1
00:00:05,000 --> 00:00:19,620
Puꞌuri aꞌatzu aꞌateeviꞌica tɨꞌɨj ari vejliꞌi pɨtiꞌirɨjcaa matɨꞌɨj meyan maɨjna cɨn tiꞌiyeste aꞌanaj maj meyan tyuꞌutatuii ɨ teyuu. Puꞌuri ajta ajna pɨtiꞌirɨjcaa tɨ huaseeviꞌi aꞌayeꞌi.

2
00:00:19,620 --> 00:00:28,460
Ajta aɨn Jesús, au pu áꞌuchaꞌacanyaꞌa aujna teyujtaꞌa, aꞌu tɨ aꞌaportaale tɨ Salomón ráꞌajtaahuacaꞌa.

3
00:00:28,460 --> 00:00:47,400
Majta meyan ajtyáxɨɨracaꞌa ɨ jemin aɨme ɨ mej maun tiꞌijta teyujtaꞌa. Matɨꞌɨj mi meyan tiraataꞌixaa tɨcɨn: ―Capaj yeehui peyan taꞌaviitzaꞌa. Pataꞌaj peyan tzaahuatiꞌiraꞌa cɨn taataꞌixaateꞌen tɨ puaꞌa paɨn pueen ɨ Cɨriistuꞌu nusu pacai.

4
00:00:47,400 --> 00:01:10,720
Jesús pu ayan tihuaꞌutaꞌixaa tɨcɨn: ―Nyaa nu hui xaa nyeri amuaataꞌixaa. Sajta muan, caxu naꞌantzaahua. Aɨjna ɨ nyaj cɨn neyan rɨcɨ tɨ huapɨꞌɨ ruxeꞌeveꞌe, ayaa nu yeehui nyaɨjna cɨn neyan rɨcɨ nyuucajtzeꞌen ɨ niyaꞌupua. Ajta, aɨ pu aɨjna cɨn ayan tíꞌinyaxaj.

5
00:01:10,720 --> 00:01:19,680
Ma sajta muan, caxu yeehui naꞌatzaahuateꞌe aꞌini caxu huaꞌa jetze ajtyamaꞌacan ɨ canyaꞌaxɨ ɨ nyaj huaꞌajyaꞌamua.

6
00:01:19,680 --> 00:01:31,040
Ajta aɨme ɨ canyaꞌaxɨ, ayaa mu nyanamua aꞌij nyej tihueꞌixaateꞌe. Nyaa nu yeehui huaꞌamuajte, majta meyan naꞌastijreꞌe inyeetzi.

7
00:01:31,040 --> 00:01:44,600
Ayaa nu yeehui huaꞌataꞌaca mej meyan ruurican huatyaturan para rusen cɨmeꞌe. Camu aꞌanaj antipuaꞌari, capu yeehui rɨꞌɨri tɨ aꞌatɨ ayan náꞌajajpuaniꞌi.

8
00:01:44,600 --> 00:01:56,520
Ajta niyaꞌupua, ɨ tɨ ayan naatatui aɨme ɨ canyaꞌaxɨ, aɨ pu nain cɨn antyujmuaꞌaree. Capu yeehui ajta rɨꞌɨri tɨ aꞌatɨ ayan ráꞌajajpuaniꞌi.

9
00:01:56,520 --> 00:02:06,600
’Tyan tu tanaijmi, seij tyanaꞌa pɨrɨcɨ ɨ niyaꞌupua, nyajta inyaa. ―Ayaa pu tyuꞌutaxajtacaꞌa aɨjna ɨ Jesús.

10
00:02:06,600 --> 00:02:13,600
Majta aɨme ɨ maj maun tiꞌijta teyujtaꞌa, majtahuaꞌa mu tetej titúꞌutu mej mi maɨjna cɨn raatyatuꞌasixɨꞌɨn.

11
00:02:13,600 --> 00:02:32,800
Aj puꞌi Jesús ayan tihuaꞌutaꞌixaa tɨcɨn: ―Nyaa nu neri eihua tyajamuaataseijrate aꞌij nyej rɨcɨ tɨ iꞌi xaꞌapɨꞌɨn. ¿Tiꞌitajni sij cɨn pɨ naatyátuꞌasixɨꞌɨsin? ¿Ni qui aɨjna cɨmeꞌe nyaj raarujte, naꞌari tiꞌitɨ cɨn, nyaꞌu?

12
00:02:32,800 --> 00:02:57,200
Matɨꞌɨj mi meyan tiraataꞌixaa tɨcɨn: ―Catu yeehui tyaɨjna cɨn muaatyatuꞌasixɨꞌɨsin pej peyan tiꞌitɨj cɨn rɨcɨ tɨ iꞌi xaꞌapɨꞌɨn, silu ayaa tu een cɨn muaatyatuꞌasixɨꞌɨsin pej peyan aꞌij puaꞌa tiꞌixa ɨ Dioj jemi, aꞌini muaa, tevi panaꞌa pɨrɨcɨ. Pajta peyan tiꞌaseijrata paj nuꞌu Dioj pueen. ―Ayaa mu tiraataꞌixaa.

13
00:02:57,200 --> 00:03:20,480
Jesús pu ayan tihuaꞌutaꞌixaa tɨcɨn: ―¿Ni cai ayan teꞌeyuꞌusiꞌi ɨ yuꞌuxari jetze tɨ nuꞌu Dioj ayan tihuaꞌutaꞌixaa aɨme ɨ mej aɨme jemi raatyajtuaa ɨ runyuuca?, tɨcɨn: “Ayaa pu nuꞌu yeehui ayan tihuaꞌutaꞌixaa tɨ nuꞌu ayan huaꞌutamuáꞌa tɨcɨn: Diosi maj nuꞌu pueen.”

14
00:03:20,480 --> 00:03:33,600
Dioj pu ayan huaꞌutamuáꞌa aɨjna cɨmeꞌe maj nuꞌu dioosi pueen. Ajta capu yeehui rɨꞌɨri tej teyan raꞌurauuna tyaɨjna tɨ ari teꞌeyuꞌusiꞌi ɨ yuꞌuxari jetze.

15
00:03:33,600 --> 00:04:08,260
’Tɨ puaꞌa Dioj ayan huaꞌutamuáꞌa, ¿aꞌini tyej teyan raatámuaꞌati tyaɨjna tɨ niyaꞌupua huatauraꞌate, ajta yan yaꞌutaityacaꞌa iiyan chaanaca japua? ¿Ni qui teyan cheꞌeta tyanaꞌa raatámuaꞌati aꞌij tɨ Dioj ari huaꞌutamuáꞌa ɨ seica? A niꞌijta nyaꞌu. Aɨj pu yeehui cɨn, ¿aꞌini seyan saɨjna cɨn tiꞌinyaxajtziꞌi saɨjna cɨmeꞌe nyej neyan tyajamuaataꞌixaa yee nyaa nu nyaɨn pueen ɨ yaujraꞌan ɨ Dioj?

16
00:04:08,260 --> 00:04:22,520
’Sataꞌaj naꞌatzaahuatyaꞌa tɨ puaꞌa yeehui neyan cheꞌeta nyanaꞌa rɨjca aꞌij tɨ ajta rɨcɨ ɨ niyaꞌupua, naꞌari tɨ puaꞌa nyacai nyanaꞌa, sataꞌaj cai naꞌatzaahuatyaꞌa.

17
00:04:22,520 --> 00:04:58,160
Ee xaa, tɨ puaꞌa neyan nyanaꞌa rɨjca aꞌij tɨ ajta aɨn rɨcɨ, sajta sacai seyan ahuaujcaꞌanyen sej yeehui naꞌantzaahuateꞌen, ayaa nu tyajamuaataꞌixaateꞌe sataꞌaj seyan sanaꞌa tyaꞌatzaahuatyaꞌa saɨjna cɨmeꞌe aꞌij nyaj rɨcɨ sej si seyan yeehui raamuaꞌaree, sajta yauꞌeitaa xaꞌaraꞌani tyej teyan naijmiꞌi seij tyanaꞌa pɨrɨcɨ, ɨ niyaꞌupua, nyajta inyaa. ―Ayaa pu tihuaꞌutaꞌixaa.

18
00:04:58,160 --> 00:05:04,760
Majtahuaꞌa mu meyan tiꞌityesaꞌacaa mej mi raatyeeviꞌi. Ma ajta aɨn, huaꞌa jetze ajtaraa.

19
00:05:04,760 --> 00:05:19,680
Aj puꞌi au pu antaraa ɨ Jesús u jetze pujmeꞌen ɨ atyaꞌanaraꞌan jetze aujna u Jordán. Au pu aꞌaráꞌa aꞌutɨ anacai aɨ huaꞌamuaɨꞌɨhuacaꞌa aɨjna ɨ Juan. Au pu aꞌutyajturaa.

20
00:05:19,680 --> 00:05:46,240
Majta muiꞌitɨ mu u eꞌireꞌenye ɨ jemin. Ayaa mu tyuꞌutaxajtacaꞌa tɨcɨn: ―Capu yeehui aꞌanaj ayan huarɨj aɨjna ɨ Juan tiꞌitɨ maj cɨn avaꞌujjɨꞌɨsijviꞌiraxɨꞌɨn aɨjna cɨmeꞌe maj rɨꞌɨ taꞌutaséij. Ma ajta, tɨj naꞌa mej meyan tyuꞌutaxajtacaꞌa maɨjna cɨmeꞌe ɨ Jesús, ayaa pu yeehui ayan tiꞌayajna. ―Ayaa mu tyuꞌutaxajtacaꞌa.

21
00:05:46,240 --> 00:05:50,500
Majta muiꞌitɨ mu maun huataujtuiriꞌi ɨ Jesús jemi.