1
00:00:05,000 --> 00:00:14,740
Jesús pu ajtahuaꞌa seij nyuucari cɨn tihuaꞌutaꞌixaa tɨcɨn: ―Aa pu nuꞌu aꞌahuaꞌa aꞌatɨ eꞌechajcaꞌa. Huaꞌapuaca pu nuꞌu tiyaujmuaꞌa.

2
00:00:14,740 --> 00:00:35,780
Ajta aɨn yaujraꞌan tɨ paꞌarɨꞌɨ, ayaa pu nuꞌu tiraataꞌixaa ɨ rutaata tɨcɨn: “Pataꞌaj yee tinaataꞌan ineetzi ɨ tɨ tinaacɨꞌɨti patɨꞌɨj cai cheꞌe maꞌahuaꞌatan muaa.” Ajta aɨn taatajraꞌan, aɨ pu nuꞌu eꞌitaꞌa tihuaꞌutaꞌa nain aꞌachu tɨ tíꞌijchaɨcaꞌa.

3
00:00:35,780 --> 00:00:58,320
’Aꞌatzu puꞌu aꞌatyeeviꞌica aɨjna tɨ paꞌarɨꞌɨ. Tɨꞌɨqui nuꞌu tíꞌijsaɨj ɨ tɨ tíꞌijchaɨcaꞌa ɨ taatajraꞌan. Ajta áꞌuraa aɨjna ɨ yaujraꞌan. Aa pu nuꞌu aꞌɨmɨ aꞌaráꞌa seij chuejraꞌa japua. Au pu nuꞌu caꞌanacan tyuꞌuxɨjte nain tɨj naꞌa tɨ tiraacɨ́ꞌɨ aɨjna cɨmeꞌe tɨ aꞌij puaꞌa tiꞌityújchaɨcaꞌa.

4
00:00:58,320 --> 00:01:10,760
’Tɨꞌɨj nain tyuꞌuxɨjte, aj pu nuꞌu i eihua huatatujritze aujna seij chuejraꞌa japua. Aj pu i tiraꞌutyaturaate tiꞌitɨ tɨ huacuaꞌani.

5
00:01:10,760 --> 00:01:27,140
Aj pu i áꞌuraa. Aj pu nuꞌu i seij jemi aꞌuréꞌenye tɨ ij aɨn ɨ aꞌatɨ raataꞌan tɨ tyuꞌumuareꞌen. Ajta aɨn ɨ aꞌatɨ, ayaa pu nuꞌu hui tiraamuáriste tɨ aun aꞌumeꞌen aꞌu maj tuiixu aꞌurauu tɨ ij tihuaꞌumín.

6
00:01:27,140 --> 00:01:47,480
’Eecan pu nuꞌu huataꞌicuatacaꞌa aɨjna tɨ paꞌarɨꞌɨ. Ayaa pu nuꞌu tirajpueijtzicaꞌa. Ruxeꞌeviꞌiraꞌa cɨmeꞌe tyuꞌucuaꞌaniicheꞌe aɨjna ɨ cutzapeꞌe tiꞌitɨ, tuiixu maj racuaꞌaca. Ma ajta i cai, capu aꞌatɨ raataꞌacaraꞌa tɨ tiꞌitɨ huacuaꞌani.

7
00:01:47,480 --> 00:02:10,800
’Aj pu nuꞌu i u huaujmuaꞌatzɨ. Ayaa pu nuꞌu tyuꞌumuáꞌa tɨcɨn: “Majta aɨme yeehui ɨ maj ravaɨreꞌe ɨ nitaata, matɨj manaꞌa puaꞌamua ruxaahua mu tiꞌicuaꞌa. Ajta tyaꞌavaꞌaturaave huaꞌa jemi. Me nyajta inyaa, iiya nu huatyejvee nyeꞌicuata. Ayej nyaꞌase nyamɨꞌɨni tujri cɨmeꞌe.

8
00:02:10,800 --> 00:02:25,400
Ayej nyaꞌase yeehui naꞌuraꞌani neyajna. A nu aꞌuméj ɨ nitaata jemi. Ayaa nu tiraataꞌixaateꞌesin yee: Taata, eihua nu autyajturaa ɨ Dioj jemi, nyajta mueetzi jemi.

9
00:02:25,400 --> 00:02:37,060
Capu cheꞌe ayan tiraavijteꞌe pej peyan naatamuaꞌati yee niyauj. Pataꞌaj peyan naaruuren ineetzi patɨj huaꞌaruure ɨ maj aꞌa jemi tiꞌimuareꞌe.”

10
00:02:37,060 --> 00:02:59,360
’Tɨꞌɨqui áꞌuraa. Aj pu i aun eꞌireꞌenye ɨ rutaata jemi. Tɨꞌɨj aꞌɨmɨ auumaꞌaca, aɨ pu nuꞌu hui taatajraꞌan raaseij. Eecan pu ráꞌancuꞌuvajxɨ. Tɨꞌɨj i aꞌutáichajraa aꞌu tɨ eꞌeveꞌeme ɨ yaujraꞌan. Aj pu nuꞌu i ruꞌureꞌichuixɨ, ajta ruꞌityévisiitɨmua.

11
00:02:59,360 --> 00:03:14,880
’Ajta aɨn yaujraꞌan, ayaa pu tiraataꞌixaa tɨcɨn: “Taata, eihua nu yeehui autyajturaa ɨ Dioj jemi, nyajta mueetzi jemi. Capu cheꞌe yeehui ayan tiraavijteꞌe pej peyan tinaatajeeva yee niyauj.”

12
00:03:14,880 --> 00:03:35,120
’Ma ajta aɨn taatajraꞌan, ayaa pu nuꞌu tihuaꞌutaꞌixaa ɨ mej jemin tiꞌimuareꞌe tɨcɨn: “Caꞌanacan ma saꞌaveꞌechui ɨ siicuꞌuri tɨ eitzeꞌe naa een sej si saɨjna ruꞌucáchejteꞌen. Sajta aniira sataꞌaj ruꞌucarujtiꞌi ɨ xɨtyaaraꞌan jetze, sajta raꞌajtacaꞌacaiteꞌen.

13
00:03:35,120 --> 00:03:50,020
Sataꞌaj sajta yeehui seyan huarɨni, saj saɨjna ɨ visaaruꞌu ɨ tyej teri rajrújte, sataꞌaj u yaꞌuvaꞌajan, sataꞌaj raameꞌeni. “Ticheꞌe yeehui tyuꞌuyesten, tyajta tyuꞌucuaꞌani taxaahua.

14
00:03:50,020 --> 00:04:06,580
Aꞌini i niyauj, puꞌuri ajtahuaꞌa muꞌu eꞌejnye. Pueere yee ari muꞌu aꞌumɨꞌɨ. Ajta áꞌuvej, aru tuꞌuri tyajtahuaꞌa ráatyau.” Ayaa pu tihuaꞌutaꞌixaa. Aɨj mu nuꞌu hui cɨn maꞌutyajhuii mej tyuꞌuyesten.

15
00:04:06,580 --> 00:04:22,000
’Meenti aɨn yaujraꞌan tɨ vastaꞌa, aa pu aꞌahuaꞌa tyajaꞌamuaraꞌacaa aꞌu tɨ aꞌupaꞌatza. Tɨꞌɨj ari a eꞌeveꞌemaꞌacaa a vejliꞌi aꞌu tɨ aꞌutyejvee ɨ chiꞌi, aɨ pu raanamuajriꞌi mej tiꞌicuiina, majta tiꞌinyeꞌe.

16
00:04:22,000 --> 00:04:31,080
Tɨꞌɨj nuꞌu i seij huatajee ɨ tɨ ravaɨreꞌe ɨ taatajraꞌan. Aj pu nuꞌu i ayan tiraataihuaꞌuriꞌi aꞌij maj rɨcɨ.

17
00:04:31,080 --> 00:04:53,200
’Ajta aɨn tɨ tiꞌivaɨreꞌe, ayaa pu hui tiraataꞌixaa tɨcɨn: “Puꞌuri yeehui uveꞌenye ɨ aꞌajuu. Ajta aꞌataata, aɨ pu raamee ɨ visaaruꞌu ɨ tyaj rajrújte aɨjna cɨmeꞌe tɨ ajtahuaꞌa uveꞌenye jemin ɨ rutaata. Capu yeehui áꞌij eenyaꞌa. Rɨꞌɨ pu naa tyaꞌuveꞌene.” Ayaa pu nuꞌu tiraataꞌixaa.

18
00:04:53,200 --> 00:05:12,780
’Ajta aɨn tɨ vastaꞌa, tɨꞌɨj ayan tiraanamuajriꞌi, tɨꞌɨj nuꞌu i huatanyuꞌucacaꞌa. Capu raxeꞌevaꞌacaa tɨ utyarute u chiꞌita. Ajta aɨn taatajraꞌan, aɨ pu nuꞌu huirajraa tɨ ij yaꞌutajée. Eihua pu raatyéejee tɨ utyarute u chiꞌita.

19
00:05:12,780 --> 00:05:42,600
’Ajta aɨn tɨ vastaꞌa, ayaa pu nuꞌu tiraataꞌixaa ɨ rutaata tɨcɨn: “Casiꞌi. Tɨj naꞌa nyej ya huaca mueetzi jemi, eihua nu tiꞌimuareꞌe. Canu yeehui aꞌanaj tiꞌitɨj cɨn autyajturaa mueetzi jemi. Nain nu yeehui cɨn tyaꞌaraꞌaste aꞌij pej tinaataij. Pajta muaa, capaj yeehui aꞌana tiꞌitɨ naataꞌa ɨ nyaj cɨn tyuꞌuyesten huaꞌa jamuan ɨ nyaꞌamiincustyamuaꞌa, ni tiꞌitɨj caura.

20
00:05:42,600 --> 00:05:58,320
Ma pajta muaa, ayaa paj huarɨj, amɨjna muaꞌayauj, aɨ pu juuca jamuan raaxɨjte nain ɨ paj tiraataꞌa. Ajta tɨꞌɨj uveꞌenye, muaa paj raajeꞌicatze ɨ visaaruꞌu ɨ tyaj rajrújte.”

21
00:05:58,320 --> 00:06:12,500
’Ajta aɨn taatajraꞌan, ayaa pu nuꞌu tiraataꞌixaa tɨcɨn: “Niyauj, tɨj panaꞌa peri puaꞌan xɨcaj ya huaca ineetzi jemi. Ajta tɨj naꞌa tiꞌipuaꞌamua ɨ nyej tíꞌijchaꞌɨ, mueetzi pu tiáꞌa.

22
00:06:12,500 --> 00:06:35,040
Aru amɨjna muaꞌajuu, ayaa pu eenyaꞌa cumu tɨ mɨꞌɨchicaꞌa aꞌini capu maꞌahuaꞌacaa. Ayaa pu een ijii cumu tɨ ajtahuaꞌa huatarun. Aɨ pu yeehui aꞌuvajcaa, aru puꞌuri ajtahuaꞌa huataseijre. Aɨj pu cɨn ayan tyuꞌujxeꞌeveꞌe tyej huatatatyamuaꞌaveꞌen, tyajta tyuꞌuyesten.”