Iyaw nya libro a Joswe, ki pakaistoryaan maynamot do nakasākop dan Israelita saw so tana a Kanaan do nakaidaōlwaw ni Joswe sira. Ta sakbay no nakadiman ni Moyses, napidi si Joswe a mangipangōlo siras Israelita. Dawa, inpangōlwan na saw Israelitaw a machigobat dyirad Kananeo saw a tawotawo tan somdep saw Israelitaw do tana a inkari ni Āpo Dyos da Abraham a kapoonan da.

Myan saw mabigbig a naparin a naitolas do dyaya libro a akma siras nyaya: no kabtang do Oksong Jordan, no kaloyo no ahad a nakadibon do idi a Jeriko, no kagobat do idi a Ai, as kan kapabayo so tōlag no Dyos kan tawotawo na. Asa malatak a naitolas do dyaya libro, ki “magdisisyon kamo sichangori an sino pagsīrbyan nyo....an yaken kan pamilya ko, ayket, magsīrbi kami di ĀPO” (24:15).