1
00:00:05,000 --> 00:00:31,680
Ajta aɨn Pedro, aɨ pu ɨmɨ huamaꞌacaa cujtaꞌan ɨ Jesús. Ajta jamuan huamaꞌacaa seij tɨ ajta Jesús jamuan áꞌuchaꞌacanyaꞌa. Ajta aɨn ɨ saɨj tɨ Jesús jamuan áꞌuchaꞌacanyaꞌa, aɨ pu ramuaꞌatyajcaa aɨjna tɨ nain cɨn antyujmuaꞌareeracaꞌa u teyujtaꞌa. Aɨj pu cɨn, jamuan ɨ Jesús aun aꞌutyajrupi aꞌu tɨ aꞌaráyaujtaꞌa ajna tɨ eꞌeche aɨjna ɨ tɨ tiꞌijta.

2
00:00:31,680 --> 00:00:52,080
Ajta aɨn Pedro, puaꞌaque pu aꞌutyajturaa taꞌapueerta. Aj puꞌi ɨ saɨj tɨ Jesús jamuan áꞌuchaꞌacanyaꞌa, aɨ pu aꞌuréꞌenye taꞌapueerta. Aj puꞌi ayan tiraataꞌixaa aɨjna ɨ jɨitaꞌa tɨ aun tíꞌichaꞌɨ taꞌapueerta. Aj puꞌi aun yaꞌuviꞌitɨ aɨjna ɨ Pedro.

3
00:00:52,080 --> 00:01:11,880
Aj puꞌi aɨn jɨitaꞌa tɨ aun tíꞌichaꞌɨ taꞌapueerta, ayaa pu aɨn ɨ Pedro tyuꞌutaꞌixaa tɨcɨn: ―¿Ni hui pacai pajta muaa huaꞌa jetze ajtyamaꞌacan aɨme ɨ mej maɨjna jamuan áꞌujhuaꞌanyaꞌa? Aj puꞌi ayan tiraataꞌixaa tɨcɨn: ―Canu hui aꞌatzu.

4
00:01:11,880 --> 00:01:33,440
Eecan pu huaseeviꞌi ajnaꞌɨmɨ. Majta aɨme ɨ mej tiꞌivaɨreꞌe u teyujtaꞌa, majta aɨme ɨ maj maun tíꞌichaꞌɨ, aɨ mu auunai. Majta au mu atavaatɨmaꞌacaa aꞌu tɨ aꞌataa mej mi huaujcɨxaiteꞌen. Ajta aɨn Pedro, aɨ pu huaꞌa jamuan aꞌutyavaacaꞌa, ajta pu aɨn rucɨxaityaꞌacaa.

5
00:01:33,440 --> 00:01:47,080
Meenti aɨn tɨ nain cɨn antyujmuaꞌareeracaꞌa, aɨ pu ayan tiraataihuauriꞌi aɨjna ɨ Jesús aɨjna cɨmeꞌen ɨ maj jamuan áꞌujhuaꞌanyaꞌa, ajta aɨjna cɨmeꞌen aꞌij tɨ aɨn tíꞌimuaꞌatajcaꞌa.

6
00:01:47,080 --> 00:02:11,580
Jesús pu ayan tiraataꞌixaa tɨcɨn: ―Nyaa nu hui eijreꞌe tihuaꞌutaꞌixaa ɨ tyaɨte ɨ mej yan seijreꞌe iiyan chaanaca japua. Tɨꞌɨj pɨ naꞌa nu tihuáꞌamuaꞌatyajcaa huaꞌa teyujtaꞌa, nyajta nyaujna teyujtaꞌa aꞌu maj eꞌetyujsaꞌɨri aɨme ɨ mej Israel jetze ajtyamaꞌacan. Canu hui tiꞌitɨ aviitzi cɨn tyuꞌutaxajtacaꞌa.

7
00:02:11,580 --> 00:02:27,360
¿Aꞌini een cɨn peyan tiꞌinyeꞌihuaꞌu? Pataꞌaj peyan tihuaꞌutaihuaꞌu paɨme ɨ mej náanamuajriꞌi. Casiꞌi, aɨ mu xaa nyaꞌu meyan ramuaꞌaree aꞌij nyej tyuꞌutaxajtacaꞌa. ―Ayaa pu Jesús tiraataꞌixaa.

8
00:02:27,360 --> 00:02:51,520
Meenti saɨj tɨ huaꞌa jetze ajtyamaꞌacan ɨ maj maun tíꞌichaꞌɨ teyujtaꞌa, aa pu vejliꞌi aꞌutyavaacaꞌa. Cɨmeꞌen puꞌu ayan raanamuajriꞌi aꞌij tɨ Jesús tyuꞌutaxajtacaꞌa, aj puꞌi raꞌarajvee. Ajta ayan tiraꞌajtyaꞌaxɨ tɨcɨn: ―¿Ni tzaa ayan tiraavijteꞌe pej peyan tíꞌireꞌixaatyaꞌa paɨjna tɨ nain cɨn antyujmuaꞌaree u teyujtaꞌa?

9
00:02:51,520 --> 00:03:09,880
Aj puꞌi Jesús ayan tiraataꞌixaa tɨcɨn: ―Tɨ puaꞌa nyacai tiꞌitɨj cɨn xaꞌapɨꞌɨn huarɨj nyatɨꞌɨj neyan tiraataꞌixaa, pataꞌaj hui peyan aꞌij tyuꞌutaxaj. Naꞌari cai, tɨ puaꞌa neyan xaꞌapɨꞌɨn tyuꞌutaxajtacaꞌa aꞌini een cɨn peyan naꞌarajvee.

10
00:03:09,880 --> 00:03:21,360
Aj puꞌi aɨn Anás ayan tihuaꞌutaij maj raꞌanviꞌitɨn maɨjna jemi ɨ Caifás. Ajta, aɨn Jesús, aɨ pu auj anájɨꞌɨquiꞌihuacaꞌa.

11
00:03:21,360 --> 00:03:41,740
Aucheꞌe pu aun rucɨxaityaꞌa aɨjna ɨ Simón, tɨ ajta iꞌi Pedro. Aj puꞌi aꞌatɨ ayan tiraataihuaꞌuriꞌi tɨcɨn: ―¿Ni tzaa ayan tiꞌayajna paj huaꞌa jetze ajtyamaꞌacan ɨ maj Jesús jamuan áꞌujhuaꞌanyaꞌa? Aj puꞌi Pedro ayan tyuꞌutaxajtacaꞌa tɨcɨn: ―Canu.

12
00:03:41,740 --> 00:04:08,820
Meenti saɨj tɨ ayan ravaɨraꞌacaa ɨ tɨ nain cɨn antyujmuaꞌareeracaꞌa, aun pu aꞌutyavaacaꞌa. Aɨ pu ajta ihuaaraꞌaraꞌan pueenyaꞌa aɨjna ɨ aꞌatɨ tɨ Pedro ayan raꞌajtaveijchacaꞌa ɨ naxairaꞌan. Aj puꞌi ayan aɨn ɨ Pedro tyuꞌutaꞌixaa tɨcɨn: ―Ayej nyaꞌase nyaa nu nyaun muajeꞌeseij amɨjna jamuan aꞌu tɨ aꞌuvaatɨmee ɨ aceituuna cɨyeꞌe.

13
00:04:08,820 --> 00:04:22,320
Ajtahuaꞌa pu saɨque tyuꞌutaxajtacaꞌa aɨjna ɨ Pedro tɨ nuꞌu cai ramuaꞌate aɨjna ɨ Jesús. Cɨmeꞌen puꞌu ayan tyuꞌutaxajtacaꞌa, aj puꞌi ayan huajijhuacaꞌa ɨ tyacuaaraꞌi.