1
00:00:05,000 --> 00:00:19,180
Yisu ma aŋa ŋaseŋomi talawa danaŋ sombo ma sugu ŋgu kuduwaga biŋtuaŋ ŋa ŋasakalaŋ ma aŋa ŋaseŋomi sakalaŋ suŋguŋ ataŋ sumoaŋ, ma lau gabo sigai siya boŋ.

2
00:00:19,180 --> 00:00:29,500
Ndi no lau kalibe danaŋ sugu Yisu di seleketau aŋoŋ, ma sendeleŋ sindi ae gi ma siga ae sa.

3
00:00:29,500 --> 00:00:34,520
Ma Yisu kisi siya ŋgu, “Mamuŋguŋ ataŋ gu biŋ edele?”

4
00:00:34,520 --> 00:00:51,720
Ma talameŋ nuwaŋ aneŋ moaŋ lau yaboŋ ŋalaloŋ, di guwi aŋa biŋ ma guŋguŋ, “Kuduwaga, yogwaga yowaŋ kole deneŋ gwambo, ŋgu ŋalau yamba nuwaŋ moaŋ aŋa ŋalaloŋ de kunuŋ ae waloŋ mba.

5
00:00:51,720 --> 00:01:12,240
No ŋasakalaŋ ŋalau yamba ta giga ae to ma ginda ae su pu gi, kunuŋ aŋa wasuluwaŋ ŋakuzuwi si ma kiliŋgi oŋ, ma aŋa maŋgeŋ tu ŋaiŋ ŋanotoŋ si. Yokwasi kamiŋ ŋaseŋomi ŋgu sozo ŋalau ta i, tiyaŋoŋ siya gindiŋ taŋ.”

6
00:01:12,240 --> 00:01:31,460
Yisu gugu biŋ ta ma guŋguŋ, “Oi mbiya, yogomoaŋ giŋ mbiya ŋasawa baliŋ ti mbai, ma dedele di mbiya gindiŋ taŋ ŋgu munuŋ gele nuwaŋ? Kiya wamoaŋ waŋiŋ mbiya ŋapaŋ mbe taŋ! Mamiŋ miki giŋ mba. Miga guluwa tambu ta sa mombo.”

7
00:01:31,460 --> 00:01:48,040
De siga guluwa ta sindi Yisu sombo, ma ndi no ŋalau yamba gugu ae, ma sebebe akiyawi guluwa ta tu ŋayaŋga, ma ginda ae su pu gi, ma kiyabi tu wasuluwaŋ ŋakuzuwi si.

8
00:01:48,040 --> 00:02:04,760
Ma Yisu kisi guluwa ta ŋazi, “Ŋalau yamba kunuŋ ae edeneŋ gindiŋ yala lalaŋ?” Ma aŋa azi guŋguŋ, “Agumoaŋ dedeneŋ ndi no ae guluwa atuŋ mbe nambo gindiŋ talati deneŋ.

9
00:02:04,760 --> 00:02:21,200
Ndi no kilili ŋalau yamba ta ginda ae gembe su aleŋ ma pi ya, ma kunuŋ ŋgu li ae u ndei ŋa. Ma ŋgu kamiŋ ŋayaŋga ŋeŋ, gindiŋ ŋgu taeŋgili yowa ma wi yowa sa.”

10
00:02:21,200 --> 00:02:30,640
Ma Yisu guŋguŋ ndi ae, “Dedele de kauŋguŋ ndi kiya, ‘Ŋgu kai gindiŋ?’ Ŋgu mamiki ŋiŋ, de gele kalibe wa ŋindiŋ.”

11
00:02:30,640 --> 00:02:39,300
Ma sebebe guluwa ŋazi kitaleŋ biŋ ma guŋguŋ, “Yokwaki giŋ. Wi kiya sa ŋgu waki ŋiŋ ŋayaŋga.”

12
00:02:39,300 --> 00:02:54,380
Yisu gugu ŋgu lau kilili sendeŋ sombo, de kuwaloŋ ŋalau yamba ma guŋguŋ, “Kai ŋalau towaŋguŋ kimboŋ ma walomba ŋa, kiya wayatu kai ŋgu lowai guluwa deneŋ i, ma to aŋa ŋalaloŋ umbau taŋ!”

13
00:02:54,380 --> 00:03:09,480
Ma ŋalau yamba ta gumbui ko ma kiyawi guluwa ta yamba solobe, ma si andaneŋ gi. Ma guluwa ta geŋ gindiŋ tambu gawiŋ nuwaŋ, de lau kilili suŋguŋ, “Agawiŋ mbai.”

14
00:03:09,480 --> 00:03:16,200
Di Yisu gi ae su maŋgeŋ, giŋgiŋ ae sa, ma akimisa taŋ paba.

15
00:03:16,200 --> 00:03:26,080
Sumbuliya Yisu nato za nuwaŋ gi, ma aŋa ŋaseŋomi sisi ae kelebe, “Dedele de yala gindiŋ taŋ ŋgu mazo ŋalau danaŋ i?”

16
00:03:26,080 --> 00:03:34,280
Ma aguŋguŋ, “Ŋgu mozo ŋalau kaiŋ danaŋ i, de muŋguŋ mokeŋ. Dalawaŋ nuwaŋ geŋ taŋ.”