1
00:00:05,000 --> 00:00:27,520
Tɨꞌɨj Jesús ayan raatapuaꞌajtacaꞌa tɨ tyuꞌuxajtacaꞌa, aj puꞌi áꞌuraa, majta aɨme ɨ maj jamuan áꞌujhuaꞌanyaꞌa. Matɨꞌɨj mi antacɨj achi japua tɨ ayan tyajaꞌarajtyahuaa tɨcɨn Cedrón. Au pu u jetze pujmeꞌen eihua tyuꞌuvaatɨmaꞌacaa ɨ cɨye, aseituuna cɨye.

2
00:00:27,520 --> 00:00:41,080
Ajta aɨn ɨ Judás tɨ ayan tyuꞌutatuireꞌesin ɨ Jesús cɨmeꞌe, aɨ pu aꞌamuaꞌatyajcaꞌa aujna aꞌini muiꞌi mu maun eꞌetyujsaɨ, aɨjna ɨ Jesús, majta ɨ maj jamuan áꞌujhuaꞌanyaꞌa.

3
00:00:41,080 --> 00:01:07,720
Majta aɨme ɨ mej maun tiꞌijta teyujtaꞌa, majta aɨme ɨ fariseos, ayaa mu huaꞌavaꞌahuau aɨme ɨ xantaaruꞌu ɨ mej maun tíꞌichaꞌɨ u teyujtaꞌa. Ayaa mu araꞌasicaa aꞌachu cumu hueicate. Naimiꞌi mu tatzari tyuꞌɨsimaꞌa, majta tiꞌitɨj aparaatu, majta ɨ maj cɨn huatyenyaꞌuseꞌen. Ajta aɨn ɨ Judás, aɨ pu huaꞌuviꞌitɨjmaꞌa. Matɨꞌɨj mi maun aꞌaráꞌa aꞌutɨ Jesús aꞌutyavaacaꞌa.

4
00:01:07,720 --> 00:01:20,720
Ajta aɨn Jesús aɨ pu ari ramuaꞌareeracaꞌa aꞌij tɨ tiꞌitɨ raruuren. Aj puꞌi huaꞌantinajchacaꞌa. Ayaa pu tihuaꞌutaihuaꞌuriꞌi tɨcɨn: ―¿Aꞌatajni sahuauhuau?

5
00:01:20,720 --> 00:01:38,480
Ayaa mu tiraataꞌixaa tɨcɨn: ―Jesús, tɨ Nazaret eꞌemaꞌacan. Aj puꞌi Jesús ayan tihuaꞌutaꞌixaa tɨcɨn: ―Nyaa nu nyaɨn pueen. Ajta aɨn Judás, tɨ ayan tyuꞌutatuiireꞌesin, au pu huaꞌa jamuan aꞌutyavaacaꞌa ɨ xantaaruꞌu.

6
00:01:38,480 --> 00:01:47,600
Tɨꞌɨj Jesús ayan tihuaꞌutaꞌixaa yee tɨ nuꞌu aɨn pueen, aɨ mu ruhuaritaꞌa caacɨj. Majta aꞌaráavatzɨ a chuaataꞌa.

7
00:01:47,600 --> 00:01:59,560
Ajtahuaꞌa pu ayan tihuaꞌutaihuaꞌuriꞌi tɨcɨn: ―¿Aꞌatajni sahuauhuau? Majta meyan tiraataꞌixaa tɨcɨn: ―Jesús tɨ Nazaret eꞌemaꞌacan.

8
00:01:59,560 --> 00:02:17,760
Aj puꞌi ayan tihuaꞌutaꞌixaa tɨcɨn: ―Nuꞌuri hui neyan tyajamuaataꞌixaa yee nyaj nyaɨn pueen. Tɨ puaꞌa seyan nyeetzi huauhuau, sataꞌaj seyan huaꞌutaꞌan maj áꞌucɨɨnye amɨme ɨ mej nyaa jamuan áꞌujhuaꞌan. ―Ayaa pu tihuaꞌutaꞌixaa aɨjna ɨ Jesús.

9
00:02:17,760 --> 00:02:31,840
Ayaa pu tyujuꞌurɨj tɨ ij ayan aráurasten aꞌij tɨ aɨn ari tyuꞌutaxajtacaꞌa tɨcɨn: “Capu nuꞌu aꞌatɨ áꞌuvej tɨ huaꞌa jetze ajtyamaꞌacan aɨme paj nuꞌu naatatuiiriꞌi.”

10
00:02:31,840 --> 00:02:55,520
Ajta aɨn Simón, tɨ ajta iꞌi Pedro, aɨ pu chun huitechuiicaꞌa. Aɨ pu rúꞌijcupi. Aj puꞌi aɨjna cɨn tiraapueij tɨ ravaɨraꞌacaa aɨjna ɨ tɨ nain cɨn antyujmuaꞌareeracaꞌa u teyujtaꞌa. Pedro pu ayan raꞌajtaveijchacaꞌa ɨ naxairaꞌan ɨ aꞌatɨ. Ayaa pu antyahuaacaꞌa aɨjna tɨ tiꞌivaɨreꞌe tɨcɨn Malco.

11
00:02:55,520 --> 00:03:09,060
Aj puꞌi Jesús ayan tiraataꞌixaa aɨjna ɨ Pedro tɨcɨn: ―Ucarujteꞌe mɨ aꞌachun. ¿Ni cai ayan ruxeꞌeveꞌe nyej nyaɨjna cɨn raꞌaraꞌastijreꞌen ɨ tɨ niyaꞌupua ayan cɨn tinyeijca?

12
00:03:09,060 --> 00:03:22,840
Matɨꞌɨj mi aɨme ɨ xantaaruꞌu, ajta aɨn ɨ tɨ huaꞌa capitán pueen, majta aɨme ɨ maj maun tíꞌichaꞌɨ u teyujtaꞌa, aɨ mu raatyeeviꞌi maɨjna ɨ Jesús. Matɨꞌɨj mi raꞌanaajɨꞌɨque.

13
00:03:22,840 --> 00:03:35,080
Anacai mu maun yaꞌuviꞌitɨ maɨjna jemi ɨ Anás, aꞌini aɨ pu aɨn pueenyaꞌa ɨ muꞌunyaaraꞌan aɨjna ɨ Caifás tɨ ajnaꞌɨmɨ nain cɨn antyujmuaꞌareeracaꞌa u teyujtaꞌa.

14
00:03:35,080 --> 00:03:51,080
Ajta aɨn Caifás, aɨ pu aɨn pueenyaꞌa tɨ ayan tihuaꞌutaꞌixaa ɨ maj Israel jetze ajtyamaꞌacan tɨ ayan nuꞌu tihuaꞌatyavaꞌɨrihuaꞌan tɨ saɨj naꞌa ɨ tevi ayan huamɨꞌɨni huaꞌa jetze maꞌacan ɨ tyaɨte.