1
00:00:05,000 --> 00:00:15,500
Kii̱ꞌ ni̱ na̱suku̱ vi̱koꞌ ña̱ xakaꞌnuꞌ ne̱ yivi̱ꞌ kivi̱ꞌ ña̱ ni̱ sa̱na̱kuaꞌa tu̱ku̱u̱ ni̱a̱ yu̱kunꞌ kaꞌnuꞌ nda̱ꞌaꞌ Ndiosí ndii, yoo̱ꞌ vi̱xi̱n nduuꞌ a̱.

2
00:00:15,500 --> 00:00:21,780
Te̱ xikaꞌ Jesús miiꞌ iinꞌ yu̱kunꞌ kaꞌnuꞌ vi̱ꞌe̱ ndiká xaꞌa̱ꞌ ña̱ na̱niꞌ yiꞌeꞌ Salomón.

3
00:00:21,780 --> 00:00:38,200
Sa̱kanꞌ te̱ ni̱ xi̱nu̱ndu̱u̱ ña̱ꞌaꞌ te̱ judío, te̱ kuuꞌ nu̱uꞌ, te̱ ni̱ nda̱tuꞌu̱nꞌ ña̱ꞌaꞌ ra̱ ndii: ―¿A̱ma̱ vi̱ꞌ kun ndi̱koꞌ ña̱ ndiatuꞌ ndu̱ xaaꞌ u̱nꞌ? Naaꞌ yoꞌó nduuꞌ Cristo, ña̱ sa̱kakú ne̱ yivi̱ꞌ ndii, kaꞌa̱n kaxiꞌ u̱nꞌ xiinꞌ ndu̱ ―ni̱ kachi̱ ra̱.

4
00:00:38,200 --> 00:00:47,140
Te̱ ni̱ kaꞌa̱n Jesús xiinꞌ ra̱ ndii: ―Xa̱ ni̱ kaꞌa̱n i̱ xiinꞌ ndo̱ꞌ te̱ kändixaꞌ ndo̱ꞌ. Chu̱u̱n kaꞌnuꞌ ña̱ xaaꞌ i̱ kuenta yu̱vaꞌ i̱ Ndiosí nduuꞌ ña̱ niaꞌá yo̱o̱ nduuꞌ i̱.

5
00:00:47,140 --> 00:00:53,390
Ndisu̱ ndoꞌó ndii, kändixaꞌ ndo̱ꞌ, sa̱kanꞌ ña̱ süu̱ꞌ mbe̱e̱ sana̱ i̱ nduuꞌ ndo̱ꞌ naa xa̱ ni̱ kaꞌa̱n i̱ xiinꞌ ndo̱ꞌ.

6
00:00:53,390 --> 00:01:00,640
Ne̱ nduuꞌ mbe̱e̱ sana̱ i̱ ndii, xini so̱ꞌo̱ ni̱a̱ tachi̱ꞌ i̱, te̱ yuꞌu̱ ndii, xiní ña̱ꞌaꞌ i̱, te̱ ndikún ni̱a̱ yuꞌu̱.

7
00:01:00,640 --> 00:01:08,360
Te̱ taxiꞌ i̱ kivi̱ꞌ ñu̱u̱ ni̱a̱ ña̱ kö̱o̱ꞌ kivi̱ꞌ ndiꞌiꞌ, te̱ kö̱o̱ꞌ tu̱ kivi̱ꞌ ku̱vi̱ ni̱a̱, ni̱ nde̱e̱ kö̱o̱ꞌ tu̱ ku̱vi̱ tu̱ꞌu̱n tu̱ ña̱ꞌaꞌ nda̱ꞌaꞌ i̱.

8
00:01:08,360 --> 00:01:16,390
Te̱ yu̱vaꞌ i̱, ña̱ ni̱ ta̱xi̱ ne̱ ja̱a̱nꞌ nda̱ꞌaꞌ i̱, nduuꞌ ña̱ kaꞌnuꞌ ka̱ te̱ sa̱kanꞌ sa̱kuuꞌ ña̱ yoo, te̱ kö̱o̱ꞌ ku̱vi̱ tu̱ꞌu̱n ña̱ꞌaꞌ nda̱ꞌaꞌ a̱.

9
00:01:16,390 --> 00:01:21,470
Yuꞌu̱ xiinꞌ yu̱vaꞌ i̱ Ndiosí ndii, i̱i̱n nda̱a̱ꞌ nduuꞌ ndu̱ ―ni̱ kachi̱ a̱.

10
00:01:21,470 --> 00:01:25,680
Te̱ tu̱ku̱ sa̱kanꞌ ni̱ ki̱ꞌi̱n te̱ judío ja̱a̱nꞌ yuu̱ꞌ te̱ ku̱u̱n yuu̱ꞌ ña̱ꞌaꞌ ra̱.

11
00:01:25,680 --> 00:01:37,560
Te̱ ni̱ kaꞌa̱n Jesús xiinꞌ ra̱ ndii: ―Kuaꞌa̱ꞌ yaꞌa̱ chu̱u̱n va̱ꞌa̱ ni̱ xa̱a̱ i̱ kuenta yu̱vaꞌ i̱ nuu̱ꞌ ndo̱ꞌ te̱ ku̱ni̱ ndo̱ꞌ. ¿Xaꞌa̱ꞌ ndee chu̱u̱n ja̱a̱nꞌ kuni ku̱u̱n yuu̱ꞌ ndo̱ꞌ yuꞌu̱? ―ni̱ kachi̱ a̱.

12
00:01:37,560 --> 00:01:51,050
Te̱ ni̱ na̱kui̱i̱n te̱ judío ja̱a̱nꞌ ndii: ―Süu̱ꞌ xaꞌa̱ꞌ nde̱e̱ i̱i̱n ña̱ ja̱a̱nꞌ kuni ku̱u̱n yuu̱ꞌ ndu̱ yoꞌó, süu̱ꞌ ja̱a̱nꞌ ndii xaꞌa̱ꞌ a̱ ña̱ kani̱a̱ꞌa u̱nꞌ xaꞌa̱ꞌ Ndiosí, sa̱kanꞌ ña̱ te̱ yivi̱ꞌ kui̱ti̱ꞌ nduuꞌ u̱nꞌ, te̱ ndasanduuꞌ xiinꞌ miiꞌ mi̱iꞌ u̱nꞌ Ndiosí ―ni̱ kachi̱ ra̱.

13
00:01:51,050 --> 00:02:00,930
Te̱ ni̱ kaꞌa̱n Jesús xiinꞌ ra̱ ndii: ―Na̱ka̱ꞌanꞌ ndo̱ꞌ ña̱ yoso̱ꞌ nuu̱ꞌ tu̱ꞌu̱n nde̱iꞌ Ndiosí miiꞌ kaꞌán a̱ ndii: “Yuꞌu̱ ni̱ kaꞌa̱n ndii, ndiosí nduuꞌ ndo̱ꞌ”, kachi̱ a̱.

14
00:02:00,930 --> 00:02:08,620
Mi̱iꞌ Ndiosí ni̱ kaꞌa̱n ña̱ ndiosí nduuꞌ ne̱ ni̱ xi̱ni̱ so̱ꞌo̱ tu̱ꞌu̱n a̱ ja̱a̱nꞌ, kö̱o̱ꞌ ku̱vi̱ xkaꞌndi̱a̱ ndo̱so̱ꞌ ña̱ yoso̱ꞌ nuu̱ꞌ tu̱tu̱ ja̱a̱nꞌ.

15
00:02:08,620 --> 00:02:19,010
Te̱ yuꞌu̱ ndii, Ndiosí ni̱ sakuisoꞌ chuunꞌ yuꞌu̱, te̱ ni̱ ti̱ꞌviꞌ a̱ yuꞌu̱ i̱i̱n yivi̱ꞌ yoꞌoꞌ, sa̱kanꞌ na kuiiꞌ, ¿ndichun kaꞌán ndo̱ꞌ ña̱ kani̱a̱ꞌa i̱ xaꞌa̱ꞌ a̱ xaꞌa̱ꞌ a̱ ña̱ kaꞌán i̱ ña̱ siꞌe̱ a̱ nduuꞌ i̱?

16
00:02:19,010 --> 00:02:22,930
Naaꞌ xäaꞌ i̱ chu̱u̱n kuenta yu̱vaꞌ i̱ ndii, kä̱ndi̱xaꞌ ndo̱ꞌ.

17
00:02:22,930 --> 00:02:36,970
Ndisu̱ naaꞌ xaaꞌ i̱ ña̱ ja̱a̱nꞌ ndii, tee̱ꞌ ndee tïa̱ꞌan ka̱ndi̱xaꞌ ndo̱ꞌ ndii, ka̱ndi̱xaꞌ ndo̱ꞌ ña̱ chu̱u̱n Ndiosí nduuꞌ a̱. Te̱ sa̱kanꞌ ku̱nda̱ni̱ ndo̱ꞌ, te̱ ka̱ndi̱xaꞌ ndo̱ꞌ ña̱ yooꞌ yu̱vaꞌ i̱ Ndiosí xiinꞌ i̱, te̱ yoo tu̱ yuꞌu̱ xiinꞌ a̱ ―ni̱ kachi̱ a̱.

18
00:02:36,970 --> 00:02:43,720
Sa̱kanꞌ na ni̱ xika̱ tu̱ku̱u̱ ra̱ ti̱i̱n ña̱ꞌaꞌ ra̱, ndisu̱ ni̱ kaku̱ a̱ nda̱ꞌaꞌ ra̱, te̱ ni̱ ke̱ta̱ a̱ kuaꞌa̱n a̱.

19
00:02:43,720 --> 00:02:52,480
Te̱ kuaꞌa̱n ni̱ tu̱ku̱u̱ a̱ tu̱ku̱ taꞌviꞌ i̱ti̱a̱ Jordán miiꞌ ni̱ sa̱kuchiꞌ Juan ne̱ yivi̱ꞌ kuenta Ndiosí ña̱ nu̱uꞌ, te̱ ni̱ ndoo̱ a̱ i̱kanꞌ.

20
00:02:52,480 --> 00:03:06,470
Te̱ kuaꞌa̱ꞌ ne̱ yivi̱ꞌ ni̱ ki̱xi̱n nuu̱ꞌ a̱ te̱ kaꞌán ni̱a̱ ndii: ―Tee̱ꞌ ndee nï̱ xaaꞌ Juan nde̱e̱ i̱i̱n chu̱u̱n kaꞌnuꞌ, ndisu̱ sa̱kuuꞌ ña̱ ni̱ kaꞌa̱n ra̱ xaꞌa̱ꞌ te̱ kaa̱ꞌ ndii, ña̱ ndi̱xa̱ nduuꞌ a̱ ―ni̱ kachi̱ ni̱a̱.

21
00:03:06,470 --> 00:03:11,080
Te̱ kuaꞌa̱ꞌ ni̱a̱ ni̱ i̱ni̱ xi̱ni̱ Jesús i̱kanꞌ.