1
00:00:05,000 --> 00:00:45,720
Puꞌuri tɨmuaꞌa ajna tyajaꞌureꞌenyejsimaꞌa ɨ maj cɨn raꞌutamuaꞌaree aꞌanaj tɨ Dioj ayan tihuaꞌutauuniꞌiriꞌi. Puꞌuri ramuaꞌareeracaꞌa ɨ Jesús tɨ ari ajna tyajaꞌureꞌenye ɨ xɨcaaraꞌan jetze tɨ jetzen aꞌuraꞌani iiyan chaanaca japua tɨ ij aun aꞌujnyén u uteꞌe, yaꞌupuaaraꞌan tɨ eꞌeseijreꞌe. Tɨj naꞌa tɨ yan huataseijre iiyan chaanaca japua, aɨ pu ayan huaꞌaxeꞌevaꞌacaa aɨme ɨ maj jamuan áꞌujhuaꞌanyaꞌa. Ajta ijii puꞌuri ayan huaꞌutaseijratacaꞌa tɨ nain cɨn huaꞌaxeꞌevaꞌacaa.

2
00:00:45,720 --> 00:01:04,060
Matɨꞌɨj tiꞌicuaꞌacaa ɨ́ chumuaꞌan, aɨ pu ajta aun aꞌutyavaacaꞌa aɨjna ɨ Judás, tɨ yaujraꞌan pueen ɨ Simón, tɨ ajta ayan teꞌentimuꞌutaca tɨcɨn Iscariote. Puꞌuri aɨn Satanás caꞌanijraꞌa raataꞌacaa tɨ tyuꞌutatuiireꞌen ɨ Jesús.

3
00:01:04,060 --> 00:01:14,380
Jesús pu ajta ramuaꞌareeracaꞌa tɨ aɨn yaꞌupuaaraꞌan ayan nain cɨn tiréijca, tɨ ajta ruyaꞌupua jemi aꞌuveꞌeme, ajta au pu ajta aꞌujnyejsin ɨ jemin.

4
00:01:14,380 --> 00:01:27,140
Aj puꞌi ajchee aꞌu mej tyajaꞌacuaꞌacaa, ajta huiraꞌujchuiiriꞌi ɨ rutasi tɨ ruꞌiráꞌavɨjcaꞌa. Aj puꞌi avaꞌujjɨꞌɨque cɨɨxuri cɨmeꞌe ɨ maj cɨn huáꞌacáimɨ.

5
00:01:27,140 --> 00:01:43,360
Tɨꞌɨqui aun atyeejei ɨ caasu jetze. Aj puꞌi autyejche tɨ huaꞌanajaꞌusixɨꞌɨn ɨ huaꞌachapuatzeꞌen seij ajta seij ɨ maj jamuan áꞌujhuaꞌanyaꞌa. Ajta huaꞌanahuatziꞌiraxɨ aɨjna cɨmeꞌe ɨ cɨɨxuri tɨ cɨn avaꞌujjɨꞌɨcaꞌacaa.

6
00:01:43,360 --> 00:01:58,020
Aj puꞌi aun eꞌireꞌenye aɨjna jemi ɨ Simón tɨ ajta iꞌi Pedro. Aj pu i aɨn Pedro ayan tiraataꞌixaa tɨcɨn: ―Nyavastaraꞌa, ¿ni yeehui pajta peyan nyaꞌanajaꞌusixɨꞌɨsin nyechapua jetze?

7
00:01:58,020 --> 00:02:10,660
Aj puꞌi ayan tiraataꞌixaa ɨ Jesús tɨcɨn: ―Capuu xɨ aꞌij timuaꞌamitejteꞌe aꞌij nyaj aɨn cɨn nyeyan rɨcɨ, silu majcaꞌihuayee paj xaa yeehui yauꞌeitaa puaꞌame.

8
00:02:10,660 --> 00:02:36,740
Aj puꞌi Pedro ayan tiraataꞌixaa tɨcɨn: ―Capej xaa nyaꞌu, aꞌanaj peyan naꞌanajaꞌusixɨꞌɨsin ɨ nyachapuaatzeꞌe. Ajta aɨn Jesús, ayaa pu tiraataꞌixaa tɨcɨn: ―Tɨ puaꞌa yeehui nyacai neyan muaꞌanajaꞌusixɨꞌɨn aꞌachapuaatzeꞌe, capej cheꞌe huaꞌa jetze ajtyamaꞌacanta puaꞌame ɨ mej nyeetzi jemi seiiraꞌa muaꞌajuꞌun.

9
00:02:36,740 --> 00:02:56,560
Aj puꞌi ayan tyuꞌutaxajtacaꞌa aɨjna ɨ Pedro tɨcɨn: ―Nyavastaraꞌa, tɨ puaꞌa yeehui ayan ruxeꞌeveꞌe, capaj ayaa panaꞌa naꞌanajaꞌusixɨꞌɨn ɨ nyechapuaatzeꞌe, silu pajta paj peyan naꞌanajaꞌusixɨꞌɨn ɨ nyamuajcaꞌa jetze, pajta naꞌavaꞌajaꞌusixɨꞌɨn ɨ nyamuꞌu jetze.

10
00:02:56,560 --> 00:03:18,740
Aj puꞌi Jesús ayan tyuꞌutanyúu tɨcɨn: ―Tɨ puaꞌa yeehui aꞌatɨ ari ayan huaɨꞌɨhuacaꞌa, ayaa puꞌu ruxeꞌeveꞌe tɨ ayaa naꞌa raꞌanajaꞌusixɨꞌɨn ɨ chapuaatzeꞌe, aꞌini capu cheꞌe chuaamuaraꞌa nain japua tɨ ratyáhueꞌiraꞌa. Sajta muan, caxu cheꞌe chuaamua, silu seij pu yeehui xaa ayan chuaamuaraꞌa.

11
00:03:18,740 --> 00:03:31,740
Ayaa pu een cɨn ayan tyuꞌutaxajtacaꞌa tɨ nuꞌu saɨj naꞌa chuaamuaraꞌa, aꞌini aɨ pu ari ramuaꞌareeracaꞌa aꞌatɨ tɨ aɨn puéenyaꞌa tɨ ayan tyuꞌutatuiireꞌesin ɨ́ cɨmeꞌen ɨ Jesús.

12
00:03:31,740 --> 00:03:51,540
Tɨꞌɨj raatapuaꞌajtacaꞌa tɨ ayan huaꞌanajaꞌusixɨ, ajta pu huiraꞌujvɨjriꞌi ɨ rutasi. Aj puꞌi aꞌujyeijxɨ ɨ meesa jetze. Ayaa pu tihuaꞌutaihuaꞌuriꞌi tɨcɨn: ―¿Ni yeehui sajmuaꞌaree aꞌij nyaj een cɨn neyan amuaaruu? Nyaa nu tyajamuaataꞌixaateꞌesin.

13
00:03:51,540 --> 00:04:03,700
Ayaa xu yeehui muan naatamuaꞌamua yee Maeestru, sajta seyan tɨcɨn Tavastaraꞌa. Ayaa pu yeehui tiraavijteꞌe aꞌini nyaa nu nyaɨn pueen.

14
00:04:03,700 --> 00:04:20,500
Ajta ijii, nyaj aꞌamuavastaraꞌa pueen, nyajta aꞌamua maeestru, ayaa nu amuaꞌanajaꞌusixɨ ɨ aꞌamuachapuaatzeꞌe. Sataꞌaj yeehui seyan cheꞌeta sanaꞌa anaujaꞌusixɨꞌɨn ruchapuaatzeꞌe rujɨɨmuaꞌa.

15
00:04:20,500 --> 00:04:27,140
Ayaa nu amuaataꞌitiiriꞌi sej si seyan huarɨni aꞌij nyej neri amuaaruu muejmi.

16
00:04:27,140 --> 00:04:45,660
’Ayaa nu yeehui tyajaꞌamueꞌixaateꞌe tzaahuatiꞌiraꞌa cɨmeꞌe tɨ eitzeꞌe ruxeꞌeveꞌe aɨjna tɨ tiꞌijta cai aɨjna tɨ ravaɨreꞌe. Ajta yeehui, eitzeꞌe pu ruxeꞌeveꞌe aɨjna tɨ yan nyajaꞌutaityacaꞌa cai i nyaj aꞌutaitiꞌihuacaꞌa.

17
00:04:45,660 --> 00:04:56,940
Ajta ijii, satɨj seri tiꞌijmuaꞌaree saɨjna, Dioj pu yeehui rɨꞌɨ tyajamuaataꞌasin tɨ puaꞌa seyan cheꞌeta sanaꞌa huarɨni.