1
00:00:05,000 --> 00:00:19,240
Meenti seica meyan maun aꞌutyáuucaꞌa huaꞌa tzajtaꞌa aɨme ɨ mej aun aꞌujnyéj mej mi raatyaanajche ɨ Dioj ajna matɨꞌɨj tiꞌiyestya. Au mu eꞌemaꞌacan aɨme u Grecia.

2
00:00:19,240 --> 00:00:38,280
Aɨ mu eꞌireꞌenye ɨ Felipe jemi, aɨjna tɨ aun eꞌemaꞌacan u Betania, chajtaꞌa tɨ aun aꞌutacáꞌa u Galileeya. Ayaa mu tirajhuaviiriꞌi tɨcɨn: ―Muaa vastaꞌa, ayaa tu yeehui tiꞌijxeꞌeveꞌe tyej tyuꞌuxáj jamuan ɨ Jesús.

3
00:00:38,280 --> 00:00:48,420
Ajta aɨn Felipe, a pu aꞌuréꞌenye tɨ ij ayan tiraataꞌixaateꞌen aɨjna ɨ Andrés. Matɨꞌɨj mi meyan tiraataꞌixaa maɨjna ɨ Jesús.

4
00:00:48,420 --> 00:01:00,180
Jesús pu ayan tyuꞌutanyúu tɨcɨn: ―Puꞌuri yeehui ajna tyajaꞌureꞌenye tɨ Dioj ayan rɨꞌɨ tinaataꞌan inyeetzi, i nyaj nyajta tyaataꞌa jetze eꞌirannyejte.

5
00:01:00,180 --> 00:01:23,140
Ayaa nu yeehui tyajaꞌamueꞌixaateꞌe tzaahuatiꞌiraꞌa cɨmeꞌe tɨ puaꞌa cai eꞌejveti a chuaataꞌa tɨ ij aun huamɨꞌɨni aɨjna ɨ jatzijraꞌan ɨ triigu, ayaa pu rusaɨj naꞌa huatyaturaasin aɨjna ɨ jatzijraꞌan. Naꞌari tɨ puaꞌa ayan huamɨꞌɨni, eihua pu yeehui jetzen eꞌiranyejsin seica ɨ jatzi.

6
00:01:23,140 --> 00:02:10,180
Ayej cheꞌeta naꞌa een huaꞌa cɨmeꞌen ɨ tyaɨte. Tɨ puaꞌa ayan eitzeꞌe jetzen ruxeꞌeveꞌe aꞌatɨ tɨ naꞌa aɨjna tɨ iiyan tiꞌiseijreꞌe iiyan chaanaca japua cai ayan jetzen ruxeꞌevaꞌa tɨ raꞌaraꞌastijreꞌen ɨ Dioj, aɨ pu yeehui yáuujɨsin ɨ ruxaijnyuꞌuca tɨ auj ruuricaa. Naꞌari cai, tɨ puaꞌa cai ayan aꞌatzu jetzen tyuꞌujxeꞌeveꞌe tɨj naꞌa tɨ iiyan tiꞌiseijreꞌe iiyan chaanaca japua silu ayaa pu huatauraꞌan tɨ nain aꞌuraꞌini tɨ iiyan rajchaꞌɨ, tɨ ij ayan raꞌaraꞌastijreꞌen ɨ Dioj, ayaa pu yeehui ruurican cɨn huatauraꞌasin para rusen cɨmeꞌe.

7
00:02:10,180 --> 00:02:37,860
Tɨ puaꞌa aꞌatɨ ayan nyavaɨraꞌa pu aꞌame inyeetzi, ayaa pu ruxeꞌeveꞌe tɨ aɨn ayan cheꞌeta naꞌa rɨjca aꞌij nyaj rɨcɨ inyaa. Ajta, aꞌu tɨ naꞌa nyej nyeyan aꞌutyaváa naꞌame, aɨ pu ajta inyeetzi jamuan aꞌutyaváa aꞌame aɨjna tɨ nyavaɨreꞌe. Tɨ puaꞌa yeehui aꞌatɨ ayan nyavaɨreꞌe, aɨ pu ɨ niyaꞌupua ayan rɨꞌɨ tiraataꞌasin.

8
00:02:37,860 --> 00:03:12,980
’Puꞌuri aꞌij puaꞌa nyaꞌase yu nyatzajtaꞌa. ¿Aꞌini nyanaꞌa nij neyan tyuꞌutaxajta? ¿Ni qui neyan tyuꞌutaxajta nyaɨjna tɨ cɨmeꞌen yee: “Niyaꞌupua, pataꞌaj yeehui peyan nuꞌirajtuaani tɨ ij cai ayan tinaacɨꞌɨti aꞌij tɨ ari tyajaꞌureꞌenyejsin”? Me nyajta cai, canu. Canu neyan tyuꞌutaxajta aꞌini ayaa nu yeehui een cɨn yu aꞌuveꞌeme nyej neyan ya huacati ijii.

9
00:03:12,980 --> 00:03:35,820
’Mɨ pej neꞌiyaꞌupua, pataꞌaj tihuaꞌutaseijrateꞌen ɨ nyaj cɨn rɨꞌɨ timuaataꞌasin. ―Ayaa pu tyuꞌutaxajtacaꞌa aɨjna ɨ Jesús. Aj puꞌi uteꞌe eꞌicanamuajre tɨ aꞌatɨ ayan tyuꞌutaxajtacaꞌa tɨcɨn: ―Nuꞌuri yeehui neyan tihuaꞌutaseijrate. Nyajtahuaꞌa nu neyan tihuaꞌutaseijrateꞌesin.

10
00:03:35,820 --> 00:03:56,440
Majta aɨme ɨ tyaɨte ɨ maj aun ajtyáxɨɨracaꞌa, aɨ mu majta raanamuajriꞌi. Seica mu meyan raataxajtacaꞌa maj nuꞌu huatyejnyuu. Majta seica meyan tyuꞌutaxajtacaꞌa tɨ saɨj nuꞌu ayan jamuan tyuꞌutaxajtacaꞌa tɨ uteꞌe tiꞌivaɨreꞌe ɨ Dioj tɨ eꞌeseijreꞌe.

11
00:03:56,440 --> 00:04:09,940
Jesús pu ayan tihuaꞌutaꞌixaa tɨcɨn: ―Capu ayan yeehui tyuꞌutaxajtacaꞌa aɨjna cɨmeꞌe tɨ caꞌanijraꞌa naataꞌan inyeetzi silu tɨ ayan caꞌanijraꞌa amuaataꞌan muejmi.

12
00:04:09,940 --> 00:04:32,980
’Puꞌuri yeehui ayan tyajaꞌureꞌenye ajna xɨcaaraꞌan jetze tɨ Dioj jetzen huaꞌuxɨjteꞌen matɨj manaꞌa puaꞌamua yan huachaatɨme. Puꞌuri ajta ajna tyajaꞌureꞌenye ɨ xɨcaaraꞌan jetze ɨ nyaj jetzen raatamuariteꞌesin nyaɨjna tɨ yan tieꞌijta iiyan chaanaca japua.

13
00:04:32,980 --> 00:04:47,360
Nyajta inyaa, matɨꞌɨj meri aj nyajaꞌutavéꞌen, aj nu ni neyan naijmiꞌica huatájeevi ɨ tyaɨte mej mi curáꞌacɨjxɨꞌɨn inyeetzi jemi. ―Ayaa pu tihuaꞌutaꞌixaa.

14
00:04:47,360 --> 00:04:53,920
Ayaa pu een cɨn ayan tyuꞌutaxajtacaꞌa mej mi meyan raamuaꞌaree aꞌij tɨ yeꞌi tíꞌimɨꞌɨni.

15
00:04:53,920 --> 00:05:30,760
Matɨꞌɨj meyan tiraataꞌixaa aɨme ɨ mej maun ajtyáxɨɨracaꞌa tɨcɨn: ―Ayaa tu yeehui teyan raanamuajriꞌi tyaɨjna jetze ɨ nyuucari ɨ maj cɨn tiꞌijta tɨ aɨn Cɨriistuꞌu nuꞌu ayan rusen cɨn ruuri huatyaturaasin. Aɨj pu yeehui cɨn, aꞌini tiꞌirɨꞌɨri pej peyan tiꞌixaj yee tɨ nuꞌu ayan ruxeꞌeveꞌe maj nuꞌu aj yaꞌutaveꞌen maɨjna tɨ tyaataꞌa jetze eꞌiraujnyejte. Aꞌataani yeehui pɨrɨcɨ aɨjna tɨ nuꞌu tyaataꞌa jetze eꞌiraujnyejte.

16
00:05:30,760 --> 00:06:03,540
Aj puꞌi Jesús ayan tihuaꞌutaꞌixaa tɨcɨn: ―Aucheꞌe pu aꞌatzu aꞌateere muejmi jemi ɨ tatzari tɨ cɨn huanyéeriꞌicɨ aꞌame. Sataꞌaj yeehui seyan áꞌujhuaꞌanyeꞌen aꞌij tɨ tiraavijteꞌe meenti auj muejmi tzajtaꞌa ayan seijreꞌe ɨ tatzari tɨ cɨn huanyeeriꞌi, tɨ ij yeehui cai aꞌamua japua rájveti ɨ tɨ huatɨcaꞌa. Aɨjna tɨ yeehui ayan tɨcaꞌamisteꞌe aꞌuchaꞌacan, capu ramuaꞌaree aꞌu tɨ áꞌumej.

17
00:06:03,540 --> 00:06:26,300
Sataꞌaj seyan huataujtuiireꞌen aɨjna jemi tɨ jetzen eꞌiraninyei ɨ tatzari tɨ cɨn huanyeeriꞌi sej si seyan saɨjna jetze ajtyamaꞌacanta aɨjna tɨ huanyeeriꞌi. Tɨꞌɨj raatapuaꞌajtacaꞌa tɨ ayan tihuaꞌutaꞌixaa, aj puꞌi áꞌuraa aɨjna ɨ Jesús, ajta huatauravaatacaꞌa huaꞌa jemi.