1 00:00:05,000 --> 00:00:22,280 Ndi kakanundiŋ, dabuŋsiga babo tu lau babo ma kuduwaga biŋtuaŋ ŋa tu Juda ŋiŋ Lau Si Guliŋ ŋa ŋiŋ ŋalaloŋ tiyaŋoŋ gu gele edele ŋgu sunuŋ ndi Yisu. Ma sumbu aŋa maŋgeŋ to ma siga ae ndi Pailot gi. 2 00:00:22,280 --> 00:00:31,360 Ma Pailot kisi ae, “Kai Juda ŋiŋ kiŋ, a?” Ma Yisu guwi aŋa biŋ ma guŋguŋ, “Gindiŋ danaŋ kai ta guŋguŋ.” 3 00:00:31,360 --> 00:00:35,500 Ndi danaŋ dabuŋsiga babo sitiŋ biŋ kilili pi ae. 4 00:00:35,500 --> 00:00:42,020 Ma Pailot kisi ae gumbau, “Kai wa wi saŋiŋ biŋ, ma mba? Sasitiŋ biŋ kilili pi kai.” 5 00:00:42,020 --> 00:00:45,960 Tiyaŋoŋ Yisu guwi biŋ taŋ, ma Pailot kelekatau. 6 00:00:45,960 --> 00:01:22,160 Ndi no danaŋ tambu nuwaŋ noŋ kalabusu, ŋaseŋ ŋgu Barabas. Agumoaŋ toŋ lawiŋ ŋa aneŋ sili lawiŋ ndi lau Rom ŋa ma sili lau ŋasakalaŋ u. Ma lau Rom ŋa siga siya to ma siki sasonoŋ kalabusu. Ndi yala godobe ndi no lau Juda ŋa ŋiŋ sonda gabo Moziŋ Pasova ŋa mbo si, di Pailot gumbuliye dalawaŋ nuwaŋ edeneŋ ŋgu. Lau Juda ŋa wa sisi u tambu kalabusu ŋa nuwaŋ, de ae wa lowai ae si ndi siya ŋa. 7 00:01:22,160 --> 00:01:34,580 Lau kilili aneŋ sili ataŋ sa si ndi no Pailot kizai Yisu, di sisi ae ŋgu lowai tambu kalabusu ŋiŋ nuwaŋ si mbuliye dalawaŋ danaŋ. 8 00:01:34,580 --> 00:01:56,980 Pailot gugu ŋgu dabuŋsiga babo taeŋdiŋ Yisu ŋamolaŋ, ma gu danaŋ ŋa de siga Yisu sindi ae sombo. Gu danaŋ ŋa aŋa taeŋgi ŋgu lowai Yisu si ŋa, de kisi siya, “Mamiŋ taeŋgi ŋgu kiya walowai Kiŋ Juda ŋa si ndi mbiya, ma mba?” 9 00:01:56,980 --> 00:02:05,600 Tiyaŋoŋ dabuŋsiga babo sikili lau toŋ gabo danaŋ ŋgu sisi Pailot ŋgu lowai Barabas si ndi siya ŋa. 10 00:02:05,600 --> 00:02:13,920 Ma Pailot kisi siya, “Dadanaŋ kiya wanuŋ sasaŋaŋ ndi tambu deneŋ, aneŋ mameseŋ ŋgu lau Juda ŋa ŋiŋ Kiŋ?” 11 00:02:13,920 --> 00:02:17,900 Ma sasitaleŋ, “Li ae pi asotaŋ!” 12 00:02:17,900 --> 00:02:27,760 Di Pailot kisi siya, “Gu sasaŋaŋ ŋa? Akunuŋ yamba dedele?” Tiyaŋoŋ sasitaleŋ tu ŋayaŋga, “Li ae u pi asotaŋ!” 13 00:02:27,760 --> 00:02:42,760 Pailot ŋgu nuŋ lau ta ŋiŋ taeŋ anda si, de gulusa ŋgu lowai Barabas si ndi siya ŋa. Ma akiki Yisu ndi lau lawiŋ ŋa ŋgu si ae ŋa bwaŋ, ma sili ae u pi asotaŋ. 14 00:02:42,760 --> 00:02:47,580 Lau lawiŋ ŋa suŋguŋ biŋ susu pi Yisu 15 00:02:47,580 --> 00:02:57,400 Lau lawiŋ ŋa siga Yisu sindi Pailot ŋa za ŋa talabaŋ gi, ma sasitaleŋ biŋ ŋgu lau lawiŋ ŋa kalibe sili ataŋ sa. 16 00:02:57,400 --> 00:03:07,920 Ma siki Yisu kikalaŋ kwi koko baliŋ gindiŋ kiŋ sikalaŋ, ma suwi walu tutuwaŋ ma siki aguŋ gindiŋ kiŋ ŋiŋ gululuŋ. 17 00:03:07,920 --> 00:03:14,880 Di sasitaleŋ guamuiŋ ndi ae, “Ei! Lau Juda ŋiŋ Kiŋ, yamato kai sa!” 18 00:03:14,880 --> 00:03:29,120 Ma sasiga ae nuwaŋ ma sili ae su labolaŋ gudinaŋ kilili, ma sulusu wasuluwaŋ pi ae. Sopoŋ ŋaiŋnubuŋ ndi ae, ma sizawe ŋgu soto ae sa. 19 00:03:29,120 --> 00:03:45,680 Supuli ae sa mbai, ma siga kwi baliŋ danaŋ i, ma siki akikalaŋ ae ta ŋa kwi sa gumbau. Ma siga ae sisi molaŋ Jerusalem ŋamaŋgeŋ gi, ŋgu sili ae u pi asotaŋ. 20 00:03:45,680 --> 00:03:48,720 Sili Yisu pi asotaŋ 21 00:03:48,720 --> 00:04:11,120 Lau lawiŋ ŋa siga Yisu sumoaŋ dalawaŋ, ma tambu nuwaŋ giminaŋ moaŋ geŋ taluŋ ŋamaŋgeŋ ŋa mbo. Di sika ae ŋgu balaŋ Yisu ŋa asotaŋ. Tambu ta ŋaseŋ Saimon. Ae Aleksanda wa Rupas ŋiŋ azi, ma aŋa molaŋ tuaŋ Sairini. 22 00:04:11,120 --> 00:04:20,600 Siga Yisu sisi gi de sipi taluŋ aneŋ seseŋ ŋgu Golgata. (Ŋaseŋ ta taile ŋgu ‘Taluŋ Labolaŋ Ŋambi Ŋa.’) 23 00:04:20,600 --> 00:04:29,100 Ma sasiki waen tu aleŋ ŋatautaŋ ŋgu li ŋawasaŋ u ndi Yisu ŋgu muŋ, tiyaŋoŋ akitauŋ. 24 00:04:29,100 --> 00:04:42,800 Gudeneŋa silowai i, ma sili ae u pi asotaŋ gi. Ma sumbuliya suwa aŋa kwi ko ma sunuŋ agaeŋ pi sinda lae ŋgu sugu sae waga kwi edele. 25 00:04:42,800 --> 00:04:48,440 Sasili ae u pi asotaŋ ndi kakanuŋ, yakatu gindiŋ 9 kilok. 26 00:04:48,440 --> 00:04:59,180 Ma biŋ aneŋ lau babo Juda ŋa sitiŋ pi ae, de soto pi kapiya nuwaŋ, di guŋguŋ, “Lau Juda ŋa ŋiŋ Kiŋ.” 27 00:04:59,180 --> 00:05:07,960 Sasili tambu yamba luwa pi asotaŋ giŋ, nuwaŋ pigi kolo Yisu ŋa maŋgeŋ aŋoŋ ŋa ma nuwaŋ pigi kolo maŋgeŋ zi ŋa. 28 00:05:07,960 --> 00:05:22,100 Lau aneŋ siminaŋ si sombo, di sidaiŋ guduŋ ma sitapoŋ Yisu. Ma suŋguŋ, “Ei. Kai tambu aneŋ guŋguŋ ŋgu ze Limiŋ Dabuŋ ndei ŋa, ma ti sa umbau ndi bi talawa. 29 00:05:22,100 --> 00:05:25,900 De wi ataŋ sa, ma su ŋeŋ asotaŋ mbo!” 30 00:05:25,900 --> 00:05:38,700 Ma dabuŋsiga babo tu kuduwaga biŋtuaŋ ŋa dadanaŋ susu ae susu ma suŋguŋ ndi ataŋ, “Agi lau kilili sa, tiyaŋoŋ gindiŋ taŋ ŋgu ŋgi ataŋ sa. 31 00:05:38,700 --> 00:05:54,740 Yamaŋguŋ magu Misia, lau Israel ŋiŋ kiŋ deneŋ, su ŋeŋ asotaŋ mbo, di yala wa makiŋiŋ ae.” Ma tambu luwa aneŋ sili pi asotaŋ siŋ Yisu, di susu ae susu giŋ. 32 00:05:54,740 --> 00:05:57,760 Yisu gawiŋ 33 00:05:57,760 --> 00:06:05,960 Ndi ya taŋ walaŋ, ŋakiziŋ gabo gi taluŋ mandalaŋ mbe boŋ, nagi gindiŋ 3 kilok tulula ŋa. 34 00:06:05,960 --> 00:06:20,420 Ma ndi 3 kilok Yisu kitaleŋ waloŋ gabo, “Eloi, Eloi, lama sabaktani?” (Biŋ ta taile ŋgu, ‘Yowaŋ Potaŋ, yowaŋ Potaŋ, gu sasaŋaŋ ŋa kauki domweŋ ndi kiya?’) 35 00:06:20,420 --> 00:06:28,980 Lau aneŋ sitaŋ kobo, di siga biŋ ŋape taŋ ma suŋguŋ, “Mugu, akitaleŋ propet Elaija.” 36 00:06:28,980 --> 00:06:49,960 Ma tambu nuwaŋ gendeleŋ gi kiki kau walaŋ nuwaŋ su waen ŋatautaŋ, ma goto pi da baliŋ nuwaŋ. Ma guŋzuŋ pigi to Yisu ŋa waloŋ ŋgu amuŋ ma guŋguŋ, “Talowai ae i ma tagu, Elaija wa su mbo ma ga ae ndei ŋa, ma mba.” 37 00:06:49,960 --> 00:06:53,800 Ndi no danaŋ Yisu kuwaki waloŋ gabo ma gawiŋ. 38 00:06:53,800 --> 00:07:03,740 Ma ndi danaŋ kau baliŋ aneŋ kolo Limiŋ Dabuŋ ŋalaloŋ, de kimaŋgigi guluwa, geŋ paba ma gi gindiŋ ulubuŋa. 39 00:07:03,740 --> 00:07:16,120 Ma tambu gabo lawiŋ ŋa aneŋ taŋ Yisu ŋa ŋaoŋ, de gugu aŋa gawiŋ ŋa dalawaŋ, ma guŋguŋ, “Biaŋoŋ, tambu deneŋ ae Potaŋ ŋa Kole.” 40 00:07:16,120 --> 00:07:29,060 Lauye ŋasakalaŋ sitaŋ wisi ma sugu gele kalibe danaŋ. Maria Magadala wa Maria aneŋ Jems atuŋ wa Joses ŋiŋ nawa, ma Salome sumoaŋ siŋ siya. 41 00:07:29,060 --> 00:07:45,720 Muŋ ŋa, ndi no Yisu moaŋ taluŋ Galili ŋa, de lauye danaŋ sumbuliye ae, ma si ae sa. Ma lauye kilili aneŋ sipi Jerusalem siŋ Yisu, di sitaŋ siŋ siya. 42 00:07:45,720 --> 00:07:50,980 Josep kiki Yisu ŋa ŋawililaŋ geŋ lae wawaŋ 43 00:07:50,980 --> 00:08:02,560 Bi aneŋ sili Yisu u, de lau Juda ŋa ŋiŋ bi simasaŋ ataŋ gu Sabat ŋa. Ndi tulula kobo ŋgu ya ŋa su, 44 00:08:02,560 --> 00:08:29,080 tambu gabo Juda ŋa nuwaŋ ŋaseŋ Josep taeŋgi ŋgu yambu Yisu ŋa ŋawililaŋ. Josep ae tambu geŋ molaŋ Arimatiya ŋa, ma ae Juda ŋiŋ Lau Si Guliŋ ŋa ŋiŋ tambu tu ŋaseŋ nuwaŋ aneŋ kiki mataŋ Potaŋ ŋa guliŋ ŋgu mbo si andaneŋ. Aŋa ŋalaloŋ ŋapuŋa taŋ, de ndi Pailot gi ma kisi gu Yisu ŋa ŋawililaŋ. 45 00:08:29,080 --> 00:08:44,820 Biŋ ta kunuŋ Pailot keleketau, ŋalabolaŋ ŋgu agugu i taŋ ŋgu Yisu gawiŋ i. Gu danaŋ ŋa akitaleŋ lau lawiŋ ŋa ŋiŋ tambu gabo ma kisi ae ŋgu, “Yisu gawiŋ mbai, ma mba?” 46 00:08:44,820 --> 00:08:53,680 Akitapisa ŋgu Yisu gawiŋ mbai, de gulusa ndi Josep ŋgu ga Yisu ŋa ŋawililaŋ sa ŋa yambu. 47 00:08:53,680 --> 00:09:15,720 Josep giga kau anda nuwaŋ aneŋ akubuliŋ muŋ i, di sigi ma giga Yisu i geŋ asotaŋ, ma goŋ ae boŋ ŋa kau ta. Ma aiga ae sa sigi ma kiki ae geŋ taluŋ zuŋwaoŋ aneŋ lakete muŋa i geŋ lae ŋalaloŋ. Ma akiyabi lae nuwaŋ gi noŋ zuŋwaoŋ ŋawaloŋ ta boŋ. 48 00:09:15,720 --> 00:09:27,780 Maria Magadala ŋa wa Joses ŋanawa Maria sugu Josep kiki Yisu ŋa ŋawililaŋ geŋ lae wawaŋ danaŋ. 49 00:09:27,780 --> 00:09:39,760 Bi Sabat ŋa mbo ndei gi, ma Maria Magadala ŋa wa Jems ŋa nawa Maria, ma Salome subuliŋ gele ŋambalu ŋgu siki pi Yisu ŋa ŋawililaŋ. 50 00:09:39,760 --> 00:09:51,340 Ndi wake ŋa bi ŋamataŋ ŋa danaŋ siminaŋ ndi kakanundiŋ ŋgu sindi taluŋ zuŋwaoŋ lae wawaŋ ŋa siŋa. Ya pi mbo i ma sasiminaŋ sumoaŋ dalawaŋ, 51 00:09:51,340 --> 00:09:58,100 ma sisi ataŋ, “Sae wa ŋgi kala sa ŋgu yabi lae aneŋ geŋ zuŋwaoŋ ŋawaloŋ, ndei ŋa?” 52 00:09:58,100 --> 00:10:04,880 Tiyaŋoŋ si ŋaoŋ sa, ma sugu ŋgu lae gabo ta aneŋ geŋ siyu ŋawaloŋ geŋ gumbau taŋ. 53 00:10:04,880 --> 00:10:16,080 Dadanaŋ de soto taluŋ zuŋwaoŋ ŋalaloŋ si. Sugu tambu wauŋ nuwaŋ di kikalaŋ kwi susuwi baliŋ, ma gonoŋ maŋgeŋ aŋoŋ ŋa, de seleketau aŋoŋ. 54 00:10:16,080 --> 00:10:31,400 Ma tambu ta guŋguŋ, “Meleketau taŋ. Mamiŋziliŋ Yisu Nasaret ŋa, aneŋ sili ae u pi asotaŋ gi. Ageŋ deneŋ taŋ, akimazisa i mbai. Mamugu taluŋ aneŋ siki ageŋ, di ŋaeŋ. 55 00:10:31,400 --> 00:10:44,220 Di miŋa ma muŋguŋ ndi aŋa ŋaseŋomi ma ndi Pita ŋgu ae wamuŋ mbiya ndi Galili ŋa. Mbiya wa mugu ae ŋeŋ diniŋ, gindiŋ biŋ aneŋ aguŋguŋ ndi mbiya muŋ i.”