1
00:00:05,000 --> 00:00:28,040
Tɨꞌɨj auj tyaꞌaturaaca aꞌachu cumu arájsevi xɨcaj mej mi meyan maɨjna cɨn tyuꞌuyesten ɨ xɨcajraꞌan tɨ jetzen Dioj tihuaꞌutauuniꞌiriꞌi, au pu áꞌumej u Betania aɨjna ɨ Jesús. Au pu eꞌechajcaꞌa aɨjna ɨ Lázaro tɨ Jesús raꞌajjáj huaꞌa tzajtaꞌa ɨ mej meri huacuii.

2
00:00:28,040 --> 00:00:46,460
Matɨꞌɨj mi tyáꞌucueꞌiraatacaꞌa maɨjna cɨmeꞌe aꞌij tɨ Jesús huarɨj. Matɨꞌɨj mi tiraami. Ajta aɨn Marta, ayaa pu tiꞌivaɨraꞌacaa tɨ tihuaꞌatyáꞌaxɨꞌɨn. Ajta aɨn Lázaro, aɨ pu huatyacatii ɨ meesa jetze jamuan aɨjna ɨ Jesús.

3
00:00:46,460 --> 00:01:16,700
Aj puꞌi Mariiya ayan aꞌa yajjaj aꞌachu cumu eꞌitaꞌa liitru aɨjna ɨ aꞌaseiiti tɨ náa tyáaráꞌi, tɨ ajta huapɨꞌɨ eihua tiꞌijnajchi. Naardu pu rajaꞌaraꞌa tɨ rumuaꞌatɨ. Mariiya pu raꞌanaxɨriꞌiriꞌi ɨɨcajraꞌan jetze ɨ Jesús. Aj puꞌi rucɨpua cɨn raꞌanáhuatziꞌiriꞌi. Ajta tyamuaꞌa pu náa tyaꞌuhuáꞌaacacaꞌa nainjapua u chiꞌita aɨjna cɨmeꞌe ɨ aꞌaseiiti tɨ naa tyaꞌaaca.

4
00:01:16,700 --> 00:01:32,980
Ma ajta seij tɨ jamuan áꞌuchaꞌacanyaꞌa, ayaa pu tihuaujnyuuste tɨꞌɨj raaseij. Ai pu aɨn pueen aɨjna ɨ Judás, tɨ ayan teꞌentimuꞌutaca tɨcɨn Iscariote. Aɨ pu ajta eꞌeyan tyuꞌutatuireꞌesin ɨ Jesús.

5
00:01:32,980 --> 00:02:00,620
Ayaa pu tyuꞌutaxajtacaꞌa tɨcɨn: ―¿Aꞌini yeehui een cɨn macai raatuaa maɨjna ɨ aseiiti aꞌini ayaa pu tiꞌijnajchi aꞌachu cumu hueica cieentu ɨ tumin? Aj puꞌi yeehui rɨꞌɨrista aꞌameꞌencheꞌe mej meyan huaꞌutaꞌan ɨ tumin aɨme ɨ maj cai aꞌij tiꞌijviicueꞌi. ―Ayaa pu tyuꞌutaxajtacaꞌa aɨjna ɨ Judás.

6
00:02:00,620 --> 00:02:25,740
Capu ayan raataxajtacaꞌa aɨjna cɨmeꞌe tɨ jetzen ruxeꞌevaꞌacaa aꞌij tɨ tihuaꞌaruure aɨme ɨ maj cai aꞌij tiꞌijviicueꞌi, silu ayaa pu aɨjna cɨn ayan tyuꞌutaxajtacaꞌa aꞌini aɨ pu nahuaꞌari puéenyaꞌa. Aꞌini aɨ pu rachaɨcaꞌa ɨ maj tzajtaꞌan ruꞌucáꞌave ɨ tumin, aɨ pu ajta ruvaɨraꞌacaa aɨjna cɨmeꞌe ɨ tumin.

7
00:02:25,740 --> 00:02:43,100
Aj puꞌi Jesús ayan tiraataꞌixaa tɨcɨn: ―Capej yeehui raꞌɨtziityaꞌa. Cheꞌe ayan huarɨni aꞌini aɨ pu ayan raatyajtuaa aɨjna ɨ aseiiti tɨ ij ayan raꞌutamuaꞌaree ɨ xɨcajraꞌan mej jetzen naꞌavaꞌanajsin.

8
00:02:43,100 --> 00:03:03,700
Aɨ mu yeehui muejmi jemi seiraꞌa muaꞌajuꞌun para rusen cɨmeꞌe aɨme ɨ maj cai aꞌij tiꞌijviicueꞌi. Me nyajta inyaa, canu neyan rusen cɨn muejmi jemi seiraꞌa naꞌame. Aɨj pu cɨn xaꞌapɨꞌɨn huarɨj amɨjna mɨ jɨitaꞌa. ―Ayaa pu tyuꞌutaxajtacaꞌa aɨjna ɨ Jesús.

9
00:03:03,700 --> 00:03:23,020
Meenti aɨme ɨ maj Israel jetze ajtyamaꞌacantacaa, muiꞌitɨ mu meyan raamuaꞌareeriꞌi tɨ Jesús aun aꞌutyavaacaꞌa. Matɨꞌɨj mi maun eꞌireꞌenye mej mi raaseij, majta maj raaseij maɨjna ɨ Lázaro tɨ Jesús ayan raꞌajjáj huaꞌa tzajtaꞌa ɨ mej meri huacuii.

10
00:03:23,020 --> 00:03:47,380
Aɨj mu cɨn meyan tiraaxaꞌapɨꞌɨntare aɨme ɨ mej maun tiꞌijta teyujtaꞌa mej mi majta raajeꞌica maɨjna ɨ Lázaro, aꞌini muꞌitɨ mu meyan ráꞌajaahuatyaꞌacaa ɨ Jesús maɨjna cɨmeꞌe tɨ ayan Lázaro huarujte. Majta aɨme ɨ mej Israel jetze ajtyamaꞌacantacaa, aɨ mu meyan huataujtuiraꞌacaa ɨ Jesús jemi.