1
00:00:05,000 --> 00:00:18,260
Nezape uada onihiza arra Deoza uati uati totoquena nauiuarri rrauirrezippanipomezape zouato madirra tezerremadenicca uima nauato tarraro rrauiza bacco irrizade.

2
00:00:18,260 --> 00:00:22,940
Ponipe narraro oza pananicca madirradenicca zozosse.

3
00:00:22,940 --> 00:00:27,500
Poni bodinicca tocorime mona rrine nauato tarraro.

4
00:00:27,500 --> 00:00:38,300
Narraria arra poni zozosse tonanadedeni ihizossemana nezape madirra tezerremadenicca uima uati uati teza ziniro cacarrimana narrari.

5
00:00:38,300 --> 00:00:40,720
Narraro zouatope Paoro,

6
00:00:40,720 --> 00:00:44,840
ia inarraro inatti motta uaua carramissaponi nade.

7
00:00:44,840 --> 00:00:47,260
Poni attinipe arrima nade:

8
00:00:47,260 --> 00:00:52,140
—Arrarraridenipa Deo memeuarri madirrari Attiza iboraqquiri naui,

9
00:00:52,140 --> 00:00:53,420
naui!

10
00:00:53,420 --> 00:01:00,460
Arrarraridenipa Deo tiadeni tonassiuauabaqquiuiuarrine tauimarini tiadeni mari tocanabaqqui-manauitoui,

11
00:01:00,460 --> 00:01:02,700
mari tocanabaqqui-manauitoui!

12
00:01:02,700 --> 00:01:04,220
–nanamissa narrarode.

13
00:01:04,220 --> 00:01:20,420
Uarrirriraza inatti motta nema nema nanarrona nezape poni attini mittade iaza tocasserani neza Paoro poua natti qqui taniza zouato bodinicca tocorime monaza uati tade:

14
00:01:20,420 --> 00:01:23,360
—Zeso Cristo onima uati onana:

15
00:01:23,360 --> 00:01:24,100
Tiqquenarri!

16
00:01:24,100 --> 00:01:26,200
onarraro −nade Paoro.

17
00:01:26,200 --> 00:01:32,340
Poua atti nama nanarra tocorime monapa amazati qquenarraride.

18
00:01:32,340 --> 00:01:41,220
Nanarra arra zouato poni zozosse tonanadedeni poni bodinicca nauatobote amossi naui qqui toquenazapa:

19
00:01:41,220 --> 00:01:42,140
—Rraho!

20
00:01:42,140 --> 00:01:44,740
Nema nezape ziniro icappirapazerre?

21
00:01:44,740 --> 00:01:50,380
Rridapanape poni bodinicca nauatobote cappirani −quenarrari.

22
00:01:50,380 --> 00:01:52,200
Nazapa Paoro dama,

23
00:01:52,200 --> 00:01:57,860
Sira dama iquenaza oza panani nocconiuarri iaccabaqqui-manarrari,

24
00:01:57,860 --> 00:02:01,220
uima cacattemadedeniza uati toquenauiuarrine.

25
00:02:01,220 --> 00:02:05,940
Uima cacattemadedeniuarri bacco toquenazapa uati toquenarrari:

26
00:02:05,940 --> 00:02:06,100
—Qqui,

27
00:02:06,100 --> 00:02:13,060
arrarrari zodeodenipa icca oza pananicca madirraza moua moua narizemanaparra!

28
00:02:13,060 --> 00:02:14,180
−quenarrari.

29
00:02:14,180 --> 00:02:18,780
—Poccadeni ididenicca madie tauimarini mari mari quenarrari.

30
00:02:18,780 --> 00:02:27,140
Naraha iape rromanodeni iquerrenezape poccadeni ididenicca madie tauimariniza rrehe inerrerani.

31
00:02:27,140 --> 00:02:30,740
Narraroza iboraqquiri inerrerani.

32
00:02:30,740 --> 00:02:33,580
Iaza oppina tani −quenarrari.

33
00:02:33,580 --> 00:02:46,260
Nazapa madirra bazima Paorodeniza boquemanaza itacossimanauiuarrineraha uima cacattemadedenipa isso teppeppedenina icazossebaqquirrari:

34
00:02:46,260 --> 00:02:47,060
—Rrari,

35
00:02:47,060 --> 00:02:50,420
eterorideni ssiti tarizemanaza titacossimanarro!

36
00:02:50,420 --> 00:02:52,100
−quenarrari.

37
00:02:52,100 --> 00:02:58,420
Nazapa itacossimanarrari cacotabote naza toponi cocoroza cororo izimemanarrari.

38
00:02:58,420 --> 00:03:01,980
Nazapa toponi cocoro cacauadeza uati toquenarrari:

39
00:03:01,980 --> 00:03:05,780
Arrarrarideni tecauabaqquiuissa tarro,

40
00:03:05,780 --> 00:03:08,340
zarra tarrarauiuarrine −quenarrari.

41
00:03:08,340 --> 00:03:17,840
Nazapa toponi cocoro cacauadepa uima cacattemadedeni attideni mittazapa bodiccazana iaqquezimabaqquirrari.

42
00:03:17,840 --> 00:03:23,320
Issodeni auaza cabasso naza rrore caniqquimaza pamizaza canarrari.

43
00:03:23,320 --> 00:03:28,500
Nazapa Paoro Sira tezerre zome nocconiraha Deoza uauatiti zarrari,

44
00:03:28,500 --> 00:03:34,620
Deoza uatizemanaza rrirririri zazapa toponi cocorocca madirra mittemanarrari.

45
00:03:34,620 --> 00:03:38,340
Nanarra nami rrazirema zaroro narraro.

46
00:03:38,340 --> 00:03:50,460
Toponi cocoro tozimacca ozape sibaza canauatonirre narraro dacoreraha poni cauittanicca nami zaroro nezape narraro oza naqui zaroro canarraro.

47
00:03:50,460 --> 00:03:53,180
Nezape totoqquezima naqui touabarraro,

48
00:03:53,180 --> 00:03:55,620
domo uezarrarideni issodenicca,

49
00:03:55,620 --> 00:03:59,780
birridenicca corriti naqui rreo uarrarizarraro.

50
00:03:59,780 --> 00:04:06,340
Nanarra toponi cocoro cacauade nocco torraza qqui tanerre totoqquezima touabani qqui tazapa:

51
00:04:06,340 --> 00:04:08,180
—Rraho domo toccaui!

52
00:04:08,180 --> 00:04:10,300
−narrari poua bodi.

53
00:04:10,300 --> 00:04:24,740
Nazapa toponi cocoroza domo uezarrarideni domo toccaui manaconipa pocca taminedeni poua inanazoqque-manaui noppine cappinaza pocca massito cauidiqquimeranarraro zoppa rreo poua nazoqqueuitouiraha.

54
00:04:24,740 --> 00:04:27,780
Naraha Paoro pouaza uaua narrari:

55
00:04:27,780 --> 00:04:28,620
—Parri!

56
00:04:28,620 --> 00:04:30,460
Tia terrina terrerarri!

57
00:04:30,460 --> 00:04:34,460
Iape bazima arri rrassi izani −narrari.

58
00:04:34,460 --> 00:04:43,060
Nazapa toponi cocoro cacauade rrorrororotoui uaua naza rrorrororo eccarronemanazapa piri tozimemanarrari.

59
00:04:43,060 --> 00:04:51,260
Nazapa toponi cocoro cacauade bodiuarri rroppa tozimanarra uarro narrarirrine tacca-cca narrari.

60
00:04:51,260 --> 00:04:56,580
Paoro Sira baccodeniuarri poua pitoza uitta narrari.

61
00:04:56,580 --> 00:05:04,020
Nazapa toponi cocoro bodiuarri pamizaraha eqquenabaqquizapa uapiccazana pouadeniza uati tarrari:

62
00:05:04,020 --> 00:05:04,820
—Rraho,

63
00:05:04,820 --> 00:05:09,300
oua naqui ossiuauaniuarrinepe nerrecoma onaniuarrine?

64
00:05:09,300 --> 00:05:10,260
−narrari.

65
00:05:10,260 --> 00:05:13,860
Naraha manaco pouaza uati toquenarrari:

66
00:05:13,860 --> 00:05:19,020
—Ia Zozossede Zesoza parrissa tezape tissiuauanitoui.

67
00:05:19,020 --> 00:05:26,180
Ticca madirra naco Zesoza parrissa quenazapa tocassiuauerauitoui −quenarrari Paoro Sira tezerre.

68
00:05:26,180 --> 00:05:36,020
Nazapa toponi cocoro cacauade pocca madirra rrauirronaza Paorodeni ia Zozossede Zeso tauimari mari icanabaqquimanarrari.

69
00:05:36,020 --> 00:05:39,260
Nazapa bazima mittemanarrari.

70
00:05:39,260 --> 00:05:47,520
Nazapa zome nocconiraha toponi cocoro cacauade passouarri iaccabaqquizapa berorideni ssaua inarizarraro.

71
00:05:47,520 --> 00:05:54,380
Nazapa narraro zomeza pocca madirra bazima passo dopaniza niniqui carrimanarrari.

72
00:05:54,380 --> 00:06:04,300
Passo dopaniza niquide rricazapa toponi cocoro cacauadepa pocca ozauarri Paorodeni inarripabaqquirrari.

73
00:06:04,300 --> 00:06:06,900
Deoza rrehe nazapa uatizeri narrari.

74
00:06:06,900 --> 00:06:13,060
Pocca ozacca bazima naco Deoza rrehe quenazapa uatizemaneri narrari.

75
00:06:13,060 --> 00:06:27,260
Narraro ssiuarraza uima cacattemadedenipa Paoro Sira tezerre tappa inabaqquimanauiuarrine isso teppeppe pamaha toponi cocoro cacauadeza uatide zosse inabaqquimanarrari.

76
00:06:27,260 --> 00:06:31,420
Touedazapa toponi cocoro cacauadeza uati toquenarrari:

77
00:06:31,420 --> 00:06:34,860
—Arra uima cacattemadedeni attidenipa:

78
00:06:34,860 --> 00:06:39,500
“Paoro Sira tezerre tappa tinabaqquina” quenaparra −quenarrari.

79
00:06:39,500 --> 00:06:42,940
Nazapa toponi cocoro cacauade Paoroza uati tarrari:

80
00:06:42,940 --> 00:06:49,620
—Rridapana uima cacattemadedeni attideniza tiadeni tappa onabaqquiniuarrine.

81
00:06:49,620 --> 00:06:52,200
Tiadeniza uima nouerani.

82
00:06:52,200 --> 00:06:55,100
Mouaraza ticadenarri −narrari.

83
00:06:55,100 --> 00:06:59,340
Naraha Paoropa isso teppeppedeniza uati tarrari:

84
00:06:59,340 --> 00:07:00,900
—Icadena-rrerani!

85
00:07:00,900 --> 00:07:01,620
Arrina,

86
00:07:01,620 --> 00:07:12,700
iape rromanodeni iquerreneraha icca uima cattemerani ia uaccade isso teppeppeza ia tocazossebaqquizapa ia itacossimanarraro.

87
00:07:12,700 --> 00:07:15,420
Madirra bazima naco ia qqui toquenade.

88
00:07:15,420 --> 00:07:22,980
Nazapa ia itacossimanezape ecotabote neza toponi cocorouarri ia coro tozimabaqquirraride.

89
00:07:22,980 --> 00:07:30,700
Naraha rridapana naqui icca uima cattema-rrereraha narrimeheza ia zosse tomani-baqquiuiuarrineco?

90
00:07:30,700 --> 00:07:31,540
Poni,

91
00:07:31,540 --> 00:07:34,580
iape narrimeheza icadena-rrerani!

92
00:07:34,580 --> 00:07:43,580
Uima cacattemadedeni rrauirronaza pouadenira ia tappa tabaqquimanauiuarrine uati tinanimanana −narrari Paoro.

93
00:07:43,580 --> 00:07:51,380
Nazapa isso teppeppe pamaha uima cacattemadedeniuarri touedaniza Paorocca uima uati tanimanarrari.

94
00:07:51,380 --> 00:07:59,060
Arra Paoro Siradenipa rromanodeni querrenaui uima cacattemadedeni mittemanazapa uarro quenarrari.

95
00:07:59,060 --> 00:08:05,220
Nazapa uima cacattemadedeni cappinemanaza toponi cocorouarri rraui torrarrari,

96
00:08:05,220 --> 00:08:08,740
bacco toquenazapa Paorodeniza uati toquenarrari:

97
00:08:08,740 --> 00:08:09,780
—Rraho!

98
00:08:09,780 --> 00:08:12,340
Irrine tiadeniza uima bica terrerani.

99
00:08:12,340 --> 00:08:16,380
Rridapanape icca uima naniza peperriua −quenarrari.

100
00:08:16,380 --> 00:08:22,740
Nazapa Paoro Sira tezerre eqquenabaqquizapa mouaraza pouadeniza uati toquenarrari:

101
00:08:22,740 --> 00:08:28,660
—Rridapanape arri icca oza pananizape timadimana terrerana.

102
00:08:28,660 --> 00:08:33,020
Arricca oza panani onihiuarrina ticadana −quenarrari.

103
00:08:33,020 --> 00:08:39,180
Nazapa toponi cocorouarri uedenazapa Ridia madiniuarri touedanirrari.

104
00:08:39,180 --> 00:08:46,620
Nazapa nauiza Zesoza rrehe quenarrari bodideni acco icanabaqquizapa uatizemaneri narrari.

105
00:08:46,620 --> 00:08:51,020
Nazapa denima touedarrari.