1
00:00:05,000 --> 00:00:25,600
Kiye iki ti awu te ba som te atso, awu ri te ba baa, “Ni nwunn-ni Urushelima be, se ani a tu pu ni rinyangwae ti Itse-m Rimam yer unju te ni baa, awu na ku ba, rinyangwae wu ti ame ri te ni ti kucang baa,

2
00:00:25,600 --> 00:00:35,420
Yohana nde na ande batisma te ambyi, amaa, isim usir kpang a u nde na ni batisma te Kusung ti Saen Kyag.”

3
00:00:35,420 --> 00:00:55,540
Ikyaen na yine, kiye iki ti aba funn, aba rang wu baa, “Itsekuru-ti, usom ti som na ukwe ti ati Isirela som ti kucang, tine afu u sa kafe na ati ti atang a?”

4
00:00:55,540 --> 00:01:08,620
Yesu ri te ba baa, “Rimam ku nde wande-wu ti ajwo-wu. I si-yi ira-ni ti ni u nungye usir wu ti kiye wu ti Rimam sa tsi na wande-wu be.

5
00:01:08,620 --> 00:01:25,600
Ana-ni ta ri. Ani u tu kuko kiye ti Kusung ti Saen Kyag na Rimam a si ba pu wu risu-ni. Ani u ri ira risu-m te ande uwae uka ti Urushelima, ti uten ti Yawudiya, ti uten ti Samariya, ka ti ricwunnkyi utense meme.”

6
00:01:25,600 --> 00:01:46,340
Ti awu ri mam ira yine, Rimam ye ra wu tso yi apupwen uwe-ba. Awu fxen ira ti tso ru ka sang yae yi uwae abyi. Abyi takyi wu. A nung-ba wu cwucwo be.

7
00:01:46,340 --> 00:02:03,240
Ti aba tsi ku sae ayib apupwen ku nung wu ti awu ku tso, ti aba u nunung, ande ifaen iki ba tsi te ba atang. Atupwa-ba tsen porr.

8
00:02:03,240 --> 00:02:23,220
A rang ande na Yesu baa, “Ani ande ti Galili, imi ti nde ani ku sae ayib tso yi apupwen? Yesu wune ti a ye ra wu uwog-ni ku tso pangma ti ani ku sae wu ku tso ne, ayi si ahan ama ti awu u ka kafe si ba cwucwo.”