1
00:00:05,000 --> 00:00:20,480
Tyaumaꞌaca aꞌachu cumu arájsevi xɨcaj, aj puꞌi Jesús antiraa ɨrij japua. Aɨme pu aꞌuvíꞌitɨ aɨjna ɨ Pedro, ajta aɨjna ɨ Jacobo, ajta aɨjna ɨ Juan, ɨ tɨ juutzajraꞌan pueen aɨjna ɨ Jacobo.

2
00:00:20,480 --> 00:00:38,300
Matɨꞌɨj maun aꞌutyáuucaꞌa, aj puꞌi saɨque tyuꞌutaujseijratacaꞌa aɨjna ɨ Jesús mejseiiraca. Ayaa pu tyamuaꞌa tiꞌityámastacareꞌe ɨ nyeerimaꞌaraꞌan tɨj xɨcaj. Tyamuaꞌa pu tyuꞌutyacueinaracaꞌa ɨ cɨɨxuraꞌaraꞌan. Ayaa pu tiꞌityatáatɨyeꞌicaa tɨj taij.

3
00:00:38,300 --> 00:00:52,580
Majta eꞌeyan, huaꞌapua huataseijre huaꞌa tzajtaꞌa. Ai mu aɨn pueꞌenyaꞌa aɨjna ɨ Moisés tyaacan, ajta aɨjna ɨ Elías tɨ ajmiꞌi tiꞌixaxaꞌataꞌa ɨ Dioj jetze maꞌacan. Aɨ mu tíꞌixajtacaa ɨ Jesús jamuan.

4
00:00:52,580 --> 00:01:20,800
Ajta aɨn ɨ Pedro, aɨ pu ayan tiraataꞌixaa aɨjna ɨ Jesús tɨcɨn: ―Tavastaraꞌa, naa pu xaꞌapɨꞌɨn tyej ya huatyáuu tyeyajna. Tɨ puaꞌa muaꞌaraanajchi, tyaj hueicaca huataahua ɨ ɨnaamua. Saɨj pu muacɨꞌɨti mueetzi, ajta seij, amɨjna mɨ Moisés. Ajta seij pu racɨꞌɨti amɨjna mɨ Elías.

5
00:01:20,800 --> 00:01:50,000
Aucheꞌe pu tiꞌixáataca tɨꞌɨj aitɨri aꞌacáviꞌirixɨ huaꞌa japua. Huaꞌa tzajtaꞌa pu rájrupi aɨjna ɨ aitɨri tɨ naa tíꞌityatáatɨyeꞌi. Aj pu i tzajtaꞌan aꞌicánamuajre tɨ aꞌatɨ ayan tyuꞌutaxajtacaꞌa tɨcɨn: ―Ai pu aɨn pueen ɨ niyauj, ɨ nyej raxeꞌeveꞌe. Eecan pu rɨꞌɨ tinataꞌaca inyeetzi. Xaanamuajriꞌi seijna. ―Ayaa pu tyuꞌutaxajtacaꞌa.

6
00:01:50,000 --> 00:01:58,400
Matɨꞌɨj raanamuajriꞌi maɨjna, aj mu mi aꞌaráavatzɨ a chuaataꞌa aɨme ɨ maj Jesús jamuan áꞌujhuaꞌanyaꞌa, aꞌini tyamuaꞌa mu tyuꞌutatzɨn.

7
00:01:58,400 --> 00:02:09,440
Aj pu i Jesús a veꞌereꞌenye huaꞌa jemi. Tɨꞌɨqui huaꞌajtamuarej. Aj pu i ayan tihuaꞌutaꞌixaa tɨcɨn: ―Xaꞌajhuiixɨꞌɨ muan. Caxu tiꞌitzɨɨnyaꞌa.

8
00:02:09,440 --> 00:02:16,660
Majta maɨn, matɨꞌɨj mauunyéjnyeꞌeracaꞌa, capu cheꞌe maꞌa aꞌajaꞌatɨjcaꞌa. Ai puꞌu an eꞌeseijraꞌacaa aɨjna ɨ Jesús.

9
00:02:16,660 --> 00:02:36,600
Matɨꞌɨj eꞌitaꞌa aꞌucajuꞌunca ɨ jɨri japua, Jesús pu ayan tihuaꞌutaꞌijmɨjriꞌi tɨcɨn: ―Caxɨɨ xu aꞌatɨ ixaatyaꞌa aꞌij sej tyuꞌuseij. Saucheꞌe rachuꞌevaꞌa asta nya naꞌaj cai inyaa i nyaj nyajta tyaataꞌa jetze aꞌiraanye aitáraꞌani huaꞌa tzajtaꞌa ɨ mɨꞌɨchite.

10
00:02:36,600 --> 00:02:53,720
Majta maɨn ɨ maj jamuan áꞌujhuaꞌanyaꞌa, ayaa mu tiraataihuaꞌuriꞌi tɨcɨn: ―¿Aꞌini een cɨn meyan tiꞌixaxaꞌa aɨme ɨ mej tyuꞌujmuaꞌate ɨ yuꞌuxari jetze meyan tɨcɨn anacai pu nuꞌu ruxeꞌeveꞌe tɨ ya uvéꞌenyen aɨjna ɨ Elías?

11
00:02:53,720 --> 00:03:07,880
Jesús pu ayan tihuaꞌutaꞌixaa tɨcɨn: ―Ayej tiꞌayajna. Elías pu xaa ya uveꞌenyejsin tɨ ij nain tyuꞌujájcuareꞌen mej mi majtahuaꞌa raꞌaraꞌastijreꞌen ɨ Dioj.

12
00:03:07,880 --> 00:03:33,620
Me nyajta inyaa, ayaa nu tyajaꞌamueꞌixaateꞌe tɨ aɨn Elías ari ya uveꞌenye. Majta maɨn, camu raamuáꞌa silu ayaa mu raaruu aꞌij mej tiꞌijxeꞌevaꞌacaꞌa. Ayaa mu majta cheꞌeta manaꞌa nyaruuren inyeetzi, i nyaj nyajta tyaataꞌa jetze aꞌiraanye. Pueijtzi mu majta naataꞌasin inyeetzi.

13
00:03:33,620 --> 00:03:45,640
Cɨmeꞌen puꞌu ayan tyuꞌutaxajtacaꞌa, aj mu mi raamuaꞌareeriꞌi tɨ aɨn aɨjna cɨmeꞌen tyuꞌutaxajtacaꞌa ɨ Juan tyaacan tɨ huaꞌamuaɨꞌɨhuacaraꞌa.