1
00:00:05,000 --> 00:00:08,620
Nazapa Zeso iaza denima uati uati tade:

2
00:00:08,620 --> 00:00:12,060
—Ouape uva ede parrissehecca orrani.

3
00:00:12,060 --> 00:00:16,060
Occa Abipa uizarracca uva cacauadessa narrari.

4
00:00:16,060 --> 00:00:25,560
Ouape uizarracca uva edessa onezape madirra ouaza toquerrenarraridenipa pina uva ininessa quenarrari.

5
00:00:25,560 --> 00:00:32,280
Nazama uva inine cabononora tarraripa uva cacauade ca icarriza taui.

6
00:00:32,280 --> 00:00:44,600
Naraha uva inine ouaha cacabono narrarina denima cabono-zanapouiuarrine uva cacauadepa inineza moroninezatira ba ba ihippi narrari.

7
00:00:44,600 --> 00:00:49,040
Eppe bote naco bite bite ihinanarrari.

8
00:00:49,040 --> 00:00:54,080
Nazapa inine uisso tazapa bono carrizanapouiuarrine.

9
00:00:54,080 --> 00:00:57,080
Arri tiadeni naqui narrarossa tiquenarraro.

10
00:00:57,080 --> 00:01:01,960
Ouatti tiadeniza uati onarrarorrine uisso qquiri tiquenarri.

11
00:01:01,960 --> 00:01:06,920
Nezape tibonomananiuarrine tinarroremanarraro.

12
00:01:06,920 --> 00:01:11,360
Nazama ouaza parri timadimanarini narizarri.

13
00:01:11,360 --> 00:01:15,280
Ouape tiadeniza parri omadirini nanitoui.

14
00:01:15,280 --> 00:01:19,160
Inine edeccana cacabono narrari.

15
00:01:19,160 --> 00:01:22,360
Inine poua mottapa cabononora taui.

16
00:01:22,360 --> 00:01:25,280
Narrarossa tiquenarraro.

17
00:01:25,280 --> 00:01:34,080
Tiadeni ouaza timadimananissa terrerezape uima bicani tinanemananiuarrine tiparriremane-rreranitouiraha.

18
00:01:34,080 --> 00:01:37,480
—Nazama ouape uva ede orrani.

19
00:01:37,480 --> 00:01:40,680
Tiadenipe uva inine tiquerrenani.

20
00:01:40,680 --> 00:01:45,080
Ouaza timadimananissa tezape tiadeniza omadinitoui.

21
00:01:45,080 --> 00:01:51,440
Nazama tiadenipe pina uva inine cacabonorride rarrarissa tiquenarraro.

22
00:01:51,440 --> 00:01:58,400
Rridacca tiadeniza omadi-rrerezape uima bicani tinanemana-rreranitouiraha.

23
00:01:58,400 --> 00:02:08,680
Ouaza madimanauissa tarrararraripa uauattarro toquerrenauitoui pina uva inine ca toppiza ua tarrarissa quenauitoui.

24
00:02:08,680 --> 00:02:14,680
Uva inine qqueze naza inaqquemanazapa botta botta tarrarissa quenauitoui.

25
00:02:14,680 --> 00:02:26,560
—Naraha oua tinebomana-rreraza occa marinarra naqui tinebomane-rrerezape touini tiquenaniccatoui ouaza uati uati titiquena nana.

26
00:02:26,560 --> 00:02:31,120
Nazapa ticcadeni uatinarra tiadeniza torrauitoui,

27
00:02:31,120 --> 00:02:32,760
onarraro.

28
00:02:32,760 --> 00:02:33,600
Rrehe,

29
00:02:33,600 --> 00:02:41,520
Deo Attissa tinanarizemanezape pina uva inine cacabonorride rarrarissa tiquenaniuarrine.

30
00:02:41,520 --> 00:02:45,980
Nema tinanemanani madirra qqui toquenazapa occa Abiza:

31
00:02:45,980 --> 00:02:46,740
“Rrehe,

32
00:02:46,740 --> 00:02:49,680
Deopa bica taui” quenauiuarrine.

33
00:02:49,680 --> 00:02:50,520
Rrehe,

34
00:02:50,520 --> 00:02:57,840
nema tinanemanezape parrissa occa madirra tiquerrenani auato tanitoui −nade Zeso.

35
00:02:57,840 --> 00:03:01,820
—Ouape tiadeniza ouati uana tehe nema onarronarraro.

36
00:03:01,820 --> 00:03:06,160
Pina Abi ouaza uati uana tarrarissa onarraro.

37
00:03:06,160 --> 00:03:09,760
Occa touati uaneheza tiarrimana terrerarri.

38
00:03:09,760 --> 00:03:18,700
Occa zossenirriza iboraqquiri tiquenezape occa touati uaneheza timadimanani parri naniuarrine.

39
00:03:18,700 --> 00:03:27,920
Arri pina oua occa Abicca zossenirriza ibora oneza pocca touati uanehema omadirizarrarossa tiquenarri,

40
00:03:27,920 --> 00:03:28,720
onarraro.

41
00:03:28,720 --> 00:03:34,040
—Arri uati onarrarope occa uatizehe tiadeniza onananiuarrine.

42
00:03:34,040 --> 00:03:38,720
Occa uatizehe tibodideniza parrirenissa taniuarrine,

43
00:03:38,720 --> 00:03:40,240
onarraro.

44
00:03:40,240 --> 00:03:43,120
Arrirrarope tiadeniza occa zossenirri:

45
00:03:43,120 --> 00:03:46,360
Pina tetideni cauanerara canarri.

46
00:03:46,360 --> 00:03:51,120
Pina arri oua tiadeniza ouati uana tarrarossa tiquenarri.

47
00:03:51,120 --> 00:03:55,180
Touati uanehe deni torrarrarope arrima narrarona parri:

48
00:03:55,180 --> 00:04:02,840
Madirra poua tesse tocassiuauerauiuarrinepa pouana poua ccaccorarrarina parra.

49
00:04:02,840 --> 00:04:07,920
Nazama occa zossenirrissa tinanemanezape otesse tiquerrenani.

50
00:04:07,920 --> 00:04:10,320
Rridapanape tiadeniza:

51
00:04:10,320 --> 00:04:12,720
“Occa zozossedeni” onerrerani.

52
00:04:12,720 --> 00:04:19,640
Madirra zozosse inanabaqquirraripa pocca zozossedeni pocca uima ssamoqquiri narrari.

53
00:04:19,640 --> 00:04:26,560
Naraha ouape occa Abi ouaza uati uati tarrari nemanehe tiadeniza ouacomerarraro.

54
00:04:26,560 --> 00:04:29,080
Narraroa arri tiadeniza:

55
00:04:29,080 --> 00:04:31,800
“Otessedeni” onarraroparri.

56
00:04:31,800 --> 00:04:38,040
—Tiadenipe otoui tiquenapo-rrereraha ouana tiadeni ocatterriza-baqquirraro.

57
00:04:38,040 --> 00:04:42,840
Nani tiadenina ouatti mari ticanabaqquirizauiuarrine.

58
00:04:42,840 --> 00:04:45,520
Naui madirra ouaza toquerrenauiuarrine.

59
00:04:45,520 --> 00:04:52,480
Narraro uimape pina uva inine uarrirriraza cacabono narrarissa tiquenanitoui.

60
00:04:52,480 --> 00:04:57,720
Narrari bonopa madirra Deoza toquerrena-zanaporrari.

61
00:04:57,720 --> 00:05:06,920
Nema nezape oua onima uati uati titiquena nezape Abipa ticcadeni uatinarra tiadeniza da da nanarra nauitoui.

62
00:05:06,920 --> 00:05:10,920
Nazama arrirrarope tiadeniza occa zossenirri:

63
00:05:10,920 --> 00:05:13,320
Tetideni cauanerara canarri,

64
00:05:13,320 --> 00:05:15,260
onarraro −nade Zeso.