1
00:00:05,000 --> 00:00:35,700
Aꞌanaj pu ayan huarɨj. Saɨj pu ajche, tɨ tiꞌimuaꞌata ɨ yuꞌuxari jetze tɨ Moisés raꞌuyuꞌuxacaꞌa. Ayaa pu tíꞌityesaꞌacaꞌa aɨjna ɨ aꞌatɨ tɨ ayan tiraacuanamua tɨ ij aɨn Jesús tiꞌitɨj cɨn aiiraꞌɨtzen. Ayan tɨcɨn: ―Maeestru, ¿tiꞌitani ruxeꞌeveꞌe nyej neyan huarɨni tɨ ij naacɨꞌɨti ineetzi nyaj ruuri naꞌaraꞌani rusen cɨmeꞌe aujna aꞌu tɨ Dioj eꞌeseijreꞌe?

2
00:00:35,700 --> 00:00:45,440
Ayaa pu tyuꞌutanyúu aɨjna ɨ Jesús tɨcɨn: ―¿Aꞌini teꞌeyuꞌusiꞌi ɨ yuꞌuxari jetze? ¿Tiꞌitaani paꞌujijve paɨjna jetze ɨ yuꞌuxari?

3
00:00:45,440 --> 00:01:23,700
Aj pu i ayan tiraataꞌixaa tɨcɨn: ―Pataꞌaj nuꞌu peyan rɨꞌɨ tirajchaꞌɨ aɨjna ɨ tavastaraꞌa ɨ taDioj nain cɨmeꞌe ɨ aꞌa tzajtaꞌa, pajta nain cɨmeꞌe aꞌachu paj caj tyaꞌacaꞌanye ɨ aꞌaxaijnyuꞌuca jetze, pajta nain aꞌaxeꞌeviꞌiraꞌa cɨmeꞌe, ajta áꞌamuáꞌareeriꞌiraꞌa cɨmeꞌe. Ajtahuaꞌa pu seij seijreꞌe tɨ cɨn ayan yee pataꞌaj nuꞌu hui peyan cheꞌeta panaꞌa rɨꞌɨ tirajchaꞌɨ ɨ axaꞌaj tevi patɨj muaa asaɨj tiꞌitiáꞌachaꞌɨ.

4
00:01:23,700 --> 00:01:39,100
Jesús pu ayan tiraataꞌixaa tɨcɨn: ―Xaꞌapɨꞌɨn paj tiraataxajtacaꞌa. Tɨ puaꞌa peyan huarɨni, aꞌij paj hui tiraataxajtacaꞌa, paruuri paj puaꞌame rusen cɨmeꞌe aꞌu tɨ Dioj eꞌeseijreꞌe.

5
00:01:39,100 --> 00:01:53,880
Ajta aɨn tɨ tiꞌimuaꞌataca, aɨ pu raxeꞌevaꞌacaꞌa mej mi raamuaꞌaree ɨ tyaɨte tɨ cai aꞌanaj autyajturaa ɨ Dioj jemi. Aɨj pu cɨn, ayan tiraataihuaꞌuriꞌi aɨjna ɨ Jesús tɨcɨn: ―¿Aꞌatani pueen ɨ nyaxaꞌaj tevi?

6
00:01:53,880 --> 00:02:23,000
Ajta aɨn Jesús, ayaa pu tyuꞌutanyúu tɨcɨn: ―Aꞌatɨ pu nuꞌu Jerusalén aꞌarajraa. Au pu nuꞌu hui aꞌucamaꞌaca u Jericó. Matɨꞌɨj nuꞌu mi nahuaꞌari raꞌantinajchacaꞌa. Metiraꞌariꞌiriꞌi ɨ cɨɨxuraꞌaraꞌan. Majta raatyaavajxɨ. Matɨꞌɨj nuꞌu mi a yauuté ɨ juye jetze. Puꞌuri áꞌameꞌerajcaa. Majta nuꞌu maɨn nahuaꞌari aꞌucɨj.

7
00:02:23,000 --> 00:02:40,360
’Aꞌatzu aꞌateeviꞌi, tɨꞌɨj nuꞌu i saɨj aꞌucamaꞌaca juye jetze. Puaari pu hui pueen aɨjna. Tɨꞌɨqui raaseij tɨ áꞌameꞌerajcaa. Aa pu nuꞌu ɨmɨ aꞌatanyaan ɨ juye. Ajta nuꞌu mu áꞌumej.

8
00:02:40,360 --> 00:03:07,200
’Ajtahuaꞌa pu nuꞌu saɨj anna aꞌucamaꞌaca. Aɨ pu nuꞌu aɨn pueen saɨj tɨ Leví tyaacan jetze ajtyamaꞌacan. Aɨ pu ajta tiꞌivaɨraꞌacaa huaꞌateyujtaꞌa. Tɨꞌɨj aun aꞌucáanye aꞌu tɨ aucáꞌa ɨ tɨ áꞌameꞌerajcaa, aɨ pu ajta nuꞌu hui raaseij. Ayaa pu cheꞌeta naꞌa huarɨj. Aa pu nuꞌu ɨmɨ tanyaa. Ajta nuꞌu mu áꞌumej.

9
00:03:07,200 --> 00:03:29,240
’Ajtahuaꞌa pu nuꞌu saɨj aꞌucamaꞌaca. Ai pu nuꞌu aɨn pueen saɨj tɨ seij chuejraꞌa japua eꞌemaꞌacan tɨ ayan tyajaꞌarajtyahuaa tɨcɨn Samaariya. Tɨꞌɨj aj aꞌucamaꞌaca, aɨ pu nuꞌu aꞌucáanye aꞌu tɨ aucáꞌa aɨjna tɨ aꞌameꞌere. Tɨꞌɨj raaseij, aɨ pu nuꞌu ráꞌancuꞌuvajxɨ.

10
00:03:29,240 --> 00:04:05,600
’Tɨꞌɨj nuꞌu i jemin a aꞌireꞌenye. Aj pu i racaajaꞌusi a jetzen aꞌu tɨ tyajaꞌapueijtiꞌihuacaꞌa aɨjna cɨmeꞌe ɨ aceiti, ajta u viinu. Ajta nuꞌu raareꞌicataxɨ aꞌu tɨ tyajaꞌapueijtiꞌihuacaꞌa. Aj pu nuꞌu i raꞌavaꞌara rucɨi japua ɨ puuruꞌu. Tɨꞌɨj nuꞌu i yaꞌuviꞌitɨ, ajna aꞌahuaꞌa aꞌu maj aꞌasaca ɨ maj puasaaruveꞌe. Au pu nuꞌu yáuutuaa. Tyamuaꞌa pu nuꞌu hui raaxaꞌapuei.

11
00:04:05,600 --> 00:04:38,080
’Yaa ruijmuaꞌa yee, aɨ pu nuꞌu hui ruꞌitaɨꞌɨpɨ huaꞌapuaca ɨ tumin. Ajta raataɨꞌɨpɨꞌɨ aɨjna tɨ antyujmuaꞌaree aɨjna cɨmeꞌe ɨ chiꞌi. Ayaa pu nuꞌu tiraataꞌixaa tɨcɨn: “Pataꞌaj rɨꞌɨ tiraaxaꞌapuei. Nyajta inyaa, nyatɨꞌɨj uvéꞌenyen, aj nu yeehui muaataꞌasin nain aꞌachu paj caj tiraaxɨjte huaatari cɨmeꞌe, ajta tiꞌitɨ tɨ huacuaa.” Ayaa pu nuꞌu hui tiraataꞌixaa, aɨjna ɨ Samaariya tɨ eꞌemaꞌacan.

12
00:04:38,080 --> 00:04:54,880
Ajta aɨn Jesús, ayaa pu tiraataihuaꞌuriꞌi tɨcɨn: ―¿Aꞌini timuaꞌamitejteꞌe, aime ɨ maj hueica, aꞌataani eenyaꞌa aɨn pɨrɨcɨ tɨ rɨꞌɨ tiꞌityevistaa aꞌaraa amɨjna jemi ɨ ruxaꞌa tevi ɨ mej tiraanahueꞌiriꞌi ɨ nahuaꞌari?

13
00:04:54,880 --> 00:05:19,500
Ajta aɨn tɨ tiꞌimuaꞌataca ɨ yuꞌuxari jetze tɨ Moisés raꞌuyuꞌuxacaꞌa, ayaa pu tiraataꞌixaa tɨcɨn: ―Ayej nyaꞌase tɨ aɨn tɨ ráꞌancuꞌuvajxɨ, ai pu aɨn pueen ɨ tɨ xaꞌapɨꞌɨn tiꞌitevi aɨjna jemi ɨ ruxaꞌa tevi. Jesús pu ayan tiraataꞌixaa tɨcɨn: ―Aricu hui, pataꞌaj peyan huarɨni aꞌij tɨ aɨn huarɨj.