1
00:00:05,000 --> 00:00:18,000
Yaa ruijmuaꞌa yee, aɨme ɨ mej maɨjna cɨn ajtyáxɨɨracaꞌa mej mi maun tyuꞌuyesten, ayaa mu raamuaꞌareeriꞌi tɨ nuꞌu aɨn Jesús eꞌeveꞌemaꞌacaa aujna Jerusalén.

2
00:00:18,000 --> 00:00:49,240
Matɨꞌɨj mi tacɨj xámueꞌi antíveichixɨ, majta yaꞌupí. Matɨꞌɨj mi aꞌujuꞌun mej mi yeꞌentinajche. Ayaa mu tiꞌijíjhuacaꞌa tɨcɨn: ―Tyamuaꞌa pu tiꞌixaꞌapɨꞌɨn. Ticheꞌe yeehui rɨꞌɨ tiraataꞌan tyaɨjna tɨ yeꞌeveꞌeme nyuucajtzeꞌen ɨ tavastaraꞌa. Ticheꞌe yeehui rɨꞌɨ tiraataꞌan tyaɨjna ɨ Rey tɨ titaataijteꞌesin ityejmi tyaj Israel jetze ajtyamaꞌacan. ―Ayaa mu eꞌevéꞌejijhuajmaꞌa.

3
00:00:49,240 --> 00:01:02,160
Aj puꞌi Jesús ayan puuruꞌu ráatyau tɨ cai xɨ aꞌatɨ japuan aveꞌeyeijxɨ. Aj puꞌi japuan aveꞌeyeijxɨ tɨ ij ayan huarɨni aꞌij tɨ teꞌeyuꞌusiꞌi ɨ yuꞌuxari jetze tɨcɨn:

4
00:01:02,160 --> 00:01:24,760
Caxu yeehui tiꞌitzɨɨnyaꞌa mɨ sej saun huachaatɨme u Sión. Casiꞌi yeehui muan, aɨ pu meꞌeveꞌemej ɨ tɨ tyajamuaataijteꞌesin. Aɨ pu ajta yeehui avaꞌaca yaujraꞌan japua ɨ puuruꞌu.

5
00:01:24,760 --> 00:01:52,920
Majta aɨme ɨ maj Jesús jamuan áꞌujhuaꞌanyaꞌa, anacaican, camu yauꞌeitaa muaꞌaraa aꞌij tɨ huataujmuaꞌa tɨj naꞌa tɨ ayan teꞌeyuꞌusiꞌihuacaꞌa. Ma ajta, tɨꞌɨj ari Dioj ayan raꞌajjáj ɨ Jesús, ajta ayan nain cɨn tiréijca, aj mu mi xaa raꞌutamuaꞌareeriꞌi tɨ ayan cɨmeꞌen teꞌeyuꞌusiꞌihuacaꞌa aɨjna cɨmeꞌe ɨ Jesús. Majta meyan raꞌutamuaꞌareeriꞌi mej meyan raaruu.

6
00:01:52,920 --> 00:02:15,880
Majta aɨme ɨ maj muiꞌi ɨ maj jamuan áꞌujhuaꞌanyaꞌa, aɨ mu majta Jesús jamuan seiraꞌacaa tɨꞌɨj Jesús ayan raatajé aɨjna ɨ Lázaro tɨ nuꞌu ayan huirajraꞌani aꞌutɨ aꞌaváꞌanamiꞌihuacaꞌa, tɨꞌɨj Jesús ayan raꞌajjáj huaꞌa tzajtaꞌa ɨ mej meri huacuii. Aɨ mu eꞌeyan meyan tyuꞌutaxajtacaꞌa aꞌij tɨ huarɨj.

7
00:02:15,880 --> 00:02:28,000
Majta aɨme ɨ seica ɨ tyaɨte, matɨꞌɨj raamuaꞌareeriꞌi tɨ Jesús ayan tiꞌitɨ cɨn huarɨj tɨ huapɨꞌɨ ruxeꞌeveꞌe, matɨꞌɨj mi meyan u aꞌujuꞌun mej mi yeꞌentinajche.

8
00:02:28,000 --> 00:02:47,380
Majta aɨme ɨ fariseos, ayaa mu tyuꞌurixaatyaꞌacaa tɨcɨn: ―Ayej xaa nyaꞌu teꞌeme, capu tiꞌitɨ aꞌij tyajamuatyavaꞌɨreꞌesin sej seyan raataꞌijmɨ. Casiꞌi, matɨj manaꞌa yeehui puaꞌamua maj yan huachaatɨme iiyan chaanaca japua, naimiꞌi mu raꞌajaahuateꞌe.