1
00:00:05,000 --> 00:00:11,880
Aj mu mi antacɨɨ antavan pujmeꞌen. Ayaa pu tyajaꞌarajtyahuaa tɨcɨn Gadara.

2
00:00:11,880 --> 00:00:25,840
Aj puꞌi Jesús aitaraa ɨ baarcu jetze. Tɨꞌɨqui eꞌeyan saɨj aveꞌereꞌenye tiyaaruꞌu tɨ tzajtaꞌan seijraꞌacaa. Au pu huiirajraa aɨjna ɨ aꞌatɨ aa maj mɨꞌɨchite aꞌaváꞌanaamɨca.

3
00:00:25,840 --> 00:00:36,240
Au pu eꞌechajcaꞌa aɨjna ɨ aꞌatɨ. Eecan pu simuarun. Capu rɨꞌɨristacaꞌa tɨ aꞌatɨ raꞌanajɨꞌɨqueꞌen caujnari cɨmeꞌe, ni alampi cɨmeꞌe.

4
00:00:36,240 --> 00:00:55,920
Muiꞌi mu raatatése. Maraꞌanajɨꞌɨquihuaꞌa muajcaꞌaraꞌaraꞌan jetze, majta ɨɨcajraꞌan jetze alaampi cɨmeꞌe. Aru aɨn, tɨꞌɨj pɨ naꞌa pu tijtzáꞌanaꞌa. Cɨleꞌenyeꞌen ajta majcaꞌi iyaúhuaꞌanaa. Capu huatarɨꞌɨristaracaꞌa tɨ aꞌatɨ aꞌij raaruuren tɨ ráamuaꞌajcanteꞌen.

5
00:00:55,920 --> 00:01:11,000
Nain tujcaꞌari tzajtaꞌa, ajta nain tɨcaꞌari tzajtaꞌa, aɨ pu áꞌuchaꞌacanyaꞌa, anjiihua ajna jɨri jetze. Ajta ajna aꞌu maj mɨꞌɨchite aꞌaváꞌanaamɨca, a pu ayan tihuaꞌutyatuꞌasixɨn tetej cɨmeꞌe.

6
00:01:11,000 --> 00:01:19,280
Tɨꞌɨj raaseij ɨ Jesús, tɨꞌɨj i u aꞌutatáij. Aj puꞌi titunutacaꞌa ajna vejliꞌi tɨ aꞌutyavaacaꞌa ɨ Jesús.

7
00:01:19,280 --> 00:01:41,680
Ajta huajijhuacaꞌa caꞌanin cɨmeꞌe. Ayan tiraataꞌixaa tɨcɨn: ―¿Aꞌini tiꞌitɨj petyaruuren nyeetzi jemi, Jesús pej iꞌi yaujraꞌan ɨ Dioj tɨ nainjapua tieꞌijta? Aij nu muahuavii ɨ Dioj jemi pataꞌaj cai pueijtzi naatáꞌacaraꞌa.

8
00:01:41,680 --> 00:01:59,320
Ayaa pu tyuꞌutaxajtacaꞌa aɨjna ɨ aꞌatɨ, aꞌini ayaa pu tiraataꞌixaatyaꞌacaꞌa ɨ Jesús tɨcɨn: ―Tiyaaruꞌu paj tzajtaꞌan seijreꞌe mɨ tevi, pej aꞌij puaꞌa metyáumuaꞌaree, huiirajraꞌa mɨ tevi jetze. ―Yaa pu tiraataꞌixaa ɨ Jesús.

9
00:01:59,320 --> 00:02:22,640
Ajta ayan raataihuaꞌuriꞌi tɨcɨn: ―¿Aꞌini puaꞌantyahuaa muaa? Ajta ayan tyuꞌutanyúu tɨcɨn: ―Ayaa nu antyahuaa tɨcɨn i tyej arájsevi viꞌiraꞌa araꞌase. Ayaa tu tiꞌitamuaꞌamua aɨjna cɨmeꞌe tyej iꞌi muiꞌi. ―Ayaa pu tyuꞌutaxajtacaꞌa.

10
00:02:22,640 --> 00:02:32,940
Aj puꞌi aɨjna ɨ aꞌatɨ eihua rájhuaviiriꞌi ɨ Jesús tɨ aɨn huaꞌutaite maj áꞌucɨɨnye ma aꞌahuaꞌayee ɨ mej tzajtaꞌan seijraꞌacaa.

11
00:02:32,940 --> 00:02:42,440
Meenti maɨn tuiixu, vejliꞌi tyaꞌantácuaꞌatɨ́yeꞌicá jɨri jetze. Maj muiꞌicaa ɨ tuiixu aꞌachu cumu huaꞌapua viꞌiraꞌa.

12
00:02:42,440 --> 00:02:51,240
Aj mu mi maɨn tiyaaruꞌu meyan rájhuaviiriꞌi tɨcɨn: ―Taatáꞌa ityejmi tyaj aꞌutyarute mɨ tuiixu tzajtaꞌa.

13
00:02:51,240 --> 00:03:13,740
Tɨꞌɨqui aɨn huaꞌutaꞌa. Matɨꞌɨj mi huiiraacɨ maɨjna ɨ tiyaaruꞌuse ɨ mej tzajtaꞌan seijraꞌacaa aɨjna ɨ tevi. Aj mu mi tiyaaruꞌu huataseijre ɨ tuiixu tzajtaꞌa. Majta maɨn ɨ tuiixu, muaatauru aun pujmeꞌen u ateꞌe. Aj mu mi atyáavatzɨ a jaataꞌa. Matɨꞌɨj mi aujamɨ, naijmiꞌi.

14
00:03:13,740 --> 00:03:31,640
Majta maɨn ɨ mej tuiixu chaɨcaꞌa, aɨ mu tyamuaꞌa tyuꞌutatzɨn. Matɨꞌɨj mi aꞌucɨj maj huaꞌutaꞌixaateꞌen mej chajtaꞌa aꞌuchaatɨme, majta matɨj manaꞌa maj aꞌuchaatɨme aꞌɨmɨ. Aj mu mi eꞌireꞌenye ɨ tyaɨte mej mi raamuaꞌaree aꞌij tɨ tiꞌitɨ huarɨj.

15
00:03:31,640 --> 00:03:48,940
Matɨꞌɨj mi aveꞌereꞌenye aꞌu tɨ eꞌij eꞌenyaꞌa ɨ Jesús. Aj mu mi maɨn huaseij ɨ tevi ɨ tiyaaruꞌuse maj tzajtaꞌan seijraꞌacaa. A pu aꞌutácatii. Capu cheꞌe muaꞌaviꞌi. Capu cheꞌe rutɨmueꞌi. Puꞌuri huaruj aɨjna ɨ tevi. Aj mu mi tyuꞌutatzɨn.

16
00:03:48,940 --> 00:04:01,740
Majta maɨn ɨ mej raaseij aꞌij tɨ tiꞌitɨj huarɨj, nain mu huaꞌutaꞌixaa ɨ tyaɨte aꞌij tɨ tiraaruu ɨ tevi ɨ tiyaaruꞌuse maj tzajtaꞌan seijraꞌacaa, aꞌij tɨ tihuaꞌuruu ɨ tuiixu.

17
00:04:01,740 --> 00:04:07,780
Aj mu mi aꞌutyajhuii ɨ tyaɨte maj raahuavii ɨ Jesús tɨ aꞌuraꞌani u aꞌahuaꞌayee.

18
00:04:07,780 --> 00:04:21,160
Tɨꞌɨqui áꞌuraa ɨ Jesús. Aun pu atyajraa ɨ baarcu jetze. Tɨꞌɨj i aɨjna i tɨ tzajtaꞌan seijraꞌacaa ɨ tiyaaruꞌuse, aɨ pu rájhuaviiriꞌi tɨ Jesús raataꞌan tɨ aꞌuraꞌani jamuan.

19
00:04:21,160 --> 00:04:41,440
Ajta aɨn ɨ Jesús, capu raataꞌa aɨjna ɨ tevi tɨ aꞌuraꞌani jamuan. Ayaa pu tiraataꞌixaa tɨcɨn: ―Aricu aꞌu pej eꞌeche huaꞌa jamuan aꞌihuaamuaꞌa. Pataꞌaj huaꞌutaꞌixaateꞌen nain aꞌij tɨ timuaaruu ɨ tavastaraꞌa jemi, aꞌij tɨ yeꞌi rɨꞌɨ timuajchaꞌɨ.

20
00:04:41,440 --> 00:05:04,780
Aj pu i iyaꞌuraa ɨ aꞌatɨ. Ajta eꞌeyan aɨn aꞌutyejche tɨ huaꞌutaꞌixaateꞌen ɨ mej maun aꞌuchaatɨme ajna tɨ ayan tyajaꞌarajtyahuaa tɨcɨn Tamuaamuataꞌa tɨ chajtaꞌatajme. Nain pu huaꞌutaꞌixaa aꞌij tɨ tyuꞌuruu aɨjna ɨ Jesús. Aꞌu tɨ naꞌa rɨꞌɨ mu tiraanamuajracaꞌa ɨ tyaɨte aꞌini jajcua maꞌacan pu puéenyaꞌa ɨ nyuucari.