1
00:00:05,000 --> 00:00:17,640
Aɨ pu ari eihua tyuꞌumuarej huaꞌa jemi tiꞌitɨ tɨ ayan huapɨꞌɨ ruxeꞌeveꞌe. Ma majta aɨme, camuu xɨ ráꞌujcaꞌanyajcaꞌa mej meyan huataujtuiireꞌen ɨ jemin.

2
00:00:17,640 --> 00:00:53,600
Ayej tyuꞌurɨj tɨꞌi ayan aráurasten aꞌij tɨ tiraataxajtacaꞌa aɨjna ɨ Isaías tyaacan tɨ ajmiꞌi tiꞌixaxaꞌataꞌa ɨ Dioj jetze maꞌacan, tɨ ayan tɨcɨn: Nyavastaraꞌa, capu aꞌatɨ yeehui ayan ráꞌantzaahua aꞌij tyej tihuaꞌutaꞌixaa. Capu yeehui aꞌatɨ ayan yauꞌeitaa aꞌaraa aꞌij tɨ huataujmuaꞌa aɨjna tɨ Dioj rumuareꞌeriꞌiraꞌa cɨn ayan huarɨj.

3
00:00:53,600 --> 00:01:41,160
Aɨj mu cɨn cai ráꞌantzaahua aɨjna cɨmeꞌe, aꞌij tɨ puaꞌamuaque ayan raataxajtacaꞌa aɨjna ɨ Isaías tyaacan tɨcɨn: Aɨ pu nuꞌu yeehui ayan huaꞌuruu mej meyan aracucuꞌunijmeꞌeni mej mi cai atanyéjnyeꞌeri. Aɨ pu yeehui ayan huaꞌuruu mej mi antaujnaamɨn ɨ rutzajtaꞌa mej mi cai yauꞌeitaa muaꞌaraꞌani. Naꞌari tɨ puaꞌa pɨ manaꞌa, aɨ mu saɨque tyuꞌumuaꞌatíicheꞌen, nyaj nuꞌu neyan huaꞌurújteꞌencheꞌe.

4
00:01:41,160 --> 00:01:54,960
Ayaa pu tyuꞌutaxajtacaꞌa aɨjna ɨ Isaías tyaacan aɨjna tɨ ayan raaseij ɨ tɨ Dioj cɨn rɨꞌɨ tiraatáꞌanicheꞌen. Aɨ pu ajta ayan tiraataxajtacaꞌa aɨjna cɨmeꞌen ɨ Jesús.

5
00:01:54,960 --> 00:02:17,840
Ee xaa nyaꞌu, muiꞌitɨ ɨ mej maun tiꞌijta teyujtaꞌa, aɨme mu meyan ráꞌantzaahua. Ma majta aɨme, camu raxajtacucaꞌa huaꞌa tzajtaꞌa ɨ tyaɨte maɨjna cɨmeꞌe mej huaꞌatzɨɨnyaꞌacaa ɨ fariseos, majta maɨjna cɨmeꞌe ɨ seica meyan hueꞌireꞌiti maujna u teyujtaꞌa.

6
00:02:17,840 --> 00:02:23,920
Eitzeꞌe pu huaꞌaranajchacaꞌa mej mi tyaɨte meyan rɨꞌɨ tihuaꞌutaꞌan cai ɨ Dioj.

7
00:02:23,920 --> 00:02:40,920
Aj puꞌi Jesús ayan ruseiirata tyuꞌutaxajtacaꞌa tɨcɨn: ―Tɨ puaꞌa yeehui aꞌatɨ ayan naꞌantzaahuateꞌen inyeetzi, capu nyeetzi naꞌa aꞌatzaahuateꞌe silu ajta pu raꞌatzaahuateꞌe aɨjna tɨ yan nyajaꞌutaityacaꞌa.

8
00:02:40,920 --> 00:02:48,820
Tɨꞌɨj aɨn ayan nyeseij inyeetzi, aɨ pu ajta raseij aɨjna tɨ yan nyajaꞌutaityacaꞌa.

9
00:02:48,820 --> 00:03:08,860
Ayaa nu yeehui een cɨn aꞌuveꞌeme iiyan chaanaca japua nyej ni neyan huaꞌuruuren ɨ tyaɨte tɨj tatzari ɨ tɨ cɨn huaꞌa tzajtaꞌa huanyeeriꞌi mej mi cai cheꞌe meyan tɨcaꞌamisteꞌen áꞌujhuaꞌanyeꞌen aɨme ɨ maj meyan naꞌastijreꞌe inyeetzi.

10
00:03:08,860 --> 00:03:27,820
Tɨ puaꞌa aꞌatɨ nyanamua aꞌij nyej tiꞌixa, ajta cai naꞌastijraꞌa, canu yeehui raꞌaxɨjteꞌen inyaa, aꞌini canu nyaɨjna cɨn aꞌuveꞌeme nyej ni neyan huaꞌuxɨjteꞌen aɨme ɨ mej yan huachaatɨme iiyan chaanaca japua silu nyej ni hueꞌirajtuaani.

11
00:03:27,820 --> 00:03:49,440
’Ee xaa nyaꞌu, tiꞌitɨ pu yeehui pueen tɨ ayan raꞌaxɨjteꞌen aɨjna ɨ aꞌatɨ tɨ ayan naareꞌiti, tɨ cai raꞌastijreꞌe aꞌij nyej tiꞌixa. Aɨjna nyaꞌu hui, ɨ nyaj cɨn tyuꞌutaxajtacaꞌa, ayaa pu raꞌaxɨjteꞌesin ajna xɨcaaraꞌan jetze tɨ jetzen nain teꞌentipuaꞌari.

12
00:03:49,440 --> 00:04:06,360
Ayaa puꞌu naꞌa, aꞌini canu hui nyasaɨj aꞌij tirajtyau aꞌij nyej tyuꞌuxajtacaꞌa silu aɨn tɨ niyaꞌupua pueen, aɨ pu ayan tinaataij aꞌij nyej yeꞌi tyuꞌutaxaj, ajta ɨ nyaj cɨmeꞌen neyan tyuꞌutaxajta.

13
00:04:06,360 --> 00:04:27,940
Nyaa nu yeehui neyan ramuaꞌaree tɨ ayan tinaataij tɨ ij ayan tyajamuaacɨꞌɨti sej seyan ruurican huatyaturan para rusen cɨmeꞌe. Aɨj nu cɨn ayaa nu cheꞌeta nyanaꞌa tiꞌixa aꞌij tɨ aɨn niyaꞌupua ayan aɨjna cɨn tinyeijca nyej ni tyuꞌutaxaj.