1
00:00:05,000 --> 00:00:11,380
Yesu tete ndiri ta zəɗ ngaz tik ti təɗigi a pala məndar a liɓlay Gerazene acin.

2
00:00:11,380 --> 00:00:15,660
Ane liɓlay toku hidi maparam a nin, ma mbaɗ mbaɗ.

3
00:00:15,660 --> 00:00:17,380
A nja ka nja a daba civigi.

4
00:00:17,380 --> 00:00:26,860
Kamatakan ndirigi a nja ka jaw ta kaɗ cəɓ pe a zəmbəl masa ɓaw a njemnjilem, ama a nja ka nga kəni toku biyoc biyoc za.

5
00:00:26,860 --> 00:00:32,060
Ko hidi takan ma təɗ gəga ka jaw tik kaɗ, ko a zəmbəl masa ɗa ɗakun.

6
00:00:32,060 --> 00:00:37,240
Ko nayi ngəz ngəz, a ngəz kun, ti day ka talan ndirigi.

7
00:00:37,240 --> 00:00:44,340
Kepic kepic, ko a vuɗu ko a pic a nja ka təlanay tik a daba civigi ɓaw a tala caɗak.

8
00:00:44,340 --> 00:00:49,160
A nja ka par wəla, aza a nja ka biz kəsəm tik a gugun.

9
00:00:49,160 --> 00:00:55,520
Yesu tete ndiri ta zəɗ ngaz tik mata təɗigi ka lay toku za, jemahigi a liɓ kambawal kaɗ.

10
00:00:55,520 --> 00:01:03,520
Njoɗ ma mbaɗ mbaɗ takana ti ləma Yesu gaɓ gədək za, sliɗ si si va a zləra tik, va gbərəw a metikisem.

11
00:01:03,520 --> 00:01:05,820
Pa' wəla day day, a ngar:

12
00:01:05,820 --> 00:01:12,700
«Hoh Yesu, Kərti Dabawəzləv ma mar sembe cah, kən ma lap kini a hoh mi?»

13
00:01:12,700 --> 00:01:16,900
Yesu takana ndul ta ndul masərəf takana ta kəsəm tik acin.

14
00:01:16,900 --> 00:01:17,680
A ngaren:

15
00:01:17,680 --> 00:01:23,180
«Hoh masərəf cah, ta ngaroh, a ya a kəsəm gawla cah za njoɗ.»

16
00:01:23,180 --> 00:01:25,580
Ma mbaɗ mbaɗ toku a ngaren:

17
00:01:25,580 --> 00:01:31,660
«Maday, ta coh zləra a zlim Dabawəzləv, a njá ka tes ka kun.»

18
00:01:31,660 --> 00:01:34,280
Yesu a nehu acin, a ngaren:

19
00:01:34,280 --> 00:01:36,140
«Zlim ku kemi?»

20
00:01:36,140 --> 00:01:37,540
A ngaren:

21
00:01:37,540 --> 00:01:43,640
«Zlim ɗa kən ma ɓas ɓas, ngam kata á gindik kun, min masərəf pe.»

22
00:01:43,640 --> 00:01:49,360
Masərəfi toku a pərətigi acin, aza a caten zləra a Yesu, a ngareten:

23
00:01:49,360 --> 00:01:53,560
«Maday, a njá ka gam kini a liɓlay cah za kun.»

24
00:01:53,560 --> 00:01:58,180
Ane ka lay toku vegedemigi pe a ngufi lay a kəsəm caɗak.

25
00:01:58,180 --> 00:02:04,040
Masərəfigi takana ta kəsəm gawla toku a caten zləra a Yesu acin, a ngareten:

26
00:02:04,040 --> 00:02:08,820
«A ker kini katəf, mini ka va a kəsəm vegedemi toku.»

27
00:02:08,820 --> 00:02:10,780
Yesu a ngareten:

28
00:02:10,780 --> 00:02:13,100
«Hi sliɗ, hine va.»

29
00:02:13,100 --> 00:02:18,980
Njoɗ vok yahigi a kəsəm gawla toku za, vigi a kəsəm vegedemigi.

30
00:02:18,980 --> 00:02:26,740
Vegedemi toku kərap sigi si si á kəsəm caɗak kaɗ, sirif a liɓ mitil, lekwigi a nin.

31
00:02:26,740 --> 00:02:29,220
Ti təɗ vegedem wujine səray.

32
00:02:29,220 --> 00:02:36,740
Ma mari vegedemigi mata ləma ta wa nja ngatoku za, ca kaɗ pəpəp pəpəp, si tanigi ita.

33
00:02:36,740 --> 00:02:40,920
A vigi á liɓlay ngiɗ kərap ka tepi nawər tik a ndirigi.

34
00:02:40,920 --> 00:02:47,820
Njoɗ ndiri toku mata zlim ta za, sliɗ vigi ka saf kən ma ɗiya toku səka a həra tan.

35
00:02:47,820 --> 00:02:55,100
Yigi a zləra Yesu acin, jani gawla ma mbaɗ mbaɗ ta kamatakan toku ma nja nja a lukut a kəsəm.

36
00:02:55,100 --> 00:02:56,880
Ndukun talan tik ti ɓas acin.

37
00:02:56,880 --> 00:03:01,300
Mata ləma ta wa toku za, ɓeɓiz tan ti zer cekweler.

38
00:03:01,300 --> 00:03:11,020
Ndiri ma ləmi kən toku ta ɗiya a vere tan, a ceɗeten a ndiri ma yigi ka saf tik kən ma təɗaha a tala ma mbaɗ mbaɗ ɓaw vegedemi toku.

39
00:03:11,020 --> 00:03:14,680
Ndiri mata zlim ta za, a ngareten a Yesu:

40
00:03:14,680 --> 00:03:18,380
«Mine takwanoh, a sliɗ ma va ku a liɓlay kini za.»

41
00:03:18,380 --> 00:03:21,480
Yesu sliɗ acin jem a liɓ kambawal ka va tik.

42
00:03:21,480 --> 00:03:28,100
Ta jem a nin, gawla takana Yesu mata gam masərəf a kəsəm tik cah a cen zləra a Yesu.

43
00:03:28,100 --> 00:03:28,960
A ngaren:

44
00:03:28,960 --> 00:03:31,500
«A ker ka, mini ka lap a hoh.»

45
00:03:31,500 --> 00:03:34,340
Yesu a keru ka lapigi a sin kun.

46
00:03:34,340 --> 00:03:35,700
A ngaren:

47
00:03:35,700 --> 00:03:44,780
«A sliɗ, ma va ku ita, ma va ceɗeten a ndiri ku kən menekin Dabawəzləv mata ɗiyoh ɓaw wa nja mata den saha ku.»

48
00:03:44,780 --> 00:03:57,120
Njoɗ gawla toku sliɗ za, va tik a liɓlay pana pana ndiri ta nja ka wəla ta Liɓlay Guɓ Təɓa Təɓa, va ceɗeten kən, Yesu mata ɗiyu a tala tik a ndiri ta nin.

49
00:03:57,120 --> 00:04:00,580
Ndirigi kərap mata zlim ta za, a ngarigi:

50
00:04:00,580 --> 00:04:06,860
«Tácah vu ndiri ɗa, yo kən tik acin a ɗiya a nja siki?»