1
00:00:05,000 --> 00:00:18,560
Isim ti Yesu jwam mam pu wu Rimam, awu ti ande ti putsa wu nwunn uwog wu u yen ukab ti Kediron. Aba ru ka sang uwae rukong iki ti ta uwog wu.

2
00:00:18,560 --> 00:00:30,600
Yawuda, unde ti u ye Yesu jabci, nung pu wu uwog wu ikyaen ti, Yesu ti ande ti ku putsa wu ku ru ba kob uwog wune.

3
00:00:30,600 --> 00:00:56,880
Ti uwe-yi, Yawuda ru ka uwog ande ti kumbub Farisi, ti ande ti uwe akwen Rimam tiyang u ru ka jwam akyirten yang-ba akwen ti dogari iki uwog-ba u pu ba ru ka uwae rukong atang ama. Aba ye su isu rika ti kucwen urwa atang, ti urwa fitila.

4
00:00:56,880 --> 00:01:13,680
Yesu nung tag pu wu iken ti a u nde te wu meme. Ikyaen yine, kiye ti aba Yawuda ru ba fob uwae rukong atang awu ruye u ru ka tu ba u rang ba baa, “Ani ku sha aye wu?”

5
00:01:13,680 --> 00:01:30,480
Aba ri te wu baa, “Ati ku sha Yesu unde ti Nazareti.” Awu cwe baa, “Ame ti si awu.” Awu Yawuda ti ye wu jabci tsi te ande ba atang.

6
00:01:30,480 --> 00:01:40,880
Kiye ti Yesu ri te ba baa, “Unde wu si ame,” ayib fe ba, aba ru ti isim ti isim u ru ka si ipu.

7
00:01:40,880 --> 00:01:53,280
Yesu rang kyi ba cwucwo baa, “Ani ku sha aye wu?” Aba ri te wu baa, “Ati ku sha Yesu unde ti Nazareti.”

8
00:01:53,280 --> 00:02:07,080
Yesu ri te ba baa, “Ame ri te pu m ani baa, ame ti si unde wu. Ayi a si ame ti ani ku sha, ni ya ta ti ande-m bane ā ru-ba iken-ba.”

9
00:02:07,080 --> 00:02:22,720
Awu ri ira yine ikyaen ti, ti kucang-yi awu ri te Itse-wu Rimam baa, ko kinjo uwae ande ti awu na pu na wu na yag ta-wu be. Ira-wu yine u kumunn kang.

10
00:02:22,720 --> 00:02:44,360
Uwog wune, Siman Bitrus nwaen ra kisim rika-wu u kwab ti u pyera upyi na kukwen Rimam tiyang, ama awu pye ra nyáng kutong-wu ti kujwo rici ru amam. Rinyi na upyi wu si Malikus.

11
00:02:44,360 --> 00:03:00,720
Yesu ri te Bitrus baa, “Sa kisim rika-fu kafe si ti uwae imbxa-wu. Ame u ngwa-m kitu rikaen ti Itse-m nda m be a.”

12
00:03:00,720 --> 00:03:08,700
Akyirten bane ti unde ti uwe-ba ru ba ye Yesu tiri, u cwong wu ajwo.

13
00:03:08,700 --> 00:03:25,860
Aba tawe pu wu ru yi uwog unde ti uwe-ba, Anas. Awu si uyeb na Kayafas ti si unde ti uwe na akwen Rimam uwae kusang wu.

14
00:03:25,860 --> 00:03:39,240
Awu Kayafas ti si unde wu ti ri te ande ndufu Mbayawuda ti kucang baa, ayi na nyang skeb ti unde kinjo na cwu ricwu ikyaen ande meme.