1
00:00:05,000 --> 00:00:13,760
’Tɨ puaꞌa yeehui seyan nyexeꞌevaꞌa inyeetzi, ayaa su saɨjna araꞌastijreꞌen ɨ nyaj cɨn tyajamuaataijteꞌesin.

2
00:00:13,760 --> 00:00:29,200
Nyajta nu neyan raatahuaviira ɨ niyaꞌupua jemi tɨ i aɨn yan amuajaꞌutaítiꞌi seij tɨ aꞌamua japua huanyuuni, tɨ i aɨn muejmi jemi huatyaturan tɨ naꞌa rusen cɨmeꞌe.

3
00:00:29,200 --> 00:01:02,360
Ai pu aɨn pueen ɨ xaijnyuꞌucari tɨ jetzen eꞌiraninyei tɨj naꞌa tɨ ayan tiꞌayajna. Capu rɨꞌɨri mej meyan raꞌancuraꞌan aɨme ɨ mej yan japuan huachaatɨme ɨ chaanaca japua, aꞌini capu aꞌij huaꞌamityejteꞌe aꞌij tɨ rɨcɨ aɨjna ɨ xaijnyuꞌucari. Camu yeehui majta ramuaꞌate. Ma sajta muan, ayaa xu een cɨn ramuaꞌate aꞌini aɨ pu aꞌamua jemi seijreꞌe, ajta pu muejmi jemi huatyaturaasin.

4
00:01:02,360 --> 00:01:13,440
’Canu yeehui rusentacan amuaatyatuaasin, tɨ cai aꞌatɨ ayan aꞌamuavaɨreꞌe silu nyaa nu nyajtahuaꞌa muejmi jemi uveꞌenyejsin.

5
00:01:13,440 --> 00:01:33,640
Capu cheꞌe aꞌateere mej hui cai cheꞌe nyeseijran aɨme ɨ mej yan japuan huachaatɨme ɨ chaanaca japua. Ma sajta muan, muan xu xaa nyeseijran. Nyaa nu huatarujsin nyej ni nyajtahuaꞌa ruuri naꞌaraꞌani, aɨj xu cɨn sajtahuaꞌa ruuri xaꞌajuꞌun.

6
00:01:33,640 --> 00:01:48,760
Ajna xɨcaaraꞌan jetze nyej jetzen huatarujsin, aj xu si seyan ramuaꞌareeran nyej neyan jemin seijreꞌe ɨ niyaꞌupua jemi, ajta yeehui aɨn, aɨ pu ajta nyeetzi jemi seijreꞌe.

7
00:01:48,760 --> 00:02:16,800
Aꞌatɨ tɨ naꞌa tɨ ayan raꞌancuraꞌa aꞌij nyej tyuꞌutaijtacaꞌa, tɨ ajta ayan nain raꞌaraꞌastijreꞌen, aɨ pu aɨn pueen tɨ xaa nyexeꞌeveꞌe. Niyaꞌupua pu hui ajta raxeꞌevaꞌa aꞌame aɨjna tɨ ayan nyexeꞌeveꞌe. Nyajta inyaa, nyaa nu raxeꞌevaꞌa naꞌame, nyajta jemin huataseijreꞌesin. ―Ayaa pu tyuꞌutaxajtacaꞌa aɨjna ɨ Jesús.

8
00:02:16,800 --> 00:02:43,920
Aj puꞌi saɨj tyuꞌutaxajtacaꞌa tɨ ayan antyahuaacaꞌa tɨcɨn Judás. Capu aɨjna ɨ Judás tɨ ayan teꞌentimuꞌutaca tɨcɨn Iscariote, silu saɨj. Ayaa pu tiraataꞌixaa tɨcɨn: ―Tavastaraꞌa, ¿aꞌini auj tiꞌirɨꞌɨri pej pi peyan panaꞌa tyejmi jemi huataseijreꞌesin, pajta cai aɨme jemi ɨ mej yan japuan huachaatɨme ɨ chaanaca japuan?

9
00:02:43,920 --> 00:03:05,640
Aj puꞌi Jesús ayan tiraataꞌixaa tɨcɨn: ―Tɨ puaꞌa aꞌatɨ ayan nyexeꞌevaꞌa, aɨ pu ayan raꞌaraꞌastijreꞌen aꞌij nyej tiꞌimuaꞌata. Niyaꞌupua pu ajta raxeꞌevaꞌa aꞌame. Tyan tu yeehui tyajta huataseijreꞌesin ɨ jemin. Tyajta teyan huatyaturaasin ɨ jemin.

10
00:03:05,640 --> 00:03:27,240
Ajta aɨn tɨ cai ayan nyexeꞌeveꞌe, aɨ pu ajta cai raꞌastijreꞌe aꞌij nyej tiꞌimuaꞌata. Canu yeehui nyasaɨj aꞌij tirajtyau aꞌij nyej tyajaꞌamueꞌixaateꞌe silu aɨjna ɨ nyuucari, aɨj pu jetze eꞌiraninyei aɨjna ɨ niyaꞌupua tɨ yan nyajaꞌutaityacaꞌa.

11
00:03:27,240 --> 00:03:32,780
’Ayaa nu tyajamuaataꞌixaa ijii nyej nyauj aꞌamua jemi yan huaca.

12
00:03:32,780 --> 00:04:01,780
Ajta aɨn tɨ hui aꞌamua japua huanyuuni, aɨjna ɨ xaijnyuꞌucaraꞌaraꞌan ɨ Dioj, ɨ tɨ ayan tiraavijteꞌe sej si ranaꞌamicheꞌen, aɨ pu ɨ niyaꞌupua ayan yaꞌutaiti nyeetzi jetze maꞌacan, tɨ i aɨn nain cɨn tyajamuáamuaꞌaten. Aɨ pu hui ajta ayan amuaataꞌasin sej si seyan raꞌutamuaꞌaree nain cɨn aꞌij nyej tyajamuaataꞌixaa.

13
00:04:01,780 --> 00:04:35,340
’Ayaa nu neyan amuaataꞌasin tɨ ij nain cɨn amuaatyápuaꞌariteꞌen. Aɨjna ɨ nyaj cɨn amuaatyápuaꞌariteꞌesin, nyeetzi pu jetze eꞌiraninyei. Capu hui ayan een aꞌij tɨ aɨn tɨ huaꞌa jetze naꞌa eꞌiraninyei aɨme ɨ mej yan japuan huachaatɨme iiyan chaanaca japua ɨ maj maɨjna cɨn huaꞌutyápuaꞌariteꞌen ɨ ruxaꞌaj tyaɨtye. Caxu aꞌij puaꞌa tyaꞌujmuajca. Caxu sajta tiꞌitzɨɨnyaꞌa.

14
00:04:35,340 --> 00:05:01,160
Xuꞌuri yee seyan raanamuajriꞌi nyej neyan tyajamuaataꞌixaa nyaj nuꞌu aꞌumaꞌa naꞌame, nyajta nuꞌu muejmi jemi uveꞌenyejsin. Tɨ puaꞌa yeehui seyan nyexeꞌevaꞌacacheꞌe, ayaa xu een cɨn rutyamuaꞌavaꞌacacheꞌe saɨjna cɨmeꞌe nyaj nyaun aꞌuméj ɨ niyaꞌupua jemi aꞌini niyaꞌupua pu eitzeꞌe ruxeꞌeveꞌe nyacai inyaa.

15
00:05:01,160 --> 00:05:17,600
Ayaa nu anacai tyajaꞌamueꞌixaateꞌe tɨ cai xɨ tiꞌitɨ aꞌij huarɨj sej si seyan tyaꞌantzaahuateꞌen nyaj nyaɨn pueen ajna xɨcaaraꞌan jetze tɨ jetzen ayan tyajaꞌureꞌenyejsin nyaj nyaun aꞌuméj.

16
00:05:17,600 --> 00:05:37,600
’Canu yeehui cheꞌe eihua tyajamuaataꞌixaateꞌesin aꞌini puꞌuri tɨn ya uveꞌenyejsin aɨjna tɨ aꞌij puaꞌa een, tɨ ajta yan japuan tieꞌijta ɨ chaanaca japua. Ma ajta aɨn, capu aꞌatzu rɨꞌɨri tɨ ayan tiꞌitɨj cɨn naꞌantimueꞌitɨn.

17
00:05:37,600 --> 00:05:56,740
Cheꞌere yeehui, ticheꞌe huiracɨɨnye teyujna mej mi maɨn ɨ mej yan chaanaca japua huachaatɨme, meyan raamuaꞌaree nyej neyan raxeꞌeveꞌe ɨ niyaꞌupua, nyajta neyan cheꞌeta nyanaꞌa rɨcɨ aꞌij tɨ aɨn ayan tinaataij.