1
00:00:05,000 --> 00:00:21,180
Ajna xɨcajraꞌa jetze, tɨꞌɨj ari tyechumuaꞌari, Jesús pu huaꞌutaꞌixaa aɨme ɨ mej jamuan áꞌujhuaꞌanyaꞌa. Ayan tɨcɨn: ―Ticheꞌe antacɨɨnye utan pujmeꞌen.

2
00:00:21,180 --> 00:00:33,800
Matɨꞌɨj mi a huajaꞌuhuaꞌaxɨ ɨ tyaɨte. Aj mu mi yáꞌutɨɨ ɨ Jesús jetzen ɨ baarcu aun tɨ aꞌutyavaacaꞌa. Majta seica aꞌucɨj sei jetze ɨ baarcu.

3
00:00:33,800 --> 00:00:51,340
Aj puꞌi huataꞌaacaracaꞌa tyamuaꞌa caꞌanin cɨmeꞌe. Apuutzari pu tyamuaꞌa áꞌuxɨjvaꞌa. Aj puꞌi vivejmáꞌa tyujtaꞌahuaꞌa ɨ jaj. Tɨꞌɨj i atyáxɨraꞌaxɨ ɨ baarcu jetze. Puꞌuri tɨn avaꞌɨstijmaꞌa ɨ baarcu jetze.

4
00:00:51,340 --> 00:01:09,620
Ajta aɨn Jesús, aɨ pu aꞌacujcaa cɨtzajtaꞌan pujmeꞌen ɨ baarcu. Timuꞌutzi pu huamaꞌacaa. Aj mu mi raajɨste. Meyan tɨcɨn: ―Maeestru, ¿ni cai a jetze ruxeꞌeveꞌe tyej teri tɨn cuiꞌini?

5
00:01:09,620 --> 00:01:34,280
Aj pu caꞌanacan ájche ɨ Jesús. Aj puꞌi raatyápuaꞌari ɨ aaca. Ajta ayan tiraataꞌixaa ɨ jaj, tɨcɨn: ―Capej cheꞌe sihuajna. Xaatapuáꞌajta. ―Yaa pu tyuꞌutaxajtacaꞌa. Aj puꞌi huatyapuaꞌaracaꞌa ɨ aaca. Ajta aꞌuráujjéꞌiyi aꞌaraa ɨ jaj tyamuaꞌa naa.

6
00:01:34,280 --> 00:01:50,180
Aj pu ijtaꞌi Jesús huaꞌutaꞌixaa ɨ maj jamuan áꞌujhuaꞌanyaꞌa, ayan tɨcɨn: ―¿Aꞌini een cɨn huapɨꞌɨ setyuꞌutatzɨn?. ¿Aꞌini een cɨn sacai raꞌatzaahuateꞌe ɨ Dioj? ―Yaa pu tyuꞌutaxajtacaꞌa.

7
00:01:50,180 --> 00:02:13,340
Tyamuaꞌa mu mi eihua tyuꞌutatzɨn. Majta meyan tyúꞌurixaatyaꞌacaa maɨjna cɨmeꞌe mej tyuꞌutatzɨn. Meyan tɨcɨn: ―¿Tiꞌitajni tevijraꞌa pueen? Amɨ pu tihueꞌijteꞌe ɨ aaca, ajta ɨ jaj. Nain mu cɨn raꞌaste. ―Yaa mu tyuꞌurixaatyaꞌacaa.