij nyej tiꞌixaxaꞌa, capu yeehui aꞌanaj racɨꞌɨti tɨ huamɨꞌɨni.

22
00:06:42,120 --> 00:07:12,560
Cɨmeꞌen muꞌu meyan raanamuajriꞌi, aj mu mi meyan tyuꞌutaxajtacaꞌa tɨcɨn: ―Tuꞌuri yeehui ramuaꞌaree tɨ ayan tiꞌayajna tɨ tiyaaruꞌu pu mueetzi tzajtaꞌa seijreꞌe. Aɨ pu yeehui Abraham huamɨꞌɨ, majta aɨme ɨ mej Dioj jetze maꞌacan tiꞌixaxaꞌataꞌa. Ma pajta muaa, ayaa papuꞌu yeehui tiꞌixa tɨ ayan nuꞌu, tɨ puaꞌa aꞌatɨ ayan raꞌastijreꞌen aꞌij pej tiꞌixa, tɨ nuꞌu cai aꞌanaj mɨꞌɨni.

23
00:07:12,560 --> 00:07:38,320
¿Ni tzaa yeehui peyan eitzeꞌe vaꞌacan cɨn tiꞌityejvee cai ɨ tiꞌitɨ tɨ cɨn tiꞌityavaacaꞌa ɨ tayaꞌupua ɨ Abraham? Aɨ pu yeehui xaa huamɨꞌɨ. Majta aɨme ɨ mej Dioj jetze maꞌacan tiꞌixaxaꞌataꞌa, aɨ majta huacuii. Ari muaa, ¿aꞌini petiꞌixa aꞌataani paj pɨrɨcɨ?

24
00:07:38,320 --> 00:07:57,500
Ajta aɨn Jesús, ayaa pu tihuaꞌutaꞌixaa tɨcɨn: ―Capu yeehui tiꞌitɨj vaɨreꞌe tɨ puaꞌa neyan nyasaɨj ahuantzaahuaꞌateꞌen. Ai pu aɨn pueen tɨ ayan rɨꞌɨ tinaataꞌaca ɨ niyaꞌupua, aɨjna ɨ saj cɨmeꞌen seyan tiꞌixa yee aɨ pu aꞌamua Dioj pueen.

25
00:07:57,500 --> 00:08:20,120
Sajta muan, caxu yeehui ramuaꞌate. Me nyajta inyaa, nyaa nu xaa ramuaꞌate. Tɨ puaꞌa neyan tyajaꞌamueꞌixaatyaꞌa yee canu ramuaꞌate, ayaa nu tíꞌihueꞌitaca satɨj muan. Me nyajta inyaa, nyaa nu xaa ramuaꞌate, nyajta neyan raꞌastijreꞌe aꞌij tɨ tiꞌixaxaꞌa.

26
00:08:20,120 --> 00:08:40,840
Ajta yeehui aɨjna ɨ Abraham tɨ aꞌamuayaꞌupua pueen, aɨ pu huataujtyamuaꞌave aɨjna cɨmeꞌe tɨ ayan tiraꞌamitejtyaꞌacaa tɨ ayan raaseij aꞌanaj xɨcajraꞌan nyaj jetzen nain cɨn antinmuaꞌaréera. Aɨ pu xaa raaseij, ajta aɨjna cɨn huataujtyamuaꞌave.

27
00:08:40,840 --> 00:08:55,640
Majta aɨme ɨ maj Israel jetze ajtyamaꞌacan, ayaa mu tiraataꞌixaa tɨcɨn: ―¿Ni tzaa yeehui peyan raaseij paɨjna ɨ Abraham tyaacan? Capu aꞌij tiꞌirɨꞌɨri aꞌini capaj xɨ peyan huaꞌapuate japuan tamuaamuataꞌa ninyeꞌiraꞌa rajchaꞌɨ.

28
00:08:55,640 --> 00:09:06,760
Ajta ayan tihuaꞌutaꞌixaa aɨjna ɨ Jesús tɨcɨn: ―Ayaa nu tzaahuatiꞌiraꞌa cɨn tyajaꞌamueꞌixaateꞌe. Tɨꞌɨj cai xɨ Abraham huaseijre, nyaa nu neri seijraꞌacaa.

29
00:09:06,760 --> 00:09:20,400
Cɨmeꞌen muꞌu meyan raanamuajriꞌi, aj mu mi tetej tituꞌutu ɨ maj cɨn raatyatuaꞌasixɨꞌɨn. Ajta aɨn Jesús huatauravaatacaꞌa. Aj puꞌi aun huirajraa aujna teyujtaꞌa.