1
00:00:05,000 --> 00:00:29,520
Isim ti a myae mam pu ba baa, ati na u sang kuyae na ru uten ti Itali, a pu Bulus ti ariki ti ta pursuna ama fae si kujwo Juliyo, unde ti uwe kumbub akyirten iki ti a ku kunn baa, Kumbub na Ukwe.

2
00:00:29,520 --> 00:00:55,660
Ati sang kuyae iki ti ru Adar-Mitiyum ba. Ande ti kuyae wune tsi ku ji ti a nwunn u putswa unju uyinn iyen kyaeb uten Asiya. Aristarku, urae Makedoniya ti ru Tesalonika ba, te ti putsa atso.

3
00:00:55,660 --> 00:01:21,080
Ucwefam-yi ati ru ba sang Sidon. Uwog wune Bulus tu risu ti tinyang uwe Juliyo. Juliyo nda wu riyae ti wu na ru ka nung arwan-wu ti ta uwae uka atang ti a na nungkyi wu.

4
00:01:21,080 --> 00:01:46,940
Ati nwunn atang u fxen ira ti ru. Ama ti ati ba ku ye uten Kuburus, ti uyinn pakob wu fa uwae, ufunn ku kae kuyae kafe ti isim. Ikyaen yine ati putsa iyen kyaeb Kuburus uwog ti ufunn ku kae-wu atang ti ribom be.

5
00:01:46,940 --> 00:02:04,260
Ati putsa uyinn ti ta fer te ikyaeb uten ti Kilikiya ti uten Pamfiliya ba sang umbae uka Mira ti ta uwae ikyaeb uten ti Likiya.

6
00:02:04,260 --> 00:02:17,860
Uwog wune Juliyo nung kuyae iki ti ru Alezandariya ba ku ru Itali. Ikyaen yine awu ye pu ti sang atang.

7
00:02:17,860 --> 00:03:05,980
Ufunn kae ti sku sku ku ru fob usir yang akwen. Ande ti ku ter kuyae ngwa rikaen yang-yi akwen, ama ati sa sa ba sang fer umbae uka ti Kinidu. Ati ndenum u ka tu-ti uwe be. Ikyaen yine a ya ta ti kuyae ru iyen kyaeb uten ti Kirete uwog ti ufunn ku kae-wu atang ti ribom be, u ba yafe uten Salamone ti ta iyen kyaeb uten ti Kirete.

8
00:03:05,980 --> 00:03:30,100
Ati putsa unju uyinn ti fer ti uten ti Kirete. Ti uwae rikaen yine ati sa sa sa u ba sang uwog iki ti a ku kunn wu baa Ukunn ti Jimshwur, awu ti fifer te umbae uka ti Lasaya.

9
00:03:30,100 --> 00:03:49,340
Ati ndembeb pu ti pu usir yang-yi fengo. Usir Ukwab Itiyafe wur ru mam pu wu. Itiru-ti uwe ike u cicaeb, ama Bulus myae kumyae te ba,

10
00:03:49,340 --> 00:04:11,580
u ri baa, “Ande-m! Ame nung pu m baa, itiru-ti uwe ike, ira titibi u tu ti, ama usu-ti ti kuyae-ti ka u ndembeb, ande ama u cwu.”

11
00:04:11,580 --> 00:04:28,420
Amaa Juliyo, unde ti uwe akyirten, fxen ira na unde ti kuyae wu, ti unde ti uwe ande ti ku ter kuyae wu, skeb pu wu ira na Bulus.

12
00:04:28,420 --> 00:05:09,100
Ukunn uwog wu nyang-yi ti a som ishaen usen be. Ikyaen yine, ande yang-ba uwae kuyae ri baa, i na nyang skeb ti a na nwunn atang u jwo putsa uyinn ru, ti a na kwab ba sang uten Fwenis asiti aba a na u nde tu. Fwenis si uka iki uwae uten Kirete uwog ti ayae ku ba kyaetsi atang ti ufunn ku kae-wu atang ti ribom be.

13
00:05:09,100 --> 00:05:42,820
Ti ufunn ti kae ru uwe ti kujwo rici ba ku kae sku sku, ande ti kuyae tang baa, itimyae-ba na ci pu yi. Ikyaen yine a shir ra aser yi ti ku nda kuyae tsi, u ye yi sang yi uwae kuyae u jwo sku sku putsa unju uyinn ti Kirete ku ru.

14
00:05:42,820 --> 00:05:58,100
Amaa, isim kiye kpang, ufunn iki ti ribom kae ruye kujwo kiskinn ba ru kujwo rici ku sisi. A ku kunn ufunn-wu baa Yurakulon.

15
00:05:58,100 --> 00:06:21,820
Ufunn wune ba rug kuyae wu ti ribom. Ati kwab num ti ti sa uwe kuyae tsi ru kwar ti uwog ti ufunn kae ru atang ku ba. Ikyaen yine ati ya wu ta, ufunn kae wu putsa ku ru.

16
00:06:21,820 --> 00:06:51,740
Ati wur yafe umbae uten iki ti ta kutampwa uyinn tiyang ti a ku kunn wu baa, Kawuda. Uwog wune ufunn ku kae-wu ti ribom be. Ikyaen yine, ati kwab u shir kupam ti a kya isim ba fer kuyae.

17
00:06:51,740 --> 00:07:41,940
Isim yine ati shir kupam wune tso ba sang uwae kuyae tiyang. Isim yine, a pu iji u yir bom rimenn kuyae ting ting. A ku kyen ikyenricwu baa, iki be ufunn u tur kuyae ka u nji kyi uwae isabung ti ta ukunn ti uten ti Sirtis. Ikyaen na yine, a shir kutupwa ti ta risu kuyae ko si ba u ya ta ti ufunn na kae kuyae ku ru.

18
00:07:41,940 --> 00:07:56,660
Ufunn ti ribom wu tsi kukunn ti ti kae. Ucwefam-yi ande ti ku ter kuyae fxen ira ti ti pu isu ti ta uwae kuyae jwunn si uwae ambyi.

19
00:07:56,660 --> 00:08:04,480
Usir ti fa ti ita, aba ti risu-ba pu usu kuyae wu iki ti si ikum ti iji jwunn si uwae ambyi.

20
00:08:04,480 --> 00:08:27,560
Fob usir yang-yi akwen kufub si kyi, ati nung-ti ti ayib usir ko atitaen be. Ufunn wu ama tsi kunn ti ti kae ti ribom. Ricwunnkyi-yi ati sa ruye pu ti utob-ti baa, ati na u nwangru-ti cwucwo be.

21
00:08:27,560 --> 00:08:59,900
Ti aba som usir yang-yi akwen u ci-ba wuci be, Bulus nwunn u tsi uwe ande ti kuyae u ri te ba baa, “Itaen ande, a baa, ani na fxen ira unju-m, ati ú som pu ti ti Kirete akwen, ama rikaen yi ti tu ti ne ú tu-yi ati cwucwo be. Usu ama ú yag byinn-yi be.

22
00:08:59,900 --> 00:09:12,060
Amaa tine, ame ku jwam ni, ni yer-ni anying utob be! Uwae-ti ike unde iki u cwu-wu be, se kuyae amam ti u ndembeb.

23
00:09:12,060 --> 00:09:20,260
Utitang ire Rimam ti si itsekuru-m ti ame ku fen, tom atom-wu ru ba uwog-m.

24
00:09:20,260 --> 00:09:35,640
Awu ri te m baa, ‘Bulus, kyen-fu ikyenricwu be. Afu ka u tsi kang uwe Kaisar. Ikyaen-fu, Rimam u nwangru ande ti ta te fu uwae kuyae wune.’

25
00:09:35,640 --> 00:09:54,140
Ikyaen na yine, ande m, ni yer-ni anying utob be! Ame ku ru kubenti uwog Rimam baa, iken yine na u nde pangma ti awu ri te m.

26
00:09:54,140 --> 00:10:04,740
Amaa, ufunn u sa kuyae ka u nji kyi ukunn imbae uten iki ti nae fa uwae uyinn.”

27
00:10:04,740 --> 00:10:29,000
Ufunn ti ribom wune tsi kunn ti ti kae fob usir rijwe asu inje uwae uyinn tiyang. Ti ukatitang utitang na usir ti fa ti rijwe asu inje ande ti ku ter kuyae tang baa, ati na ba ku fer ku pu ti akaense.

28
00:10:29,000 --> 00:10:46,820
Ikyaen yine a myae rurong ambyi si afxen mae itsongnjo. A ko ru kpang, u myae kyi, rurong-wu si afxen mae inje mbe rijwe.

29
00:10:46,820 --> 00:11:22,940
A ku kyen ikyenricwu baa, kuyae wu na ka u rug kutxom. Ikyaen yine a pu aser inje ti rurob ti ku nda kuyae kyaetsi u pu yi jwunnsi uwae ambyi isim kuyae. Isim yine aba jwam Rimam ti wu na nwangru ba u sa ba ba sang ucwefam kiskinn.

30
00:11:22,940 --> 00:11:49,020
Uwog wune, itaen ti ku ter kuyae ku sha ti a tam ru, ti a nwangru risu-ba. A ko kupam ko si yi uwae ambyi ku nde pangma a na u pu aser ti rurob iki si uwae ambyi uwe kuyae.

31
00:11:49,020 --> 00:12:04,660
Mbara Bulus ri te akyirten ti unde ti uwe-ba Juliyo baa, “Asiti ande ti ku ter kuyae bane a som-ba ti uwae kuyae be, ani u nwangru-ni be!”

32
00:12:04,660 --> 00:12:14,700
Ikyaen yine akyirten ba yer tag iji yi ti ye su kupam wu u ya wu ta.

33
00:12:14,700 --> 00:12:37,100
Ti ucwefam ku yae, Bulus jwam ba meme baa, aba na ci wuci. Awu ri baa, “Yaka ne usir ti rijwe asu inje ti ani som uwae ikyenricwu u ci-ni iken iki be. Meme kiye wune rimenn ku wen ni.

34
00:12:37,100 --> 00:12:49,740
Ame ku jwam ni tine, ni ci wuci. Ayi u nda ni ribom rimenn. Ko ikyinn risu kinjo na unde iki uwae-ni u sub tika-wu be.”

35
00:12:49,740 --> 00:13:01,380
Isim ti Bulus ri ira yine, awu ye ra buredi u nde fxaefa na Rimam uwe-ba meme u nyang ta wu u fxen ira ti ci.

36
00:13:01,380 --> 00:13:06,060
Ijwe-ba si fa. Meme-ba ama ci wuci.

37
00:13:06,060 --> 00:13:20,020
Meme-ti ande ti ta uwae kuyae atang fob ande ukob ifaen ti mae ande ita ka mbe rijwe asu itsongnjo.

38
00:13:20,020 --> 00:13:33,300
Isim ti meme-ba ci kyaen pu ba wuci, a pu ayaen witi ti ta uwae kuyae wu yaen mbub uwae uyinn ikyaen ti a na ko si rurob na kuyae.

39
00:13:33,300 --> 00:14:07,260
Ti ucwefam yae, ande ti ku ter kuyae nung-ba rinyi uwog ati ta atang be. Amaa a nung uwog iki ti ambyi ru ka rug ku ru atang. Kiye ti a nung isabung nae atang, a kwab baa, asiti a u nde tu, a na u kwab kuyae ru yi atang.

40
00:14:07,260 --> 00:14:36,020
A yer tag aser ti ku nda kuyae tsi tika u skog uji kufxae ti a ku ter kuyae atang u shir kutupwa ti ta risu kuyae nwunn ritsen ikyaen ti ufunn na kae kuyae na ru yi ukunn uyinn ti a na ka u kya tsi atang.

41
00:14:36,020 --> 00:15:11,780
Amaa a fob-ba atang be. Ufunn shir kuyae ter ba tso tsa kumunn isabung iki ti ta rita ambyi u ka rug atang. Rimenn kuyae wu ti uwe nji bom u ku kyi-wu kyi ijwe be, ama ufunn paen ambyi nwunn ti ribom u ba mbub rimenn kuyae ti isim patag.

42
00:15:11,780 --> 00:15:28,780
Akyirten ba myae ti a u wen ande ti pursuna ti ta uwae kuyae atang, ikyaen ti, a ku sha-ba ti a na u pù umunn na ru yi akaense u ka tam ru fe be.

43
00:15:28,780 --> 00:15:56,340
Amaa Juliyo unde ti uwe-ba ku sha ti wu na nwangru Bulus uwae iticwu, ikyaen yine awu cwe na-wu aba be. Awu ri te ande baa, ande ti ku pù tu umunn ā mbyae si uwae ambyi ti tawe ti a na pù umunn ru akaense.

44
00:15:56,340 --> 00:16:18,100
Ande ti tsitsi ama na ā putsa ba, u pu ajwo ye apam ko ambumbub kuyae. Ayine si fengo wu ti meme-ti nwangru, u ba fob akaense meme.

45
00:16:18,100 --> 00:16:33,480
Isim ti ati kwab ba sang akaense meme, iken iki ama nde-yi unde iki uwae-ti be, ati ba nungye baa, uwog ti ati na ta atang a ku kunn wu baa Malta.

46
00:16:33,480 --> 00:17:04,080
Ande ti uten atang kyang te ti ti utob kinjo si-yi ti ti ri be. Upwen ku tswa, rijwen ku kwer ti, ikyaen yine a jwu urwa cwe u yae ti meme ti ti na ba wē urwa.

47
00:17:04,080 --> 00:17:19,800
Bulus ru ka sha ituku urwa ku ba. Ti awu byir yi munn kujwo ti wu pu yi sang uwae urwa, ikentibi ruye uwae-yi ikyaen ayam urwa ti byag wu. Awu ba pyer Bulus ti kujwo.

48
00:17:19,800 --> 00:17:37,960
Ande ba ti uten atang nung ikentibi wu kyin si kujwo Bulus, a ku ri ira te atso baa, “Unde wune si kang unde ti ku wen ande. Ko ti awu nwangru uwae uyinn amaa iticwu putsa wu tsa se.”

49
00:17:37,960 --> 00:17:46,120
Amaa Bulus fwer ra ikentibi wu jwunnsi urwa. Kikin nde-yi awu be.

50
00:17:46,120 --> 00:18:10,000
Ande ba som ku ji ku tang baa, kujwo-wu na u mbumbwe ko awu na u tsi-wu tsi be na u jwunnsi u cwu. Amaa, ricwunnkyi ti a som som u nung iken iki nde-yi awu be, aba kafe unju baa, awu na si apxin ti tatso risu-wu yi rimenn unde.

51
00:18:10,000 --> 00:18:26,200
Ukwe ti uten atang, ti rinyi-wu si Popilo, site risaen-wu fifer ti atang. Awu kyangte ti ti utob kinjo. Ati som kununn-wu ka usir ita.

52
00:18:26,200 --> 00:18:51,480
Kiye yi ti ati ta atang, itse ukwe wu nae kicaeb. Kicaeb yi si ijwe ti byag ti anying ti awu ku nja. Bulus sang ka kusog ti nae-wu u jwam Rimam u pu ajwo cwu tsa wu, u jim kicaeb-wu.

53
00:18:51,480 --> 00:19:02,200
Isim ti iken yine nde, meme ande ti kicaeb ti ta uten atang ru ba uwog Bulus, ama, kicaeb-ba ya ba ta.

54
00:19:02,200 --> 00:19:19,420
A pu iken yang-yi nyang uwae na ti. Isim ishaen ita, kiye ti ati sang kuyae u nwunn atang, a pu na ti iken ti u ndeya ti uwae ikyin-ti.