1
00:00:05,000 --> 00:00:09,380
Isim yine, Bilatus nda ba byinn Yesu kimbab.

2
00:00:09,380 --> 00:00:26,500
Akyirten ba ama sa ikajwo u cwin yi cwin pangma kubur ukwe u sa bur Yesu risu. Aba pu kutupwa iki ti tibyaen pangma ana ukwe sī wu

3
00:00:26,500 --> 00:00:48,140
ama u ba ku kunnji wu ira baa, “Unyang-fu ā kora ru yi uwe, Ukwe Mbayawuda!” Ama aba byinn wu kujwo uwe.

4
00:00:48,140 --> 00:01:03,860
Cwucwo Bilatus kafe ruye u ka tu ande ba ti funn atang u ri te ba baa, “Ni nung, ame u sa wu ruye na ni ti ni nung baa, ame na tu-m awu te riraen iki be.”

5
00:01:03,860 --> 00:01:20,380
Tiri Yesu ruye ise ti kubur ikajwo wune risu-wu, ti kutupwa ti tibyaen wune rimenn-wu. Ama Bilatus ri te ba baa, “Ni nung unde-ni awu ta ri!”

6
00:01:20,380 --> 00:01:55,660
Kiye ti akwen Rimam tiyang ti dogari ba nungye wu, aba tso ukunn baa, “Ni kwer wu! Ni kwer wu!” Ama Bilatus ri te ba baa, “Ni pu wu ka kwer-ni te ajwo-ni, ikyaen ti, ame tu-m awu te riraen iki be.”

7
00:01:55,660 --> 00:02:09,180
Mbayawuda aba ri te wu baa, “A bae uwae Icwe-ti baa, itso unde wune na cwu kang, ikyaen ti, awu ku ri baa, awu na si Umbae Rimam.”

8
00:02:09,180 --> 00:02:14,580
Kiye ti Bilatus fxen ira yine, ikyenricwu ye wu skeb ti kucang.

9
00:02:14,580 --> 00:02:25,860
Awu kafe sang ti yi kusog ukwe-wu u ru ka rang Yesu baa, “Afu ru aka ba?” Yesu mbub-wu unju be.

10
00:02:25,860 --> 00:02:46,740
Bilatus rang wu baa, “Afu u ri-fu ira te m be a. Afu nung-fu ti ame site kpakang ti m u saen fu ta, u site kpakang ti m u kwer wen fu be a.”

11
00:02:46,740 --> 00:03:04,000
Yesu ri te wu baa, “Rimam ti nda fu kpakang wune. A baa, ayi na si-yi ahan be, afu ú site-fu ti kpakang iki risu-m be. Ikyaen yine, ikentitibi na unde ti ye me ba sang kujwo-fu beb skeb ana-fu.”

12
00:03:04,000 --> 00:03:29,700
Tsi kiye wu ru uwe, Bilatus kwab kang baa, awu na u saen Yesu ta, amaa Mbayawuda aba tsi kunn ti ku nyae ira baa, “Asiti afu a saen unde wune ta ayi ku tso baa, afu si-fu urwan Ukwe Roma be. Unde ti a ri baa, awu na si ukwe, awu tsi ukub te Ukwe ti Roma.”

13
00:03:29,700 --> 00:03:50,180
Kiye ti Bilatus fxen fe ira yine, awu pu Yesu ruye yi ise u ru ka som ti uwog ti a ku yer rikwen atang. A ku kunn rinyi uwog-wu baa, Rishen Siminti. Mbaibrane ku kunn uwog wu ti unju-ba baa, Gabata.

14
00:03:50,180 --> 00:04:04,700
Usir ti iken yine nde si riben usir tiyang na ukwab-ba ayi. Usir ta kitaen pampam. Ama Bilatus ri te ande ba baa, “Ukwe-ni awu ta ri.”

15
00:04:04,700 --> 00:04:32,660
Aba nghae ira baa, “Ni ye wu ru! Ni wen wu! Ni ye wu ru ka kwer kutuku ti cice!” Bilatus rang ba baa, “Ame u ye ukwe-ni ru ka kwer ané?” Ande ti uwe na akwen Rimam ri te wu baa, “Ati site-ti ukwe iki fa Ukwe Roma ifaen be.”

16
00:04:32,660 --> 00:04:42,200
Tiri, Bilatus sa Yesu na ba kujwo ti a na ye wu ru ka kwer. Ama aba akyirten ye wu ru,