1
00:00:05,000 --> 00:00:17,920
Kii̱ꞌ ndi̱ꞌi̱ ni̱ kaꞌa̱n Jesús xiinꞌ Ndiosí, te̱ ni̱ ke̱ta̱ a̱ kuaꞌa̱n a̱ xiinꞌ te̱ nda̱ꞌaꞌ xaꞌa̱ꞌ a̱ tu̱ku̱ taꞌviꞌ yivi̱ꞌ ña̱ na̱niꞌ Cedrón. Te̱ ni̱ sko̱ꞌnuꞌ a̱ xaꞌa̱ꞌ i̱i̱n ña̱ ta̱ta̱ ña̱ kanduꞌu̱ꞌ i̱kanꞌ xiinꞌ te̱ nda̱ꞌaꞌ xaꞌa̱ꞌ a̱ ja̱a̱nꞌ.

2
00:00:17,920 --> 00:00:29,060
Te̱ xiní tu̱ Judas, te̱ xitoꞌ sa̱na̱kuaꞌa ña̱ꞌaꞌ nda̱ꞌaꞌ te̱ kuuꞌ kaꞌnuꞌ, miiꞌ kanduꞌu̱ꞌ ña̱ ta̱ta̱ ja̱a̱nꞌ, sa̱kanꞌ ña̱ kuaꞌa̱ꞌ va̱ i̱chiꞌ ni̱ ndu̱i̱i̱n Jesús i̱kanꞌ xiinꞌ te̱ nda̱ꞌaꞌ xaꞌa̱ꞌ a̱ ja̱a̱nꞌ.

3
00:00:29,060 --> 00:00:46,060
Sa̱kanꞌ na ni̱ xa̱a̱ Judas ja̱a̱nꞌ i̱kanꞌ xiinꞌ i̱i̱n ti̱ꞌvi̱ te̱ xíinꞌ, te̱ ni̱ xa̱a̱ tu̱ te̱ xíinꞌ, te̱ xitoꞌ yu̱kunꞌ kaꞌnuꞌ. Te̱ te̱ ja̱a̱nꞌ ndii, sutu̱ kuuꞌ nu̱uꞌ xiinꞌ te̱ fariseo ni̱ ti̱a̱nu̱ꞌ ña̱ꞌaꞌ. Te̱ ndisoꞌ ra̱ ka̱a̱ tuún xiinꞌ choon tuún a̱ nuu̱ꞌ ra̱, te̱ ndisoꞌ tu̱ ra̱ ichi̱.

4
00:00:46,060 --> 00:00:56,580
Te̱ Jesús ndii, xa̱ xiní ndo̱o̱ a̱ ndee ña̱ ku̱ndo̱ꞌo̱ a̱, sa̱kanꞌ na ni̱ ku̱ya̱ti̱n a̱ nuu̱ꞌ ra̱, te̱ ni̱ nda̱tuꞌu̱nꞌ ña̱ꞌaꞌ a̱ ndii: ―¿Yo̱o̱ nandukuꞌ ndo̱ꞌ? ―ni̱ kachi̱ a̱.

5
00:00:56,580 --> 00:01:10,420
Te̱ ni̱ na̱kui̱i̱n ra̱ nuu̱ꞌ a̱ ndii: ―Jesús, te̱ ñu̱u̱ Nazaret ―ni̱ kachi̱ ra̱. Te̱ ni̱ kaꞌa̱n a̱ xiinꞌ ra̱ ndii: ―Yuꞌu̱ nduuꞌ i̱ ―ni̱ kachi̱ a̱. Te̱ i̱kanꞌ iinꞌ tu̱ Judas, te̱ sa̱na̱kuaꞌa ña̱ꞌaꞌ nda̱ꞌaꞌ te̱ ja̱a̱nꞌ.

6
00:01:10,420 --> 00:01:16,740
Te̱ kii̱ꞌ ni̱ kaꞌa̱n a̱ xiinꞌ ra̱: “Yuꞌu̱ nduuꞌ i̱”, ndii, ni̱ na̱ndi̱koꞌ xataꞌ ra̱, te̱ ni̱ ndu̱va̱ ndo̱o̱ ra̱ ñu̱ꞌuꞌ.

7
00:01:16,740 --> 00:01:29,100
Sa̱kanꞌ te̱ tu̱ku̱ ni̱ ni̱ nda̱tuꞌu̱nꞌ ña̱ꞌaꞌ a̱ ndii: ―¿Yo̱o̱ nandukuꞌ ndo̱ꞌ? ―ni̱ kachi̱ a̱. Te̱ ni̱ na̱kui̱i̱n tu̱ku̱u̱ ra̱ nuu̱ꞌ a̱ ndii: ―Jesús, te̱ ñu̱u̱ Nazaret ―ni̱ kachi̱ ra̱.

8
00:01:29,100 --> 00:01:37,780
Te̱ ni̱ kaꞌa̱n a̱ xiinꞌ ra̱ ndii: ―Xa̱ ni̱ kaꞌa̱n i̱ xiinꞌ ndo̱ꞌ ña̱ yuꞌu̱ nduuꞌ i̱. Naaꞌ yuꞌu̱ nandukuꞌ ndo̱ꞌ ndii, ta̱xi̱ ndo̱ꞌ na kuꞌu̱n te̱ yo̱ꞌo̱ꞌ ―ni̱ kachi̱ a̱.

9
00:01:37,780 --> 00:01:45,540
Ni̱ kaꞌa̱n a̱ sa̱kanꞌ te̱ xinu̱ ña̱ xa̱ ni̱ kaꞌa̱n a̱ ndii: “Te̱ ni̱ ta̱xi̱ u̱nꞌ nda̱ꞌaꞌ i̱ ndii, nde̱e̱ i̱i̱n ra̱ nï̱ ndo̱ñuꞌuꞌ”, ni̱ kachi̱ a̱.

10
00:01:45,540 --> 00:01:55,740
Sa̱kanꞌ te̱ ni̱ xta̱ꞌniꞌ Simón Pedro ichi̱ ra̱ ti̱xi̱n i̱i̱nꞌ, te̱ ni̱ xa̱ꞌndi̱a̱ ra̱ so̱ꞌo̱ kua̱ꞌa̱ i̱i̱n te̱ naniꞌ Malco, te̱ xikaꞌ nuuꞌ nuu̱ꞌ sutu̱ kaꞌnuꞌ.

11
00:01:55,740 --> 00:02:09,760
Sa̱kanꞌ te̱ ni̱ kaꞌa̱n Jesús xiinꞌ Pedro ndii: ―Ta̱xa̱ꞌa̱ u̱nꞌ ichi̱ u̱nꞌ ti̱xi̱n i̱i̱nꞌ a̱, sa̱kanꞌ ña̱ naaꞌ yu̱vaꞌ i̱ ni̱ ta̱xi̱ ña̱ ku̱ndo̱ꞌo̱ i̱ tu̱ndoꞌo̱ꞌ chie̱ yoꞌoꞌ, ña̱ nduuꞌ nde̱e̱ naa ti̱kui uva̱ ndii, ¿ñáá xanini u̱nꞌ ña̱ xätaꞌa̱n ku̱ndo̱ꞌo̱ e̱? ―ni̱ kachi̱ a̱.

12
00:02:09,760 --> 00:02:19,200
Sa̱kanꞌ te̱ sa̱kuuꞌ te̱ xíinꞌ, xiinꞌ te̱ xaꞌndia chuunꞌ nuuꞌ ra̱, xiinꞌ te̱ xíinꞌ judío, te̱ xitoꞌ yu̱kunꞌ kaꞌnuꞌ ndii, ni̱ ti̱i̱n ra̱ Jesús, te̱ ni̱ sa̱tiín ña̱ꞌaꞌ ra̱.

13
00:02:19,200 --> 00:02:27,360
Te̱ xi̱ꞌna̱ ka̱ nuu̱ꞌ Anás ni̱ xan ndi̱a̱ka̱ ña̱ꞌaꞌ ra̱, sa̱kanꞌ ña̱ ti̱so̱ Caifás nduuꞌ te̱ ja̱a̱nꞌ, te̱ Caifás ja̱a̱nꞌ nduuꞌ sutu̱ kaꞌnuꞌ kuiya̱ ja̱a̱nꞌ.

14
00:02:27,360 --> 00:02:37,140
Te̱ Caifás ja̱a̱nꞌ nduuꞌ te̱ ni̱ kaꞌa̱n xiinꞌ te̱ kuuꞌ kaꞌnuꞌ nuu̱ꞌ ne̱ judío ña̱ va̱ꞌa̱ ka̱ i̱i̱n nda̱a̱ꞌ kui̱ti̱ꞌ te̱ yivi̱ꞌ ku̱vi̱ xaꞌa̱ꞌ sa̱kuuꞌ ne̱ ñu̱u̱ ra̱.