1
00:00:05,000 --> 00:00:13,100
Te̱ kii̱ꞌ xkaꞌndíá Jesús kuaꞌa̱n a̱ ndii, ni̱ xi̱ni̱ a̱ i̱i̱n te̱ kuiꞌe ndu̱chiꞌ nuu̱ꞌ, te̱ xa̱ sa̱kanꞌ kaaꞌ nde̱e̱ ni̱ tuvi̱ ra̱.

2
00:00:13,100 --> 00:00:26,560
Te̱ ni̱ nda̱tuꞌu̱nꞌ ña̱ꞌaꞌ te̱ nda̱ꞌaꞌ xaꞌa̱ꞌ a̱ ndii: ―Rabí, ¿yo̱o̱ ni̱ xa̱a̱ kua̱chi̱ na kuiꞌe ndu̱chiꞌ nuu̱ꞌ te̱ kaa̱ꞌ ni̱ tuvi̱ ra̱? ¿Ñáá mi̱iꞌ ra̱, uun ñáá yu̱vaꞌ si̱ꞌiꞌ ra̱? ―ni̱ kachi̱ ra̱.

3
00:00:26,560 --> 00:00:39,710
Te̱ ni̱ na̱kui̱i̱n Jesús nuu̱ꞌ ra̱ ndii: ―Ni̱ nde̱e̱ te̱ kaa̱ꞌ nï̱ xa̱a̱ kua̱chi̱, te̱ ni̱ nde̱e̱ yu̱vaꞌ si̱ꞌiꞌ ra̱ nï̱ xa̱a̱ kua̱chi̱ na kaaꞌ ra̱ sa̱kanꞌ. Süu̱ꞌ ja̱a̱nꞌ ndii sa̱kanꞌ kaaꞌ ra̱ te̱ niaꞌa̱ Ndiosí chu̱u̱n kaꞌnuꞌ a̱ kivi̱ꞌ ñu̱u̱ ra̱ sa̱a̱ i̱.

4
00:00:39,710 --> 00:00:49,800
Kuní a̱ sa̱a̱ i̱ chu̱u̱n ña̱ ni̱ sa̱kuisoꞌ chuunꞌ ña̱ ni̱ ti̱a̱nu̱ꞌ yuꞌu̱ sa̱a̱ i̱ ña̱ kuní ka̱ kua̱a̱ꞌ. Sa̱kanꞌ ña̱ kii̱ꞌ ku̱ñu̱u ndii, kö̱o̱ꞌ ku̱vi̱ sa̱chuunꞌ ka̱.

5
00:00:49,800 --> 00:00:56,710
Vi̱ti̱n ña̱ yoo i̱ i̱i̱n yivi̱ꞌ yoꞌoꞌ ndii, nduuꞌ i̱ ñuꞌu̱ ña̱ niaꞌá sa̱a̱ kuuꞌ Ndiosí ―ni̱ kachi̱ a̱.

6
00:00:56,710 --> 00:01:04,380
Te̱ kii̱ꞌ ndi̱ꞌi̱ ni̱ kaꞌa̱n a̱ ña̱ ja̱a̱nꞌ ndii, ni̱ ko̱ndi̱a̱ tiasi̱ꞌi a̱ ñu̱ꞌuꞌ, te̱ ni̱ xa̱ꞌa̱ a̱ ndeꞌi̱, te̱ ni̱ sa̱ka̱ꞌ ña̱ꞌaꞌ a̱ ndu̱chiꞌ nuu̱ꞌ te̱ kuiꞌe nuu̱ꞌ ja̱a̱nꞌ.

7
00:01:04,380 --> 00:01:22,960
Te̱ ni̱ kaꞌa̱n a̱ xiinꞌ ra̱ ndii: ―Kuaꞌan, te̱ na̱ti̱a̱ u̱nꞌ nuu̱ꞌ u̱nꞌ pila ña̱ naniꞌ Siloé ―ni̱ kachi̱ a̱ xiinꞌ ra̱. (Te̱ Siloé ja̱a̱nꞌ kuni kachi̱ a̱ ti̱kui te̱ ni̱ na̱chi̱kanu̱ꞌ.) Sa̱kanꞌ te̱ ni̱ ke̱ta̱ ra̱ kuaꞌa̱n ra̱, te̱ ni̱ na̱ti̱a̱ ra̱ nuu̱ꞌ ra̱, te̱ kii̱ꞌ ni̱ na̱ndi̱koꞌ ra̱ vi̱ꞌe̱ ra̱ ndii, xa̱ ku̱vi̱ xtoꞌniꞌ ra̱.

8
00:01:22,960 --> 00:01:37,370
Sa̱kanꞌ te̱ ne̱ ndieeꞌ ya̱ti̱n vi̱ꞌe̱ ra̱ xiinꞌ i̱nga̱ ne̱ xiní ña̱ te̱ kuiꞌe nuu̱ꞌ ni̱ nduu̱ ra̱ ndii, ni̱ kaꞌa̱n xiinꞌ taꞌanꞌ ni̱a̱ ndii: ―¿Te̱ kaa̱ꞌ nduuꞌ te̱ xi nduꞌu̱ꞌ xikán xu̱ꞌunꞌ yiꞌeꞌ yu̱kunꞌ nu̱ꞌ? ―ni̱ kachi̱ ni̱a̱.

9
00:01:37,370 --> 00:01:53,650
Sa̱va̱ ni̱a̱ kaꞌán ndii: ―Su̱vi̱ ra̱. Te̱ sa̱va̱ tu̱ku̱ ni̱a̱ kaꞌán ndii: ―Sü̱vi̱ ra̱, tee̱ꞌ ndee naa kaaꞌ te̱ ja̱a̱nꞌ kaaꞌ ra̱ ―ni̱ kachi̱ ni̱a̱. Te̱ ni̱ kaꞌa̱n mi̱iꞌ te̱ ja̱a̱nꞌ xiinꞌ ni̱a̱ ndii: ―Yuꞌu̱ nduuꞌ i̱ ―ni̱ kachi̱ ra̱.

10
00:01:53,650 --> 00:02:00,920
Sa̱kanꞌ na kuiiꞌ ni̱ nda̱tuꞌu̱nꞌ ña̱ꞌaꞌ ni̱a̱ ndii: ―¿Sa̱a̱ ni̱ xa̱a̱ a̱, te̱ ni̱ nuni̱a̱ꞌ ndu̱chiꞌ nuu̱ꞌ u̱nꞌ? ―ni̱ kachi̱ ni̱a̱ xiinꞌ ra̱.

11
00:02:00,920 --> 00:02:19,820
Te̱ ni̱ na̱kui̱i̱n ra̱ ndii: ―Te̱ yivi̱ꞌ, te̱ na̱niꞌ Jesús, ni̱ xa̱ꞌa̱ ndeꞌi̱, te̱ ni̱ sa̱ka̱ꞌ ra̱ a̱ ndu̱chiꞌ nuu̱ꞌ i̱, te̱ ni̱ kaꞌa̱n ra̱ xiinꞌ i̱ ndii: “Kuaꞌan, te̱ na̱ti̱a̱ u̱nꞌ nuu̱ꞌ u̱nꞌ pila Siloé”, ni̱ kachi̱ ra̱. Sa̱kanꞌ te̱ ni̱ xaꞌa̱n na̱ti̱a̱ i̱ nuu̱ꞌ i̱, te̱ ni̱ nuni̱a̱ꞌ ndu̱chiꞌ nuu̱ꞌ i̱ ―ni̱ kachi̱ ra̱.

12
00:02:19,820 --> 00:02:30,420
Sa̱kanꞌ te̱ ni̱ nda̱tuꞌu̱nꞌ ña̱ꞌaꞌ ni̱a̱ ndii: ―¿Miiꞌ yoo te̱ ja̱a̱nꞌ? ―ni̱ kachi̱ ni̱a̱. Te̱ ni̱ na̱kui̱i̱n ra̱ nuu̱ꞌ ni̱a̱ ndii: ―Xïní i̱ ―ni̱ kachi̱ ra̱.

13
00:02:30,420 --> 00:02:34,990
Te̱ ni̱ xan ndi̱a̱ka̱ ne̱ yivi̱ꞌ te̱ ni̱ nduu̱ te̱ kuiꞌe nuu̱ꞌ ja̱a̱nꞌ nuu̱ꞌ te̱ fariseo.

14
00:02:34,990 --> 00:02:41,490
Te̱ kivi̱ꞌ sábado, ña̱ xina̱ndiee̱ꞌ ne̱ yivi̱ꞌ, ni̱ xa̱ꞌa̱ Jesús ndeꞌi̱, te̱ ni̱ nu̱niaꞌ a̱ ndu̱chiꞌ nuu̱ꞌ te̱ ja̱a̱nꞌ.

15
00:02:41,490 --> 00:02:56,880
Sa̱kanꞌ na kuiiꞌ ni̱ nda̱tuꞌu̱nꞌ tu̱ ña̱ꞌaꞌ te̱ fariseo ja̱a̱nꞌ sa̱a̱ ni̱ xa̱a̱ a̱, te̱ ni̱ nuni̱a̱ꞌ ndu̱chiꞌ nuu̱ꞌ ra̱. Te̱ ni̱ kaꞌa̱n te̱ ja̱a̱nꞌ ndii: ―Ni̱ sa̱ka̱ꞌ ra̱ ndeꞌi̱ ndu̱chiꞌ nuu̱ꞌ i̱, te̱ ni̱ na̱ti̱a̱ i̱ nuu̱ꞌ i̱, te̱ ku̱vi̱ xitoꞌ i̱ vi̱ti̱n ―ni̱ kachi̱ ra̱.

16
00:02:56,880 --> 00:03:20,510
Sa̱kanꞌ na ni̱ kaꞌa̱n sa̱va̱ te̱ fariseo ja̱a̱nꞌ ndii: ―Te̱ ni̱ xa̱a̱ ña̱ kaa̱ꞌ ndii, süu̱ꞌ kuenta Ndiosí nduuꞌ ra̱, sa̱kanꞌ ña̱ xaꞌnú ra̱ kivi̱ꞌ sábado, ña̱ xina̱ndiee̱ꞌ e̱ꞌ ―ni̱ kachi̱ ra̱. Te̱ sa̱va̱ tu̱ku̱ ra̱ kaꞌán ndii: ―Naaꞌ te̱ ndisoꞌ kua̱chi̱ nduuꞌ ra̱ ndii, kü̱vi̱ sa̱a̱ ra̱ chu̱u̱n kaꞌnuꞌ ña̱ xaaꞌ ra̱ ja̱a̱nꞌ ―ni̱ kachi̱ ra̱. Xaꞌa̱ꞌ a̱ ja̱a̱nꞌ na nï̱ nakuitá kuento ra̱.

17
00:03:20,510 --> 00:03:35,860
Sa̱kanꞌ na ni̱ nda̱tuꞌu̱nꞌ tukuuꞌ ra̱ te̱ ni̱ nduu̱ te̱ kuiꞌe nuu̱ꞌ ja̱a̱nꞌ ndii: ―¿Yo̱o̱ nduuꞌ te̱ ni̱ nu̱niaꞌ ndu̱chiꞌ nuu̱ꞌ u̱nꞌ ja̱a̱nꞌ, tuu u̱nꞌ? ―ni̱ kachi̱ ra̱. Te̱ ni̱ na̱kui̱i̱n ra̱ ndii: ―I̱i̱n te̱ kaꞌán tiakú tu̱ꞌu̱n Ndiosí nduuꞌ ra̱ ―ni̱ kachi̱ ra̱.

18
00:03:35,860 --> 00:03:44,150
Ndisu̱ te̱ judío, te̱ sanaꞌmá ña̱ꞌaꞌ ja̱a̱nꞌ ndii, nï̱ ka̱ndi̱xaꞌ ra̱ naaꞌ te̱ kuiꞌe nuu̱ꞌ ni̱ nduu̱ te̱ ja̱a̱nꞌ. Sa̱kanꞌ na kuiiꞌ ni̱ ka̱na̱ ra̱ yu̱vaꞌ si̱ꞌiꞌ te̱ ja̱a̱nꞌ,

19
00:03:44,150 --> 00:03:55,480
te̱ ni̱ nda̱tuꞌu̱nꞌ ña̱ꞌaꞌ ra̱ ndii: ―¿Ñáá siꞌe̱ ndoꞌó nduuꞌ te̱ yo̱ꞌo̱ꞌ, te̱ kaꞌán ndo̱ꞌ ni̱ tuvi̱ kuiꞌe ndu̱chiꞌ nuu̱ꞌ? Naaꞌ sa̱kanꞌ ndii, ¿sa̱a̱ ku̱vi̱ xtoꞌniꞌ ra̱ vi̱ti̱n? ―ni̱ kachi̱ ra̱.

20
00:03:55,480 --> 00:04:06,900
Te̱ ni̱ na̱kui̱i̱n yu̱vaꞌ si̱ꞌiꞌ te̱ ja̱a̱nꞌ ndii: ―Xiní ndu̱ ndii, siꞌe̱ ndu̱ nduuꞌ te̱ kaa̱ꞌ, tákuiꞌe. Te̱ xiní tu̱ ndu̱ ña̱ te̱ kuiꞌe ndu̱chiꞌ nuu̱ꞌ nduuꞌ ra̱ ni̱ tuvi̱ ra̱.

21
00:04:06,900 --> 00:04:23,520
Ndisu̱ xïní ndu̱ sa̱a̱ ni̱ xa̱a̱ a̱, te̱ ku̱vi̱ xitoꞌ ra̱ vi̱ti̱n, ni̱ nde̱e̱ xïní tu̱ ndu̱ yo̱o̱ ni̱ nu̱niaꞌ ndu̱chiꞌ nuu̱ꞌ ra̱. Nda̱tuꞌu̱nꞌ ndo̱ꞌ mi̱iꞌ ra̱, te̱ xi̱xa̱ nduuꞌ ra̱, ku̱vi̱ kaꞌa̱n ra̱ xiinꞌ ndo̱ꞌ yo̱o̱ ni̱ xa̱a̱ ña̱ ja̱a̱nꞌ ―ni̱ kachi̱ ni̱a̱.

22
00:04:23,520 --> 00:04:41,030
Ni̱ kaꞌa̱n yu̱vaꞌ si̱ꞌiꞌ ra̱ ña̱ ja̱a̱nꞌ xaꞌa̱ꞌ a̱ ña̱ yiꞌvi ni̱a̱ te̱ judío ja̱a̱nꞌ, sa̱kanꞌ ña̱ xa̱ ni̱ na̱ka̱ta̱ te̱ ja̱a̱nꞌ kuento ra̱ ña̱ naaꞌ yo̱o̱ ka̱ ndi̱e̱e̱ yu̱ꞌuꞌ ña̱ Jesús nduuꞌ Mesías, ña̱ sakakú ne̱ yivi̱ꞌ ndii, xta̱ꞌniꞌ xa̱chiꞌ ña̱ꞌaꞌ ra̱, te̱ kü̱ndu̱u̱ ka̱ ne̱ ja̱a̱nꞌ kuenta vi̱ꞌe̱ miiꞌ nakayá ne̱ yivi̱ꞌ ñu̱u̱ ja̱a̱nꞌ.

23
00:04:41,030 --> 00:04:48,900
Xaꞌa̱ꞌ a̱ ja̱a̱nꞌ na kuiiꞌ ni̱ kaꞌa̱n yu̱vaꞌ si̱ꞌiꞌ te̱ ja̱a̱nꞌ ndii: “Nda̱tuꞌu̱nꞌ ndo̱ꞌ mi̱iꞌ ra̱, te̱ xi̱xa̱ nduuꞌ ra̱”, ni̱ kachi̱ ni̱a̱.

24
00:04:48,900 --> 00:05:01,020
Sa̱kanꞌ te̱ ni̱ ka̱na̱ ra̱ te̱ ni̱ nduu̱ te̱ kuiꞌe nuu̱ꞌ ja̱a̱nꞌ i̱chiꞌ ña̱ uvi̱, te̱ ni̱ kaꞌa̱n ra̱ xiinꞌ ra̱ ndii: ―Ndiosí kuní a̱ ti̱i̱n kaꞌnuꞌ u̱nꞌ, sa̱kanꞌ ña̱ xiní ndu̱ ndii, i̱i̱n te̱ ndisoꞌ kua̱chi̱ nduuꞌ te̱ ja̱a̱nꞌ ―ni̱ kachi̱ ra̱.

25
00:05:01,020 --> 00:05:14,680
Sa̱kanꞌ te̱ ni̱ kaꞌa̱n te̱ ja̱a̱nꞌ xiinꞌ ra̱ ndii: ―Naaꞌ te̱ ndisoꞌ kua̱chi̱ nduuꞌ ra̱, xïní yuꞌu̱, i̱i̱n nda̱a̱ꞌ kui̱ti̱ꞌ ña̱ꞌa̱ xiní i̱ ndii, te̱ kuiꞌe nuu̱ꞌ ni̱ nduu̱ i̱, te̱ vi̱ti̱n ndii, ku̱vi̱ xtoꞌniꞌ i̱ ―ni̱ kachi̱ ra̱.

26
00:05:14,680 --> 00:05:23,850
Te̱ tu̱ku̱ ni̱ ni̱ kaꞌa̱n ra̱ xiinꞌ te̱ ja̱a̱nꞌ ndii: ―¿Ndee ña̱ ni̱ xa̱a̱ ra̱ xiinꞌ u̱nꞌ? ¿Sa̱a̱ ni̱ xa̱a̱ ra̱, te̱ ni̱ nu̱niaꞌ ra̱ ndu̱chiꞌ nuu̱ꞌ u̱nꞌ? ―ni̱ kachi̱ ra̱.

27
00:05:23,850 --> 00:05:38,100
Te̱ ni̱ kaꞌa̱n te̱ ja̱a̱nꞌ xiinꞌ ra̱ ndii: ―Xa̱ ni̱ kaꞌa̱n i̱ xiinꞌ ndo̱ꞌ, te̱ küni ka̱ndi̱xaꞌ ndo̱ꞌ. ¿Ndichun na kuni ku̱ni̱ so̱ꞌo̱ tu̱ku̱u̱ ndo̱ꞌ ña̱ xa̱ ni̱ kaꞌa̱n i̱? ¿Ñáá kuni ku̱ndiku̱n tu̱ ndoꞌó i̱chiꞌ te̱ ja̱a̱nꞌ? ―ni̱ kachi̱ ra̱.

28
00:05:38,100 --> 00:05:47,230
Sa̱kanꞌ te̱ ni̱ ka̱ni̱a̱ꞌa ra̱ xiinꞌ te̱ ja̱a̱nꞌ kaꞌán ra̱ ndii: ―Yoꞌó nduuꞌ te̱ ndikún i̱chiꞌ te̱ ja̱a̱nꞌ, ndisu̱ nduꞌu̱ ndii, te̱ ndikún i̱chiꞌ Moisés nduuꞌ ndu̱.

29
00:05:47,230 --> 00:05:55,750
Xiní ndu̱ ña̱ ni̱ kaꞌa̱n Ndiosí xiinꞌ Moisés, ndisu̱ te̱ ja̱a̱nꞌ ndii, xïní ndu̱ miiꞌ ni̱ ki̱e̱e̱ ra̱ ―ni̱ kachi̱ ra̱.

30
00:05:55,750 --> 00:06:04,790
Te̱ ni̱ kaꞌa̱n te̱ ja̱a̱nꞌ xiinꞌ ra̱ ndii: ―Ña̱ ja̱a̱nꞌ nduuꞌ ña̱ nandani̱ va̱ yuꞌu̱ ña̱ xïní ndoꞌó miiꞌ ni̱ ki̱e̱e̱ ra̱, ndisu̱ ni̱ sa̱ndaꞌa ra̱ ndu̱chiꞌ nuu̱ꞌ i̱.

31
00:06:04,790 --> 00:06:15,230
Xiní e̱ꞌ ndii, xäaꞌ Ndiosí kuenta ña̱ kaꞌán ne̱ ndisoꞌ kua̱chi̱, ndisu̱ xaaꞌ a̱ kuenta ña̱ kaꞌán ne̱ kiꞌinꞌ kaꞌnuꞌ ña̱ꞌaꞌ, te̱ xaaꞌ ni̱a̱ ña̱ kuní a̱.

32
00:06:15,230 --> 00:06:25,720
Nde̱e̱ ni̱ xi̱ka̱nduꞌu̱ꞌ i̱i̱n yivi̱ꞌ ndii, tïa̱ꞌan ku̱ni̱ e̱ꞌ kuento ña̱ ni̱ nu̱niaꞌ i̱i̱n te̱ yivi̱ꞌ ndu̱chiꞌ nuu̱ꞌ i̱i̱n ne̱ kuiꞌe ndu̱chiꞌ nuu̱ꞌ nde̱e̱ ni̱ tuvi̱ ni̱a̱.

33
00:06:25,720 --> 00:06:31,870
Naaꞌ süu̱ꞌ te̱ ni̱ ki̱e̱e̱ nuu̱ꞌ Ndiosí nduuꞌ te̱ ja̱a̱nꞌ ndii, kö̱o̱ꞌ xa̱chiꞌ a̱ ku̱vi̱ sa̱a̱ ra̱ ―ni̱ kachi̱ ra̱.

34
00:06:31,870 --> 00:06:45,150
Te̱ ni̱ kaꞌa̱n ra̱ xiinꞌ te̱ ja̱a̱nꞌ ndii: ―Yoꞌó, te̱ ndisoꞌ kua̱chi̱ nde̱e̱ ni̱ tuvi̱ u̱nꞌ, ¿yo̱o̱ nduuꞌ yoꞌó, tuu u̱nꞌ, na kuni sa̱niaꞌá u̱nꞌ nduꞌu̱? ―ni̱ kachi̱ ra̱. Sa̱kanꞌ te̱ ni̱ xta̱ꞌniꞌ xa̱chiꞌ ña̱ꞌaꞌ ra̱ vi̱ꞌe̱ miiꞌ nakayá ne̱ ñu̱u̱ ja̱a̱nꞌ.

35
00:06:45,150 --> 00:06:57,230
Ni̱ xi̱ni̱ Jesús kuento ña̱ ni̱ xta̱ꞌniꞌ ra̱ te̱ ja̱a̱nꞌ vi̱ꞌe̱ ja̱a̱nꞌ, te̱ kii̱ꞌ ni̱ xi̱ni̱ ña̱ꞌaꞌ a̱, te̱ ni̱ nda̱tuꞌu̱nꞌ ña̱ꞌaꞌ a̱ ndii: ―¿Ñáá i̱ni̱ u̱nꞌ xini u̱nꞌ ña̱ nduuꞌ siꞌe̱ Ndiosí? ―ni̱ kachi̱ a̱.

36
00:06:57,230 --> 00:07:04,290
Te̱ ni̱ kaꞌa̱n ra̱ xiinꞌ a̱ ndii: ―¿Yo̱o̱ nduuꞌ ña̱ ja̱a̱nꞌ, tákuiꞌe, te̱ i̱ni̱ i̱ ku̱ni̱ ña̱ꞌaꞌ i̱? ―ni̱ kachi̱ ra̱.

37
00:07:04,290 --> 00:07:12,420
Te̱ ni̱ kaꞌa̱n Jesús xiinꞌ ra̱ ndii: ―Xa̱ ni̱ xi̱ni̱ ña̱ꞌaꞌ u̱nꞌ, te̱ su̱vi̱ i̱ nduuꞌ ña̱ ndatuꞌunꞌ xiinꞌ u̱nꞌ vi̱ti̱n ―ni̱ kachi̱ a̱.

38
00:07:12,420 --> 00:07:19,860
I̱kanꞌ te̱, ni̱ kaꞌa̱n ra̱ xiinꞌ a̱ ndii: ―Tákuiꞌe, i̱ni̱ i̱ xini i̱ yoꞌó ―ni̱ kachi̱ ra̱. Te̱ ni̱ xa̱kaꞌnuꞌ ña̱ꞌaꞌ ra̱.

39
00:07:19,860 --> 00:07:34,610
Te̱ ni̱ kaꞌa̱n Jesús ndii: ―Ni̱ xa̱a̱ i̱ i̱i̱n yivi̱ꞌ yoꞌoꞌ, te̱ niaꞌa̱ ne̱ yivi̱ꞌ sa̱a̱ yoo nimá ni̱a̱ nuu̱ꞌ Ndiosí, sa̱kanꞌ te̱ nuni̱a̱ꞌ ndu̱chiꞌ nuu̱ꞌ ne̱ kuiꞌe nuu̱ꞌ, te̱ ne̱ tuu ña̱ tuviꞌ nuu̱ꞌ ni̱a̱ ndii, ku̱kuiꞌe nuu̱ꞌ ni̱a̱ ―ni̱ kachi̱ a̱.

40
00:07:34,610 --> 00:07:45,970
Te̱ ni̱ xi̱ni̱ so̱ꞌo̱ sa̱va̱ te̱ fariseo, te̱ itaꞌ ya̱ti̱n nuu̱ꞌ a̱ ja̱a̱nꞌ, ña̱ ni̱ kaꞌa̱n a̱, te̱ ni̱ kaꞌa̱n ra̱ ndii: ―¿Ñáá te̱ kuiꞌe nuu̱ꞌ nduuꞌ tu̱ nduꞌu̱, kachi u̱nꞌ? ―ni̱ kachi̱ ra̱.

41
00:07:45,970 --> 00:07:56,540
Te̱ ni̱ kaꞌa̱n a̱ xiinꞌ ra̱ ndii: ―Naaꞌ te̱ kuiꞌe nuu̱ꞌ nduuꞌ ndo̱ꞌ ndii, kö̱o̱ꞌ kua̱chi̱ ndo̱ꞌ, ndisu̱ xaꞌa̱ꞌ a̱ ña̱ kaꞌán ndo̱ꞌ ña̱ tuviꞌ nuu̱ꞌ ndo̱ꞌ ndii, yoo na yoo kua̱chi̱ ndo̱ꞌ.