1
00:00:05,000 --> 00:00:31,980
’Canu naijmiꞌica muejmi cɨmeꞌen neyan tiꞌixaj. Nyaa nu ramuaꞌaree aꞌij mej eꞌen ɨ nyej huaꞌavaꞌahuau. Nyajta nu neyan raꞌavaꞌahuau tɨ ij aráurasten aꞌij tɨ teꞌeyuꞌusiꞌi ɨ yuꞌuxari jetze tɨ ayan tɨcɨn: “Aɨ pu nuꞌu yeehui ɨ nyaj raataꞌinee tɨ tyuꞌucuaꞌani inyeetzi jamuan, aɨ pu nuꞌu yeehui autyejche tɨ najcháɨraꞌa aꞌaraꞌani.”

2
00:00:31,980 --> 00:00:52,080
Ayaa nu anacai neyan tyajaꞌamueꞌixaateꞌe ijii tɨꞌɨj cai xɨ ayan tyuꞌurɨni sej si seyan tyaꞌantzaahuateꞌen nyaj nyaɨn pueen aꞌij nyej neri tyajamuaataꞌixaa, sej si sauj tyaꞌatzaahuateꞌe ajna tɨ ayan tiꞌinyaruuren.

3
00:00:52,080 --> 00:01:17,040
’Ayaa nu tyajaꞌamueꞌixaateꞌe tzaahuatiꞌiraꞌa cɨmeꞌe, tɨ puaꞌa yeehui aꞌatɨ ayan raꞌancureꞌeviꞌitɨn aɨjna nyaj raataityacaꞌa, aɨ pu ajta naꞌancureꞌeviꞌitɨ inyeetzi. Ajta aꞌatɨ tɨ naꞌa tɨ ayan naꞌancureꞌeviꞌitɨ inyeetzi, ayaa pu cheꞌeta naꞌa raꞌancureꞌeviꞌitɨ aɨjna tɨ yan nyajaꞌutaityacaꞌa. ―Ayaa pu tihuaꞌutaꞌixaa.

4
00:01:17,040 --> 00:01:37,200
Tɨꞌɨj ayan tihuaꞌutaꞌixaa, eihua pu aꞌij puaꞌa raataꞌa ɨ tzajtaꞌan ɨ Jesús. Aj puꞌi ayan aꞌahuauritaacan cɨn tyuꞌutaxajtacaꞌa tɨcɨn: ―Ayaa nu hui tzaahuatiꞌiraꞌa cɨn neyan tyajaꞌamueꞌixaateꞌe, saɨj tɨ muejmi jetze ajtyamaꞌacan ayan tyuꞌutatuireꞌesin inyeetzi.

5
00:01:37,200 --> 00:01:50,360
Majta aɨme ɨ maj jamuan áꞌujhuaꞌanyaꞌa, muaꞌaraujseijraxɨ seij ajta seij. Camu aꞌij tirájtyauvaꞌa aꞌij tɨ huataujmuaꞌa aɨjna tɨ Jesús ayan tiraataxajtacaꞌa.

6
00:01:50,360 --> 00:02:00,280
Ajta saɨj tɨ aɨme jetze ajtyamaꞌacan, aɨ pu aicaujtutzi ɨ Jesús jemi. Ai pu aɨn pueen Jesús tɨ raxeꞌevaꞌacaa.

7
00:02:00,280 --> 00:02:15,960
Ajta aɨn Simón, tɨ ajta iꞌi Pedro, aɨ pu rumuajcaꞌa cɨn raatajé aɨjna tɨ Jesús raxeꞌevaꞌacaa. Aj puꞌi ayan tiraataꞌixaa tɨcɨn: ―Pataꞌaj yeehui raataihuaꞌu aꞌatɨ tɨ pueen tɨ cɨmeꞌen raataxajtacaꞌa.

8
00:02:15,960 --> 00:02:27,120
Ajtahuaꞌa pu ayan aicaujtutzi ɨ Jesús jemi. Aj puꞌi ayan tiraataihuaꞌuriꞌi tɨcɨn: ―Nyavastaraꞌa, ¿aꞌataani aɨn pueen?

9
00:02:27,120 --> 00:02:50,880
Aj puꞌi ayan tiraataꞌixaa ɨ Jesús tɨcɨn: ―Tɨ puaꞌa yeehui neri raꞌatyáruꞌunyen i tuxaꞌa jetze ɨ pan, aj nu ni raataꞌɨteꞌesin nyaɨjna ɨ aꞌatɨ tɨ aɨn pueen. Aj puꞌi Jesús ayan raꞌatyáaruꞌunyej ɨ pan ɨ tuxaꞌa jetze. Aj puꞌi aɨjná huataꞌɨte ɨ Judás, tɨ yaujraꞌan pueen ɨ Simón, tɨ ayan teꞌentimuꞌutaca tɨcɨn Iscariote.

10
00:02:50,880 --> 00:03:08,160
Cɨmeꞌen puꞌu ayan raꞌancuraꞌɨ ɨ pan aɨjna ɨ Judás, aj puꞌi Satanás ayan huataseijre ɨ tzajtaꞌan. Ajta aɨn Jesús, ayaa pu tiraataꞌixaa tɨcɨn: ―Pataꞌaj yeehui caꞌanacan peyan huarɨni aꞌij pej peri tyuꞌumuáꞌa.

11
00:03:08,160 --> 00:03:15,100
Majta ɨ seica, camu aꞌatzu yauꞌeitaa muaꞌaraa aꞌij een cɨn ayan tiraataꞌixaa.

12
00:03:15,100 --> 00:03:27,340
Seica mu meyan tiraamuaꞌa tɨ Jesús ayan tiraataꞌixaa tɨ tiꞌitɨ huananan ɨ maj cɨn tyuꞌuyesten naꞌari tiꞌitɨ tɨ huaꞌutapueijveꞌen ɨ maj cai aꞌij tiꞌijviicueꞌi.

13
00:03:27,340 --> 00:03:36,540
Cɨmeꞌen puꞌu ayan raꞌancuraꞌɨ ɨ pan, aj puꞌi huirajraa aɨjna ɨ Judás. Ajta puꞌuri huatɨcaꞌacaa.

14
00:03:36,540 --> 00:03:57,720
Tɨꞌɨj huirajraa aɨjna ɨ Judás, aj puꞌi Jesús ayan tihuaꞌutaꞌixaa tɨcɨn: ―Puꞌuri hui Dioj ayan rɨꞌɨ tinaataꞌa i nyaj nyajta tyaataꞌa jetze eꞌirannyejte. Nyajta inyaa, ayaa nu neri nyaɨjna cɨn rɨꞌɨ tiraataꞌa ɨ Dioj nyaɨjna cɨmeꞌe aꞌij nyej huarɨj.

15
00:03:57,720 --> 00:04:16,480
Tɨ puaꞌa yeehui neyan rɨꞌɨ tiraataꞌan ɨ Dioj nyaɨjna cɨmeꞌe nyej neyan huamɨꞌɨni, Dioj pu ajta rusaɨj ayan rɨꞌɨ tinaataꞌasin aɨjna cɨmeꞌe tɨ ayan naꞌajjájsin. Ajta aɨ pu caꞌanacan rɨꞌɨ tinaataꞌasin.

16
00:04:16,480 --> 00:04:40,240
’Niyaujmuaꞌa, aꞌatzu nuꞌu neyan ya aꞌateeri muejmi jemi. Muan xu nyahuauni. Me nyajta inyaa, ayaa nu cheꞌeta nyanaꞌa tyajaꞌamueꞌixaateꞌe aꞌij nyej neri tihuaꞌutaꞌixaa aɨme ɨ mej Israel jetze ajtyamaꞌacan. Capu xaa nyaꞌu rɨꞌɨri saj yeehui aun aꞌujnyén aꞌu nyaj aꞌujnyejsin.

17
00:04:40,240 --> 00:04:54,440
Nyajta nu neyan jajcuacan cɨn tyajaꞌamueijcateꞌen sej seyan huaujxeꞌeveꞌen. Ayaa pu ruxeꞌeveꞌe sej seyan cheꞌeta sanaꞌa huaujxeꞌeveꞌen aꞌij nyej neri tyajamuaaxeꞌeve muejmi.

18
00:04:54,440 --> 00:05:03,480
Tɨ puaꞌa yeehui seyan huaujxeꞌeveꞌen, aj mu mi naimiꞌi meyan ramuaꞌareeran sej seyan naꞌastijreꞌe.

19
00:05:03,480 --> 00:05:33,320
Aj puꞌi ayan tiraataihuaꞌuriꞌi aɨjna ɨ Simón, tɨ ajta iꞌi Pedro tɨcɨn: ―Tavastaraꞌa, ¿aꞌuni yeehui paꞌumaꞌa puaꞌame? Ajta Jesús ayan tiraataꞌixaa tɨcɨn: ―Capuu xɨ yeehui rɨꞌɨri paj paun áꞌumeꞌen nyeetzi cujtaꞌa aꞌu nyaj aꞌuméj silu majcaꞌihuayee xaa pej peyan paun nyaj cujtaꞌa paꞌumaꞌa puaꞌame.

20
00:05:33,320 --> 00:05:47,660
Aj puꞌi Pedro ayan tiraataꞌixaa tɨcɨn: ―¿Aꞌini een cɨn cai rɨꞌɨri ijii nyaj yeehui nyaun áꞌumeꞌen aꞌa cujtaꞌan mueetzi? Nyaa nu yeehui áꞌancaꞌanye nyaj huamɨꞌɨni a jetze maꞌacan.

21
00:05:47,660 --> 00:06:10,660
Aj puꞌi Jesús ayan tyuꞌutanyúu tɨcɨn: ―¿Ni tzaa yeehui peyan ahuaꞌacaꞌanye paj nuꞌu peyan huamɨꞌɨni nyeetzi jetze maꞌacan? Ayaa nu yeehui tzaahuatiꞌiraꞌa cɨn tiꞌimueꞌixaateꞌe aꞌij pej peyan rɨni. Tɨꞌɨj cai xɨ huajiihuan ɨ tyacuaaraꞌi, hueica paj peyan tyuꞌutyaahueꞌita paj nuꞌu cai nyamuaꞌate.