1
00:00:05,000 --> 00:00:26,300
Meenti saɨj tiꞌicuiꞌicaa tɨ ayan antyahuaacaꞌa tɨcɨn Lázaro. Au pu eꞌechajcaꞌa chajtaꞌa tɨ ayan tyajaꞌarajtyahuaa tɨcɨn Betania. Au mu majta eꞌechajcaꞌa ɨ juutzajraꞌan, aɨjna ɨ Mariiya, ajta ɨ Marta tɨ iꞌi cuꞌutzaaraꞌan.

2
00:00:26,300 --> 00:00:44,300
Ajta aɨjna ɨ Mariiya, ai pu aɨn pueen tɨ raꞌavaꞌaxɨriꞌiriꞌi ɨ tavastaraꞌa aɨjna cɨmeꞌe tɨ naa tyáaráꞌi. Aɨ pu ajta raꞌanáhuatziꞌiriꞌi ɨ rucɨpua cɨmeꞌe ɨ ɨɨcajraꞌan jetze. Ajta aɨn ihuaaraꞌaraꞌan tiꞌicuiꞌicaa, aɨjna ɨ Lázaro.

3
00:00:44,300 --> 00:00:55,700
Matɨꞌɨj mi maɨn juutzimuaꞌameꞌen meyan tiraatanyúꞌuchite ɨ Jesús tɨcɨn: ―Tavastaraꞌa, aɨ pu yeehui tiꞌicuꞌi aɨjna ɨ paj raxeꞌeveꞌe.

4
00:00:55,700 --> 00:01:16,420
Ajta aɨn Jesús, tɨꞌɨj ayan raamuaꞌareeriꞌi, ayaa pu tyuꞌutaxajtacaꞌa tɨcɨn: ―Capu yeehui ayan tijcuiꞌinyacaꞌa tɨ i huamɨꞌɨni silu mej mi rɨꞌɨ tiraataꞌan ɨ Dioj. Ayaa pu ajta aɨjna cɨn Dioj ayan rɨꞌɨ tinaataꞌasin inyeetzi, i nyaj yaujraꞌan pueen.

5
00:01:16,420 --> 00:01:22,820
Jesús pu huaꞌaxeꞌevaꞌacaa aɨjna ɨ Marta, ajta ɨ juutzajraꞌan, ajta aɨjna ɨ Lázaro.

6
00:01:22,820 --> 00:01:33,980
Ma ajta aɨn, tɨꞌɨj ayan raamuaꞌareeriꞌi tɨ nuꞌu tiꞌicuꞌi aɨjna ɨ Lázaro, aucheꞌe pu aun aꞌutyajturaa huaꞌapua xɨcaj aꞌu tɨ aꞌij éenyaꞌa aꞌayeꞌi.

7
00:01:33,980 --> 00:01:43,660
Aj puꞌi ayan tihuaꞌutaꞌixaa aɨme ɨ maj jamuan áꞌujhuaꞌanyaꞌa ayan tɨcɨn: ―Ticheꞌe yeehui tyajtahuaꞌa tyaun aꞌatanyén u Judea.

8
00:01:43,660 --> 00:01:58,020
Matɨꞌɨj mi meyan tiraataꞌixaa tɨcɨn: ―Maeestru, capu xɨ yeehui aꞌachu aꞌatee mej meyan tyuꞌutyese maj muaatyatuꞌasixɨꞌɨn tetej cɨmeꞌe. ¿Ni tzaa pajtahuaꞌa paun aꞌatanyejsin?

9
00:01:58,020 --> 00:02:26,020
Ayaa pu tyuꞌutanyúu aɨjna ɨ Jesús tɨcɨn: ―¿Ni yeehui cai ayan áꞌatɨjtɨꞌɨ tɨ ayan huanyeeriꞌi ɨ xɨcaj cɨmeꞌe aꞌachu cumu tamuaamuataꞌa oora japuan huaꞌapua? Capu aꞌatɨ ayan tyeꞌijcáꞌacatá aꞌame tɨ puaꞌa auj nyeeristeꞌe áꞌuchaꞌacanyeꞌen aꞌini aɨ pu cɨn mauunyee aɨjna cɨmeꞌe tɨ huanyeeriꞌi iiyan chaanaca japua.

10
00:02:26,020 --> 00:02:39,820
Tɨ puaꞌa yeehui aɨn aꞌatɨ ayan tɨcaꞌari tzajtaꞌa áꞌuchaꞌacanyeꞌen, aɨ pu xaa aꞌijcáꞌacatá aꞌame aꞌini capu huanyeeriꞌi. Aɨj pu cɨn huatacɨꞌɨpe tyej tyaun aꞌatanyén.

11
00:02:39,820 --> 00:02:50,220
Aj puꞌi ayan tihuaꞌutaꞌixaa tɨcɨn: ―Aɨ pu yeehui huatacu ɨ taꞌamiincu aɨjna ɨ Lázaro. Au nu aꞌatanyejsin nyej ni ráajɨsten.

12
00:02:50,220 --> 00:03:01,400
Matɨꞌɨj mi meyan tiraataꞌixaa aɨme ɨ maj jamuan áꞌujhuaꞌanyaꞌa tɨcɨn: ―Tavastaraꞌa, tɨ puaꞌa yeehui ayan cutzu, aɨ pu rɨꞌɨ rujni.

13
00:03:01,400 --> 00:03:18,760
Ayaa pu tihuaꞌamityejtyaꞌacaa aɨme tɨ Jesús aɨjna cɨn ayan tíꞌixajtacaa tɨ ayan Lázaro cujcaa tɨ ij huaujsaꞌupeꞌen naꞌa. Ma ajta, aɨjna ɨ tɨ Jesús ayan tíꞌixajtacaa, ayaa pu huataujmuaꞌa tɨ ayan huamɨꞌɨ.

14
00:03:18,760 --> 00:03:25,560
Aj puꞌi ayan aꞌahuauritaacan cɨn tihuaꞌutaꞌixaa tɨcɨn: ―Puꞌuri yeehui huamɨꞌɨ aɨjna ɨ Lázaro.

15
00:03:25,560 --> 00:03:44,900
Nyajta nu neyan huatantyamuaꞌave nyaj cai nyaun aꞌutyavaacaꞌa aꞌini aɨ pu tyajamuaatyavaꞌɨri sej si seyan ráꞌantzaahuateꞌen satɨꞌɨj raaseiiran aꞌij nyaj huarɨni. Ticheꞌe yeehui tyaun aꞌujuꞌun aꞌu tɨ aꞌij een. ―Ayaa pu tihuaꞌutaꞌixaa.

16
00:03:44,900 --> 00:03:59,220
Ajta aɨn Tomás tɨ ajta ayan antyahuaa tɨcɨn ɨ tɨ huaꞌapuarí pueen, aɨ pu ayan tihuaꞌutaꞌixaa aɨme ɨ seica tɨcɨn: ―Ticheꞌe yeehui tyajta tyaun aꞌujuꞌun tyej ti teyan jamuan huacuiꞌini.

17
00:03:59,220 --> 00:04:11,420
Tɨꞌɨj Jesús aun aꞌaráꞌa u Betania, ayaa pu raamuaꞌareeriꞌi tɨcɨn puꞌuri ayan aꞌatee aꞌachu cumu muaacua xɨcaj mej meyan raꞌavaꞌana.

18
00:04:11,420 --> 00:04:17,120
Au pu vejliꞌi pɨjaꞌarɨcɨ aujna u Jerusalén aꞌachu cumu hueica kiloometru.

19
00:04:17,120 --> 00:04:33,060
Muiꞌitɨ mu aun eꞌireꞌenye aɨme ɨ mej Israel jetze ajtyamaꞌacan aꞌu mej eꞌeche aɨjna ɨ Marta, ajta aɨjna ɨ Mariiya mej mi meyan huaꞌutyapuaꞌariteꞌen ɨ maj cɨn ruxaamɨsteꞌe tɨ aɨn hueꞌihuaaraꞌa huamɨꞌɨ.

20
00:04:33,060 --> 00:04:46,140
Tɨꞌɨj aɨn Marta ayan raamuaꞌareeriꞌi tɨ nuꞌu Jesús eꞌeveꞌemaꞌacaa, aj puꞌi u aꞌumej tɨ ij raꞌantinajche. Ajta aɨn Mariiya, au pu aꞌutyajturaa u chiꞌita.

21
00:04:46,140 --> 00:04:57,820
Aj puꞌi Marta ayan tiraataꞌixaa tɨcɨn: ―Nyavastaraꞌa, tɨ puaꞌa yeehui peyan ya huácatijcheꞌe, capu mɨꞌɨniicheꞌe ɨ nyajaꞌa.

22
00:04:57,820 --> 00:05:08,520
Me nyajta inyaa, ayaa nu yeehui ramuaꞌaree tɨ Dioj aucheꞌe ayan muaataꞌasin tɨj naꞌa aꞌij pej tiraatahuaviira.

23
00:05:08,520 --> 00:05:15,620
Jesús pu ayan tiraataꞌixaa tɨcɨn: ―Aɨ pu yeehui ajtahuaꞌa huatarujsin aɨjna ɨ aꞌihuaaraꞌa.

24
00:05:15,620 --> 00:05:36,940
Aj puꞌi ayan tiraataꞌixaa aɨjna ɨ Marta tɨcɨn: ―Nyaa nu yeehui neyan ramuaꞌaree tɨ ajtahuaꞌa huatarujsin ajna xɨcajraꞌan tɨ jetzen nain teꞌentipuaꞌari, tɨ ajta Dioj jetzen huaꞌajjájpua naijmiꞌica ɨ mej meri huacuii.

25
00:05:36,940 --> 00:05:59,720
Ajta aɨn Jesús ayan tiraataꞌixaa tɨcɨn: ―Nyaa nu yeehui nyaɨn pɨrɨcɨ i nyaj huaꞌajjáꞌapuanaj naꞌayeꞌi ɨ mej meri huacuii, nyajta nu neyan huaꞌataꞌaca mej mi ruuri muaꞌaraꞌani. Aꞌatɨ tɨ naꞌa tɨ ayan naꞌatzaahuateꞌen inyeetzi, tɨ puaꞌa aɨn ayan huamɨꞌɨni, aucheꞌe pu ayan ruuri aꞌame.

26
00:05:59,720 --> 00:06:11,580
Ajta aꞌatɨ tɨ naꞌa tɨ ayan rɨꞌɨ tiꞌityujchaꞌɨ, tɨ ajta naꞌatzaahuateꞌe inyeetzi, aɨ pu cai aꞌanaj mɨꞌɨni. ¿Ni qui peyan tyaꞌatzaahuateꞌe paɨjna cɨmeꞌe?

27
00:06:11,580 --> 00:06:29,620
Ayaa pu tiraataꞌixaa aɨjna ɨ Marta tɨcɨn: ―Ee xaa nyaꞌu, nyavastaraꞌa. Ayaa nu yeehui tyaꞌatzaahuateꞌe paj paɨn pueen ɨ Cɨriistuꞌu, pajta paj yaujraꞌan pueen ɨ Dioj, paj yan chaanaca japua eꞌicanyejsin.

28
00:06:29,620 --> 00:06:45,780
Cɨmeꞌen puꞌu ayan tyuꞌutaxajtacaꞌa, aj puꞌi u áꞌumej u chiꞌita. Tɨꞌɨj i aviitzi cɨn yaꞌutajée ɨ rujuu. Ayaa pu tiraataꞌixaa tɨcɨn: ―Puꞌuri me eꞌeveꞌeme ɨ maeestru. Aɨ pu yeehui muajeꞌechueꞌeveꞌe aujna.

29
00:06:45,780 --> 00:06:54,100
Cɨmeꞌen puꞌu ayan tyuꞌunamuajriꞌi aɨjna ɨ Mariiya, aj puꞌi caꞌanacan ajchee, ajta u aꞌumej ɨ jemin.

30
00:06:54,100 --> 00:07:03,140
Ajta aɨn Jesúc, capuu xɨ aun aꞌutyarutyacaꞌa u chajtaꞌa silu au puꞌu aucheꞌe aꞌutyavaacaꞌa aꞌutɨ Marta yeꞌentinájchacaꞌa.

31
00:07:03,140 --> 00:07:31,740
Majta ɨ maj Israel jetze ajtyamaꞌacantacaa, au mu eꞌereꞌetyaꞌacaa u chiꞌita jamuan ɨ Mariiya mej mi meyan raatyapuaꞌariteꞌen ɨ maj cɨn ruxaamɨstyaꞌacaa. Matɨꞌɨj meyan raaseij tɨ aɨn Mariiya caꞌanacan ajchee, tɨꞌɨqui huirajraa u chiꞌita, matɨꞌɨj mi maɨn raatavén. Ayaa mu tyuꞌumuáꞌa tɨ nuꞌu aun aꞌumej aꞌu maj yaꞌavaꞌana ɨ ihuaaraꞌaraꞌan tɨ ij aun aꞌahuaujyeinixɨꞌɨn.

32
00:07:31,740 --> 00:07:52,580
Tɨꞌɨj Mariiya aun aꞌaráꞌa aꞌutɨ aꞌutyaavaacaꞌa aɨjna ɨ Jesús, aj puꞌi raaseij, ajta aꞌitave aꞌu tɨ aꞌaraɨɨcajme. Aj puꞌi ayan tiraataꞌixaa tɨcɨn: ―Nyavastaraꞌa, tɨ puaꞌa yeehui peyan ya huatyávaacacheꞌe, capu ayan mɨꞌɨníicheꞌe ɨ nyajaꞌa.

33
00:07:52,580 --> 00:08:09,800
Tɨꞌɨj i Jesús ayan raaseij tɨ ruyeinyacaa. Aɨ mu majta ruyeinyacaa aɨme ɨ mej Israel jetze ajtyamaꞌacantacaa, ɨ maj majta jamuan huajuꞌuncaa. Aɨj pu cɨn eihua pu utyeenye ɨ tzajtaꞌan. Ajta eihua pu aꞌij puaꞌa raataꞌa.

34
00:08:09,800 --> 00:08:23,160
Aj puꞌi ayan tihuaꞌutaihuaꞌuriꞌi tɨcɨn: ―¿Aꞌuni jetzeraꞌa yeehui seyaꞌavaꞌana? Matɨꞌɨj mi meyan tiraataꞌixaa tɨcɨn: ―Mu aꞌutaꞌayeꞌi, tavastaraꞌa, pataꞌaj yeehui yaꞌuteeseij.

35
00:08:23,160 --> 00:08:26,820
Aj puꞌi huaujyeinyacaꞌa ɨ Jesús.

36
00:08:26,820 --> 00:08:36,640
Matɨꞌɨj mi meyan tyuꞌutaxajtacaꞌa aɨme ɨ mej Israel jetze ajtyamaꞌacantacaa tɨcɨn: ―Casiꞌi yeehui, eihua pu raxeꞌevaꞌacaa.

37
00:08:36,640 --> 00:08:50,740
Majta seica meyan tyuꞌutaxajtacaꞌa tɨcɨn: ―Aɨ pu yeehui seij huarujte tɨ arácuuniꞌi. ¿Ni cai ayan raayɨꞌɨtɨhuaꞌa tɨ ij ayan raataꞌan aɨjna ɨ Lázaro tɨ cai huamɨꞌɨni?

38
00:08:50,740 --> 00:09:02,180
Ajtahuaꞌa pu utyeenye ɨ tzajtaꞌan ɨ Jesús. Aj puꞌi aun aꞌaráꞌa aꞌu maj yaꞌavaꞌana, aꞌu tɨ eꞌetyastaꞌa. Tete pu eꞌityamuaacaꞌa aujna aꞌu tɨ aꞌutyacun.

39
00:09:02,180 --> 00:09:25,680
Aj puꞌi ayan tihuaꞌutaꞌixaa tɨcɨn: ―Sataꞌaj yeehui raꞌantaꞌɨn mɨ tetej. Aj puꞌi ayan tiraataꞌixaa aɨjna ɨ Marta, tɨ juutzajraꞌan pueen aɨjna tɨ huamɨꞌɨ, tɨcɨn: ―Aru tavastaraꞌa, aꞌij pu puaꞌa yeehui tyaꞌaaca, aꞌini puꞌuri ayan aꞌatee muaacua xɨcaj tɨ ayun avaꞌanamiꞌihuacaꞌa.

40
00:09:25,680 --> 00:09:41,660
Aj puꞌi Jesús ayan tiraataꞌixaa tɨcɨn: ―¿Ni cai yeehui neyan timuaataꞌixaa pej peyan raseijran ɨ paj cɨn rɨꞌɨ tiraataꞌan ɨ Dioj tɨ puaꞌa peyan naꞌantzaahuateꞌen? Aꞌini niꞌijta nyaꞌu.

41
00:09:41,660 --> 00:10:00,340
Matɨꞌɨj mi meyan raꞌantaꞌɨ ɨ tetej. Aj puꞌi Jesús uteꞌe aꞌunyeeracaꞌa, ajta ayan tyuꞌutaxajtacaꞌa tɨcɨn: ―Dioj pej nyeꞌiyaꞌupua. Ayaa nu yeehui nyaɨjna cɨn rɨꞌɨ timuaataꞌasin nyaɨjna cɨmeꞌe paj peri náanamuajriꞌi.

42
00:10:00,340 --> 00:10:19,380
Nyaa nu yeehui ramuaꞌaree pej peyan aꞌanaj tɨ naꞌa nyanamua. Me nyajta neyan tyuꞌutaxajtacaꞌa nyaɨjna cɨmeꞌe mej eihua yej reꞌevee ɨ tyaɨte mej mi meyan ráꞌantzaahuateꞌen paj hui yan nyajaꞌutaityacaꞌa.

43
00:10:19,380 --> 00:10:31,560
Tɨꞌɨj ayan tyuꞌutaxajtacaꞌa aɨjna ɨ Jesús, aj puꞌi caꞌanin cɨn raatajé. Ayan tɨcɨn: ―Lázaro hui, pataꞌaj huirajraꞌani iiya puaꞌaque.

44
00:10:31,560 --> 00:10:57,120
Aj puꞌi huirajraa aɨjna ɨ tɨ huamɨ́ꞌɨcaa. Aucheꞌe pu caꞌijcatziꞌihuacaꞌa ɨ jɨɨcajraꞌan jetze, ajta ɨ muajcaꞌaraꞌaraꞌan jetze, aɨjna cɨmeꞌe ɨ cɨɨxuri ɨ maj cɨn huaꞌacaicata muaꞌayeꞌi ɨ mɨꞌɨchite. Ajta paanyu cɨn aránamiꞌihuacaꞌa nyeerimaꞌaraꞌan jetze. Aj puꞌi Jesús ayan tihuaꞌutaꞌixaa tɨcɨn: ―Sataꞌaj hui tiracáꞌariꞌi, sajta raꞌutáxɨjta.

45
00:10:57,120 --> 00:11:11,900
Matɨꞌɨj meyan raaseij aꞌij tɨ huarɨj ɨ Jesús, muiꞌitɨ mu meyan huataujtuiiriꞌi ɨ jemin aɨme ɨ maj Israel jetze ajtyamaꞌacantacaa, aɨme ɨ maj majta eꞌireꞌenye maj ramuáare maɨjna ɨ Mariiya.

46
00:11:11,900 --> 00:11:20,340
Ma majta seica, aɨme jemi mu aꞌujuꞌun ɨ fariseos. Majta mu huaꞌutaꞌixaa aꞌij tɨ huarɨj aɨjna ɨ Jesús.

47
00:11:20,340 --> 00:11:47,320
Matɨꞌɨj mi aɨme ɨ maj maun tiꞌijta teyujtaꞌa, majta aɨme ɨ fariseos, ayaa mu huaꞌutajee ɨ jueesi mej mi naimiꞌi tyujsaɨreꞌen. Ayaa mu tyuꞌurihuaꞌu tɨcɨn: ―¿Aꞌini yeehui tyarɨni? Aꞌini aɨ pu tɨꞌɨj pɨ naꞌa ayan tiꞌitɨj cɨn rɨcɨ tɨ ayan huapɨꞌɨ ruxeꞌeveꞌe, ɨ maj cɨn avaꞌujjɨꞌɨsiviꞌiraxɨꞌɨn ɨ tyaɨte.

48
00:11:47,320 --> 00:12:06,900
Tɨ puaꞌa yeehui teyan raataꞌacareꞌen tɨ ayan rɨjca, naimiꞌi mu meyan huataujtuireꞌesin ɨ jemin. Majta aɨme ɨ mej Roma ajtyamaꞌacan, matɨꞌɨj meyan raamuaꞌaree, aj mu mi yeehui ya uveꞌenyejsin, mej mi titaꞌariꞌi nain ɨ tyaj cɨn títyatatí, iiyu teyujtaꞌa, ajta iiyan chuejraꞌa japua, iiya Israel.

49
00:12:06,900 --> 00:12:26,020
Aj puꞌi seij ayan tyuꞌutaxajtacaꞌa, tɨ ajnaꞌɨmɨ aɨjna cɨn tiꞌityavaacaꞌa tiꞌitɨ cɨmeꞌe tɨ eitzeꞌe veꞌe ɨ maj cɨn tiꞌivaɨreꞌe u teyujtaꞌa. Ayaa pu antyahuaacaꞌa tɨcɨn Caifás. Ayaa pu tihuaꞌutaꞌixaa tɨcɨn: ―Muan xu yeehui cai tiꞌitɨj muaꞌaree.

50
00:12:26,020 --> 00:12:41,380
Capu yeehui ayan tyajamuaꞌamitejteꞌe tɨ ayan eitzeꞌe titaatyavaꞌɨri tɨ saɨj naꞌa ayan huamɨꞌɨni huaꞌa jetze maꞌacan ɨ tyaɨte cai tyej naimiꞌi antipuaꞌare. ―Ayaa pu tihuaꞌutaꞌixaa.

51
00:12:41,380 --> 00:12:56,400
Capu rusaɨj naꞌa aꞌij tirajtyau aꞌij tɨ tyuꞌutaxajtacaꞌa silu aɨ pu Dioj jetze maꞌacan raataxajtacaꞌa tɨ Jesús ayan nuꞌu huaꞌa jetze maꞌacan mɨꞌɨni matɨj manaꞌa Israel jetze maj ajtyamaꞌacan.

52
00:12:56,400 --> 00:13:14,540
Ajta nuꞌu, capu aɨme naꞌa silu aɨ pu nuꞌu ajta huaꞌa jetze maꞌacan huamɨꞌɨni ɨ yaujmuaꞌameꞌen ɨ Dioj ɨ maj nuꞌu aꞌɨmɨ aꞌucaitɨme, tɨ ij aɨn nuꞌu ajta huaꞌuraꞌasaɨreꞌen mej mi seij manaꞌa tyaɨtejraꞌa pueenyaꞌa muaꞌaraꞌani.

53
00:13:14,540 --> 00:13:23,460
Tɨj naꞌa ajnaꞌɨmɨ tɨ ayan tyuꞌutaxajtacaꞌa, aɨ mu meyan tiraaxaꞌapɨꞌɨntare aꞌij mej yeꞌi huarɨni mej mi raajeꞌica.

54
00:13:23,460 --> 00:13:52,700
Aɨj pu cɨn, Jesús cai cheꞌe ruseijrata áꞌuchaꞌacanyaꞌa huaꞌa tzajtaꞌa aɨme ɨ mej Israel jetze ajtyamaꞌacantacaa. Tɨꞌɨqui huirajraa aujna Judea. Aj puꞌi aun aꞌaráꞌa ajna aꞌahuaꞌa tɨ a vejliꞌi aꞌutacáꞌa aꞌu tɨ cai eꞌe tiꞌitɨjcaa. Aj puꞌi chajtaꞌa aꞌutyajrupi tɨ ayan tyajaꞌarajtyahuaa tɨcɨn Efraín. Au pu aꞌutyajturaa, majta aɨme ɨ maj jamuan áꞌujhuaꞌanyaꞌa.

55
00:13:52,700 --> 00:14:16,400
Tɨꞌɨjta ari vejliꞌi pɨtiꞌirɨjcaa matɨꞌɨj aɨme ɨ mej Israel jetze ajtyamaꞌacantacaa meyan maɨjna cɨn tiꞌiyestyahuaꞌa ɨ xɨcajraꞌan tɨ Dioj jetzen tihuaꞌutauuniꞌiriꞌi, muꞌitɨ mu maun curaꞌacɨjxɨ mej mi maun aꞌujnyén anti Jerusalén mej mi anacai atyɨꞌɨhuaxɨꞌɨn aꞌij tɨ ayan tyuꞌujxeꞌeveꞌe mej mi meyan tyuꞌuyesten.

56
00:14:16,400 --> 00:14:35,120
Aɨ mu maucheꞌe rahuaucaꞌa. Matɨꞌɨj maun aꞌutyáuucaꞌa maujna teyujtaꞌa, ayaa mu tyuꞌurihuaꞌuracaꞌa tɨcɨn: ―¿Aꞌini yeehui timuaꞌamitejteꞌe mueetzi? ¿Ni cai yaj uveꞌenyejsin tɨ ye tírámuaꞌariiveꞌesin ɨ mej tiꞌiyesten?

57
00:14:35,120 --> 00:14:53,820
Majta aɨme ɨ maj maun tiꞌijta teyujtaꞌa, majta ɨ fariseos, ayaa mu tyuꞌutaijtacaꞌa tɨ nuꞌu ayan huarɨni tɨ puaꞌa aꞌatɨ meꞌe yáꞌamuaꞌareera aꞌu tɨ aꞌij een ɨ Jesús, tɨ aɨn nuꞌu ayan tihuaꞌutaꞌixaateꞌen maj nuꞌu mi raatyeeviꞌin.