1
00:00:05,000 --> 00:00:15,240
Aj puꞌi Pilaatu yaꞌuviꞌitɨ aɨjna ɨ Jesús mej mi raꞌityavajxɨꞌɨn maɨjna cɨmeꞌe ɨ cuaarta.

2
00:00:15,240 --> 00:00:28,180
Matɨꞌɨj mi aɨme ɨ xantaaruꞌu, tzicareꞌe mu huatyácɨstacaꞌa mej mi curuun huatyátaahua. Matɨꞌɨj mi raꞌaváꞌamuaniiriꞌi. Matɨꞌɨj mi cɨɨxuri ruꞌucávɨjriꞌi tɨ nacamua.

3
00:00:28,180 --> 00:00:42,900
Muiꞌitɨ mu ajtyáxɨɨracaꞌa vejliꞌi ɨ jemin. Ayaa mu tiꞌireꞌixaatyaꞌacaa tɨcɨn: ―Ajaꞌɨ, mɨ paj nuꞌu yeehui tihueꞌijteꞌe ɨ mej Israel jetze ajtyamaꞌacan. Matɨꞌɨj mi raꞌaraavajxɨ.

4
00:00:42,900 --> 00:01:04,540
Aj puꞌi ajtahuaꞌa huirajraa aɨjna ɨ Pilaatu. Ayaa pu tihuaꞌutaꞌixaa tɨcɨn: ―Casiꞌi muan, nuꞌuri hui neyan amuaatatuireꞌesin sej si seyan raamuaꞌaree tɨ cai tiꞌitɨ aꞌij tinaꞌamitejteꞌe ɨ nyaj cɨn tiꞌitɨj cɨn jetzen tyaꞌujpuáꞌajteꞌen.

5
00:01:04,540 --> 00:01:26,860
Aj puꞌi Jesús ajta huirajraa. Aucheꞌe pu ayan tiraꞌavaꞌamuá aɨjna ɨ curuun tɨ tzicareꞌe cɨn cɨstíjhuacaꞌa, ajta ruꞌucavɨ́ɨ aɨjna ɨ cɨɨxuri tɨ nacamua. Tɨꞌɨj Jesús huirajraa, aj puꞌi Pilaatu ayan tihuaꞌutaꞌixaa tɨcɨn: ―Yaꞌacui, puꞌuri ya huatyéjvee i tyaataꞌa.

6
00:01:26,860 --> 00:02:03,820
Majta aɨme ɨ mej meyan tiꞌijta u teyujtaꞌa, majta aɨme ɨ mej maun tíꞌichaꞌɨ, cɨmeꞌen muꞌu meyan raaseij, aj mu mi caꞌanin cɨn huatyejiihuajraa tɨcɨn: ―Aꞌutataichi ɨ curuu jetze. Aꞌutataichi papuꞌu. Aj puꞌi Pilaatu ayan tyuꞌutanyúu tɨcɨn: ―Muan xu hui raꞌanviꞌitɨn sej si rujɨɨmuaꞌa sanaꞌa ráꞌutatan. Me nyajta nyaa, capu hui aꞌij ayan tinaꞌamitejteꞌe ɨ nyaj cɨn tiꞌitɨj cɨn jetzen tyaꞌujpuáꞌajteꞌen.

7
00:02:03,820 --> 00:02:23,540
Majta aɨme ɨ mej maun tiꞌijta u teyujtaꞌa, eihua mu meyan tíꞌiraꞌixaatyaꞌacaa tɨcɨn: ―Ayaa tu yeehui tirájyeꞌira tɨ cɨmeꞌen ayan tiraavijteꞌe tɨ aɨn aɨjna cɨn huamɨꞌɨni aɨjna cɨmeꞌe tɨ ayan huataujseijratacaꞌa tɨ aɨ pu nuꞌu aɨn pueen ɨ yaujraꞌan ɨ Dioj.

8
00:02:23,540 --> 00:02:29,260
Tɨꞌɨj ayan raanamuajriꞌi aɨjna ɨ Pilaatu, eitzeꞌe pu tyuꞌutatzɨn.

9
00:02:29,260 --> 00:02:43,820
Ajtahuaꞌa aun utyajrupi u chiꞌita. Ajta yaꞌuviꞌitɨ ɨ Jesús. Aj puꞌi ayan tiraataihuaꞌuriꞌi tɨcɨn: ―¿Aꞌuni yeehui aꞌɨmɨ peyan eꞌemaꞌacan muaa? Ajta aɨn Jesús, capu aꞌatzu huatanyúu.

10
00:02:43,820 --> 00:03:04,540
Aj puꞌi Pilaatu ayan tiraataꞌixaa tɨcɨn: ―¿Ni tzaa pacai peyan ahuaꞌacaꞌanyej pej yeehui tinaataꞌixaateꞌen? ¿Ni cai ayan timuaꞌamitejteꞌe nyaj nyaɨjna cɨn antinmuaꞌaree nyej ni mueꞌirajtuaani, nusu nyej ni nyajta maꞌutatan ɨ curuu jetze?

11
00:03:04,540 --> 00:03:30,020
Ajta Jesús ayan tiraataꞌixaa tɨcɨn: ―Tɨ puaꞌa cai anacai Dioj ayan muaataꞌacaréncheꞌe pej peyan tyeꞌentiꞌamuaꞌareera, capej tiꞌitɨj cɨn antiꞌamuaꞌarencheꞌe inyeetzi jemi. Aɨj pu cɨn, aɨme ɨ mej nyeetzi cɨmeꞌen tyuꞌutatuii mueetzi jemi, eitzeꞌe mu tiꞌitɨj cɨn autyajturaa ɨ Dioj jemi.

12
00:03:30,020 --> 00:04:04,260
Tɨj naꞌa tɨ Jesús ayan tyuꞌutaxajtacaꞌa, aɨn Pilaatu pu ayan rahuaucaꞌa aꞌij tɨ huarɨni tɨ ruꞌirajtuaani aɨjna ɨ Jesús. Ma majta aɨme, ɨ mej maun tiꞌijta teyujtaꞌa, majtahuaꞌa mu meyan tityeetejiihuajraa tɨcɨn: ―Tɨ puaꞌa hui peyan ruꞌirajtuaani pamɨjna mɨ tyaataꞌa, capej cheꞌe tiꞌitɨj cɨn tiꞌityavaa puaꞌame paɨjna jemi ɨ César tɨ tiꞌitaijteꞌe aꞌini aꞌatɨ tɨ naꞌa tɨ ayan huataujseijrata tɨ aɨn pueen tɨ tiꞌitaijteꞌe, aɨ pu hui ayan rájchaɨreꞌe aɨjna ɨ César. ―Ayaa mu tyuꞌutaxajtacaꞌa.

13
00:04:04,260 --> 00:04:28,940
Tɨꞌɨj Pilaatu ayan raanamuajriꞌi, aj puꞌi ruꞌiraaviꞌitɨ aɨjna ɨ Jesús. Aj puꞌi Pilaatu an aꞌujyeijxɨ japuan ɨ ɨpuari aꞌu mej tyajaꞌaxaꞌapɨꞌɨntareꞌe. Ayaa pu tyajaꞌarajtyahuaa aujna tɨcɨn Au tɨ tetej aꞌumuáanijmee tɨ paꞌatza. Ajta, ayaa pu tyajaꞌarajtyahuaa huaꞌanyuuca cɨmeꞌe ɨ hebreo tɨcɨn Gabata.

14
00:04:28,940 --> 00:04:52,580
Puꞌuri ajna pɨtiꞌirɨjcaa ɨ xɨcaaraꞌan mej jetzen rɨꞌɨ huaujruuren mej mi meyan maɨjna cɨn raꞌutamuaꞌaree ajna xɨcaaraꞌan jetze tɨ Dioj jetzen tihuaꞌutauuniꞌiriꞌi. Puꞌuri ayan pɨtiꞌirɨjcaa aꞌatzaa cumu tacuarixpua. Aj puꞌi Pilaatu ayan tihuaꞌutaꞌixaa tɨcɨn: ―Yaꞌacui ariꞌicu, mɨ tɨ hui tyajaꞌamueꞌijteꞌe.

15
00:04:52,580 --> 00:05:30,740
Majta maɨn, ayaa mu titeetejiihuajraa tɨcɨn: ―Huiraviꞌitɨchi. Majta meyan tɨcɨn: ―Huiraviꞌitɨchi, pataꞌaj ráꞌutatan ɨ curuu jetze. Aj puꞌi Pilaatu tihuaꞌutaihuaꞌuriꞌi tɨcɨn: ―¿Ni tzaa seyan raxeꞌeveꞌe nyej ni hui neyan ráꞌutatan nyamɨjna tɨ tyajaꞌamueijteꞌe? Majta aɨme ɨ mej maun tiꞌijta teyujtaꞌa, ayaa mu tiraataꞌixaa tɨcɨn: ―Capu hui aꞌatɨ tiꞌitaijteꞌe silu aɨ puꞌu tɨ César cɨn tiꞌityejvee.

16
00:05:30,740 --> 00:05:40,140
Tɨꞌɨj taꞌi Pilaatu ayan huaꞌutatui aɨjna ɨ Jesús mej mi meyan ráꞌutatan ɨ curuu jetze.