1
00:00:05,000 --> 00:00:27,860
’Ayaa nu yeehui tyajaꞌamueꞌixaateꞌe tzaahuatiꞌiraꞌa cɨmeꞌe. Tɨ puaꞌa aꞌatɨ aun aꞌutyarute canyaꞌaxɨ huaꞌacúraa, tɨ puaꞌa cai aun aꞌutyarute aꞌutɨ aꞌapueerta silu tɨ puaꞌa ancuraꞌaraꞌani ɨ tyajcua jetze, aɨ pu nahuaꞌari pueen, ajta tɨ tiꞌityacuiꞌica.

2
00:00:27,860 --> 00:00:35,740
Ma ajta, aɨn tɨ yeehui aun aꞌutyarute aꞌu tɨ aꞌapueerta, ai pu aɨn pueen tɨ huaꞌajyaꞌamua ɨ canyaꞌaxɨ.

3
00:00:35,740 --> 00:00:58,980
Ajta aɨn tɨ tíꞌichaꞌɨ aꞌu tɨ aꞌapueerta, aɨ pu tiraꞌantacuunyeꞌesin tɨꞌi aun aꞌutyarute aɨjna tɨ huaꞌajyaꞌamua. Majta aɨme ɨ canyaꞌaxɨ, aɨ mu yeehui ranamua i nyuucaraꞌaraꞌan. Ajta aɨn aꞌatɨ ayan huaꞌajee aꞌij maj antyaꞌaruu seij ajta seij. Aɨ pu ajta hueꞌirájajpua.

4
00:00:58,980 --> 00:01:16,260
’Tɨꞌɨj ari naijmiꞌica huirájaapuan ɨ ruyaꞌamua, aɨ pu huaꞌa cujtaꞌa aumaꞌa aꞌame. Majta aɨme anacai mu huajuꞌu muaꞌajuꞌun ɨ jemin aꞌini aɨ mu raꞌaste aꞌij tɨ aɨn tihueꞌixaateꞌe.

5
00:01:16,260 --> 00:01:34,220
Camu aꞌanaj meyan huajuꞌu muaꞌajuꞌun jemin saɨj ɨ maj cai ramuaꞌate. Camu xaa nyaꞌu, silu muatauuruuna ɨ jemin aꞌini camu yeehui ramuaꞌate ɨ nyuucaraꞌaraꞌan aɨjna ɨ aꞌatɨ ɨ maj cai ramuaꞌate.

6
00:01:34,220 --> 00:01:42,880
Ayaa pu tihuaꞌutaꞌixaa ɨ Jesús aɨjna cɨmeꞌe ɨ nyuucari. Majta aɨme, camu yauꞌeitaa muaꞌaraa aꞌij tɨ aɨn tihuaꞌutaꞌixaa.

7
00:01:42,880 --> 00:01:58,740
Aɨj pu cɨn, Jesús ayan tihuaꞌutaꞌixaa tɨcɨn: ―Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe. Nyaa nu yeehui nyaɨn pueen ɨ pueerta ɨ mej jetzen utyarute ɨ canyaꞌaxɨ u cúrajtaꞌa.

8
00:01:58,740 --> 00:02:15,220
Matɨj manaꞌa mej meyan anacai huataseijre nyacai inyaa, aɨ mu nahuaꞌari puéenyaꞌa, majta mej tiꞌityacuiꞌica. Ma ajta aɨme ɨ canyaꞌaxɨ, camu yeehui huaꞌunamuajriꞌi aꞌij mej tyuꞌutaxajtacaꞌa.

9
00:02:15,220 --> 00:02:40,140
’Nyaa nu yeehui nyaɨn pueen ɨ pueerta. Aꞌatɨ tɨ naꞌa tɨ ayan aun aꞌutyarute aɨjna cɨmeꞌe tɨ naꞌantzaahuateꞌen inyeetzi, aɨ pu ruuri huatyaturaasin para rusen cɨmeꞌe. Aɨ pu yeehui ruxaahua huirayeꞌicaa aꞌame, ajta utyaruꞌipichaꞌa aꞌame. Ruxaahua pu ratyauni ɨ tɨ cɨn huataujvaɨreꞌen.

10
00:02:40,140 --> 00:03:08,540
’Ajta aɨn nahuaꞌari, ayaa puꞌu yeehui een cɨn u aꞌuveꞌeme tɨ ij tyuꞌunahuaꞌan, tɨ ij ajta tityaacuiꞌini, tɨ ij ajta naijmiꞌica antipuaꞌariteꞌen. Me nyajta inyaa, ayaa nu yeehui een cɨn mu aꞌuveꞌeme mej mi ruuri muaꞌaraꞌani, tɨ ij ayan tihuaꞌucɨꞌɨti nain aꞌij tɨ tiꞌiseijreꞌe ɨ maj cɨn huataujtyamuaꞌaveꞌen para rusen cɨmeꞌe.

11
00:03:08,540 --> 00:03:19,780
’Nyaa nu yeehui nyaɨn pueen i nyej xaꞌapɨꞌɨn cɨn seijreꞌe, i nyaj nyajta neyan huaꞌajyaꞌamua ɨ canyaꞌaxɨ. Nyajta nu neyan huamɨꞌɨni huaꞌa jetze maꞌacan.

12
00:03:19,780 --> 00:03:43,340
Ajta aɨn ɨ maj raataꞌa tɨ tyuꞌumuareꞌen, capu yeehui aɨn pueen ɨ tɨ huaꞌajyaꞌamua ɨ canyaꞌaxɨ. Aɨj pu cɨn, tɨ puaꞌa raaseij tɨ jɨɨraꞌave eꞌeveꞌeme, aɨ pu an huajáuhuaꞌaxɨjsin, ajta huatáuruuna. Aj puꞌi aɨn jɨɨraꞌave huaꞌa tzajtaꞌa aun aꞌutyaruti, ajta huajaꞌucuíjxɨꞌɨsin ɨ canyaꞌaxɨ.

13
00:03:43,340 --> 00:03:59,020
Ajta aɨn ɨ aꞌatɨ ayan huatáuruuna aꞌini ayaa muꞌu raataꞌa tɨ tyuꞌumuareꞌen naꞌa, ajta capu yeehui aꞌatzu jetzen ruxeꞌeveꞌe aꞌij tɨ tihuaꞌaruuren ɨ canyaꞌaxɨ, icu.

14
00:03:59,020 --> 00:04:14,940
’Me nyajta inyaa, nyaa nu yeehui nyaɨn pueen i nyej rɨꞌɨ tiꞌitevi, i nyaj nyajta huaꞌajyaꞌamua ɨ canyaꞌaxɨ. Nyaa nu huaꞌamuajte nyaɨme ɨ canyaꞌaxɨ. Majta aɨme ɨ canyaꞌaxɨ aɨ mu yeehui nyamuaꞌate inyeetzi.

15
00:04:14,940 --> 00:04:27,960
Ayaa pu cheꞌeta naꞌa nyamuaꞌate ɨ niyaꞌupua. Nyajta inyaa, ayaa nu cheꞌeta nyanaꞌa ramuaꞌate ɨ niyaꞌupua. Nyajta nu huamɨꞌɨni huaꞌa jetze maꞌacan ɨ canyaꞌaxɨ.

16
00:04:27,960 --> 00:05:01,820
’Nyaa nu yeehui nyajta huaꞌa cujtaꞌa huameꞌen seica ɨ canyaꞌaxɨ ɨ maj cai huaꞌa jetze ajtyamaꞌacan aɨme ɨ mej iiyu seijreꞌe cúrajtaꞌa. Ayaa pu yeehui ruxeꞌeveꞌe nyej ni neyan huaꞌuvaꞌajajpuan. Aɨ mu majta raꞌancuraꞌasin ɨ nyenyuuca. Naijmiꞌi mu ɨ canyaꞌaxɨ matɨj manaꞌa puaꞌamua, au mu seiraꞌa muaꞌajuꞌun seij tzajtaꞌa ɨ cúraa. Ajta saɨj puꞌu yeehui huaꞌa cujtaꞌa aꞌumaꞌa aꞌame.

17
00:05:01,820 --> 00:05:10,580
’Ayaa pu yeehui een cɨn niyaꞌupua nyeetzi xeꞌeveꞌe aꞌini nyaa nu huamɨꞌɨni nyej ni nyajtahuaꞌa huatarun.

18
00:05:10,580 --> 00:05:34,740
Capu aꞌatɨ naꞌariꞌiraj inyeetzi silu nyexeꞌeviꞌiraꞌa nu cɨn mɨꞌɨni. Nyaa nu yeehui nyaɨjna cɨn antinmuaꞌaree nyej ni neyan ahuancaꞌanye nyej huamɨꞌɨni. Nyajta nyaɨjna cɨn antinmuaꞌaree nyej ni nyajtahuaꞌa huatarun. Ayaa pu aɨjna cɨn tinyeijca ɨ niyaꞌupua. ―Ayaa pu tihuaꞌutaꞌixaa.

19
00:05:34,740 --> 00:05:44,100
Cɨmeꞌen puꞌu ayan tyuꞌutaxajtacaꞌa ɨ Jesús, aj mu mi eꞌitaꞌa aꞌutacɨj aɨme ɨ mej aun tiꞌijta huaꞌa teyujtaꞌa ɨ maj Israel jetze ajtyamaꞌacan.

20
00:05:44,100 --> 00:05:54,340
Muiꞌitɨ mu meyan tyuꞌutaxajtacaꞌa tɨcɨn: ―Tiyaaruꞌu pu yeehui tzajtaꞌan seijreꞌe, ajta rutɨmueꞌi. Caxu seyan raꞌatzaahuatyaꞌa.

21
00:05:54,340 --> 00:06:17,180
Majta seica meyan tyuꞌutaxajtacaꞌa tɨcɨn: ―Capu yeehui rɨꞌɨri tɨ aꞌatɨ ayan tiꞌixajta tɨ puaꞌa ayan tiyaaruꞌu tzajtaꞌan seijraꞌa. ¿Ni tzaa tiyaaruꞌu ayan raayɨꞌɨtɨ tɨ ayan yeehui raarujteꞌen aꞌatɨ tɨ ayan aracun? Capu xaa nyaꞌu. ―Ayaa mu tyuꞌutaxajtacaꞌa.