1
00:00:05,000 --> 00:00:10,980
Arra coriza rrippeuarri bacco toquenarraricca zama oninipe Zerasa.

2
00:00:10,980 --> 00:00:21,840
Nauizana Zesopa toqquemoraraha madirra bodiza Tocorime-Taminecca zozosse madizarrari tonoccobiriuarri qquenaza Zesoza bacco zipparrari.

3
00:00:21,840 --> 00:00:25,200
Pouapa tonoccobiriza mamadi narrari.

4
00:00:25,200 --> 00:00:32,000
Nazapa naui Zerasauarricca madirrapa birri rrore iquenaraha rroca tarrorro,

5
00:00:32,000 --> 00:00:34,140
rroca tarrorro narrari.

6
00:00:34,140 --> 00:00:37,740
Isso naco rrore iquenaraha ttai tarrorro,

7
00:00:37,740 --> 00:00:39,700
ttai tarrorro narrari.

8
00:00:39,700 --> 00:00:46,180
Corritiza naco rrore iquenaraha pouarrine tarroppi tarroppi narraro.

9
00:00:46,180 --> 00:00:52,400
Rrore iquenapomaza naco nama zanapozapa pouaha deni torrazanaporrari.

10
00:00:52,400 --> 00:01:00,920
Rrore iquenaza ecauemanauiuarrineraha rrorrorededeni arramani toquerrenazapa parra inebomanariui narrari.

11
00:01:00,920 --> 00:01:03,740
Pouapa ssiuarra ccariza,

12
00:01:03,740 --> 00:01:06,980
zome ccariza nanariza narrari.

13
00:01:06,980 --> 00:01:09,740
Rroua rroua nanariza narrari.

14
00:01:09,740 --> 00:01:11,300
Ssonouarri ccariza,

15
00:01:11,300 --> 00:01:16,460
tonoccobiriuarri ccariza nazapa sibaza poua ime ca rreo,

16
00:01:16,460 --> 00:01:19,300
ca rreo tonanamarorrari.

17
00:01:19,300 --> 00:01:24,340
Nanarra Zeso uarri taniza qquemoraui qqui tazapa rroppa narronarrari,

18
00:01:24,340 --> 00:01:28,120
Zeso baccouarri poua pitoza uitta narrari.

19
00:01:28,120 --> 00:01:32,560
Naraha Zesopa amazati poua bodiccaza uati tarrari:

20
00:01:32,560 --> 00:01:33,780
—Tocorime,

21
00:01:33,780 --> 00:01:35,140
narrari madirra tineborro!

22
00:01:35,140 --> 00:01:36,340
−narrari.

23
00:01:36,340 --> 00:01:40,200
Nazapa tocorime rrazirema uati tarrari:

24
00:01:40,200 --> 00:01:44,080
—Zeso nerrecotouira ticcarronarraronerre?

25
00:01:44,080 --> 00:01:46,700
Oua narrizode ticcarronarraroqui?

26
00:01:46,700 --> 00:01:51,060
Tiape Deo deni torrarraricca Erredeni tirrani.

27
00:01:51,060 --> 00:01:53,540
Deo onima oua tinarrizo terrerarri,

28
00:01:53,540 --> 00:01:55,240
onaua −narrari.

29
00:01:55,240 --> 00:01:58,980
Naraha Zesopa tocorimeza uati tapomarrari:

30
00:01:58,980 --> 00:02:00,600
—Tia onipe nerreco?

31
00:02:00,600 --> 00:02:01,480
−narrari.

32
00:02:01,480 --> 00:02:03,520
—Oua onipe Siba tani,

33
00:02:03,520 --> 00:02:05,860
tocorime uapi inani −naui nade.

34
00:02:05,860 --> 00:02:12,120
Nazapa madirra bodicca tocorimedenia Zesoza uatide dameraqquiri narrari:

35
00:02:12,120 --> 00:02:16,900
—Arrirraro zama uarri taniuarri ia zosse tinabaqqui terrerarri,

36
00:02:16,900 --> 00:02:18,440
inaua −quenarrari.

37
00:02:18,440 --> 00:02:24,500
Naraha naui ssono uarrira taniza poroco uapi taha rriparizemanarrari.

38
00:02:24,500 --> 00:02:28,480
Nazapa tocorimedeni Zesoza uati toquenapomarrari:

39
00:02:28,480 --> 00:02:33,160
—Poroco bazimazana ia zosse tizimabaqquirri.

40
00:02:33,160 --> 00:02:36,380
Nanizana iquerrenana −quenarrari.

41
00:02:36,380 --> 00:02:37,700
Nazapa Zeso:

42
00:02:37,700 --> 00:02:38,540
—Rrehe,

43
00:02:38,540 --> 00:02:40,300
porocozana tiquerrenana!

44
00:02:40,300 --> 00:02:43,300
−narrari.

45
00:02:43,300 --> 00:02:49,700
Nazapa narrari madirra bodicca tocorime rrauininezapa porocozana rraui torrezimarizarrari.

46
00:02:49,700 --> 00:02:54,860
Nanarra porocopa coriza inidiuarri domo toqquezippaza corro-rro quenarrari,

47
00:02:54,860 --> 00:02:57,020
tocatorrezipparrari.

48
00:02:57,020 --> 00:03:00,240
Poroco bazimapa 2 mil quenarrari.

49
00:03:00,240 --> 00:03:04,140
Corizaza rre tocanirezapa cacotezanarrari.

50
00:03:04,140 --> 00:03:10,020
Nazapa poroco cacauadedenipa oza pananiuarri uima rroppa tocanarrari,

51
00:03:10,020 --> 00:03:13,200
ouahapa uizarrauarri uima rroppa tocanarrari.

52
00:03:13,200 --> 00:03:15,700
Nama narizemanarrari.

53
00:03:15,700 --> 00:03:19,500
Uima inanarizemanezape cattade rrauirronana canarrari,

54
00:03:19,500 --> 00:03:21,180
madirra bazima.

55
00:03:21,180 --> 00:03:26,540
Nazapa qquide rrauirronazapa Zeso uauiuarri bacco narronemanarrari.

56
00:03:26,540 --> 00:03:33,500
Arra madirra poua bodiza tocorimedeni carriporraripa tonomiuira qqui toquenarrari.

57
00:03:33,500 --> 00:03:35,860
Nauiza uitta canarrari.

58
00:03:35,860 --> 00:03:37,980
Etero oro tozimapomarrari,

59
00:03:37,980 --> 00:03:41,860
bodi uatoue naco carripomarrari.

60
00:03:41,860 --> 00:03:44,800
Nazapa madirra bazima cappinemanarrari.

61
00:03:44,800 --> 00:03:52,340
Qqui toquenaporraridenia arra madirra bodicca tocorimedeni rrauininerrari tauimari uati,

62
00:03:52,340 --> 00:03:55,300
poroco tauimari uati toquenarrari.

63
00:03:55,300 --> 00:04:01,180
Nazapa poccadeni zamaza Zeso toccaniuiuarrine zossede damamera tarrari:

64
00:04:01,180 --> 00:04:02,500
—Ticcanirri,

65
00:04:02,500 --> 00:04:04,180
arri icca zamazape timadi terrerarri!

66
00:04:04,180 --> 00:04:05,680
−quenarrari.

67
00:04:05,680 --> 00:04:10,420
Nazapa Zeso toqquezippanizapa darroniza toqquezanirrari.

68
00:04:10,420 --> 00:04:15,480
Nazapa madirra tocorime carriporaha tonomirraripa Zesoza uaua narrari:

69
00:04:15,480 --> 00:04:17,740
—Oua naqui tiaza occana!

70
00:04:17,740 --> 00:04:18,460
−narrari.

71
00:04:18,460 --> 00:04:20,300
Naraha Zeso attipa:

72
00:04:20,300 --> 00:04:21,260
—Poni,

73
00:04:21,260 --> 00:04:22,600
ticcanirri.

74
00:04:22,600 --> 00:04:26,260
Ticca ozauarri ticca madirraza tirranirri.

75
00:04:26,260 --> 00:04:29,060
Ticca madirraza uati tinabaqquina:

76
00:04:29,060 --> 00:04:32,160
“Onomirrarope Deorrine.

77
00:04:32,160 --> 00:04:36,560
Deopa ouaza uati uana tarrari” tinanina −naui nade Zeso.

78
00:04:36,560 --> 00:04:40,380
Nazapa toccaniza pocca uima uati narizarrari.

79
00:04:40,380 --> 00:04:45,620
Zama arobeni Decaporicca oza uapimaza poua tonomiuicca uima,

80
00:04:45,620 --> 00:04:49,280
Zeso poua inanomiuicca uima uati tarizarrari.

81
00:04:49,280 --> 00:04:52,380
Nazapa bazima mittemanazapa:

82
00:04:52,380 --> 00:04:52,660
—A,

83
00:04:52,660 --> 00:04:56,340
Deorrine bica taua −quenaui nade.