1
00:00:05,000 --> 00:00:51,200
Matɨꞌɨj mi aɨme ɨ mej tiꞌijta u teyujtaꞌa, au mu ruꞌiraaviꞌitɨ maujna aꞌu tɨ Caifás huiracai aꞌayeꞌi. Matɨꞌɨj mi maun yaꞌuviꞌitɨ u chiꞌita aꞌu tɨ aꞌucatii ɨ tajtuhuan tɨ tiꞌivaɨreꞌe huaꞌa jetze maꞌacan ɨ Roma mej eꞌeche. Puꞌuri tɨn tapuaꞌarijmaꞌaca, ajta muꞌuri tɨn aꞌutyahuijsimaꞌa mej tyuꞌuyesten. Aɨj mu cɨn cai aun aꞌutyajrupi aꞌu tɨ aɨn tajtuhuan aꞌucatii mej mi cai tiꞌitɨ cɨn autyaturan ɨ ruyeꞌira cɨmeꞌe aꞌini capu huaꞌa jetze ajtyamaꞌacantacaꞌa aɨjna ɨ tajtuhuan. Ayaa mu raxeꞌevaꞌacaa mej meyan raacuaꞌani ɨ cueꞌira ɨ maj cɨn raꞌutamuaꞌareera majna xɨcaaraꞌan tɨ jetzen Dioj tihuaꞌutauuniꞌiriꞌi.

2
00:00:51,200 --> 00:01:03,560
Aɨj pu cɨn aɨn Pilaatu ayan huirajraa a puaꞌaque huaꞌa jemi. Aj puꞌi ayan tihuaꞌutaihuaꞌuriꞌi tɨcɨn: ―¿Tiꞌitajni yeehui saj cɨn seyan tíꞌijxajtziꞌi samɨjna mɨ aꞌatɨ?

3
00:01:03,560 --> 00:01:17,040
Matɨꞌɨj mi meyan tiraataꞌixaa tɨcɨn: ―Tɨ puaꞌa yeehui cai ayan tiꞌitɨj cɨn autyájturáncheꞌe tɨ aꞌij puaꞌa een, catu teyan muaatatuíireꞌencheꞌe.

4
00:01:17,040 --> 00:01:40,000
Aj puꞌi Pilaatu ayan tihuaꞌutaꞌixaa tɨcɨn: ―Sataꞌaj seyan raꞌanviꞌitɨn sataꞌaj rujɨɨmuaꞌa seyan raꞌuxɨ́jteꞌen saɨjna cɨmeꞌe aꞌij tɨ tyajamuaataꞌaca ɨ aꞌamua yeꞌira. Matɨꞌɨj mi meyan tyuꞌutanyúu aɨme ɨ mej tiꞌijta u teyujtaꞌa tɨcɨn: ―Capu hui ayan titataꞌaca tyej ti teyan aꞌatɨ huajeꞌica.

5
00:01:40,000 --> 00:01:50,040
Ayaa pu tyuꞌurɨj tɨ ij ayan aráurasten aɨjna ɨ nyuucari ɨ tɨ cɨn Jesús ayan tyuꞌutaxajtacaꞌa aꞌij tɨ nuꞌu ayan tíꞌimɨꞌɨni.

6
00:01:50,040 --> 00:02:04,760
Aj puꞌi Pilaatu ajtahuaꞌa aun aꞌutyajrupi u chiꞌita. Tɨꞌɨqui u yaꞌutajée ɨ Jesús. Ayaa pu tiraataihuaꞌuriꞌi tɨcɨn: ―¿Ni paj hui paɨn pueen ɨ tɨ tihueꞌijteꞌe aɨme ɨ mej Israel jetze ajtyamaꞌacan?

7
00:02:04,760 --> 00:02:16,120
Jesús pu ayan tiraataihuaꞌuriꞌi tɨcɨn: ―¿Ni yeehui asaɨj panaꞌa peyan aꞌij tirajtyau nusu saɨj ayan tinaatyaxajtacaꞌa mueetzi jemi?

8
00:02:16,120 --> 00:02:41,080
Aj puꞌi aɨjna ɨ Pilaatu ayan tiraataꞌixaa tɨcɨn: ―¿Ni tzaa neyan Israel jetze ajtyamaꞌacan? Canu xaa nyaꞌu yeehui. Aɨme ɨ mej atyaɨtestyamuaꞌa pueen, majta aɨme ɨ mej maun tiꞌijta u teyujtaꞌa, aɨ mu aɨn pueen ɨ maj mueetzi yavaꞌatua inyeetzi jemi. ¿Tiꞌitajni hui aꞌij puaaruu?

9
00:02:41,080 --> 00:03:09,040
Ajta aɨn Jesús ayan tiraataꞌixaa tɨcɨn: ―Aɨjna ɨ nyaj cɨn tiꞌijta, capu hui yan japuan maꞌacan ɨ chaanaca japua. Tɨ puaꞌa ayan eenyeꞌen aꞌameꞌencheꞌe, ayaa mu maɨjna cɨn tyuꞌutatyeseꞌencheꞌe ɨ mej nyavaɨreꞌe mej mi cai meyan naateeviꞌin aɨme ɨ maj maun tiꞌijta u teyujtaꞌa. Ma ajta, saɨque pu eenyaꞌa seijreꞌe ɨ nyaj cɨn tiꞌijta.

10
00:03:09,040 --> 00:03:51,360
Aj puꞌi Pilaatu ayan tiraataꞌixaa tɨcɨn: ―Aa niꞌijta nyaꞌu, muaa paj xaa hui tiꞌitɨj cɨn tihueꞌijteꞌe aɨme ɨ tyaɨte. Ajta aɨn Jesús ayan tiraataꞌixaa tɨcɨn: ―Xaꞌapɨꞌɨn pej peyan tyuꞌutaxajtacaꞌa nyaj nuꞌu tiꞌitɨj cɨn tihueꞌijteꞌe. Ee xaa nyaꞌu ayan tiꞌayajna nyaj nyaɨjna cɨn huanuꞌeihuacaꞌa. Ayaa nu een cɨn yan huataseijre iiyan chaanaca japua nyej ni neyan tyuꞌutaxaj nyaɨjna cɨmeꞌen tɨ ayan tiꞌayajna. Matɨj manaꞌa puaꞌamua ɨ mej meyan raꞌancuraꞌa maɨjna tɨ ayan tiꞌayajna, naimiꞌi mu hui nyanamua.

11
00:03:51,360 --> 00:04:17,440
Aj puꞌi Pilaatu ayan tiraataihuaꞌuriꞌi tɨcɨn: ―¿Tiꞌitajni aɨn yeehui pueen aɨjna tɨ ayan tiꞌayajna? Tɨꞌɨj ayan tyuꞌutaxaataj, aj puꞌi huiirajraa, ajta aun aꞌuréꞌenye huaꞌa jemi ɨ mej Israel jetze ajtyamaꞌacan. Ayaa pu tihuaꞌutaꞌixaa tɨcɨn: ―Capu hui tiꞌitɨj aꞌij ayan tinaꞌamitejteꞌe ɨ nyaj cɨn tiꞌitɨj cɨn jetzen tyaꞌujpuáꞌajteꞌen.

12
00:04:17,440 --> 00:04:48,760
Ma sajta muan, ayaa xu tiꞌijrɨꞌɨre nyaj neyan amueꞌiratuiitzeꞌen seij tɨ aityanamiꞌi satɨꞌɨj seri seyan raꞌutámuaꞌareeriꞌi ɨ xɨcaaraꞌan jetze tɨ Dioj jetzen tihuaꞌutauuniꞌiriꞌi ɨ aꞌamuavaujsicɨꞌɨ. ¿Ni seyan hui raxeꞌeveꞌe nyej neyan amueꞌiratuiitzeꞌen nyamɨjna tɨ ayan nuꞌu tyajaꞌamueꞌijteꞌe mɨ sej Israel jetze ajtyamaꞌacan? ―Ayaa pu tihuaꞌutaihuaꞌuriꞌi.

13
00:04:48,760 --> 00:05:15,440
Matɨꞌɨj mi meyan caꞌanin cɨn tityeejíjhuacaꞌa tɨcɨn: ―Catu. Catu raxeꞌeveꞌe tyamɨjna. Pataꞌaj yeehui tuꞌiratuiitzeꞌen paɨjna ɨ Barrabás. Ajta aɨn Barrabás, aɨ pu huaꞌa jetze ajtyamaꞌacantacaꞌa aɨme ɨ mej huaꞌutyenyaꞌusiꞌi mej mi huáꞌariꞌi ɨ maj cɨn tiꞌijta aɨme ɨ mej Roma eꞌemaꞌacan.