1
00:00:05,000 --> 00:00:13,080
Merikɨtsɨ 'uxa'arieka yumɨiretɨ teɨteri 'ixɨaramete mekaniu'enanani kename Ketsutsi 'uhamiekai Kerutsareme.

2
00:00:13,080 --> 00:00:32,620
Parapa mamateya me'uhapatɨ mekanekɨne meheinakiyuka, mɨpaɨ mete'uhiwatɨ: —Ketaneutawikweitsitɨa 'aixɨa. —'Aixɨa ketikɨhɨawarɨwani kemɨ'ane Ti'aitame hetsɨa miemetɨtɨ 'umamie hepaɨtsita. —'Aixɨa ketikɨhɨawarɨwani 'Ixaheritsie Ti'aitame hepaɨtsita.

3
00:00:32,620 --> 00:00:38,680
Hikɨ Ketsutsi puxu 'utaxeiyaka hetsiena kananutiyerɨni, kemɨre'uxa:

4
00:00:38,680 --> 00:00:48,780
«Pepɨkaheumaka, neniwe 'uka Tsiyuni, neuxei, 'ena kaniumieni meti'aitɨwame, puxu temaikɨ hetsie 'anakaitɨ».

5
00:00:48,780 --> 00:01:03,440
Teyɨ'ɨkitɨwametemama 'ikɨ mepɨkahetimaiwawekai meripaitɨ. Kepaukake witsi'anetɨ mayeitɨarie Ketsutsi, 'anake mekanaye'erieni mɨpaɨ mɨre'uxakai hepaɨtsitana, mɨpaɨ mɨreye'atɨakaikɨ.

6
00:01:03,440 --> 00:01:17,460
Mɨkɨ teɨteri hamatɨana meme'uwakai kepauka Ratsaru mutahɨawixɨtsie mɨwayeyanikɨ teukiyata, kepauka menukuketɨa mɨkite watsata, mɨkɨta mekanihekɨatakaitɨni.

7
00:01:17,460 --> 00:01:23,240
'Ayumieme teɨteri mekaneikunake memu'enanakɨ kename 'ikɨ 'inɨari tiuyuri.

8
00:01:23,240 --> 00:01:34,440
Hikɨ paritseutsixi mɨpaɨ mekateniyɨkɨhɨawekaitɨni: «Xepɨneniere 'atsitepɨkateyurieni. Kamɨ yunaitɨ kwiepa memɨtama 'utɨmana mekanekɨne».