1
00:00:05,000 --> 00:00:32,160
Ureb usir ti tawe wu, ande ti putsa Yesu aba byir risu-ba ti uwog kinjo u cwunn kyi ufu kusog kyi ikyaen ti, aba ku kyen ikyenricwu ande ndufu Mbayawuda. Aba na u nunung, Yesu ru ba tsi kutampwa-ba u kunnji ba ira baa, “Kujimshwur ā te ni som tetso!”

2
00:00:32,160 --> 00:00:45,220
Isim ti awu ri mam ira yine, awu tatso ba ajwo-wu ti ishi-wu. Ti aba nung Itsekuru-ba atang, aba tsen utob si-yi ti ti ri be.

3
00:00:45,220 --> 00:01:00,200
Ama awu ri te kyi ba cwucwo baa, “Kujimshwur ā te ni som tetso.” Ama awu ri baa, “Ame tom ni ku ru pangma ti Itse-m tom me sang ba utense wune.”

4
00:01:00,200 --> 00:01:08,820
Awu ri ira yine u nyang unyang si ba risu u ri te ba baa, “Ni mbe Kusung Rimam.

5
00:01:08,820 --> 00:01:18,860
Asiti ani a yata na ande ikentitibi-ba, Rimam ama yata na pu wu aba. Asiti ani a yata na-ni aba be, Rimam yata na-wu aba be ama.”

6
00:01:18,860 --> 00:01:27,980
Toma, ti a ku kunn wu baa, Umbae íshe, kinjo uwae atugbug Yesu rijwe asu ifaen, ta-wu uwae-ba kiye ti Yesu ba be.

7
00:01:27,980 --> 00:01:59,520
Ikyaen yine aba ri te wu baa, “Ati nung pu ti Itsekuru ti ayib!” Toma ri te ba baa, “Se iken ti ame a sae pu m nyiyinn ribang ana kusa ajwo-wu u sa kujwo-m tekunn uwog wu, u sa kujwo tekunn kyi ribang ishi-wu titawe ame u ru uwae kinjo.”

8
00:01:59,520 --> 00:02:24,060
Isim usir itsongta ande na Yesu som kyi ti uwae kusog atang cwucwo u cwunn kyi ufu kusog kyi. Toma ta te ba atang ama. Ufu kusog cwucwunn, amaa Yesu kpug fa ba atang cwucwo u ru ba tsi kutampwa ba u kunnji ba ira baa, “Kujimshwur ā te ni som tetso.”

9
00:02:24,060 --> 00:02:38,440
Ama awu ri te Toma baa, “Sa kujwo tekunn ajwo-m ike ti sae yi. Ndab ta kujwo-fu ti tekunn ishi-m ike. Ya uwae ti kab-fu ta ti ru kubenti!”

10
00:02:38,440 --> 00:02:44,800
Toma ri te wu baa, “Afu si Itsekuru-m! Afu si Rimam-m!”

11
00:02:44,800 --> 00:02:58,420
Yesu ri te wu baa, “Tine afu ru uwae kinjo ikyaen ti afu nung me a? Titinyang ā si ana ande ti ru uwae kinjo ko ti aba nung-ba ame be!”

12
00:02:58,420 --> 00:03:07,660
Yesu nde wande ti ku fur ayib ko timambe ayib ande ti putsa-wu ti a bae-ba ayi uwae kutsingken wune be.

13
00:03:07,660 --> 00:03:26,220
Amaa iken ti a bae tsi ne, a bae yi ikyaen ti ni na ru uwae kinjo baa, Yesu na si Unde ti Rimam Tsab Tsi, ama na si Umbae Rimam, ikyaen ti ni na ru uwae kinjo yi rinyi-wu, u tu unyang.